Kísilverksmiðja í gang

                                                                        Kísilmálmverksmiðjunni Helguvík var á sínum tíma lokað af Umhverfisstofnun, kvartanir bárust frá einhverjum Keflvíkingum sem fundu lykt ekki síst þegar vindur stóð á haf út og meint mengun hefði farið þangað! Lokun verksmiðjunnar var valdníðlsa, ekki var sannað að hún hefði farið yfir sett mengunarmörk.

EES-regluverkið um mengun frá iðnaði er flókið og óhnitmiðað en túlkað af geðþótta út fyrir ystu æsar af íslenskum stofnunum. Það hamlar iðnaðaruppbyggingu en í kísilmálmverksmiðjur er settur mengunarhreinsibúnaður sem tekur obbann af menguninni.

Mogginn segir að einhver hafi áhuga á að koma hinni verklausu kísilverksmiðju í gang (Mbl 18.4.2024) en hún er hönnuð og tækjavædd af einhverju stærsta fyrirtæki heims í tækni kísilmálmframleiðslu. Spurningin er hvort hægt verður að setja hana í gang meðan íslenska stofnanafarganið starfar eftir nöldurskjóðum og EES/ESB-regluverkinu sem þegar hefur flæmt stóran hluta af hráefnaiðnaði V-Evrópu burt.

Svo er það annað mál en farið er að eyða raforku þjóðarinnar í óþarfa í nafni orkuskipta og klefnishlutleysis í stað þess að nota orkuna til verðmætasköpunar. Meðal annarra heimskustrika fá menn nú umhverfisspillandi rafhlöðubíla með styrk frá skattgreiðendum meðan umhverfisvænstu bílarnir, sem nota ódýra, hagkvæma og umhverfisvæna orku bensíns og díselolíu, eru seldir með okursköttum og eldsneytið er selt á tvöföldu verði.

Vindmyllur ekki lengur í tísku

Andstaða gegn vind- og sólorkuverum er alþjóðleg og vaxandi, orkuverin eru óhagkvæm og byrði á sínum samfélögum þó umhverfisprelátar haldi öðru fram. Þau valda hljóðmengun, fuglameiðslum, mengunarslysum og eitruðum úrgangi og fleiri umhverfisspjöllum og valda oft rafmagnsleysi. Aðild Íslands að EES opnar á að fyrirtæki í Evrópusambandinu og þeirra umbar hér byggi og reki vindmylluver á Íslandi og fái styrki af almannafé.

Um allan heim er nú verið að hafna vind-og sólorkuverum.

Í Englandi hefur svo mörgum sólorkuverum verið hafnað að erfitt er að halda reiður á. Svæðisstjórnir í Cambridgeshire, Holbeach, Kent, Herefordshire og Coventry hafa hafnað sólorkuverum.

Í Bandaríkjunum hefur amk. 639 vind- og sólorkuverum verið hafnað síðan 2015.

Þeir einu sem vilja vindmyllur og sólarpanela eru umhverfistrúðarnir og fyrirtækin sem fá ríflega almannastyrki til að byggja og reka "grænu orkuverin"

https://www.frjalstland.is/2024/04/16/vaxandi-andstada-gegn-vindmyllum-og-solorkuverum/

 

Sjálfbærir bændur

Nú á að segja bændum hvernig þeir eiga að búa sjálfbært samkvæmt nýjustu tísku, vísað er í ýmsar spilltar margþjóðastofnanir sérstaklega þær sem þekktar eru af lélegum vísindum s.s. mokstri ofaní skurði.

https://samradapi.island.is/api/Documents/1097760b-52b5-ee11-9bc0-005056bcce7e (Sjá einnig Bændablaðið 7.3.2024, og https://www.bbl.is/skodun/sjalfbaer-landnyting-og-vinna-vid-drog-ad-reglugerd)

Sjálfskipaðir beturvitar hafa reynt að útrýma kindunum og kennt þeim um eyðimerkur landsins sem steingerfingafræðingar og fleiri vísindamenn hafa sannreynt að stafa aðallega af kulda og eldgosum.

