Gáfnaljós ákveða

Gáfnaljósin í miðstjórn kommissaraflokks Evrópusambandsins hafa nú ákveðið að banna sölu alvöru bíla frá 2035 https://www.reuters.com/business/autos-transportation/eu-countries-poised-approve-2035-phaseout-co2-emitting-cars-2023-03-28/

En Norðmenn ætla að vera á undan, eins og í Nóbelsverðlaunum til loftslagsskrumara (s.s. Al Gore), Norðmenn ætla að banna sölu alvörubíla frá 2025 og leyfa aðeins "umhverfisvænar" dollur.

Norðmenn geta borgað, það þarf ógurlegt fé í niðurgreiðslur, vegi sem blýþungar batteríisdollurna slíta fljótt, það þarf björgunarsveitir um allan Noreg til að bjarga rafdollufarþegunum frá króknun þegar dollurnar verða rafmagnslausar í frostinu á heiðum Noregs. Það þarf nýjar deildir á sjúkrahúsin sem lækna kuldasjúkdóma og rafsegulbylgju skemmdir á vefjum.

Það þarf líka að banna umferð gangandi þar sem rafbílar geta farið um, þeir fara hljóðlaust um og geta keyrt yfir börn, fullorðna og dýr sem heyra ekki í þeim. Það þarfa að verja miklu fé í heyrnatæki fyrir gamla Norðmenn.

Slökkviliðin í Noregi þurfa mikið fé til að verja nágrenni rafbíla sem kviknar í meðan þeir eru að brenna, það er ekki hægt að slökkva rafbílaeld.

Það þarf að flytja notaða rafbíla til Afríku svo þeir mengi ekki Noreg.

Þegar Afríka hættir að taka við verða rafbílar bannaðir í Noregi vegna mengunarhættu.

 

Vitfirring EES í dagsbirtu

Áratuga blekkingar um EES upplýsast nú ein eftir aðra. ESB krefst þess að íslensk lög víki fyrir EES-tilskipunum og Alþingi brjóti stjórnarskrána. ESB ætlar með EES-sköttum að gera flugferðir til og frá Íslandi of dýrar fyrir almenning.

EES er að spilla orkugeiranum og mun spilla fegurð landsins með vindmyllum. EES er að spilla bílaflotanum, vegunum og fjárhag ríkissjóðs með bábiljum um "kolefnishlutleysi".

Íslensk stjórnvöld héldu að ESB gæti stjórnað loftslagi og afhentu því vald yfir "loftslagsmálum" og fleiri "umhverfismálum" sem ESB stjórnar í samræmi við undirmálsvísindi og áróður en lengi hefur verið ljóst að "loftslagsmál" áttu ekki heima undir EES-samningnum. EES-aðilar kaupa nú upp land, fjöll og ár. EES og eftirlitsstofnanirnar með EES-tilskipununum stöðva þróun fyrirtækja og  efnahagsuppbyggingu og sjálfstæði unga fólksins......

Útvíkkun EES-samningsins

Lilja okkar

Lilja viðskiptaráðherra ætlar að reyna að semja við Brussa um að sökkva ekki Íslandsfluginu í "loftslagsskatta" (Fréttabl. 24.3.2023)

Vandinn er að Alþingi álpaðist til að ganga í samflot við ESB í "loftslagsmálum" og fella þau inn í hinn glórulausa EES-samning að óþörfu, EES-skuldbindingarnar voru ekki um loftslag. Það hefur verið lögleiddur urmull tilskipana sem eru ætlaðar gerólíkum aðstæðum en hér ríkja og stefnir í meiriháttar efnahagsáfall af þeim sökum. Íslendingum er i lófa lagið að hanna sjálfir sín "loftslagsmál" og setja sínar reglur sjálfir. Við erum heimsmethafar í nýtingu reyklausrar orku.

Enn einn tilskipanapakkin, enn glóruminni og draumkenndari en þeir fyrri, er nú á leiðinni sem fyrirskipar skattheimtu út yfir allan þjófabálk á flug á EES-svæðinu: https://www.europarl.europa.eu/news/en/press-room/20221205IPR60611/fit-for-55-deal-on-more-ambitious-emissions-reduction-for-aviation

Okkar Lilja hefur erfitt verkefni í sjálstæðisbaráttu smáþjóðarinnar.

Eins og lesendum Frjáls lands er kunnugt er ekki til vísindaleg sönnun þess að koltvísýringur frá mannsathöfnum hafi áhrif á loftslag, aðgerðir til að draga úr útblæsti reyklofts byggja á tilgátum og ágiskunum og hafa verið áhrifalausar. Falsfréttir af hlýnun, sem oft er hnýtt aftan í fréttir af  öðrum fyrirbærum, s.s. skriðjöklatotum, komu lóunnar, skógareldum og fleiru miða við stutt tímabil sem gera falsanirnar trúverðugri.

https://www.frjalstland.is/loftslagsvisindi-hrjad-af-folsunum/

https://www.frjalstland.is/2022/03/20/dyrkeyptar-rangfaerslur-um-loftslag/

 

Hanar hreykja sér

Stríðsglæpadómstóllinn í Hollandi hefur nú gefið út "handtökuskipun" á Rússlandsforseta fyrir að bjarga rússneskum börnum Donetsk undar sprengjuregni leppstjórnarinnar í Kænugarði.

