Mannfórnir

Kænugarðsstjórnin fórnar almennum borgurum og kennir Rússum um dauða þeirra

-Um mánaðarmótin mars/apríl 2022 fundust hundruðir líka í bænum Bucha eftir morðæði úkraínskra hermanna. Upptökum af sviðsetningunni var dreift til falsfréttamiðla á Vesturlöndum. Úkraínustjórn kenndi Rússum um sem varð til þess að NATO (Boris Johnson) bannaði Zelenski að skrifa undir Istambul-friðarsamningana.

-Í byrjun mars 2025 skutu Rússar flugskeytum á verustað NATO-hermanna í Krivoy Rog og felldu um 85 en Kænugarðsstjórn sá til að almennir borgarar voru nálægt svo að um tveir tugir þeirra týndu lífi.

-Á sunnudaginn var (pálmasunnudag) sprengdu Rússar um 60 NATO-hermenn, málaliða og Úkraínuhermenn sem safnað hafði verið saman í Sumy við landamæri Kursk þar sem Úkraínuher hafði stundað manndráp frá því í ágúst leið. Yfirmenn hersins sáu til þess að fundarstaður hermanna var á svæði almennings þó að svæðisstjórn Sumy hafi sagt þeim að halda ekki herfundi á svæðum almennings. Þingmenn Úkraínu kenna herstjórninni um hvernig fór og Zelensky varð að reka svæðisstjóra hersins. https://www.rt.com/russia/615758-sumy-strike-nato-ukrainian-officers/

Úkraínuleppstjórnin fórnar almennum borgurum til þess að geta kennt Rússum um. Zelenskistjórnin stendur ekki við neina samninga, síðast braut hún samning Trump og Putin um að sprengja ekki orkuinnviði. Tilgangurinn er að spilla friðarumleitunum.

Hvað Ísland varðar er ógnvekjandi að þrælslund utanríkisráðherra/frúar Íslands er að láta ESB/NATO bullurnar kjafta Ísland inn á stríðsmangið og áframhald Úkraínustríðsins.

Merz, kanslari Þýskalands er kominn í lið Makronapoleons og Breta-Starmerar, og ætlar að senda langdrægar flaugar til Úkraínunasistanna. https://www.youtube.com/watch?v=FSWzBTN18Bc.

Rússar segja að hann sé nasisti, þeir gleyma ekki að þýskir nasistar drápu 27 milljónir Rússa í síðasta stríði.

Það gegnur hægt hjá Trump að stöðva "stríð Biden og Zelenski" eins og hann kallar það. Trump er vel kunnugt um að það var ríkisstjórn Barak Obama og Joe Biden sem hóf stríðið með valdaráni og árásum á rússneska íbúa Austur-Úkraínu fyrir 11 árum. Og Biden efldi það eftir að honum hafði verið svindlað á forsetastólinn 2020 og beitti kabaretleikaranum og nýnasistunum í Kænugarði sem verktaka.

Trump gæti auðveldlega stöðvað stríðið með því að stöðva vopnasendingar og kalla sína hermenn og ráðgjafa heim. En djúpríki Bandaríkjanna er enn ekki búið að viðurkenna að stríð Obama, Biden og Zelenski er tapað. Og NATO og ESB-pótentátarnir skilja ekki enn að þeim hefur mistekist að innlima Úkraínu í sín úreltu samtök.

ESB fjármagnar áróðurinn

Áróður RÚV fyrir Evrópusambandið og EES-tilskipanirnar þaðan um "umhverfismál" er meiningin að Evrópusambandið fjármagni með miklum styrkjum. Ingvar Smári Birgisson, stjórnarmaður RÚV, varar við þessum afskiptum af dagskrá RÚV:

"Með því að þiggja styrki frá Evrópusambandinu í tengslum við umfjöllun um innleiðingu tilskipana getur stofnunin eðli málsins samkvæmt rýrt trúverðugleika sinn síðar meir - Það er alltaf varhugavert að taka við styrkjum frá sjóðum erlendra ríkja sér í lagi ef umræddir sjóðir hafa verið notaðir til að fjármagna áróðursstarfsemi" https://www.mbl.is/frettir/innlent/2025/04/14/evropustyrkir_til_ruv_athugaverdir/

Trúverðugleika RÚV þyrfti að efla en ekki rýra enn meir. Það er af nógu að taka í áróðursdagskrám RÚV, ekki síst um sk. umhverfismál og ekki allt frá ESB. Oft koma náttúrulífsmyndir  frá t.d. BBC, tæknilega fullkomnar og með rödd umhverfistrúarpávans David Attenborough, þær enda jafnan á að hann segir að allt náttúrulífið sé dauðadæmt vegna koltvísýringslosunar mannkyns!

