Nátttröll Kalda stríðsins

Enn stíga fram nátttröll Kalda stríðsins með stríðsæsingar gegn Rússum, þeir virðast ekki hafa tekið eftir að kommúnisminn var rekinn frá Rússlandi fyrir 30 árum. Íslensk nátttröll eru algeng en í dag kemur sænskur hagfræðingur með æsingar. Sjúkleg Rússahræðsla er landlæg í Svíþjóð þó Rússar hafi aldrei gert Svíum neitt. Þessi er með stríðsæsingar gegn Rússum vegna þess að Rússar leyfa ekki heimsvaldasinnum að innlima Úkraínu í ESB og NATO. Hann ásakar Pútín um "að leggja á ráðin um stríð" (Mbl 26.7.2021)

Rússar hafa alltaf þurft að verja Úkraínu fyrir stríðsherraþjóðum, síðast Þjóðverjum (1939-1945) og þar áður Frökkum (1812). Kaldastríðströllin verða að fara að gera sér grein fyrir að Rússar munu ekki heldur núna leyfa landvinningabáknum eins og ESB eða kaldastríðssamtökum eins og NATO að innlima lönd Rússa. Rússaveldi var stofnað í Úkraínu rétt áður en Skalla-Grímur lagði af stað til Íslands og hefur síðan, með góðu og illu, haldið innrásarmönnum frá löndum Rússa.

Nátttröll Kalda stríðsins eru hættuleg. Íslendingar þurfa að draga þau fram í dagsljósið þar sem þau gægjast fram.

https://www.frjalstland.is/2018/06/30/esb-akvedur-utanrikisstefnu-islands/#more-776

 

Athugasemdir

[Hörður Þormar, 27.7.2021 kl. 14:49]

Síðuhafi getur sofið rólegur, Pútín hefur alla burði til að verja sig:                          Putin warns navy can fire 'unpreventable strike'           

[Helga Kristjánsdóttir, 27.7.2021 kl. 18:02]

....Og ég vona innilega að Pútin geri það.

[Hörður Þormar, 28.7.2021 kl. 00:26]

Sumt eiga Adolf Hitler og Valdimir Putin sameiginlegt. Báðir ólust þeir upp sem stoltir  þegnar stórvelda sem þeir máttu horfa upp á að liðuðust í sundur. Og vafalaust hafa báðir fyllst sárindum vegna þess.

Báðir voru þeir lýðræðislega kjörnir leiðtogar þjóða sem voru í kreppu, áttu ekki lýðræðislegar hefðir og var tamt að hlýða herrum sínum. Enda hafa báðir haft litla þolinmæði gagnvart óhlýðni.

En Hitler og Putin eru gerólíkir menn. Hitler var fanatíker og vildi í brjálsemi sinni gera Þýskaland að voldugasta ríki í heimi.

Putin er enginn brjálæðingur, hann er raunsær og klókur. Hann stefnir á að halda völdum til ársins 2036 og eflaust er það hugsjón hans að endurreisa hið gamla rússneska stórveldi. En Putin er "nátttröll" kalda stríðsins, hann virðist vera heltekinn af einhveri "ógn úr vestri".

Vissulega var Hitler mikil ógn og Napoleon kannski líka. Og loks var það Karl 12. Svíakonungur. En voru Evrópuríki ekki líka ógn, hvert við annað?Dettur einhverjum í hug að Þjóðverjar, Frakkar eða Svíar fari nú með her á hendur Rússum?

Ekki eru vestrænir leiðtogar þó alsaklausir. Annar hvor þeirra Bush feðga sagði t.d. eitthvað á þá leið að Rússland væri "svona miðlungsríki". Við það stórmóðgaðist Putin. Það mun þó satt vera, efnahagslega er Rússland víst svipað að stærð og Ítalíu og er mjög háð útflutningi á olíu og gasi. Hins vegar er Rússland kjarnorkuveldi og hefur byggt áhrif sín á því. Putin leggur líka mikla áherslu á eflingu hersins, meiri heldur en að bæta velferð fólksins í landinu. Hefur hann beitt hernum með fruntaskap og yfirgangi við nágranna sína, Georgíu og Úkraínu, en það er kapituli út af fyrir sig.

Allt er þetta mjög dapurlegt því að ekkert ætti að að standa í vegi fyrir farsælli sambúð Rússlands, Evrópu og Bandaríkjanna. 

[Helga Kristjánsdóttir, 28.7.2021 kl. 03:53]

 Grunur felst í metnaði Evrópsambandsins vegna stöðugra væringja gegn Ukraínu eða til hvers er sérstakur stækkunar stjóri þeirra? Varla veður hann herlaus yfir næstu nágranna? En sagðir lofa huglausum tign í himnaríki sínu auk fés í áróðursskyni til að svíkja þjóð sína Ísland með brögðum. Vonandi gæta kjósendur sig á þeim og kjósi alls ekki. 

[Hörður Þormar, 28.7.2021 kl. 12:56]

Hvernig er hægt að ímynda sér að nokkur í Evrópusambandinu hafi áhuga á að Úkraína gangi þar inn?

Hefur Evrópusambandið ekki nóg á sinni könnu þótt það bæti ekki við sig yfir 40 milljóna þjóð sem er algerlega á kúpunni?