Þessi "dómstóll" er skrifstofa sem stríðsþjóðir NATO og ESB og þeirra leppar standa að og hefur það hlutverk að gera löfræðingaárásir á þá sem NATO/ESB-stríðsþjóðirnar reka hernað gegn og eru þeim óþóknalegir, ein af mörgum svínastíum fyrir skinhlegi stríðsþjóða NATO/ESB.

Stríðsglæpadómstóllinn hefur hunsað raunverulega stríðsglæpi:

-Handtökuskipan var ekki  gefin út á Bandaríkjaforseta (Bush) og Bretaráðherra (Blair) fyrir stríðsglæpi, þ.á.m. notkun geislavirks úrans í Írak, valdandi vanskapnaði barna og krabbameini í Fallujah. Sömu men voru ekki handteknir fyrir stírðsglæpi í Afganistan.

-Handtökuskipan var ekki gefin út á Bandaríkjaforseta (Clinton) fyrir að varpa geislavirkum sprengjum á Serbíu.

-Handtökuskipan var ekki gefin út á Bandaríkjaforseta (Obama og Biden vara) fyrir að hafa látið launmyrða hundruðir, þ.á.m. starfsmenn löglegrar ríkisstjónar Úkraínu og almenna borgara (frá nóvember 2013 til febrúar 2014) til þess að ræna völdum í Úrkaínu.

-Handtökuskipan var ekki gefin út á Úkraínuforseta (Zelensky)fyrir a láta myrða úkraínska hermenn í stríðsfangabúðum Rússa 2022 og rússneska stríðsfanga.

Að gefa út handtökuskipan á hendur forseta stærsta lands heims á tilbúnum rökum er hámarkið á hroka og skinhelgi stríðsþjóðanna. En tilefnið var auðvitað að Rússlandsforseti gerði samstarfssamning við stærstu þjóð heims sem rýrir heimsvöld stríðsþjóðanna. En þær hreykja sér samt og gala eins og hanar á priki þó allir (nema leppar þeirra í NATO og ESB) séru orðnir leiðir á hávaðanum og stríðmanginu í þeim.

https://www.mbl.is/frettir/erlent/2023/03/23/stridsyfirlysing_ef_putin_verdur_handtekinn/

Úraníum handa Zelensky

Bretar hyggjast senda Úkraínu fallbyssuskot úr úraníum sem er geislavirkt og miklu (2/3) þyngra en blýskotin og geta því rofið brynvörn  betur. NATO-lönd notuðu slík skot í Írak og Júgóslavíu þar sem geislavirknin skildi eftir sig þúsundir vanskapninga, hvítblæði- og krabbameinssjúklinga.

https://www.aljazeera.com/news/2023/3/22/putin-warns-uk-over-depleted-uranium-tank-shells-for-ukraine

Skotin hafa eitrað umhverfi og jarðveg þar sem þau hafa verið notuð og munu eitra frjósaman jarðveg Úkraínu um ókomna tíð. Taka þarf fram að helstu lygaútgáfurnar í NATO (CIA, MI5 ofl.) hafa reynt að kveða niður fréttir af skaðanum.

Fallbyssuskotin eru úr "depleted uranium" (rýrðu úrani) sem er 3% geislavirkt U235 (kjarnorkuofnaeldsneyti) og aðallega ókjarnakleyft U238.

Hamslaus hamfarahlýnun

Loftslagssérfræðingar Sameinuðu þjóðanna geta ekki haldið höfðinu köldu.

Meðan hitastigið hér við Atlantshafið heldur áfram að lækka og frostið liggur yfir mánuðum saman og klakinn heldur bátunum  föstum í höfnunum, kemur enn ein "skýrslan" frá einni afkastamestu ruslvísindaútgáfu heimsins, IPCC, milliríkjanefnd sameinuðu þjóðanna um loftslagsbreytingar.https://www.bbc.com/news/science-environment-65000182

Nú á að setja kraft í að hræða unglingana (og stjórnmálamennina) til að hlýða niðurrifsöflunum sem ætla að koma á fátækt og skaffa sér meiri völd (og peninga) áður en allur heimurinn veit að ógnin um loftslagshlýnun er ekki raunveruleg heldur aðeins til í höfðinu á undirmálsvísindamönnum og illa upplýstum fjölmiðla- og ráðamönnum. https://www.frjalstland.is/loftslagsvisindi-hrjad-af-folsunum/

Á sama tíma hefir sjálft Evrópusambandið, ein helsta miðstöð ruslvísinda um loftslag,  endurskilgreint jarðefnaeldsneyti (jarðgas) sem "grænt" og sett í gang aukið kolanám.

Hugmyndin um kolefnishutleysi hefur þannig afhjúpast sem draumur sem aldrei rætist og sumir helstu loftslagsskrumararnir eru hættir að reyna að sýnast.