ESB fjármagnar margs konar "verkefni" hér sem eru í þágu þess og oft notuð til áróðurs eða vinaöflunar. Háskólarnir ættu að leggja sína "verkefna-" og áróðursfjármögnun á borðið svo fólk viti hvaðan hún kemur. Og fleiri sem áhrif og völd hafa í íslensku þjóðlífi þyrftu að útskýra sína fjármögnun.

 

Stríðsæsingar Breta

Harry Bretaprins er kominn til Úkraínu, ekki seinna vænna, allir helstu ráðherrar Breta hafa heimsótt nýnasistaklíkuna í Kænugarði og jafnvel gert "varnarsamning" við þá. Úkraína gerði friðarsamning við Rússa 2022 en þá kom Boris Johnson og sagði þeim að skrifa ekki undir.

Forsætisráðherra Breta og forseti Frakklands, leiðtogar sem minna en 1/4 þjóða þeirra styður, boða sína trúfélaga til sifelldra funda til þess að safna liði til að senda inn í Úkraínu undir yfirskini "friðargæslu". Okkar frýr eru látnar mæta. Búið er að tryggja eina 4 þátttakendur sem eru auðvitað Bretar, Frakkar og svo einhver Tataralýðveldi við Eystrasaltið. Allt NATO-lönd illa haldin af Rússahræðslu.

Bretar hafa verið að taka við hernaðinum í Úkraínu gegn Rússlandi af Bandaríkjunum smám saman. Þeir stjórna árásum og útvega vopn og hermenn sem kunna á vopnin, og njósnir. Meðan breska þjóðin sekkur í æ dýpra í volæði, kolefnishlutleysi og orkuskort geta stjórnvöld eytt síðustu aurunum í hernað. Eins og Bretastjórn hefur reyndar gert í ein 500 ár, þeir missa ekki af tækifærum til að komast í strið! https://www.thetimes.com/uk/defence/article/the-untold-story-of-british-military-chiefs-crucial-role-in-ukraine-3j2zpgrxg

Ófróðir sérfræðingar

Broslegir sérfræðingar hrópa nú hver í kapp við annan að Trump sé að stofna til viðskiptastríðs og valda heimskreppu (þeir fleipurgjörnustu, eins og Paul Krugman, eru Nóbelsverðlaunahafar í hagfræði!) Þeir skilja greinilega akki hvað forsetinn er að gera með að setja tolla á innflutning.

Stjórn hinna nýju Bandaríkja hóf að setja tolla á innflutning fljótlega eftir stofnunina 1776. Þeir voru látnir vaxa og urðu til þess að bandarísk fyrirtæki fengu að vaxa, bandarískur iðnaður tók heimsforurstu í skjóli þeirra. Með heimsstyrjöldinni síðari tóku tollarnir að lækka og hafa Bandaríkin leyft sínum skjólstæðingum að selja allt mögulegt til Bandaríkjanna án teljandi álaga síðan þó sumir þeirra hafi lagt mikla tolla á amerískar vörur. Bandarískur almenningur þurfti ekki að borga tekjuskatt að ráði fyrr en fjármagna þurfti stríðsrekstur seinni heimsstyrjaldarinnar, innflutningstollar gáfu lengi miklar tekjur til alríkisins.

Það minnkar nú gróðinn hjá bröskurunum á Wall Street, þeir gætu jafnvel farið að kaupa ríkisskuldabréf. Og vextirnir gætu lækkað sem yrði stórgróði fyrir ríkissjóð sem skuldar 36.000 miljarða dala og mokar út vaxtagreiðslum. Og svo fara að koma meiri skatttekjur af innlendum fyrirtækjum sem eru komin í skjól fyrir ódýrum innfluttum varningi.

Reynsla Ameríku af innflutningstollum er góð. Trump veit það, háværu sérfræðingarnir komast að því síðar!

Við viljum fríverslun!

Okkar menn í utanríkismálum gerðu nú fríverslunarsamning við eitt stærsta hagkerfi heims, Indland, í fylgd EFTA (enginn skyldleiki við Evrópusambandið eða EES) meðan Bandaríkin setja tolla á innflutning (af skiljanlegum ástæðum). Við erum líka með fríverslun við annað stórríki, Kína. Nýlega var haldin samkoma í sendiráði Kína um viðskipti og er hugur í mönnum að efla þau (sjá Morgunblaðið 3.4.2025).

Friverslunin við umheiminn er mikilvæg Íslendingum, bæði efnahagnum og ekki síst þjóðarörygginu. Það er mikil hughreysting í því að fólk í utanríkisþjónustunni vinnur vel fyrir ladið þó ráðherrar málaflokksins hafi verið að svamla í stríðsæsingum með Evrópusambandinu sem er meir og meir að líkjast sprunginni blöðru. Nú bíðum við eftir að okkar menn nái fríverslunarsamningi við Bandaríkin.

