Kísilverksmiðja í gang

                                                                        Kísilmálmverksmiðjunni Helguvík var á sínum tíma lokað af Umhverfisstofnun, kvartanir bárust frá einhverjum Keflvíkingum sem fundu lykt ekki síst þegar vindur stóð á haf út og meint mengun hefði farið þangað! Lokun verksmiðjunnar var valdníðlsa, ekki var sannað að hún hefði farið yfir sett mengunarmörk.

EES-regluverkið um mengun frá iðnaði er flókið og óhnitmiðað en túlkað af geðþótta út fyrir ystu æsar af íslenskum stofnunum. Það hamlar iðnaðaruppbyggingu en í kísilmálmverksmiðjur er settur mengunarhreinsibúnaður sem tekur obbann af menguninni.

Mogginn segir að einhver hafi áhuga á að koma hinni verklausu kísilverksmiðju í gang (Mbl 18.4.2024) en hún er hönnuð og tækjavædd af einhverju stærsta fyrirtæki heims í tækni kísilmálmframleiðslu. Spurningin er hvort hægt verður að setja hana í gang meðan íslenska stofnanafarganið starfar eftir nöldurskjóðum og EES/ESB-regluverkinu sem þegar hefur flæmt stóran hluta af hráefnaiðnaði V-Evrópu burt.

Svo er það annað mál en farið er að eyða raforku þjóðarinnar í óþarfa í nafni orkuskipta og klefnishlutleysis í stað þess að nota orkuna til verðmætasköpunar. Meðal annarra heimskustrika fá menn nú umhverfisspillandi rafhlöðubíla með styrk frá skattgreiðendum meðan umhverfisvænstu bílarnir, sem nota ódýra, hagkvæma og umhverfisvæna orku bensíns og díselolíu, eru seldir með okursköttum og eldsneytið er selt á tvöföldu verði.

Vindmyllur ekki lengur í tísku

Andstaða gegn vind- og sólorkuverum er alþjóðleg og vaxandi, orkuverin eru óhagkvæm og byrði á sínum samfélögum þó umhverfisprelátar haldi öðru fram. Þau valda hljóðmengun, fuglameiðslum, mengunarslysum og eitruðum úrgangi og fleiri umhverfisspjöllum og valda oft rafmagnsleysi. Aðild Íslands að EES opnar á að fyrirtæki í Evrópusambandinu og þeirra umbar hér byggi og reki vindmylluver á Íslandi og fái styrki af almannafé.

Um allan heim er nú verið að hafna vind-og sólorkuverum.

Í Englandi hefur svo mörgum sólorkuverum verið hafnað að erfitt er að halda reiður á. Svæðisstjórnir í Cambridgeshire, Holbeach, Kent, Herefordshire og Coventry hafa hafnað sólorkuverum.

Í Bandaríkjunum hefur amk. 639 vind- og sólorkuverum verið hafnað síðan 2015.

Þeir einu sem vilja vindmyllur og sólarpanela eru umhverfistrúðarnir og fyrirtækin sem fá ríflega almannastyrki til að byggja og reka "grænu orkuverin"

https://www.frjalstland.is/2024/04/16/vaxandi-andstada-gegn-vindmyllum-og-solorkuverum/

 

Að drepa 100 lömb

Hvort er betra, að drepa 100 lömb eða einn hval? Þetta eru dýr með tilfinningar og gáfur, lömbin, grísirnir og kálfarnir, sem hafa svipaðar gáfur og hvalir, finna blóðlyktina eða heyra veinin í systkinum sínum sem verið er að slátra.

Það er ekkert gaman eða fallegt við að drepa dýr en kjötát hefur reynst ómögulegt að uppræta svo eina ráðið er að drepa dýrin sem sársaukaminnst. Og leyfa þeim að vera frjálsum meðan þau lifa.

Eitt af okkar ráðuneytum, sjávarútvegsráðuneytið, sem hefur verið púðrað upp og endurnefnt "matvælaráðuneytið", m.a. til þess að fela að það var sett undir stjórn fólks sem þykist vera að vernda umhverfið en er í raun sértrúarprelátar. Þeir brjóta landslög gegn fyrirtækjum í atvinnustarfsemi. En þeir starfa í skjóli vitmeiri manna í ríkisstjórn sem geta séð til þess að stjórnarráðið fari að lögum en ekki að hugarórum hjátrúarsöfnuða. https://www.mbl.is/200milur/frettir/2024/04/13/utsed_um_hvalveidar_i_sumar/

 

Máttlaus ríkisstjórn?