Frjálsir íslenskir bændur komu með kindurnar sínar fyrir 1150 árum og gáfu þeim frelsi til þess að gefa af sér hollt kjöt og góða ull. Bændurnir hafa haldið landinu í byggð með sjálfbærum búskap síðan, þeir vita meira um sjálfbærni en skriffinnarnir hjá stjórnvaldinu.

Í Evrópusambandinu og fleiri skriffinnskulöndum eiga bændur nú að vera svo sjálfbærir að þeir geta ekki framleitt mat lengur en nota dráttarvélarnar til þess að fara inn í borgina og flauta á ráðamenn https://www.american.edu/sis/news/20240305-farmer-protets-take-root-in-europe-and-beyond.cfm

https://www.theguardian.com/environment/2024/feb/10/theyre-drowning-us-in-regulations-how-europes-furious-farmers-took-on-brussels-and-won

https://www.frjalstland.is/2024/02/12/graena-bol-landbunadar-evropusambandsins/

Vindmyllur slegnar af

Vindmyllur ganga ekki fyrir vindi heldur ríkisstyrkjum! Þær eru lélegar orkuvélar og spilla orkukerfinu. Skattgreiðendur borga.

En samt eru fyrirtækin sem framleiða rellurnar og reka vindmyllugarðana að gefast upp. Þegar hefur verið hætt við risa-vindmyllugarða sumra öflugustu fyrirtækjanna í Ameríku og Evrópu. Fyrirtækin sáu fram á stórtap. Íbúum svæðanna er létt, þeir losna við fuglagildrurnar.

Enn hér á Klakanum eru loftkennd grænfyrirtæki ættuð frá Evrópusambandinu og jafnvel Noregi, og þeirra umbar hér, í óða önn að reyna að hola niður vindmyllum í skjóli EES-tilskipana um "græna orku". Sveitastjórnarmenn og landeigendur eru lognir upp úr skónum og stjórnvöld hafa lítið að segja um málið vegna EES-samningsins sem gefur grænt ljós og opnar ríkissjóð fyrir grænu braskarana og þeirra relluverk.

Þeir einu sem geta stöðvað vindmylluvitfirringuna eru íbúar svæðanna þar sem setja á rellurnar upp. Stjórnvöld hafa sýnt sig að geta það ekki, dæmin frá Danmörku, Bretlandi, Bandaríkjunum, Þýskalandi sýna það.

En nú þegar loftslagssvindlið er smám saman að afhjúpast þora fleiri að láta skynsemi og raunsæi ráða frekar en tísku umhverfiskirkjunnar. Helstu fyrirtækin í greininni, bæði rekendur vindmyllugarðanna og framleiðendur vindmyllanna, afskrifa nú og hætta við einn vindmyllugarðinn af öðrum. Og fara á hausinn eða skríða í fang skattgreiðenda sem oft eru með lélga fulltrúa sem blæða stórfé í "græna" bölið og framlengja vitfirringuna. Það er stærra kolefnisspor eftir vindmylluframleiðsluna en það sem myllan minnkar á sínum rekstrartíma svo lokun mylluverksmiðjanna er góð fyrir kolefnissporið þó loftslagið sé ekkert betur sett.

https://www.theguardian.com/business/2024/feb/07/danish-windfarm-firm-orsted-jobs-dividend-north-sea

https://www.frjalstland.is/2021/10/08/vindmyllur-og-orkukreppan/

Marktæk vísindi

"Hlýjasta ár frá upphafi mælinga" https://www.mbl.is/frettir/taekni/2024/01/09/2023_hlyjasta_ar_sogunnar/

segja meginfjölmiðlarnir okkur, og hafa gert árlega síðustu áratugina, og hafa eftir stórum stofnunum með stór nöfn úti í heimi: Copernicus (Evrópusambandið), IPCC (milliríkjanefnd Sameinuðu þjóðanna um loftslagsbreytingar) og Alþjóða veðurfræðisamtökin (WMO, líka komin undir hatt Sameinuðu þjóðanna). Af þriggja áratuga reynslu vitum við að þessar stofnanir eru í besta falli brokkgengar en í versta falli ómarktækar.