Ógnin við Ísland

Þátttaka Íslands í hernaði gegn öðrum þjóðum er stærsta ógnin við öryggi landsins. Núverandi stjórnvöld skilja greinilega ekki einföldustu lögmál um öryggi þjóða: Aðild að stríði leiðir af sér ófyrirséð óvinveitt viðbrögð þeirra sem tengjast eða hafa samúð með þeim sem hernaðurinn er gegn.

Stofnanir Íslands, t.d. í utanríkismálum og almannavörum, halda mikla fundi og syngja barnslegan kór um að þurfi að "efla varnir" og slá um sig með fullyrðingum um óvinveitt öfl, undantekningalítið óhróður eða tilbúnar sögusagnir.

Þegar íslenskar stjórnvaldsstofnanir eru farnar að ásaka Kína, Rússland eða Íran um njósnir, skemmdarverk eða annan fjandskap eru þeir sem eiga að vera fulltrúar Íslands að efna til óvildar við vinaþjóðir eða þjóðir sem Ísland á ekkert sökótt við, byggt á rógi eða óstaðfestum sögusögnum. Ásakanirnar hafa yfirleitt ekki sannast (nema þegar Bandaríkin og Noregur skemmdu gasleiðslu Rússa í Eystrasalti) en oft hefur verið hægt að hrekja þær. Mikið af rógburðinum á uppruna sinn í Bretlandi.

Það er ekki skrítið að Kínverjar, Rússar, Íranir njósni um her Bretlands, Bandaríkjanna eða Frakklands sem hóta þeim stöðugt og reka jafnvel hernað gegn þeim. Þessi stríðslönd geta sjálf þefað uppi njósnara hjá sér, Ísland á lítið af hernaðarleyndarmálum sem njósnarar ágirnast. Þeir sem eru að reyna að æsa Íslendinga til "aukinna varna" eru annaðhvort loddarar eða launaðir stríðsmangarar.

 

Hnignunarbandalag

Skuldasöfnun Evrópusambandslanda er orðin ósjálfbær. Samkvæmt Alþjóða gjaldeyrissjóðnum skuldar þýska ríkið 33.000 og franska ríkið 41.000 dollara á hvert mannsbarn (íslenska ríkið skuldar 21.000). Eins og kunnugt er er Evrópusambandið fátæktarsvæði miðað við Ísland, tekjur á Íslandi eru mun hærri en þar (undantekning er peningaverslunin Luxemburg). https://www.worlddata.info/average-income.php

Ástæðan er viðverandi röng stefna: Ofstjórn og skriffinnska, "loftslagsaðgerðir", höft á bestu birgja og nú síðast hernaðarstefna. Samdráttur ESB miðað við umheiminn hefur varað yfir 4 áratugi og ekkert lát á, hlutur ESB í heimsviðskiptunum var 30% þá en er kominn niðurfyrir 15%. "Loftslagsaðgerðirnar" hafa verið í vexti í eina 3 áratugi og eru farnar að valda mikilli afturför í efnahag ESB. Og nú síðast skaðlegar refsiaðgerðir gegn öðrum löndum, þmt. bestu hráefnabirgjunum, og ógnvekjandi stríðsæsingar og hervæðing sem ESB ætlar að eyða 800 milljörðum evra í https://www.france24.com/en/live-news/20250304-eu-chief-unveils-800-billion-euro-plan-to-rearm-europe

Leiðtogar Evrópusambandsins eru að steypa sambandinu í ófært skuldafen, vaxandi eymd og hraðbyri í stórstyrjöld. Þær hafa ávalt endað með stóráfalli fyrir Evrópu.

Ísland að athlægi

Okkar frúr Þórdís og Þorgerður utanríkisráðherrar hafa gert Ísland að athlægi. Þær ásaka Rússa um að hafa ógnað starfsfólki sendiráðsins í Moskvu og létu loka því. Þær létu líka loka sendiráði Rússlands hér og svöruðu með lítilsvirðingu þegar Rússar kvörtuðu yfir semmdarverkum sem voru unnin á sendiráðinu.

Hinar raunverulegu ástæður lokananna voru fyrirmæli frá Evrópusambandinu/EES og NATO sem tóku að berast síðvetrar 2014 strax eftir að Bandaríkjastjórn Obama hafði framið valdarán í Úkraínu og sett nýnasista til að stjórna landinu á sínum vegum.

