Múgur og margmenni

gengur með drauma um að reisa vindmyllur og framleiða "vistvænt eldsneyti". Gaman gaman! Meira að segja þeir sem litla þekkingu hafa á orku- og efnaframleiðslu ætla að hjálpa loftslagssvindlurunum að leggja orkukerfið í rúst! https://www.frjalstland.is/2023/01/30/hver-borgar-orkudraumana/

 

Norðmenn finna auðæfi

Á botni Noregshafs og Grænlandshafs er að finna gífurlegt magn af verðmætum málmum: Eir, zink, gull, magnesium ofl. Og "reykstromparnir" á Mið-Atlantshafshryggnum dreifa um sig súlfíðum verðmætra málma. Þetta segja Norðmenn. https://www.reuters.com/markets/commodities/norway-finds-substantial-mineral-resources-its-seabed-2023-01-27/

Það hefur lengi verið vitað að gamalt berg eins og er í landgrunni Noregs og Grænlands og að hluta Íslands, inniheldur verðmæta málma. "Reykstrompar" (hverir á hafsbotni) eru margir í lögsögu Íslands og blása út súlfíðum. Norðmenn eru orðnir sjóaðir í að nýta auðlindir hafsbotnsins og ætla nú að bæta verðmætum málmum við olíuna og gasið.

Okkar stjórnvöld ætla að banna leit að "kolvetnum" (auðvitað er átt við vetniskolefni, olíu og gas) til þess að þjónkast "loftslagsstefnu" EES/ESB. Það er því ekki líklegt að við komumst heldur í aðrar auðlindir á hafsbotni. En við getum kannske unnið með Grænlendingum og fengið sneið af kökunni þeirra þangað til við fáum Alþingi og ríkisstjórn sem kunna að vinna að hagsmunum Íslenskrar þjóðar og byggja upp landið til frambúðar en ekki með skammlífri tísku um kolefnishlutleysi, vindmyllur, vistvænt eldsneyti og rafhlöður https://www.frjalstland.is/2022/02/11/orkuskiptin-eru-draumorar/.

 

Þýsku skriðdrekarnir komnir aftur

Á steppum Rússlands æddu þýsku skriðdrekarnir fram og slátruðu Rússum í seinni heimsstyrjöldinni. Rússar hafa frá æsku séð myndir og heyrt sögurnar frá Föðurlandsstríðinu gegn Nasistunum, tilfinningin nú að fá aftur þýska skriðdreka vekur upp minningarnar um glæp Þýskalands gegn Rússnesku þjóðinni. Hatrið og reiðin eykur baráttuviljann gegn Úkraínsku leppum Evrópusambandsins og NATO sem hafa herjað á rússnesku íbúana austur við Donets ána í 9 ár.

Reiði Rússa er ekki bara hættuleg þýsku undirlægjum Bandaríkjanna heldur allri heimsbyggðinni. Bandaríkjamenn og Þjóðverjar sem vit hafa, en þeir eru margir, verða nú að koma til skjalanna og láta Joe og Olaf hætta að dæla drápstólum í hættulega fasistíska leppstjórn í Kænugarði og samþykkja að setjast að samningaborði. Að öðrum kosti gæti komið síðasta heimsstyrjöldin. https://www.newsweek.com/trump-warns-nuclear-war-over-west-sending-tanks-ukraine-1776855

Námskeið í kreppugerð

Ein Alþingisnefndin dreif sig til Skotlands til að læra á orkuskipti, rafbílaumferð og fleiri aðferðir til þess að búa til kreppu.

Bretar eru orðnir svo færir í kreppugerð að fólk króknar heima hjá sér, og jafnvel í rafbílunum, margir eiga varla fyrir mat. https://www.frjalstland.is/2022/04/03/vaxandi-fataekt/

https://www.nytimes.com/2022/12/24/business/britain-energy-crisis-responders.html

En það er til olía, gas og kol í breskri lögsögu en lofslagssvindlararnir hafa komið því til leiðar að vinnsla þeirra hefur verið bremsuð. En þó er nú loksins byrjað að opna gaslindir undan strönd Skotlands til að bjarga einhverju.

Grænjaxlarnir með kolefnishlutleysið, rafbílamistökin og vindmyllutískuna eru orðnir Skotlandi dýrkeyptir. Vindmyllurekendurnir lifa á almannafé og skila stopulli og óhagkvæmri orku. Og fá borgað frá skattgreiðendum  fyrir að slökkva þegar nóg er af orku!. Í fyrra, 2022, þurfti að borga vindmyllueigendum nærri kvartmilljarð punda fyrir að framleiða ekki orku!

