Kínaplágur og heimsveldi
30.3.2020 | 22:59
Enn ein Kínaplágan herjar nú. Í Kína er þéttbýli (3200 á ferkílómetra í veiruhéraðinu, varla 4 á Íslandi) og víða frumstætt hreinlæti, fjölbreytt lífríki og mikið dráp og át á alls kyns dýrum. Það er nú orðið ljóst að ekki er hægt að treysta því að Kína geti hamið plágurnar eða varað heimsbyggðina við í tæka tíð. Mesta vá mannkyns
En Kínverjar reka líka útþenslustefnu í iðnaði, viðskiptum og stjórnmálum. Þeir vilja áhrif á heimsvísu, í Afríku, Norðurskautinu, Evrópu. Þeir eru þegar búnir að slá út stóran hluta iðnaðar Vesturlanda með kúgun og þrælahaldi 1.438.000.000 eigin þegna.
Donald Trump hefur að mestu staðið einn þjóðarleiðtoga gegn yfirgangi Kína. Niðurrifsöflin berjast gegn honum en hann er kjarkmaður og skilur hvert stefnir, aðrir vestrænir leiðtogar eru flestir gufur. Missir stórs hluta atvinnufyrirtækjanna, og nú líka dauði þúsunda manna, kallar á að leiðtogarnir fari að hugsa um sína eigin þegna eins og Trump gerir. Og fari að standa fast gegn heimsvaldagræðgi, kúgun, dýraníði og plágum.
Stjórnmál og samfélag | Breytt 31.3.2020 kl. 01:01 | Slóð | Facebook | Athugasemdir (1)
Persónuverndarlög hefta vísindi
28.3.2020 | 13:47
Persónuverndarlögin og Persónuvernd ("íslensk" stofnun), dýrkeypt brot á íslenskum lögum, standa í vegi fyrir vísindastarfi:
"Við fengum bréf þar sem okkur var veitt leyfi sem bendir til þess að þeir sem þar vinna hafi ekki hugmynd um hvað þeir eru að gera-"
Kári Stefánsson: Mannfyrirlitning
Við þurfum nýsköpun
26.3.2020 | 13:04
Stjórnvaldsaðgerðir vegna plágunnar eyðileggja fyrirtæki og atvinnu. Við þurfum sjálfstæði frá alræðisbáknum sem neyða aðgerðum upp á okkur. Og við þurfum nýsköpun til enduruppbyggingar. Vandamálið er að það vantar gróðurmold fyrir skapandi Íslendinga: Stjórnvöld skortir þekkingu á forsendum nýsköpunar. Stjórnvaldsaðgerðir hafa verið rangar og of margar og vald ESB hefur bitnað á viðskiptum, orkumálum, "umhverfismálum", utanríkismálum, atvinnusköpun og nú síðast heilbrigðismálum. Skattar eru of miklir, kvaðir eru of margar. Það vantar öfluga áhættufjárfesta. Verstu hindranirnar fyrir nýsköpun eru EES reglugerðastaflarnir.
Hvaða skref er hægt að taka til að efla íslenska nýsköpun?
"Númer 1, 2 og 3 er einfaldara regluverk" (Helga Viðarsdóttir í viðtali við Fréttablaðið 25.3.2020)
Regluverk EES gerir íslensk fyrirtæki ósamkeppnishæf
Evrópumál | Breytt s.d. kl. 14:08 | Slóð | Facebook | Athugasemdir (1)
Eftir faraldurinn
24.3.2020 | 16:35
Ógnir mannkyns voru djöfullinn, reiði guðs og galdranornir. Svo bættust kjarnorkuvetur og hlýnun loftslags við. En hinar raunverulegu ógnir hafa alltaf verið kuldi, stríð og plágur. Flensur leggja hálfa milljón í gröfina árlega, yfir 15 milljónir ef allir faraldrar eru taldir með. Nýlegar veirur, SARS of MERS, hefur verið hægt að hemja sæmilega en síðasta Kínaveiran, Covid 19, slapp út. Alræðisvaldabákn Sameinuðu þjóðanna (Alþjóða heilbrigðisstofnunin, WHO) og Kína steinþögðu þar til læknir þar afhjúpaði yfirhylmingarnar. Of seint. Mesta vá mannkyns
Kínafaraladurinn nú hefur orðið til þess að raunsæir menn hafa áttað sig á hvað það er sem ógnar mannkyninu. Þjóðir hafa ákveðið að setja fjárfúlgur í baráttuna við faraldurinn. Afleiðingarnar og skuldirnar verða þungur baggi að bera inn í framtíðina sem gleypir skatttekjur þjóða. En það verður væntanlega til þess að ýmsar gerviógnir, sem óupplýstir stjórnmálamenn hafa ætlað að eyða miklu skattfé í, munu falla úr tísku eða verða settar á hakann. Hlýnun loftslags er dýrasta gerviógnin og er von til að hún verði sett á bið nógu lengi til að skattgreiðendur átti sig á að þeir hafa verið hafðir að fíflum. Loftslagsvísindi hrjáð af fölsunum
Stjórnmál og samfélag | Breytt s.d. kl. 20:25 | Slóð | Facebook | Athugasemdir (0)
Mesta vá mannkyns
20.3.2020 | 14:31
Sjúkdómsfaraldrar eru mesta vá mannkyns. Innrás Marsbúa, loftsteinar og hlýnun loftslags eru tískufyrirbrigði sem gleymast. Útbreiðsla hættulegra sýkla hefur í aldanna rás lagt meirihluta heilla þjóða að velli, milljónir manna í einu.