Aftur á móti er marktækar fréttir af "hlýnun loftslags" að hafa í síðasta ársyfirliti Veðurstofu Íslands https://www.vedur.is/um-vi/frettir/tidarfar-arsins-2023

Græni dauðinn

Nærri 5000 manns dóu úr kulda í Bretlandi síðasta vetur. https://morningstaronline.co.uk/article/b/nearly-5000-people-britain-died-last-year-due-cold-damp-homes-analysis-finds

"Græna orkan" sem hin "grænu" stjórnvöld Bertlands leyfa almenningi náðursamlegast að nota er of dýr, venjulegt fólk hefur ekki efni á að hafa hlýtt heima hjá sér. Sami vandi er í Þýskalandi og víðar í ESB þar sem græningjar hafa áhrif og eru komnir vel á veg með eyðileggja orkukerfið með vindmyllum og sólpanelum. Almenningur mótmælir grænu vitfirringunni í kröfugöngum og bændur drátarvélalestum.

Kuldinn  í Bandaríkjunum leiðir nú fjölda fólks til dauða. https://www.nbcnews.com/news/us-news/almost-50-dead-95-million-winter-weather-alerts-arctic-cold-blankets-n-rcna134699

https://www.nytimes.com/2024/01/21/us/deaths-cold-storms-ice-snow-freeze.html

Sama þróun er í Bandaríkjunum og Evrópu, græna hugmyndafræðin er að eyðileggja orkukerfin. Margfalt fleiri deyja úr kulda en hita á heimsvísu. https://lomborg.com/heresy-heat-and-cold-deaths

Veðurstofa ESB sagði nýlega: "Síðasta ár var það hlýjasta frá upphafi", sama árlega fullyrðingin og síðustu áratugina. Margar stofnanir á heimsvísu senda frá sér ómarktækar staðhæfingar um loftslag: IPCC og WMO (Sameinuðu þjóðirnar),  NOAA og NASA (Bandaríkin), Met Office og CRU (England) Copernikus (ESB) og fleiri, þær eiga yfirleitt sögu sína að rekja til veðurfræði sem er allt önnur vísindi en loftslagsfræði. Lesendur verða að vara sig á að taka staðhæfingar þeirra alvarlega.

Loftslag Jarðar fer nú kólnandi (nema í stækkandi risaborgum), síðasta ár var þriðja kaldasta á 21. öld í Reykjavík, Akureyri og Kirkjubæjarklaustri (Ísland er á Jörðinni þó skrumarar hafi reynt að véfengja loftslagsmælingar hér). Hitinn hefur farið lækkandi í 20 ár eftir að hafa farið hækkandi 20 árin þar á undan. En það heldur áfram að hitna undir loftslagsskrumurunum.

 

 

 

Óútkljáð vísindi

"Engin vísindi eru á bak við kröfuna um að hætta notkun jarðefnaeldsneytis - að hætta að nota kol, olíu og gas mundi senda mannkyn aftur í hellana-" sagði forseti loftslagssirkussins í Dubai. Al Jaber mælti af visku en varð ekki vinsæll hjá sirkusgestum sem voru komnir til að reyna að banna mönnum að nota kol, olíu og gas, þeir trúa að vísindn séu "samþykkt" (þeir halda að vísindi séu útkljáð lýðræðislega!) https:/https://www.theguardian.com/environment/2023/dec/03/back-into-caves-cop28-president-dismisses-phase-out-of-fossil-fuels