"Hvort sem er fyrir algera vanhæfni eða skammarlegt blygðunarleysi hafa ríkisstjórnin, National Grid og Ofgem, komið á orkukerfi sem leyfir framleiðendum endurnýjanlegrar orku að hlunnfara neytendur til hægri og vinstri. Þeir virðast fyrirlíta bresk heimili og fyrirtæki".

https://www.netzerowatch.com/payments-for-windfarms-to-switch-off-soar-to-quarter-billion-pounds/

Landvinningastríð

Evrópusambandið hefur lengi stefnt að innlimun Úkraínu. Samningatilraunir voru gerðar 2012 en löglega kjörin stjórn landsins ákvað í nóvember 2013 að hafna aðild að ESB. Þá frömdu Bandaríkin og ESB blóðugt valdarán og komu leppstjórn til valda sem hóf ofsóknir gegn rússneskum borgurum landsins.

Valdaránið og óeirðirnar fengu nafnið Euromaidan og voru kynnt á Vesturlöndum sem mótmæli gegn stjórn Úkraínu en voru vel undirbúið vopnað valdarán. Victoria Nuland, aðstoðarutanríkisráðherra Barak Obama, sá um framkvæmdina og að borga byssumönnunum en fleiri komu að. Fasistahreyfingar Úkraínu, s.s. Right Sector, Fatherland, Svoboda, Azov herfylkið tóku þátt og studdu leppstjórnina sem hóf strax 2014 árásir á rússnesku héruð landsins. Vestrænir fjölmiðlar hafa þagað kirfilega um þau illvirki. https://www.frjalstland.is/2022/05/05/bloduga-valdaranid-i-ukrainu/

Þegar Rússar loksins skárust í leikinn með löndum sínum í austurhéruðum Úkraínu höfðu 14000 manns verið drepnir. Friðarsamninga, sem gerðir voru í Minsk, ætluðu ESB og leppstjórnin aldrei að efna en voru aðeins til þess að fá tíma til að vopnavæða Úkraínu fyrir stríðið við Rússland, samkvæmt vitnisburðum þáverandi leiðtoga ESB, Francois Hollande og Angelu Merkel.

ESB og NATO reka stríðið í Úkraínu með tröllvöxnum vopna- og hergagnasendingum, hermönnum, njósnum, skotmarkaauðkenningum, skemmdarverkum og morðum utan Úkraínu, fjármagni og áróðri.

Gífurlegum fjármunum hefur verið stolið af Rússum, kallað að "kyrrsetja" og hefur verið gert við önnur lönd sem ESB og NATO hafa ráðist á. Glæpsamlegar refsiaðgerðir gegn Rússum hafa náð út yfir allt sem siðaðar þjóðir hafa hingað til talið sér sæmandi og hafa komið öllum illa.

Gáfnafarið hjá forustumönnum ESB og NATO virðist ekki duga til að skilja að verið er að æsa stærsta kjarnorkuveldi heims til stórstyrjaldar sem er ógn við allt mannkyn. Rússum finnst rússnesku héruð Úkraínu eiga að vera hluti af Rússlandi eins og þau voru. Þeir munu því aldrei samþykkja að leppar ESB og NATO ráði þeim. Rússar tapa ekki stríðum en þeir hafa þurft að fórna milljónum manna til að hrinda árásum landa sem nú leiða ESB og auglýsa sig sem "friðarbandalag" en hafa nú sýnt sitt rétta andlit.

Mikils misskilnings gætir hér á Norðurlöndum og víðar á Vesturlöndum um Úkraínustríðið vegna einhliða áróðurs og gamlagróins ofsóknarbrjálæðis gegn Rússlandi sem þó hefur aldrei að fyrra bragði ráðist á norrænutalandi þjóðir. Úkraínustríðið er ekki "tilefnislaus árás Rússa" eins og CIA, MI5, stríðsmangarar og falsmiðlar Vesturlanda segja heldur landvinningastríð með að markmiði að innlima Úkraínu í ESB og NATO.

Bloggið skrifar Friðrik Daníelsson

Allar gleðikonur bókaðar

Kaffifundur laumufélagsins sem vill ráða okkar málum og breyta Jarðarbúum í þögula fátæklinga sem trúa lygum þeirra, er nú í Alpafjöllum.

Þar mæta auðmenn (þ.á.m. skemmdarverkafjárfestar, vopnaframleiðendur, stríðsmangarar, bankaeigendur, loftslagssvindlarar og þrælahaldarar), hagfræðiprófessorar og bábiljustjórnmálamenn. https://public.substack.com/p/davos-is-a-grift-and-a-cult-but-its

Kannski gætir þú fengið að koma og kíkja einhvern tíma en hafðu með þér 4 milljónir til að borga inn. Reyndar munu flestir helstu þjóðarleiðtogar skrópa á þennan fund enda aðallega um loftslagssvindlið og mögulega smá um Rússagrýluna (Úkraínuleikari kallar fram tár). Líklega eru margir þjóðarleiðtogar farnir að átta sig á að draumaheimur afætanna verður aldrei annað en draumaheimur. Og svo eru allar gleðikonur þegar bókaðar.

