Niðurgreidd matvæli frá ESB til Íslands

Útflutningur matvæla frá ESB:

Stefnan að hverfa frá framleiðslustyrkjum til framleiðandastyrkja í formi beingreiðslna markaðs og fjárfestingarstyrkja gerir það að verkum að niðurgreiðslur framleiðsluvara verða ekki eins sýnilegar í samkeppninni og áður.

Vefsíðan „farmsubsidy.org“ tók saman hvað 10 stærstu styrkþegar kerfisins fengu á nokkurra ára tímabili í formi beinna greiðslustyrkja, markaðs- og fjárfestingastyrkja fram til 2009:

Framleiðandi           Styrkir samtals     Tímabil

1 Friesland Holllandi  € 1,605,926,904   Frá 1997

2 Arla Foods Danmörk   € 951,731,484     Frá 2000

3 Tate & Lyle Bretland € 827,979,239     Frá 1999

4 Avebe Hollland       € 589.534,206     Frá 1997

5 Danisco Danmörk      € 484,863,255     Frá 2000

6 Hoogwegt Hollland    € 356,925,537     Frá 1997

7 Danish Crown Danmörk € 292,629,690     Frá 2000

8 Eridania Sadam Ítalíu€ 225,357,110     Frá 2002

9 Nestlé Bretland      € 196,777,997     Frá 1999

10 Saint L Sucre Frakkland € 196,464,108 Frá 2004

Þessir styrkir eru taldir vera um 35-60% af útflutningsverði varanna.

Allt er reynt til að fela þessa styrki í gögnum ESB og þeir halda áfram.

Skoðið hver er framleiðandi sýklalyfjafullu matvælanna sem innflytjendur segja vera svo "ódýr" sem komi frá ESB

Norskir fossar seldir til Þýskalands

Ef 3 orkupakkinn verður samþykktur fylgir sæstrengur og eftir nokkur ár verður ástandið hér á landi eins og er að byrja í Noregi. Í framhaldi verður komið á uppboðsmarkaði fyrir raforku eins og forstjóri Landsnets vill.

Innlend orkufyrirtæki verða keypt upp og rafmagninu ráðstafað til þess sem greiðir hæst verð,-í gegnum sæstreng,- og því fylgir stórhækkun á rafmagni eins og er að gerast í Noregi.

- Er þetta framtíðarsýn íslenskra stjórnmálamanna fyrir orkuauðlindir íslendinga?

Norskir fossar seldir

ESB er hrætt um lýðræðið

Lýðræðið á erfitt með að festa rætur í ESB, í Þýskalandi er nú 4 ríkið, í Frakklandi 5. lýðveldið. Ef menn kjósa ekki rétt er kosið aftur þar til menn kjósa rétt. ESB er nú að missa stjórn á skoðanamynduninni og setti þess vegna "persónuverndarlög" gegn bandarískum upplýsingafyrirtækjum, þau geta nefnilega veitt óritskoðaðar upplýsingar frá frjálsum mönnum. Einn af erindrekum ESB hér á landi, "Persónuvernd",  sem heyrir beint undir ESB, dreifir nú hræðsluáróðri og órum hér heima:

"- Persónuvernd hefur sent íslenskum stjórnvöldum bréf þar sem þau vara við þeim hættum sem nú steðja að lýðræðislegum kosningum vegna samfélagsmiðla.-Forsetakosningarnar í Bandaríkjunum og Brexit hafa vakið fólk til vitundar-nýlega bættist Bolsonaro, forseti Brasilíu, í hóp þeirra-" http://www.ruv.is/frett/lydraedislegar-kosningar-i-haettu (RÚV þarf að velja af meiri kostgæfni það sem það ber á borð fyrir okkur)

Eins og kunnugt er er upplýsingafrelsið og upplýsingamagnið í helstu lýðræðisríkjunum (m.a. Bandaríkjunum og Bretlandi) nærri ótakmarkað. Frambjóðendur eru í beinni og allir mega velja og hafna. Það er því auðvelt fyrir fólk að afla sér þekkingar úr mörgum áttum. Það er illmögulegt í þessum opnu lýðræðisríkjum að halda uppi blekkingavef eins og ESB gerir í megingfjölmiðlun ESB landa. ESB virðist nú ætla að reyna að hrifsa til sín opinbera yfirstjórn á sannleikanum til að geta haft áhrif á kosningar í lýðræðisríkjum. Þetta er nú að smitast út til Íslands vegna EES sem kom með "persónuverndarlögin".