Nýja ríkisstjórnin verður vonandi ekki eins máttlaus og sú fyrri sem gat ekki varið þjóð sína fyrir

-okurálögum á flugfélög, skipafélög og iðnað

-dýrum og heftandi EES-tilskipunum

-stöðnun í uppbyggingu orkuvera og iðnaðar

-óframkvæmanlegu regluverki um orkuskipti og "kolefnishlutleysi"

-áframhaldandi rupli braskaranna úr Hruninu og sulti fórnarlamba þess

-stríðsþáttöku gegn landi sem "friðelskandi" Ísland á ekkert sökótt við-

-innflæði óþekktra þróunarlandabúa og EES-aðila

-vanhæfni um bóluefni og flensuviðbrögð

-færslu landareigna til útlendinga

-hnignun íslenskrar tungu

-siðmenningarlegri upplausn

-EES-samningnum og ósjálfstæði; stjórn Evrópusambandsins yfir Íslandi

-o.s.frv.

Nýja ríkisstjórnin fær nóg að gera ef hún ætlar að færa afleiðingarnar af máttleysi fyrri stjórnar til betri vegar.

EES-svelgurinn stækkar

Tilskipanavaldið (ESB) ætlar nú að heimta fé af þeim sem enn hafa sloppið við að borga fyrir losun gróðurhúsalofttegunda.

Íslensk stjórnvöld sjá um að koma EES-áþjáninni á.

Tilskipun 2023/859 fyrirskipar viðskiptakerfi "sem mun ná utanum losun frá byggingum, vegasamgöngum og viðbótargeirum"-. Þetta nýja kerfi, "ETS2-kerfið verður rekið samhliða ETS-kerfinu en losun frá því mun áfram reiknast sem samfélagslosun sem fellur undir svokallaða beina ábyrgð ríkja-"(ESR, nr 2018/842)

Skilji nú hver sem betur getur óráðssvamlið (skriffinnamálið) frá Brussel í íslenskri þýðingu! ETS-kerfið tottar fleiri og fleiri milljarða af íslenskum fyrirtækum í losunarkvótabrask, flugfargjöld hækka, vöruverð hækkar, útflutningstekjur minnka, fátæktin eykst eins og í ESB en ESB-braskarar fitna!

https://samradapi.island.is/api/Documents/ae7b1e88-47cf-ee11-9bc1-005056bcce7e

Útblástur koltvísýrings og hauglofts frá mannsathöfnum hefur ómælanleg áhrif á loftslag Jarðar. Stærstu bankar heims, sem létu áður vélast af græna fagurgalanum https://www.climateaction100.org/, eru nú að hætta að veita "grænum fjárfestingum" forgang. Þær borga sig ekki og bankamenn trúa ekki lengur á "grænu" blekkingarnar. https://www.theguardian.com/business/2024/mar/05/us-banks-leave-esg-finance-climate-crisis

West Virginaríki hefur bannað fjóra stóra banka frá þáttöku í verkefnum vegna andstöðu bankanna við jarðefnaeldsneytisiðnaðinn og þáttöku í ESG-stefnunni um "sjálfbærarar" fjárfestingar. https://www.foxbusiness.com/politics/west-virginia-cracks-down-on-major-banks-over-environmental-activism

En Evrópusambandið heimilar sínum stórmeðlimum að reka kola- og gasorkuver þó við eyjarskeggjarnir (sem álpuðumst til að láta lélegt (eða timbrað?) alþinig veita því vald hér) séum látnir blæða fyrir að nota eldsneyti.

Ríkisstjórn Íslands býður mönnum að gera athugasemdir við lagafrumvörp á Samráðsgátt https://island.is/samradsgatt/mal/3686 Það er blekkingaleikur, EES/ESB-tilskipunum er aldrei breytt, þær verða alltaf að lögum og reglugerðum með sama innihaldi og þegar þær komu frá Brussel (nema þær séu um skipaskurði, járnbrautir eða gasröralagnir), stundum er bætt við einhverjum óþarfa frá brjósti ESB-hermikráka hér.

 

Stríðsfélag 75 ára

Í mars fyrir 75 árum fóru forustumenn Sjálfstæðisflokks, Framsóknarflokks og Krataflokksins (Alþýðu-) til Washington á fundi með stríðsstjórum Bandaríkjanna. Stjórnmálamenn sem börðust fyrir hlutleysi og herleysi Íslands voru útilokaðir og skildir eftir heima. En þessir þrír létu draga Ísland inn í NATO án þess að spyrja þjóðina.

