Er EES samningurinn bara gluggaskraut?

Hvar er nú myndugleiki ráðherranna íslensku, þora þeir að mótmæla brotum ESB á EES samningnum, eða er samningurinn bara gluggaskraut?

"Í morg­un hafði Dynj­andi sam­band bæði við ut­an­rík­is­ráðuneytið og at­vinnu­málaráðuneytið og greindi þeim frá stöðunni. Þor­steinn seg­ir að þá hafi eng­inn vitað hver ætti að taka bolt­ann. „En ég trúi ekki öðru en ís­lensk stjórn­völd geri allt sem þau geta til að ýta ein­hverju í gang,“ seg­ir Þor­steinn. Staðan kom þeim í opna skjöldu, að sögn Þor­steins."

Plastpokabannið eykur smithættu

ESB fyrirskipaði bann við plastpokum (EES-tilskipun no 2015/720) og Alþingi gleypti hana hráa og setti í lög (nr 34/2019). Bannið er eitt af nýlegum dæmum um tilskipanir sem eru í trássi við þekkt vísindi. Ávinningurinn er hégómlegur í samanburði við ávinninginn af notkun plastpoka við meðferð matvæla. Ofstæki ESB-báknsins í meintum "umhverfismálum" verður stöðugt hættulegra og fylgisspekt okkar varhugaverðari.

Endurnotanlegir burðarpokar taka á sig óhreinindi og bera smit eftir viðkomu við vörur, bekki, gólf og borð. Bréfpokar draga í sig óhreinindi og smit og dreifa auk þess óhreinindum frá matvöru sem lekur í þá. Plastpokarnir eru notaðir einu sinni og ryðja frá sér óhreinindum. Notkun plastpoka er öruggsata leiðin til hreinlætis og góðrar umgengni við meðferð og flutning matvæla. Plastpokarnir eru auk þess endurnýtanlegir og ákjósanlegir við t.d. sorphirðu.

Plastpokabannið er heimboð fyrir sýkla, það dregur úr góðum vinnubrögðum og hreinlæti við meðferð matvæla og eykur smitburð milli verslana og heimila. Plastpokarnir eru forsenda góðs hreinlætis og smitvarna, að banna þá er umhverfistrúarofstæki og aðför að lýðheilsunni.

https://www.city-journal.org/banning-single-use-plastic-bags-covid-19

 

Loka Schengen!

Miðstjórnin í Brussel fyrirskipar lokun landamæra Schengen. Það eru aldeilis tilþrif! Schengen hefur aldrei virkað, átti m.a. að stjórna innflutningi fólks en reyndist ónýtt til þess. (Líklega hefur miðstjórnin ekki heldur áttað sig á að Ísland hefur engin landamæri heldur afmarkast af hafi og lofti). En Ísland álpaðist með í Schengen sem þýðir að nú er okkur sagt að loka landinu þó að okkar heilbrigðisyfirvöld hafi ekki talið ávinning af því.

Það er mikil áhætta að láta miðstjórn ESB stjórna gerðum íslenskra heilbrigðisyfirvalda. Stjórnunaraðgerðir ESB byggja oft á undirmálsvísindum, tísku og óraunsæi meðan okkar heilbrigðsstjórnendur eru árangursmiðaðir fagmenn. Nágrannar okkar sem eru ekki með í Schengen, Bretar, Írar, Færeyingar og Grænlendingar, auk auðvitað Bandaríkjanna, Kanada og Rússlands, geta áfram stjórnað sér sjálfir meðan ESB stjórnar okkur eyjarskeggjunum.(Morgunblaðið 17.3.2020)

Við horfum máttlaus á niðurrifið

Viðskiptum með helstu auðlindina, raforkuna, er stjórnað af ESB-lögum vegna EES. Raforkusamninga þarf að leggja fyrir eftirlitsstofnun EES (ESA). Ef álverið í Straumsvík á að halda sinni samkeppnisstöðu eins og hún var við gerð síðustu samninga þarf orkuverðið að lækka um 30%.

Samkvæmt EES eiga eigendur orkufyrirtækjanna (stjórnvöld þjóðarinnar) ekki að vera með fingurna í rekstri þeirra. Íslensk stjórnvöld eru því orðin áhrifalaus við að skapa íslensku athafnalífi rétta samkeppnisaðstöðu í orkunýtingu. Orkukerfi landsins er mikilvægasti þáttur innviðanna en reglukraðak ESB/EES stendur í vegi fyrir skynsamlegum rekstri og uppbyggingu þess.

