Frelsið á afmæli

Maðurinn sem átti mestan þátt í að Ísland fékk frelsi frá Evrópuvaldinu, þá Danaveldi, á afmæli í dag, Jón Sigurðsson fæddist fyrir 214 árum. https://jonsigurdsson.is/ Þegar svo Evrópuveldin komu af stað enn einni heimsstyrjöldinni 128 árum eftir fæðingu Jóns, og urðu upptekin við að drepa fólk hvert fyrir öðru, fékk Ísland loks tækifærið að losa sig endanlega undan evrópsku yfirvaldi og endurreisa frelsið. Lýðveldið var stofnað á 133 ára afmæli Jóns, 17. júní 1944. https://www.althingi.is/lagas/nuna/1944033.html

 

Þessa erfiðu 7 alda langa bardaga hafa núverndi ráðamenn okkar greinilega ekki heyrt um. Ríkistjórnin vinnur nú að því að koma Íslandi kirfilega undir Evrópuvaldið. Og hefur nú líka komið af stað tilraunum til þess að koma Íslandi í nýja Evrópustyrjöld með gömlu stríðsþjóðunum.

Þetta eru svik við frelsishetjurnar sem háðu bardagann fyrrum og lýstu yfir sjálfstæði, frelsi og hlutleysi Íslendinga.

Lygar og draumórar lögfest

Ríkisstjórnin ætlar nú að búa til enn ein lög um "loftslagsmál" https://samradapi.island.is/api/Documents/ba161145-e83f-f011-9bcc-005056bcce7e , reyndar ekkert nýtt af nálinni, Evrópusambandið hefur sent Íslandi skæðadrífur af EES-tilskipunum um "loftslagsmál" síðan okkar stjórnvöld álpuðust til að "fara í samflot" með Evrópusambandinu í "loftslagsmálum" að óþörfu og vanþekkingu og setja "loftslagsmál" inn í EES-samninginn alræmda. https://www.frjalstland.is/skuldbindingar-islenskra-stjornvalda-um-losun-grodurhusalofttegunda/

Meðal markmiða laganna er að Ísland verði "kolefnishlutlaust" 2040, barnslegir draumórar fákunnugra skriffinna sem verða aldrei látnir sæta ábyrgð, líklega flestir orðnir ESB-pensionistar og fluttir í hlýjuna á Spáni þegar kolefnishlutlausi dagurinn rennur upp! Það veður reyndar aldrei, kolefnissamböndin endurnýjast í hringrásarkerfi Jarðarinnar sjálfrar og verða alltaf bestu orkugjafar manna, heimskir valdamenn Evrópusambandsins eða Íslands geta ekki breytt því.

Lesendum Frjáls lands er orðið kunnugt að "loftslagsmál" eru hitafari jarðarinnar óviðkomandi, áhrif gróðushúsalofttegundanna (koltvísýrings, hauglofts) á hitafar Jarðarinnar eru mettuð, meira af lofttegundunum í loftinu breytir lofthitanum hverfandi lítið þó við hér á Klakanum getum alltaf vonað að falsspámennirnir hafi eitthvað til síns máls! https://www.frjalstland.is/loftslagsvisindi-hrjad-af-folsunum/

Ógurleg hlýindi

-"óhjákvæmilegt að 39% jökla jarðar bráðni-" jafnvel þótt takist að standa við Parísarsamkomulagið, ef ekki þá bráðna 75% jöklanna!

https://www.mbl.is/frettir/innlent/2025/06/01/39_prosent_jokla_jardarinnar_munu_bradna/

Þetta er haft eftir "vísindatímaritinu" Science. Rullan er kunnugleg, hefur hljómað í meir en 4 áratugi án þess að sýna nokkur merki um að rætast. Tímaritið er orðið þekkt meðal vandaðra loftslagsvísindamanna fyrir að dreifa lélegum vísindagreinum um loftslag.

Jökultoturnar okkar rýrnuðu á árunum 1900 til 1940 og aftur frá um 1970 til um 2010 þó jökulmagnið minnki lítið. Í vetur leið bætti Grænlandsjökull á sig 622 milljörðum tonna af ís sem er það mesta í nærri áratug og langt yfir meðaltali áranna 1981-2010.

Meira að segja hið vandaða atvinnuvegablað Bændablaðið féll ofaní loftslagskviksyndið í síðasta tölublaði. -"Sjávarflóð aukast-" er haft eftir Communications Earth & Environment sem er viðhengi annars "vísindatímarits", Nature, líka þekkt fyrir að birta ýkjur um loftslag. Og inni í blaðinu er vísað í IPCC sem er ekki hægt að lýsa öðruvísi en sem loftslagslygaskrifstofu Sameinuðuþjóðanna. Mælingar á sjávarborði eru óöruggar, sum lönd rísa, önnur lönd siga. https://clintel.org/in-memoriam-professor-nils-axel-morner/

Nú í byrjun júní er einmitt ein "hlýnunin" að skella á Íslandi með hríð og frosti. https://www.mbl.is/frettir/innlent/2025/06/02/lysa_yfir_ovissustigi_vegna_nordanahlaupsins/

Nýtt stríðsbandalag

Stríðsveldi Vestur-Evrópu (Þjóðverjar, Bretar, Frakkar) hittust í lestinni til Kænugarðs, núverandi fulltrúar þeirra hafa nú myndað nýtt stríðsbandalag til þes að ráðast á Rússland. https://www.youtube.com/watch?v=-Sz6cIACfB0.