Flensufaraldur hófst í Kína 2019 sem hefur gerst oft síðustu aldirnar. Covid 19 setti af stað meiriháttar aðgerðir stjórnvalda víða til að sporna við útbreiðslu. Nú 4 árum síðar er komið í ljós að "aðgerðirnar" voru margar ekki bara rangar heldur ollu miklu tjóni. Fólk missti atvinnuna eða fyritækin sín og sambandið við ættingja  og vini, nemendur flosnuðu upp. Afleiðingin var versnandi andleg og líkamleg heilsa. Fleiri fórust af sjálfsmorðum fyrstu misserin en úr flensunni. En lyfjafyrirtækin snöruðu fram bóluefnum sem gáfu þeim fjallháan gróða en höfðu oft nærri banvænar aukaverkanir. Stjórnvöld reyndu að neyða fólk til að fá eina sprautuna eftir aðra og vísuðu í "vísindin". Lönd sem settu spurningamerki við vísindin farnaðist einna best. Flensur drepa gamalt og veikburða fólk en sjaldan venjulegt fólk. Það var því gamlingjarnir sem þurfti að passa en reynt var að passa alla.

Jarðvísindamenn Íslands hafa hver um annan þveran spáð eldgosi á Reykjanesi -"á næstu dögum-"! Jörðin skalf og sprungur opnuðust. Heilt bæjarfélag var rekið úr húsum sínum. Spár vísindamannanna hafa ekki ræst enn sem sýnir að jarðvísindin eru flókin og erfit að útkljá. Upphlaup stjórnvalda og ýmissra stofnana virðast hafa verið af vafasömu tilefni, yfirdrifin og ótímabær eða þá of sein. Jarðvísindamenn mega vel halda áfram að bæta sín vísindi um Reykjanesið án þess að einhver háhænsn séu að belgja sig út með "aðgerðir" eða fjáraustur almannafjár.

Vísindi eru i eðli sínu óútkljáð, stöðug leit að raunsönnum fyrirbærum og öruggari vitneskju. Jafnvel þúsundir vísindamanna sem eru sammála hafa oft rangt fyrir sér.

 

Nýr alheims einvaldur

Sameinuðuþjóðirnar voru stofnaðar til þess að koma á friði meðal þjóða. Það geta samtökin ekki, þau eru orðin að valdagráðugu bákni og oki á herðum Jarðarbúa.

Stöðug stríð eru í Miðausturlöndum og Afríku. Gyðingar derpa börn Araba og Arabar fremja hryðjuverk. Bandaríkin með NATO (það erum við) og ESB drepa fólk og ræna olíu í Sýrlandi og víðar og halda gangandi hernaði gegn minnihlutahópum í Úkraínu og víðar.

Sameinuðuþjóðirnar geta aftur á móti rekið hræðsluáróður og hótað íbúum heimsins að þeir muni farast nema þeir fórni sínum lífsgæðum og heilsu vegna valdagræðgi spilltra skriffinnskudrauga samtakanna.

Sameinuðuþjóðirnar eru farnar að vinna eins og einvaldur harðstjóri sem heldur þegnunum í ótta til þess að geta kúgað þá. Samtökin ætla nú að eyðileggja orkunotkun, fæðuframleiðslu og flutningakerfi heimsins og spilla þarmeð frelsi og velsæld almennings meðan ruplararnir og þotuliðið flýgur á þúsund kílómetra hraða um heiminn á steinolíuhákum og belgir sig út á áróðurssamkomum með lygasögum og ruslvísindum um loftslag. Og græðir á nýjum háum en óþörfum embættum, kvótabraski, sólarpanelaframleiðslu, vindmyllustyrkjum, rafhlöðuframleiðslu, grænum verkefnum sem almenningur þarf að kosta.

Falsanasamstæða fjölmiðla dælir út blekkingum um ógnir loftslagsbreytinga. Og okkar forustumenn mæta á samkundur einvaldsins og þeysa úr sér þvælu um loftslag meðan kólnar á Klakanum og hafísinn nálgast aftur.

https://www.unicef-irc.org/publications/1787-children-and-the-cost-of-living-crisis-how-food-and-energy-inflation-has-increased-poverty-in-households-with-children-in.html

https://www.frjalstland.is/2023/07/01/fataektarmenning

Fæðuskiptin næst

Orkuskiptin eru í gangi, næst verða fæðuskipti. Á 28. árshátíð loftslagsgrínara verður samþykkt bann við kjötáti og mun ein af grínverksmiðjum Sameinuðuþjóðanna (FAO) leggja á ráðabruggið.

