Hamslaus hamfarahlýnun

Loftslagssérfræðingar Sameinuðu þjóðanna geta ekki haldið höfðinu köldu.

Meðan hitastigið hér við Atlantshafið heldur áfram að lækka og frostið liggur yfir mánuðum saman og klakinn heldur bátunum  föstum í höfnunum, kemur enn ein "skýrslan" frá einni afkastamestu ruslvísindaútgáfu heimsins, IPCC, milliríkjanefnd sameinuðu þjóðanna um loftslagsbreytingar.https://www.bbc.com/news/science-environment-65000182

Nú á að setja kraft í að hræða unglingana (og stjórnmálamennina) til að hlýða niðurrifsöflunum sem ætla að koma á fátækt og skaffa sér meiri völd (og peninga) áður en allur heimurinn veit að ógnin um loftslagshlýnun er ekki raunveruleg heldur aðeins til í höfðinu á undirmálsvísindamönnum og illa upplýstum fjölmiðla- og ráðamönnum. https://www.frjalstland.is/loftslagsvisindi-hrjad-af-folsunum/

Á sama tíma hefir sjálft Evrópusambandið, ein helsta miðstöð ruslvísinda um loftslag,  endurskilgreint jarðefnaeldsneyti (jarðgas) sem "grænt" og sett í gang aukið kolanám.

Hugmyndin um kolefnishutleysi hefur þannig afhjúpast sem draumur sem aldrei rætist og sumir helstu loftslagsskrumararnir eru hættir að reyna að sýnast.

Athugasemdir

[Ingólfur Sigurðsson, 21.3.2023 kl. 20:55]

 Ég hef verið sammála mörgum pistlum hér, en ekki þessum. Skrifað er hér að "sumir helstu loftslagsskrumararnir eru hættir að reyna að sýnast". Ætli það séu ekki fleiri ástæður fyrir því en hér er gert ráð fyrir.

Þessi pistill byggist á þeirri meginályktun að af því að hitinn hér við Atlantshafið er óvenju lágur um þessar mundir sé það sönnun fyrir því að kenningin um hamfarahlýnun sé vitleysa.

Þykir mér pistlahöfundurinn ekki vel að sér í loftslagsvísindum og noti einfaldaðan málflutning. Kenningin um manngert veðurfar felur ekki í sér hlýnun allsstaðar á jörðinni á sama tíma öllum stundum. Hún fjallar um öfgakennt veðurfar ekki síður og raskanir á eðlilegum veðrakerfum.

Kynntu þér pistil Trausta Jónssonar sem birtist í dag, "Fyrstu 20 dagar marsmánuðar". Hann er enginn öfgamaður, hvorki sem afneitunarsinni né hlýnunarboðandi, heldur varfærinn og þekkir vel samanburðinn við fjölmörg ár og áratugi.

Lokaorðin í hans pistli eru svona:"Loftþrýstingur hefur verið óvenjuhár.  Meðaltalið er 1919,6 hPa, það er það áttundahæsta sömu almanaksdaga frá upphafi mælinga, (202 ár). Harla óvenjulegt allt saman." Annað í pistli hans fjallar ekki um met, heldur óvenjulegt veðurfar og öfgakennt miðað við árstíma.

Síðast en ekki sízt, hamfarahlýnun af mannavöldum getur hrint af stað ísöld. Sterk rök hafa sumir vísindamenn fært fyrir því. Það er auðvitað ekki óumdeilt frekar en annað samt. Fáar þjóðir væru verr staddar en Íslendingar ef það gerðist, öll okkar tilvera byggist á Golfstraumnum, annars væri hér gaddfreðið allt og ísaldarveðurfar.

Ef ísöld kemur munu allir flykkjast á sömu litlu staðina sem væru visthæfir. Það myndi enda með skelfilegum manndrápum og voðaverkum.

Evrópusambandið viðurkenni ég, hefur verið óraunsætt, og hef ég alltaf vitað að vindmyllur, virkjun sólarorku og margt annað hefur ekki verið samkeppnishæft við brennslu olíu og kola. Enda hefur minn málflutningur snúizt um annað, að einungis menn eins og Hitler höfðu rétt fyrir sér, að jörðin býður ekki uppá lífsrými nema fyrir miklu færri einstaklinga en nú eru á jörðinni, og glæpur er það gegn náttúrunni og Guði að hafa útrýmt öllum þessum dýrategundum og plöntutegundum sem horfnar eru að eilífu.

Bæði hægrimenn og vinstrimenn eru á algjörum villigötum. Sitthvorar ástæðurnar eru fyrir því.

Að vísu las ég "Loftslagsvísindi hrjáð af fölsunum", og það er sannfærandi pistill, sem vekur nokkurn efa hjá mér um að hamfarahlýnun sé staðreynd.

Og samt er það svo að veðurfarið í vetur hefur verið óvenjulegt eins og Trausti Jónsson hefur skrifað um.

Jafnvel Donald Trump hefur reynt að stuðla að því að Bandaríkin færi á hina grænu línu, með því að styðja þannig atvinnuvegi.

Vinstrimenn verða að þroskast og skilja hugtakið lífsrými. Hægrimenn verða að þroskast líka og skilja að dýr og jurtir hafa jafn mikinn lífsrétt og maðurinn.