Bandaríkin hafa fyrirskipað Evrópulöndum að auka útgjöld til hermála mikið. Það er til þess að þau geti tekið við stríðsrekstrinum gegn Rússlandi. Bandaríkin hafa önnur mikilvæg verkefni sem þarf að sinna samkvæmt utanríkisráðherranum og eru hvort sem er búin að tapa Úkraínustríðinu eftir ellefu ára hernað og stjarnfræðileg útgjöld.

Ef við Íslendingar fáum ekki vitiborna fulltrúa verður Ísland fljótlega tekið í stríð austur í álfu, ekki bara með því að ausa tugum milljarða í nýnasistaklíkuna í Kænugarði eins og núverandi íslenskir ráðamenn gera, heldur með þáttöku íslenskra "hermanna" á vígvellinum.

Bandaríkin um öryggi Evrópu

"Stærsta ógnin sem Evrópa stendur frammi fyrir er ekki Rússland eða Kína heldur hætta innanfrá" https://www.frjalstland.is/2025/05/18/bandarikin-og-oryggi-eropu/

Falsfréttamennska

RÚV getur ekki hætt að útvarpa falsfréttum og óhróðri um Rússland. Í mörg ár var Donald Trump helsti skotspónninn en þá voru Rússar líka sakaðir um að reyna að koma honm í forsetastólinn. Það hefur nú sannast að var lygaherferð. Engar sannanir, aðeins viðtöl við einhverja áróðursbelgi. Og nú segir Fals-RÚV að meira að segja Trump trúi lygum Rússa (það er lygi sem er komin beint úr lygamúlum útrunnu Selenskistjórnarinnar)

Þegar Trump afhjúpaði USAID varð uppvíst að stofnunin hafði fjármagnað lygaherferðir gen Rússlandi. Fals-RÚV lepur upp óstaðfestan óhróður frá Úkraínustjórn, Utanríkisráðuneytum Bretlands og Bandaríkjanna, Mi5, CIA, féttastofum AP, AFP, Reuters, Bloomberg eða frá CNN, NYT og BBC sem líklega á heimsmetið í lygaútvarpi. https://www.ruv.is/sjonvarp/spila/frettir/30762/b0j8im

Stórir, þekktir og vinsælir rússneskir fjölmiðlar eiga mjög stóran áhorfendahóp um heim allan þar sem herstjórn NATO-ESB hefur ekki tekist að loka þá úti. Fréttir RT, Tass, Sputnik eru virtar og oftast áreiðanlegri en fréttir vestrænna fjölmiðla þó einhverjir sakleysingjar lendi í gerfigreindaráróðri.

Útvarpsráð RÚV þarf að sjá til þess að RÚV sé miðill landsmanna en ekki áróðursútvarp ESB/NATO og þeirra erindreka hér.

Að endurtaka mistök

Bankar þjóðarinnar voru afhentir bröskurum, einkavæddir á lygamáli, sá fyrsti, Útvegsbankinn (eldgamli Íslandsbanki), fyrir 35 árum, Landsbankinn og Búnaðarbankinn fyrir 25 árum. Góðir fjárfestingasjóðir lentu líka hjá bröskurum, s.s. Fiskveiðasjóður og aðrir lánasjóðir atvinnuveganna. Þeir höfðu fjármagnað uppbyggingu Íslands úr örbirgð í velsæld eins og í lygasögu.

Afsökun þáverandi stjórnvalda landsins var að "ríkið ætti ekki að vasast í rekstri", frægt heimskuraus nýfrjálshyggjupostula (sumir bestu bankar heims eru í ríkiseigu). Og endirinn á einkavæðingunni varð eins og vænta mátti að íslenska ríkið fékk bankana í fangið haustið 2008 þegar þeir höfðu spilað rassinn úr buxunum og verið settir á hausinn.

Bankar eru löggild gróðafyrirtæki, skylt að ávaxta pund innistæðueigenda. En í framkvæmd, eins og reynslan 2008 sýndi, eru einkabankarnir á ábyrgð ríkisins sem fær hræin í fangið þegar hluthafarnir og vildarvinirnir eru búnir að naga allt innan úr þeim.

Íslenskir ráðamenn hafa ekki enn þroskast upp úr bábiljum nýfrjálshyggjunnar, þeir ætla nú að "selja" Íslandsbanka. https://www.mbl.is/vidskipti/frettir/2025/05/08/timasetning_solunnar_fin/ Hann á verða hreinn hlutafélagabanki sem er þó orðið nóg af í landinu nú þegar.

Þetta eru endurtekin aldafjórðungsgömul mistök.