Nú er sýkill kominn á stjá frá Kína og hefur sett allt á annan endann. Ekki í fyrsta skiptið, við misstum helming þjóðarinnar í einn fyrir sexhundrað árum en þessi er ekki eins vondur þó hann muni hafa slæm áhrif á líf og hag fólks. Vonandi verður í framtíðinni hægt að vinna með Kínverjum og stöðva útbreiðslu sýklanna snemma. Kínverjum hefur tekist að hemja þennan fjórum mánuðum eftir að hann byrjaði að herja.
https://www.frjalstland.is/2020/03/20/mesta-va-mannkyns/
Er EES samningurinn bara gluggaskraut?
19.3.2020 | 12:33
Hvar er nú myndugleiki ráðherranna íslensku, þora þeir að mótmæla brotum ESB á EES samningnum, eða er samningurinn bara gluggaskraut?
"Í morgun hafði Dynjandi samband bæði við utanríkisráðuneytið og atvinnumálaráðuneytið og greindi þeim frá stöðunni. Þorsteinn segir að þá hafi enginn vitað hver ætti að taka boltann. En ég trúi ekki öðru en íslensk stjórnvöld geri allt sem þau geta til að ýta einhverju í gang, segir Þorsteinn. Staðan kom þeim í opna skjöldu, að sögn Þorsteins."
Bloggar | Slóð | Facebook | Athugasemdir (0)
Plastpokabannið eykur smithættu
18.3.2020 | 23:11
ESB fyrirskipaði bann við plastpokum (EES-tilskipun no 2015/720) og Alþingi gleypti hana hráa og setti í lög (nr 34/2019). Bannið er eitt af nýlegum dæmum um tilskipanir sem eru í trássi við þekkt vísindi. Ávinningurinn er hégómlegur í samanburði við ávinninginn af notkun plastpoka við meðferð matvæla. Ofstæki ESB-báknsins í meintum "umhverfismálum" verður stöðugt hættulegra og fylgisspekt okkar varhugaverðari.
Endurnotanlegir burðarpokar taka á sig óhreinindi og bera smit eftir viðkomu við vörur, bekki, gólf og borð. Bréfpokar draga í sig óhreinindi og smit og dreifa auk þess óhreinindum frá matvöru sem lekur í þá. Plastpokarnir eru notaðir einu sinni og ryðja frá sér óhreinindum. Notkun plastpoka er öruggsata leiðin til hreinlætis og góðrar umgengni við meðferð og flutning matvæla. Plastpokarnir eru auk þess endurnýtanlegir og ákjósanlegir við t.d. sorphirðu.
Plastpokabannið er heimboð fyrir sýkla, það dregur úr góðum vinnubrögðum og hreinlæti við meðferð matvæla og eykur smitburð milli verslana og heimila. Plastpokarnir eru forsenda góðs hreinlætis og smitvarna, að banna þá er umhverfistrúarofstæki og aðför að lýðheilsunni.
https://www.city-journal.org/banning-single-use-plastic-bags-covid-19
Stjórnmál og samfélag | Breytt s.d. kl. 23:23 | Slóð | Facebook | Athugasemdir (0)
Loka Schengen!