(Ruslvísindi: "Vísindamenn" Sameinuðuþjóðanna halda að húsdýrin prumpi meira gróðurhúsalofti en myndast á túninu ef dýrin fá ekki grasið heldur sé það ekki slegið handa þeim heldur látið moltast ofan í túnið og mynda metan þar. "Gróðurhúsaáhrif" metans eru auk þess löngu mettuð https://www.frjalstland.is/2021/12/10/kolefnissporid-er-ny-gryla/)

Á næstu cop-árshátíðum verður krafist fataskipta, fréttaskipta, ferðaskipta, stjórnarskipta og gjaldmiðilsskipta. Stefnt er að íbúaskiptum á Jörðinni af því íbúarnir anda frá sér koltvísýringi og prumpa metani.

Til þess að láta treggáfaða mörlanda skilja að nú er allt í voða og aðeins nokkur ár eftir munu 84 mæta og hlusta á Úlfur! Úlfur! í 28 skiptið. Það kostar meiri fúlgur en íslenskir fátæklingar þurfa til famfæris, skattgreiðendur borga og snobbuð fyrirtæki sem tekst að totta féð af almenningi. Þessir 84 verða svo látnir sanfæra þá sem heima sitja um að þetta sé búið nema menn kaupi batteríkerrur og vindmyllur og borgi Evrópusambandinu losunarheimildirnar.

https://www.dailymail.co.uk/health/article-12800019/meat-consumption-climate-change-global-emissions.html

La La Land að tæmast

40% hleðslustöðva í Kaliforníu virka ekki sagði blaðakona WSJ sem átti erfitt með að finna rafmagn á rafbílinn sem hún var á í himnaríki rafbílatískunnar. https://www.breitbart.com/tech/2023/11/15/no-juice-wsj-columnist-finds-40-of-ev-chargers-she-tried-in-la-county-were-out-of-service/?utm_source=substack&utm_medium=email

Íbúum Kaliforníu fækkar um 370.000 (eitt Ísland) á ári þrátt fyrir innflutning fólks frá Suðurameríku. Fleiri og fleiri flýja "grænu" tálsýnina sem er að eyðileggja lífsskilyrðin í draumaríkinu. Vaxandi fátækt og heimilisleysi, kostnaður nauðsynja hefur rokið upp. Og fyrirtækin fara burt með atvinnuna. Vanhæfir stjórnendur Kaliforníu eru að valda landauðn eins gjöfulasta ríkis Bandaríkjanna. https://www.heritage.org/progressivism/commentary/why-are-so-many-residents-fleeing-california

Þeir hittust í Frisco í La La Landi mistakaforsetinn og Kínaforsetinn og skiptust á loforðum um að afnema jarðeldsneyti en fara alfarið í "græna" orku svo Kína geti grætt enn meira á að selja vindmyllur, sólarpanela og rafbíla til Bandaríkjanna. Kínverjar eru að byggja fjölda kolaorkuvera, m.a. í fjarlægum löndum og láta Kanana ekki stjórna því. https://www.foxnews.com/politics/experts-raise-alarm-biden-strikes-agreement-china-shut-down-fossil-fuels

Svo lofar Kína að minnka söluna á fentanylhráefnum enda alveg eins gott að kínversku fyrirtækin láti framleiða þau í öðrum löndum og selji þaðan til Ameríku þar sem dóu um 106.000 (nærri því ein Reykjavík) 2021 af yfirskammti af eiturlyfjum, aðallega fentanyl. https://www.npr.org/2023/11/15/1212994576/biden-china-xi-san-francisco