Stríðsafmæli

Milljónamanndráp og limlestingar á vegum NATO- og ESB-landa eiga afmæli.

Írak er í rúst 20 árum eftir árás Bandaríkjanna og kjölturakka þeirra með stuðningi "viljugra þjóða" eins og Íslendinga. Og stríð NATO og ESB í Úkraínu byrjaði fyrir 9 árum.

https://www.frjalstland.is/2023/03/17/ukrainustridid-9-ara/

Hver sprengdi gasleiðsluna?

Falsfréttamiðlar hafa borið út margar lygasögur um skemmdarverkið á rússnesk-þýsku gasleiðslunni í Eystrasalti. Verðlaunablaðamaðurinn Seymour Hersh, þekktastur fyrir að afhjúpa fjöldamorðin í My Lai og fleiri hryðjuverk Bandaríkjastjórnar, hefur nú afhjúpað skemmdarvargana í Eystrasaltinu. https://seymourhersh.substack.com/p/how-america-took-out-the-nord-stream

Það voru sérhæfðir kafarar bandaríska sjóhersins sem fóru með C4-spengjurnar í Alta-tundurdublaslæðara norska sjóhersins og komu þeim fyrir á gaslögninni eftir leiðsögn norska sjóhersins. Það var svo P8-eftirlitsflugvél norska sjóhersins sem sleppti niður bauju með íkveikisendi sem sprengdi hleðslurnar.

 

Það var Joe (les Sullivan, Blinken, Nuland og erindrekar heriðnaðarins) sem gaf fyrirskipunina um að eyðileggja Nord Stream, Olaf þýski sagði jamm þó skemmdarverkið tæki frá Þjóðverjum eina helstu uppsprettu þýskrar velsældar síðari tíma, rússneska jarðgasið. Og gáfnaljósin i Brussel sögðu líka jamm!

https://www.helsinkitimes.fi/world-int/22973-us-and-norway-blew-up-the-nord-stream-pipelines-seymour-hersh.html

Hvílíkar vinaþjóðir, bandamenn og verndarar Íslands! Saman í hryðjuverkum gegn Þýskalandi og Rússlandi!

Lok Úkraínustríðsins

Þegar Bandaríkin fá aftur ábyrgan forseta verður Úkraínustríðinu hætt, væntanlega eftir tæp tvö ár en þá verður stríðið ellefu ára. Það hófst í umboði Obama/Biden-stjórnarinnar fyrir réttum 9 árum með verktökuhernaði nýju leppstjórnarinnar í Kænugarði gegn Donbassvæðunum.

Ellefu ár eru ekki sem verstur aldur á stríði miðað við önnur stríð Bandaríkjanna, NATO og ESB: Viet Nam og Afganistanstríðin voru í 20 ár en hernaðurinn í Írak og Sýrlandi í um áratug, þessi lönd liggja enn að verulegu leyti í rústum og milljónir manna drepnar og limlestar og milljónir flúnar til Evrópu.

Líklegir forsetaframbjóðendur í Bandaríkjunum eru á móti aðgerðum Biden-stjórnarinnar í Úkraínu. Þegar Bandaríkin hætta hernaðarþátttökunni hætta líka kjölturakkarnir í NATO og Evrópusambandinu. Þangað til verða þúsundir drepnar og limlestar í hlutfalli við vopnasendingar til Kænugarðsstjórnarinnar https://www.youtube.com/watch?v=vYWaTPwHTsU

Hjá ný-nasistum

Okkar ráðherrar fara til ný-nasistanna í Kænugarði með fleiri ullarvetlinga til að innlima Úkraínu í ESB og NATO.

Og undirbúa sýningu leikarans fræga Zelensky hér í mai sem er til þess að koma ESBskotunum til að vola og búa til meiri lygar handa falsfréttamiðlum Vesturlanda. Það verður nefnilega fundur þeirrar háu hlálegu samkundu "Evrópuráðsins" hér í Reykjavík í maí, meiningarlaus samkoma ómarktækra vínlepjandi ESBskota, stofnuð til þess að koma í veg fyrir fleiri Evrópustríð sem stríðsþjóðir í ESB hefja venjulega eins og nú gegn Rússlandi. Stærsta og öflugasta þjóð Evrópu, Rússar, eru útilokaðir frá þáttöku sem þýðir að samkoman í Reykjavík verður árangurslaus leiksýning ESB.

https://www.mbl.is/frettir/innlent/2023/03/13/katrin_og_thordis_a_leid_til_ukrainu/

Ég legg til að Katrín og Þórdís fari til Moskvu þar sem Ísland hefur alltaf átt vini og bjóði Rússum á samkunduna í Reykjavík í mai, allavega að fara Gullna hringinn með góðri rútu ef ESBskotarnir fara að steita sig. Vegna hamfarahlýnunarinnar þurfa Rússarnir líka að fá vetlinga og sokka til að verja Rússana í Donbas fyrir manndrápum ESB og NATO. https://www.frjalstland.is/2022/05/05/bloduga-valdaranid-i-ukrainu/

Friðrik Daníelsson