Hætta á að við smitumst af orkukreppunni í ESB

Draumórakennd stefnumál hafa kallað orkukreppu yfir ESB. Þar er orkuskortur vaxandi og orkuverð of hátt.  Hætta er á að Ísland dragist niður í ESB-ástandið vegna tilskipanapakkanna sem stöðugt eru leiddir í lög hér vegna EES.

"-Þriðji orkupakkinn mun veita ESB raunyfirráð yfir auðlindum okkar til frambúðar. - Stefna framkvæmdastjórnar ESB virðist vera sú að hafa náð undir sig allri stjórn orkumála á innri markaðnum upp úr 2030 og réttlætir það með baráttunni gegn hnattrænni hlýnun.

Þó er önnur enn þyngri ógn á bak við sem er þurrð orkulinda heimsins og hana þurfum við líka að varast. Fyrir ESB eru þessar ógnir alvarlegri en svo að sjálfbærni lítils þjóðfélags á afskekktri eyju - hafi nokkurt sambærilegt vægi. Þess vegna þurfum við að tryggja okkur full yfirráð yfir auðlindum okkar til frambúðar.-" (Elías Elíasson, sérfræðingur í orkumálum, í Mbl 25.1.2019)

Farganið að verða fluginu ofviða

Eitt af einkennum stjórnarhátta ESB er að ýmsar stofnanir hafa vald til að stöðva lögmæta og eðlilega stafsemi. Í lýðræðis- og réttarríki eins og Íslandi á þetta vald með réttu að vera hjá lögreglu, sýslumönnum og dómurum eða ráðherrum. Stjórnarhættir ESB hafa smitast til Íslands í vaxandi mæli með EES. ISAVIA stöðvaði nýlega rekstur flugvélar hjá flugfélaginu Ernir.

"-ISAVIA-menn hljóta að geta fundið sér eitthvað annað þarfara og árnagursríkara að gera, svo sem að hlúa að grasrótinni í fluginu og reyna að lágmarka ýtrustu kröfur sem berast frá ESB og EES, þannig að reglugerðafarganið verði einkafluginu og sviffluginu ekki ofviða-" Regluverk EES að verða innanlandsfluginu ofviða (Sveinn Björnsson í Mbl 23.1.2019)

Uppburðarleysi í stjórnmálum og umkomuleysi í fullveldismálum?

"Þegar ráðherra og varaformaður Sjálfstæðisflokksins fullyrðir (í Mbl. 18. september sl.) að ekki verði séð að innleiðing þriðja orkupakkans feli í sér meiri háttar frávik frá fyrri stefnu stjórnvalda í þessum málaflokki, og ekki sé ljóst hvert það myndi leiða yrði honum hafnað, vaknar áleitin spurning. Erum við að troða farveg sem víkkar og þjappast með hverju minniháttar fráviki uns summa frávikanna verður hinn breiði og beini vegur íslensks uppburðarleysis í stjórnmálum og umkomuleysis í fullveldismálum?"

ESB ræðst á bandarísk fyrirtæki

Bandaríkin hafa eytt fúlgum fjár í sjötíu ár í að byggja upp efnahag ESB-landa. En Bandaríkin eru búin að fá nóg, Donald Trump forseti ("America first") er orðinn leiður á að ESB fái endalaust frítt far og opinn aðgang að ameríku á meðan sambandið setur alls kyns höft og kvaðir á amerísk fyrirtæki. Nýlga setti ESB s.k. "persónuverndarlög" sem beindust gegn stóru bandaríksu netfyrirtækjunum (við þurftum að gleypa þau hrá vegna EES, þau eru óheyrilega dýr, ónauðsynleg og stjórnarskrárbrot, en það er kannske alveg sama því nú langar landsölumenn að breyta stjórnarskránni svo vald ESB verði gert löglegt hér).