https://www.ruetir.com/2023/01/entertainer-women-and-mens-services-sold-out-during-the-world-economic-forum-in-davos/

Ekki allir ragir

Það eru akki allir jafn huglausir og okkar stjórnvöld sem þora ekki að gagnrýna okkar "bandamenn" fyrir stríðsmang. En það þorir Zoran Milanovic, foreti NATO-landsins Króatíu og nýjasta Evrópusambands-landsins:

"Bandaríkin og NATO eru þátttakendur í leppstríði gegn Rússlandi á landsvæði Úkraínu - Markmiðið ætti ekki að vera að losna við Putin, markmiðið ætti ekki að vera refsiaðgerðir, refsiaðgerðir eru fáráðnlegar og skila okkur engum árangri. Þeir (Bandaríkin og NATO) gátu ekki einu sinni sigrað Milosevic, þeir fara úr einu stríði í annað. En hvernig ætti mér að líða, eins og þræl Ameríku?"

https://www.slobodenpecat.mk/en/milanovikj-sankcii-kon-putin-i-rusija-se-apsurdni-tie-ne-mozhea-da-go-porazat-ni-miloshevikj/

bloggskrifari Friðrik Daníelsson

Sjálfbær sjálfsblekking?

"Sjálfbær" er eitt af tískuorðunum, þeir sem nota það mest, t.d. Evrópusambandið, skilgreina það rangt og gefa út tilskipanir gegn eldsneyti, skriffinnahjörðin og stofnagíslar þeirra dreifa bábiljum um að "gróðurhúsalofttegundir" frá brennslu manna hiti upp loftslagið og eldsneytisnotkun sé því ekki "sjálfbær".

Það eru engar mannsathafnir fyllilega sjálfbærar. Virkjanir úreldast, borholur tæmast, vindmyllur, sólorkuver og rafhlöður gefa stopula og dýra orku og eru skammlíf og allt of auðlindafrek að endurvinna, taka upp verðmæt landflæmi og valda umhverfisspjöllum. https://www.frjalstland.is/2021/10/08/vindmyllur-og-orkukreppan/

Jarðgs (jarðefnaeldsneyti) endurmyndast aftur á móti í iðrum Jarðar m.a. úr koltvísýringnum frá brennslu þess, sjórinn tekur hann upp og myndar set sem fer (á löngum tíma) niður í Möttulinn þar sem jarðgasið myndast. En það er grænka jarðar sem tekur obbann af koltvísýringnum, þeim mun meira sem meira er af honum. Aukningin stöðvast því með tímanum.

Framleiðsla, samgöngur, byggingar þurfa orku, "gróðurhúsalofttegundirnar" sem mannfólkið blæs út fara ekkert, þær ganga í hringrásir á Jörðinni sem hvorki gáfnaljós Evrópusambandsins né Sameinuðu þjóðanna geta stjórnað þó haldnar yrðu milljón Parísarráðstefnur.

Jörðin okkar er "sjálfbær" þó Evrópusambandið sendi Alþingi  langhundasvaml (EES-tilskipanir) um að fjárfesta nú í "sjálfbærri" starfsemi (sem lendir svo í fangi skattgreiðenda fyrr eða síðar).

https://eur-lex.europa.eu/legal-content/EN/TXT/PDF/?uri=CELEX:32020R0852&from=EN

https://www.althingi.is/altext/153/s/0463.html

 

EES 30 ára

Þennan dag fyrir 30 árum samþykktu 33 af 63 alþingismönnum tilskipanavald Evrópusambandsins yfir Íslandi með sk. EES samningi sem batt enda á hálfrar aldar óskorað fullveldi og sjálfstæði Íslands.

https://www.frjalstland.is/2023/01/12/ees-30-ara/

Má segja okkur satt um Úkraínu?

-"Að halda því fram að stríðið í Úkraínu snúist um lýðræði og málfrelsi er vægast sagt furðulegt. Forseti Úkraínu hefur fangelsað stjórnarandstöðuna, bannað frjálsa fjölmiðla og - bannað allan fréttaflutning sem ekki passar inn í opinberu sögurnar frá áróðursráðuneytinu. Sjálfskipaðir þjóðernishreinsunarhermenn hafa tekið völdin og fremja þjóðarmorð á minnihlutum-

-Allar þessar þrjár konur (Matilde Kimer, Alina Lipp, Eva K. Bartlett) eru dæmi um hugrakkt alvörufréttafólk sem finnst sannleikurinn mikilvægur. Sem fer á svæðið og tekur viðtöl við fólk og tekur ekki fréttir úr sögulegu samhengi til að réttlæta málstað. En kannske er skiljanlegt að venjulegt íslenskt fréttafólk vilji frekar þýða beint texta áróðursráðuneytis Úkraínu en að skrifa sannleikann og eiga á hættu að lenda á dauðalista leyniþjónustunnar".

https://www.mbl.is/mogginn/bladid/grein/1826781/