Þeir sögðust hafa fengið loforð um að ekki yrði herstöð á Íslandi á friðartímum og aðeins þegar Íslendingar sjálfir ákveddu. Þetta var að sjálfsögðu svikið eins og við var að búast. Hlutverk NATO átti að vera að efla heimsfriðinn og berjast gegn útþenslu Moskvu-kommúnistmans. Fagurgalinn  https://www.nato.int/cps/en/natohq/official_texts_17120.htm var eins og venjulga ekki alveg það sem varð. NATO var sett á af Bandaríkjunum af tilefni "járntjaldsræðu" Churchill og "Truman-kenningarinnar" sem urðu afsökun fyrir tilefnislausri hernaðarstefnu Bandaríkjanna gegn Ráðstjórnarríkjunum sem fyrir framan nefið á þeim höfðu sigrað Nasistmann og lagt undir sig Austur-Evrópu í herferðinni til Berlínar.  https://www.frjalstland.is/2024/03/30/ovinur-buinn-til/

Það voru götubardagar á Íslandi út af aðildinni að NATO sem var komið á með ólýðræðislegum hætti að undirlagi klíku þriggja stjórnmálamanna. Í Noregi og Danmörku urðu líka mótmæli. Þeir sem best þekktu til áttuðu sig á að NATO var ekki varnarbandalag 12 þjóða heldur hernaðarsamvinnufélag Bandaríkjanna til þess að fá óheftan aðgang að auðlindum og mörkuðum.

NATO hefur á sínum 75 ár ferli aldrei varið neinn eða neitt. NATO hefur ekki staðið fyrir friði, þvert á móti hefur NATO verið í hernaði og manndrápum oft af upplognu tilefni. NATO-lönd hafa tekið þátt í manndrápum Bandaríkjanna í Írak, Afganistan, Sýrlandi, Jemen, Libíu og fleiri Afríkulöndum. NATO hefur kastað sprengjum á Evrópuþjóð, Serbíu, og verið virkt í hernaði Kænugarðsstjórnarinnar gegn rússneskum íbúum Úkraínu frá 2014. NATO æsir nú til útvíkkaðs stríðs gegn Rússlandi sem hóf hernaðaríhlutun 2022 gegn árásum Kænugarðsstjórnarinnar á Donbas þar sem stór hluti íbúanna eru Rússar en þau svæði hafa á lýðræðislegan hátt ákveðið að sameinast Rússlandi.

NATO hefur þróast í stríðsfélag sem er hættulegt heimsfriðnum. Undirbúningur vaxandi stríðsrekstrar í Mið-Austurlöndum, Kína og Rússlandi er í fullum gangi í félagi við Evrópusambandið sem NATO hefur gleypt með skít og skinni.

NATO varð óþarft fyrir 33 árum þegar Ráðstjórnarríki kommúnismans voru leyst upp 1991 og ætluð þenslustefna hans þar með. NATO þarf að leysa upp áður en það veldur meiri manndrápum. https://www.frjalstland.is/2023/12/19/stridsundirbuningur/

ESB á kaf í mykju

Bændur Evrópusambandsins vilja ekki láta græna bölið verða til þess að þeir verði lagðir niður. https://www.frjalstland.is/2024/02/12/graena-bol-landbunadar-evropusambandsins/

Þeir mótmæla tilraunum sambandsins til að eyðileggja þeirra atvinnugrein með vitfirrtum "grænum" stefnumálum. Þeir mæta til Brussel og dæla mykju á Evrópusambandið.  https://www.youtube.com/watch?v=vwKGlJqmC2A

Lygalaupar of fljótir á sér

"ekkert bendir til þess nú að Úkraína hafi átt aðild að hryðjuverkinu í Moskvu-" segir aðstoðarlygalaupur Hvíta hússins þegar ódæðið var varla afstaðið. CIA og Hvíta húsið vissu af undirbúningi hryðjuverka í Moskvu fyrir nokkru. Hryðjuverkamennirnir voru ekki neinir hertir hryðjuverkamenn, rússneskir strákar meðal hljómleikagesta náðu einhverjum, tóku af þeim vopnin og börðu þá. Rússarnir náðu svo hryðjuverkamönnunum eftir ódæðið þegar þeir voru á leið til Úkraínu. Þeir höguðu sér ekki eins og hryðjuverkamenn og sögðu strax að þeim hefði verið borgað hálf milljón rúblur.

Það eru aðeins bandarísk og bresk stjórnvöld og leppar þeirra og auðmenn sem borga fyrir hryðjuvek af þessari tegund sem CIA, utanríkisráðuneytið, breska MI6 og ísraelska Mossad geta skipulagt og framkvæmt.