ESB ætlar nú að setja nýjan skatt á amerísku netfyrirtækin (Mbl 21.1.2019). Þau sæta als kyns árásum og óhróðri í ESB (og líka hér). Líkur eru á að þessi aðgerð gegn bandarísku fyrirtækjunum valdi enn frekari stöðnun og hnignun í ESB og var þó ekki á bætandi. Og Ísland getur smitast vegna EES.

Lausn ESB á mengun er reglugerðarstafli.

Í dag greiðir íslenskur stóriðnaður og íslensk flugfélög háar upphæðir í viðskiptakerfi ESB með losunarheimildir, Skuldbindingar þ.e. greiða einhverjum aðilum í Evrópu fyrir að fá að vera til. Í Aðgerðaáætlun (stjórnvalda) í loftslagsmálum 2018 – 2030 segir m.a:

"Hver eru markmið Íslands samkvæmt Parísarsamningnum og öðrum skuldbindingum sem Ísland hefur tekið á sig, s.s. Evrópureglum? Ísland hefur lýst yfir því markmiði sínu innan ramma Parísarsamningsins að vera með í sameiginlegu markmiði 30 Evrópuríkja – ásamt Noregi og 28 ríkjum Evrópusambandsins – um að ná 40% minnkun losunar til 2030 miðað við 1990. Nákvæm útfærsla þessa markmiðs fyrir Ísland og Noreg liggur ekki fyrir, en hún mun felast í innleiðingu Evrópureglna, þar sem annars vegar er gerð krafa til fyrirtækja (einkum í stóriðju og flugi hvað Ísland varðar) og hins vegar beint til stjórnvalda (hvað varðar losun í samgöngum, landbúnaði, sjávarútvegi, meðferð úrgangs o.fl.) Tölulegt markmið varðandi síðari þáttinn yrði líklega um 30-40% samdráttur í losun til 2030 m.v. 2005 (sjá meðfylgjandi mynd, lóðrétti ásinn sýnir þúsund CO2-eininga)."

Þetta þýðir að eftir 11 ár þegar íslenskum stjórnvöldum hefur mistekist að minnka útblástur bíla og kúa á næstu 10 árum þarf íslenska ríkið að kaupa losunarheimildir af einhverju bröskurum í Mengunarkauphöll Evrópu,-í stað þess að koma sér upp eigin kerfi hér á landi og láta ekki milljarða (og milljarða tugi eftir 10 ár) streyma úr úr landinu. 

Frjáls fólksinnflutningur, meiri glæpir

Með EES ("fjórfrelsinu") leyfðum við frjálsa för fólks frá ESB löndum hingað. Með í för eru vandamál eins og við var að búast, m.a. glæpir, nauðgunum fjölgaði um 34% og innbrotum um 59% í fyrra.

 

Sæluríki ESB þenst út til Íslands.

Stjórnlausir fólksflutningar

 

Glórulausar skuldbindingar

Alþingi á að stimpla enn eina tilskipunina um "loftslagsmál" í febrúar. Hún fjallar m.a. um hvernig eftirlætisfyrirtæki ESB fá betri gróðamöguleika af viðskiptum með losunarkvóta fyrir "gróðurhúsalofttegundir". Okkar stjórnvöld álpuðust til að skuldbinda Ísland inn í viðskiptakefi ESB um losunarkvóta, s.k. ETS. Þar með lenti málið að óþörfu inn í EES. Og nú er verið að leggja drög að því að setja megnið af atvinnustarfsemi landsins undir viðskiptakerfi ESB, það kallast ESR.

Kostnaður á fyrirtæki í landinu vegna losunarkerfa ESB/EES verður fyrir utan og ofan öll skynsemismörk og hefur verið áætlaður um 270 milljarðar meðan verið er að byggja upp kerfin næstu tíu árin. Eftir það veit enginn hvað þau munu kosta íslenska atvinnustarfsemi. Peningarnir fara væntanlega að mestu til braskara í ESB í staðinn fyrir að notast í að græða upp íslensku eyðimörkina.

https://www.frjalstland.is/

Fyrir utan ESB/EES-kerfin eru svo loforð sem okkar fulltrúar hafa skrifað undir á ýmsum alþjóðlegum "loftslagsráðstefnum". Vonandi þarf ríkissjóður aldrei að að kaupa kvóta fyrir þau.