María Sakharova, talsmaður utanríkisráðuneytis Rússlands, var spurð út í orð Þorgerðar um að Rússar hefðu ekki tryggt öryggi íslenska starfsfólksins í sendiráðinu. "Hver sagði það? Utanríkisráðherra Íslands? Heitir hún kannske Annalena Baerbock-2? spurði Sakharova hlæjandi, vísaði hún þar til Önnulenu Baerbock, utanríkisráherra Þýskalands sem er ekki hátt skrifuð hjá Kremlverjum (enda einhver verst uppaldi krakkinn sem situr á stól ráðherra Evrópusambandslanda). Sakharova sakaði Þorgerði um lygar. https://www.mbl.is/frettir/innlent/2025/03/20/segjast_ekki_hafa_fengid_neina_kvortun/

Vestrænir fjölmiðlar halda áfram að dreifa lygum um Úkraínustríðið og þagga niður svik og hryðjuverk Úkraínuklíkunnar. Trump og Putin sömdu um hlé á árásum á orkuinnviði sem Úkraínustjórn braut strax og sprengdi upp gastengistöð á flóttanum frá Kursk https://www.youtube.com/watch?v=_J1IY7gnDpg. Og kenna Rússum um að hafa sprengt sína eigin stöð!

Nýnasistaklíkan í Kænugarði vill engan frið heldur stríð og illa gefnir ráðamenn í Vestur-Evrópu mæla stríðsæsingarnar upp í þeim á eilífum fundum um "friðargæslu"!

Að eyðileggja malbik

Rafbílarnir slíta malbikinu tvöfalt meira en brennslisbílar vegna þess að þeir eru þungir. Þeir eru aflmiklir og rífa klæðninguna upp þegar þeir fara af stað og líka þegar þeir bremsa https://ww2.motorists.org/blog/shocking-study-electric-vehicles-cause-double-the-road-damage/.

Ofaná bætist svo slitið vegna nagladekkjanna sem þó eru nauðsynleg úti á landi.

Rafbílum er prangað inn á kaupendur með styrkjum frá almenningi í undirgefni við vitlausar EES-tilskipanir. Það sem stjórnvöld þurfa að gera er að leggja þungaskatt og aflskatt á rafbílana til þess að fjármagna vegaviðgerðirnar. Það þarf líka að endurreisa Skipaútgerð rikisins fyrir strandflutningana sem slátrað var í heimskuherferð nýfrjálshyggjunnar, flutningabílaumferðin er of mikil.

Malbikið er eyðilagt með því að setja röng viðbótarefni í það,jurtaolíur sem fituhúða fylliefnið og varna malbikinu að bindast við það. Bikið flýtur upp á götu, "blæðir", þegar bílarnir fergja götuna. Jurtaolían er notuð m.a. vegna "umhvefissjónarmiða" sem eru eins og oft byggð á ruslvísindum. Vetniskolefni (t.d.terpentína) eru efnin sem á að nota til að bæta malbikið, þau bæta bindinguna við fylliefnið. Fituesterarnir í jurtaoliunni eru eins og flotið sem flýtur upp í pottinum þegar soðið kólnar.

Þetta vita verkfræðingar Vegagerðarinnar vel en fá ekki rönd við reist. Stjórnvöld landsins vilja frekar eyða tugum milljarða (nú uþb. 17) af fé landsmanna í vitfirringu eins og til dæmis hernað nýnasistaklíkunnar í Úkraínu en að laga vegina.

Þriðja heimsstyrjöldin ræst

Heimsstyrjaldir eru ræstar í Berlín, París eða London og lýkur með að Rússar reka stríðsóðan skrílinn heim eða Bandaríkin koma og stilla til friðar. Evrópusambandið ætlar nú að veita 800 milljörðum evra í stríð gegn Rússlandi, kallað varnir

Macron Frakklandsforseti hótar nú Rússlandi með kjarnorkuvopnum

Hann heldur að hann sé mikill eins og Napoleon (Macron er þjálfaður í einum helsta stríðsfjármögnunarbanka heims, Rothschilds í París). Macron er einn af úreltum leiðtogum Evrópusambandslanda með 25% þjóðar sinnar á bak við sig, svipað og aðrir háværir stríðspótentátar Evrópusambandsins. Það er ógnvekjandi að horfa á stríðsæsingarnar og vankunnáttuna, pótentátar Evrópusambandsins vilja ekki skilja að III Heimsstyrjöldin steypir Vestur-Evrópu í glötun.

Undirbúningurinn að Þriðju heimsstyrjöldinnni hefur staðið lengi hjá stríðsmöngurum NATO-landa. En núverandi leiðtogar Bandaríkjanna vilja ekki vera með svo að Evrópusambandsbullurnar verða að róa einar sem mun steypa Vestur-Evrópu í meiri örbirgð og volæði en Brussel hefur tekist hingað til.