Lygalauparnir í Washington voru of fljótir á sér! Hryðjuverkamenn leita jafnan "heim" þegar þeir hafa lokið sínu ódæði, miðstöð hryðjuverka síðasta áratuginn gegn Rússum er hjá stjórn Úkraínu í Kænugarði og yfirstjórnin og fjármögnunin í Washington sem hefur alið á tilefnislausu Rússahatri í 77 ár.

https://english.almayadeen.net/news/politics/former-cia-analyst-suspects-washington-knew-about-the-attack

Bankakerfinu má bjarga

Þetta er klárt og málið leyst! Landsbankinn á pening og getur keypt hlut í Íslandsbanka af ríkinu og þarf ekki að fara að braska með einhver tryggingafélög!

Þá verður hægt með timanum að fækka bönkum og stækka Landsbankann og gera hann að öflugum 100% þjóðarbanka án áhrifa áhættusækinna "fjárfesta" sem mundu setja hann á hausinn fyrr eða síðar.

Bábiljuspekingar eru enn til sem vilja einkavinavæða helst allt sem ríkið á, þeir einkavinavæddu gömlu ríkisbankana og komu á regluverki EES sem saman rústaði bankakerfinu og skattgreiðendur fengu allt í fangið https://www.frjalstland.is/2023/10/08/hrunid-fimmtan-ara/ Og nú segja þeir að ríkið eigi að selja sinn hlut í bönkum og nota féð í "innviði".

Gáfnaljósin meðal þessara bábiljuspekinga eru ekki vitrari en svo að þeir átta sig ekki á að bankar eru með mikilvægari innviðum hvers lands. Stór banki í eigu ríkisins mundi leiðrétta á vissan hátt hina glæpsamlegu einkavæðingu bankakerfisins og efla uppbyggingu unga fólksins.

Einkavæðing bankanna var ein af verstu gerðum íslenskra stjórnmálamanna síðari tíma sem ásamt með lögleiðingu EES fór nærri því að setja Ísland í þrot. Þrátt fyrir að neyðarlög hafi tekið EES úr sambandi og Sigmundur Davíð hafi sigrað braskarana og bjargað ríkissjóði standa endursmíðuð bankaflökin og EES-áþjánin í vegi fyrir að unga fólkið geti byggt upp sinn efnahag, regluverkið er hannað fyrir staðnað og fátækt landsvæði ESB. https://www.frjalstland.is/2023/07/01/fataektarmenning/

Rússar öfundaðir

Vestrænir leiðtogar og falsfréttamiðlar eru svo öfundsjúkir út í Rússa fyrir skipulegar og lýðræðislegar kosningar að þeir gelta og froðufella eins og óðir hundar.

https://www.telegraph.co.uk/world-news/2024/03/18/ukraine-russia-war-latest-news2/

https://www.bbc.com/news/live/world-europe 68536879?src_origin=BBCS_BBC

https://edition.cnn.com/videos/world/2024/03/17/russia-voting-polls-defiance-putin-dougherty-nr-vpx.cnn

Rússar héldu lýðræðislegar kosningar undir stöðugum sprengjuárásum leppstjórnar Vesturlanda í Úkraínu og óhróðri vestrænna fjölmiðla og ráðamanna. Kosningarnar voru undir eftrliti kosningaeftirlitsmanna frá mörgum löndum.  Falsfréttamiðlarnir láta sem Navalny nokkur hafi verið útilokaður og drepinn en hefði líklega verið kosinn en vitað er að hann hafði hverfandi stuðning meðal Rússa sem þekktu hann sem þjóf og nýnasista sem fjármagnaður var af bandarískum undirróðursfélögum (s.s. NED, National Endowment for Democracy https://www.ned.org/). Hann átti að koma á valdaráni eins og Bandaríkjastjórn framdi í Úkraínu 2014.

Í helsta lýðræðisríkinu, sem að eigin sögn er Bandaríkin, er aftur á móti stundað umfangsmikið kosningasvindl í "lýðræðislegum kosningum", aðhlátursefni heimsbyggðarinnar. Þar vinna borgaðir erindrekar og embættismenn forsetans að því að stöðva mótframbjóðandann.

Ekki nema von að vestrænir leiðtogar, sem eru upp til hópa þrælar stórfyrirtækjaveldisins (og um leið vopnaframleiðenda) séu öfundsjúkir út í Vladimir Putin. Hann hefur á aldarfjórðungs ferli leitt Rússland úr hruni Ráðstjórnarríkjanna og afskiptum Bandaríkjanna sem komu fyllibyttu, Boris Yeltsin, í forsetastól Rússlands. Rússar eru löngu farnir að þekkja undirróðursöflin sem stöðugt eru að reyna að rífa niður þeirra samfélag. Þeir velja sér til forustu færa menn sem hafa reynslu af að berjst við vestrænu ófreskjuna.