Ríkið á auðvitað að leggja Íslandsbankahlutinn inn í Landsbankann sem á að vera 100% þjóðarbanki og stór til þess að keppa við vaxandi kraðak af einkabönkum og fjármálfyrirtækjum og geta skilað ríkissjóði alvöru arði.

Straumlaust

Heppni að sólin skein glatt á Spáni, rafmagnið fór af og slokknaði á öllum græjunum. En Spánarsólin náði ekki að kynda sólorkuverin og gefa nóg rafmagn! Og vindmyllurnar voru litlu betri.

Og vararafstöðvarnar ekki tilbúnar svo rafmagnið fór af Spáni. Grænorkuverin eru þannig að það þarf jafn stór alvöru orkuver (olíu-, gas-, kola-, kjarnorku- eða vatnsorkuver) við hliðina til að taka upp sólar- og vindleysið þegar slokknar á grænorkuverunum.

Vind-og sólorkuver eru dýr í rekstri, stopul, bilgjörn og þola illa truflanir en koma oft af stað truflunum í rafkerfinu. Flókin stýritæki ruglast, flutningskerfið hættir að virka.

https://www.mbl.is/frettir/innlent/2025/04/29/hefdbundnu_virkjanirnar_redu_ekki_vid_verkefnid/

https://www.frjalstland.is/2024/04/16/vaxandi-andstada-gegn-vindmyllum-og-solorkuverum/

https://www.frjalstland.is/2024/10/13/danskur-vindur/

Endalok leppanna í Úkraínu

Endalok leppstjórnar NATO/ESB í Kænugarði eru nú óumflýjanleg. Trump hefur lagt fram friðartillögur sem leppstjórnin hafnar.  Evrópusambandsbullurnar ætluðu að láta Bandaríkin samþykkja glórulausa "friðarsamninga" og "friðargæslusveitir NATO" á fundi í London í dag. En hvorki utanríkisráðherra Bandaríkjanna né samningamaður Trump mættu.

En varaforseti Trump sagði: "Annaðhvort samþykkið þið þessar friðartillögur eða Bandaríkin hætta að reyna að miðla!" https://www.foxnews.com/video/6371825132112

Meira að segja alræmdustu falsfréttamiðlarnir (s.s. BBC) eru farnir að átta sig á hægt og hægt hvað er að gerast í þessu 11 ára gamla stríði NATO-ESB gegn Rússlandi sem þeir hafa stöðugt útvarpað rangfærslum um https://www.bbc.com/news/articles/c78jx68d922o

Krímverjar hafa reynt að losa sig frá Kænugarðsstjórninni alveg síðan Ráðstjórnarríkin leystust upp en sætt ofbeldi og morðtilraunum á sínum forustumönnum. En þegar nýnasistarnir og Obamastjórnin höfðu framið valdarán í Úkraínu 2014 héldu Krímverjar þjóðaratkvæðagreiðslu 16.3.2014 og ákváðu með miklum meirihluta að sameinast Rússlandi sem falsfréttamiðlarnir kölluðu "innlimun Rússa"! Evrópusambandið ætlaði sér að innlima Krím og sendi Íslandi tilskipanir um að fara í refsiaðgerðir gegn Rússlandi vegna "innlimunar Krím" sem svo varð til þess að Ísland missti eina sína bestu viðskiptaþjóð! Hversu heimskir mega íslenskir stjórnendur vera?

Fá landsölumenn eyjarnar?

Nú eru okkar óforsjálu stjórnvöld að undirbúa að eyjar við Ísland verði eign manna, landeigenda, sem geta braskað með þær, en ekki eign þjóðarinnar. Með því er verið að bjóða heim samskonar braski með íslenskar landareignir og auðlindir og gráðugir landeigendur, landsölumenn, hafa stundað eftir að okkar stjórnvöld misstu stjórn á eignum landsmanna með EES-samningnum 1993.

Um leið og landareignir EES-landa verða einkaeign eru þær orðnar aðgengilegar hvers kyns gróðabröllurum og erlendum aðilum, óþjóðhollir og gráðugir landeigendur selja landareignir Íslands hæstbjóðanda eins og dæmin sýna. Stjórnvöld geta ekkert gert nema setja einhver sýndarlög sem engu breyta.

"Óbyggðanefnd hefur komist að þeirri niðurstöðu að hluti krafna ríkisins um að eyjar og sker við landið verði þjóðlendur eigi ekki við rök að styðjast og er vísað í því samhengi til ákvæða í lögbókinni Jónsbók sem leidd var í lög árið 1281".

Þetta eru slæm rök. Þó gömlu lögbækurnar, Grágás og Jónsbók,  séu mun betri en lagaflækjunar sem við fáum með EES-tilskipununum, þá er Jónsbók lögleidd eftir að Noregskóngar höfðu tekið völdin á Íslandi og því ekki með hagsmuni íslenskrar þjóðar að leiðarljósi. https://www.mbl.is/frettir/innlent/2025/04/19/a_lika_vid_um_vestmannaeyjar/ir