Ísland má ekki semja við Breta

Ísland og Noregur eru nú að reyna að semja bið Bretland um viðskipti eftir að Bretland fer út fyrir múra ESB. Að mestu er verið að semja um aukaatriði og barnaskapur að halda að við getum samið um meginatriðin í viðskiptunum. Ísland er fast innan viðskiptahaftamúra ESB meðan EES er í gildi.

"Hvað varðar matvælaöryggisreglur er Ísland bundið af regluverki EES-samningsins og því ekki unnt að semja um það við Breta - Hvað varðar innflutning frá Bretlandi mun Ísland - þurfa að beita þeim EES-reglum sem gilda um afurðir sem koma utan EES"- (úr svari Utanríkisráðherra til Mbl. 6.2.2019)

Það er ESB en ekki Utanríkisráðuneyti Íslands sem hefur vald til að semja við Bretland um viðskipti Íslands meðan EES hefur ekki verið aflétt. Við getum ekki lengur samið um viðskipti við eina helstu viðskiptaþjóð okkar.

EES þvælist fyrir samningum

Mat á áhrifum EES samningsins

EES samningsins hefur verið lofaður sem "besti viðskiptasamningur" sem Ísland hefur gert, og ómetanlegur fyrir sjávarútveginn. ALLT er þetta rangt. Ísland var með tollasamning um iðnaðarvörur og sjávarútvegsafurðir áður en EES -samningurinn kom til. Sá samningur er enn í gildi. Fyrir um ári síðan gerði Hagfræðistofnun úttekt á áhrifum EES á viðskipti milli landanna fyrir utanríkisráðherra (sjá hér að neðan). Þar segir m.a:

"Færa má rök að því að fyrst eftir að samningurinn gekk í gildi hafi ávinningur íslenskra sjávarútvegsfyrirtækja af honum að hámarki numið allt að 4½ milljarði króna á ári á verðlagi 2015. Um það leyti sem skrifað var undir samninginn var þetta nálægt 3% af verðmæti þess sjávarfangs sem Íslendingar fluttu til Evrópubandalagslanda."

Um lýðræðisþróun samningsins segir í skýrslunni:

"Frumkvæði og lokaákvörðun um innleiðingar lagasetninga er í auknum mæli komið á Evrópuvettvanginn og fá svið samfélagsins eru undanskilin. Á sumum þeirra eins og í umhverfismálum og matvælaeftirliti er nær öll lagasetning sem tekur gildi á Íslandi í höndum embættismanna og fulltrúa annarra ríkja í Brüssel en ekki í höndum lýðræðislega kjörinna fulltrúa á Íslandi."

ÞAÐ ER ENGIN FURÐA, AРÞESSARI SKÝRSLU HAFI EKKI VERIÐ HAMPAÐ AF STJÓRNMÁLAMÖNNUM OG AÐDÁENDUM ESB

Skrár tengdar þessari bloggfærslu:

• Áhrif samningsins um Evrópskt efnahagssvæði á íslenskt efnahagslíf

Noregur er að smitast af orkukreppu ESB

Orkuverðið í Noregi hefur tvöfaldast á einu ári. Og það er bara byrjunin. Fjárfestar og vinstri stjórnmálamenn, sem eru sjaldan sammála, spá enn meiri hækkunum: "Við fáum ESB-orkuverð! Og það var bara Björnar Moxnes hjá Rauða flokknum sem áttaði sig á þessu með ACER" segir fjárfestirinn Öystein Spetalen.

"Þeim mun fleiri sæstrengi fyrir rafmagn sem sem við leggjum til ESB, þeim mun dýrara verður rafmagnið- þetta er ný ránsferð gegn miðstéttinni".

Spetalen og Moxnes voru spurðir hvort Noregur gæti misst iðnaðinn úr landi. "Já, þetta eru söguleg mistök sem koma niður á framtíð norsks iðnaðar - ESB er til þess að verja franskan og þýskan iðnað"-

Spetalen varar við uppreisn: "-proletariatet kan reise seg"-.

Við fáum ESB raforkuverð!

 

ESB setur okkur fleiri lög

Alþingi er búið að fá haug af EES-tilskipunum sem því er uppálagt að setja í okkar lagasafn. Eina aðkoman sem Alþingi hefur að löggjöfinni er að stimpla tilskipanirnar ("Samþykkt"!), það hefur Alþingi gert af skyldurækinni og hræðslu við ESB síðan EES komst á.

Löggjafinn okkar gefur okkur ekki þessi lög, hann hefur ekkert um innihald þeirra að segja, þau eru frá ESB.  Nú þarf þingið að stimpla um 75 lög og ályktanir fyrir sumarið sem færa enn meira vald yfir Íslandi til fjarlægs valdabákns framhjá íslensku lýðræði. Framkvæmd EES-samningsins hefur gert ESB að löggjafa á Íslandi.

Stimpla þarf 75 tilskipanir frá ESB