17.3.2020 | 12:06
Miðstjórnin í Brussel fyrirskipar lokun landamæra Schengen. Það eru aldeilis tilþrif! Schengen hefur aldrei virkað, átti m.a. að stjórna innflutningi fólks en reyndist ónýtt til þess. (Líklega hefur miðstjórnin ekki heldur áttað sig á að Ísland hefur engin landamæri heldur afmarkast af hafi og lofti). En Ísland álpaðist með í Schengen sem þýðir að nú er okkur sagt að loka landinu þó að okkar heilbrigðisyfirvöld hafi ekki talið ávinning af því.
Það er mikil áhætta að láta miðstjórn ESB stjórna gerðum íslenskra heilbrigðisyfirvalda. Stjórnunaraðgerðir ESB byggja oft á undirmálsvísindum, tísku og óraunsæi meðan okkar heilbrigðsstjórnendur eru árangursmiðaðir fagmenn. Nágrannar okkar sem eru ekki með í Schengen, Bretar, Írar, Færeyingar og Grænlendingar, auk auðvitað Bandaríkjanna, Kanada og Rússlands, geta áfram stjórnað sér sjálfir meðan ESB stjórnar okkur eyjarskeggjunum.(Morgunblaðið 17.3.2020)
Evrópumál | Breytt s.d. kl. 13:16 | Slóð | Facebook | Athugasemdir (0)
Sigursælt heilbrigðiskerfi
15.3.2020 | 11:09
Við sem erum alltaf að kvarta yfir heilbrigðiskerfinu vitum ekki hvað átt hefur fyrr en misst hefur. Raunveruleikinn er sá að Ísland hefur lengi verið öfund umheimsins vegna óvenjulegs árangurs í heilbrigðismálum. Íslendingar eru meðal hraustustu þjóða heims. Við vorum snemma heimsmethafar í baráttunni við barnadauðann. Berklarnir voru upprættir. Stöðugum faröldrum hefur verið hægt að halda innan marka.
Okkar heilbrigðiskerfi er sjálfstætt og faglega þróað, okkar fólk lætur ekki leiða sig í upphlaup og æðibunugang heldur eru teknar sjálfstæðar ákvarðanir. Okkur er óhætt að fara að ráðum okkar heilbrigðisfólks, þau hafa löngum verið sigursæl í sínu starfi.
Schengen orðið dýrkeypt
13.3.2020 | 12:38
Bandaríkin banna nú ferðir fólks frá Schengensvæðinu inn til Bandaríkjanna, áður höfðu ferðir frá Kína verið takmarkaðar enda covid-faraldurin upprunninn þar.
Með Schengen ætlaði ESB að stjórna innflæði fólks til ESB. Það hefur mistekist hrapalega, kerfið hefur verið ónýtt í mörg ár og stjórnlaust innflæði alls kyns fóks hefur verið inn á svæðið. Nágrannar okkar, Bretar, Írar, Færeyingar og Grænlendingar höfnuðu aðild að Schengen en okkar stjórnvöld létu draga sig með eins og í flesta draumóra ESB og EES. Schengen óraunhæft
Eðlileg aðgerð Bandaríkjanna er því að loka á Schengenlöndin meðan covid-faraldurinn herjar. Ef Ísland hefði haft kjark til að standa utan Schengen, eins og okkar nágrannar með sjálfsvirðingu gerðu, væri Ísland ekki í banni Bandaríkjanna. Schengenmistökin hafa lengi verið okkur dýrkeypt en nú keyrir um þverbak.
Stjórnmál og samfélag | Breytt s.d. kl. 13:07 | Slóð | Facebook | Athugasemdir (2)
Við horfum máttlaus á niðurrifið
10.3.2020 | 21:23
Evrópumál | Breytt s.d. kl. 22:27 | Slóð | Facebook | Athugasemdir (0)
Allt í plati lög gegn landakaupum útlendinga
7.3.2020 | 12:33
Mannréttindadómstóllinn brúðuleikhús
5.3.2020 | 14:29
Stjórnmál og samfélag | Breytt s.d. kl. 14:43 | Slóð | Facebook | Athugasemdir (0)
Dýraníð vindmylluhagkerfisins
3.3.2020 | 13:03
Stjórnmál og samfélag | Breytt s.d. kl. 13:18 | Slóð | Facebook | Athugasemdir (1)