-"raforkumarkaður ESB hentar ekki hér - íslenska orkukerfið hefur aðeins eina flutningsleið, raflínur - því er tómt mál að tala um samkeppnismarkað orku hér á landi með sama hætti og í ESB-"

https://www.frjalstland.is/2020/03/08/enn-um-raforkuverd-isal/

Allt í plati lög gegn landakaupum útlendinga

Ríkisstjórnin segist geta komið í veg fyrir að útlendingar eignist Ísland, meira að segja er búið að leggja fram frumvarpsdrög. Þeir sem nenna að lesa drögin á Samráðsgáttinni átta sig fljótt á að frumvarpið tryggir ekki að Íslendingar eigi íslenskar landareignir heldur setur als kyns óviðkomandi ákvæði sem hefta viðskipti.

https://samradsgatt.island.is/oll-mal/$Cases/Details/?id=2623

 

Frumvarpið er í samræmi við blekkingaleiki EES-samningsins: Stjórnvöld hér þykjast ráða einhverju en geta engu breytt sem er í EES-samningnum. Samkvæmt honum er aðilum í ESB-löndum heimilt að eiga land á Íslandi. Ríkisstjórnin getur ekki breytt því með plat-lögum, hún þarf að segja upp EES-samningnum og fá Alþingi til að setja íslensk lög um landeign. En til þess hefur hún ekki kjark.

Fyrirspurn til Katrínar Jakobsdóttur forsætisráðherra um úthlutun nýtingarréttar orkuauðlinda til fjárfesta í ESB

ESB vill að íslensk almannafyrirtæki, Landsvirkjun, RARIK, Orkuveita Reykjavíkur, Norðurorka ofl. verði að keppa á "jafnræðisgrundvelli" við fjárfesta í ESB um orkuauðlindir Íslands. Endurnýjun virkjanaleyfa þarf líka að bjóða út reglulega sem þýðir að ESB-fjárfestar geta lagt undir sig orkuauðlindir sem eru í notkun, orkufyrirtæki Íslands fá engan forgang!(mál nr 69674 frá ESA)

Fyrirspurnin:

Munu fjárfestar í ESB sitja við sama borð og íslensk fyrirtæki í almannaeigu við úthlutun nýtingarréttar fallvatna og jarðvarma og við fyrirskipaða reglulega endurnýjun nýtingarréttar orkuauðlindanna?

 

https://www.frjalstland.is/2020/02/26/fyrirspurn-um-uthlutun-nytingarrettar-orkuaudlinda/

 

Uppboðsmarkaður ESB og loftlagsáætlun Íslands dæmd til að mistakast.

ESB ákvað að aðildarríkin (og Ísland fylgir) beri ábyrgð á minni CO2 losun á öðrum þáttum í samfélaginu en iðnaði og flugi árin 2018-2020 og á losunaráætlun ESB 2020- 2030. Ef ríkjum tekst það ekki, verður þeim skylt að kaupa heimildir á uppboðsmarkaði (ETS, sem ESB kom á fót) til að jafna þá losun sem ríkin ná ekki samkvæmt þeirri áætlun(-30%, sjá súlurit).

Þetta varð til að verð á losunarheimildum hefur 5faldast, kauphéðnar kaupa upp allar heimildir sem þeir ná í, því þeir sjá verðið hækka mikið þegar ríkin þurfa að fara að kaupa heimildir á næstu árum.

Þessar heimildir eru svipaðar og í íslenska kvótakerfinu að hluta, því þeim fylgir árlegar fríar úthlutanir á næstu árum af liðinni reynslu.    Viðskiptakerfi ESB með losunarheimildir

Nú er verðið á ETS uppboðsmarkaðnum um 25 Evrur/tonnið (sjá línurit) og sérfræðingar gera ráð fyrir að verðið verði um +40 Evrum/tonnið 2030. Ísland hefur ábyrgst að minnka Co2 losun um 1. millj. tonna á ári fyrir 2030, sem skiptist gróft í 0,5 millj. tonna minnkun frá vegaumferð (sem gengur út á að 100.000 rafbílar verði hér 2030)! Losunarminnkun fiskiskipa verði ca. 0,3 millj. og annað 0,2 millj. tonna.

Vegna óraunhæfrar áætlunar er mjög líklegt að Ísland þurfi að kaupa á bilinu +500 þús. tonn á uppboðsmarkaði. Þar að auki hefur Ísland lofað að greiða í Loftlagssjóð SÞ óræðar upphæðir til að aðstoða fátækari ríki í loftlagsmálum.

Þetta hefur ríkisstjórnin ákveðið að leysa með kolefnisgjaldi á fyrirtæki og almenning sem nemi um 5.500 milljónum á ári, auk olíugjalds 11.000 milljónum kr. á ári.

Í dag kaupir stóriðjan á Íslandi heimildir á uppboðsmarkaðnum (ETS) fyrir 2 millj. tonna co2 losun  á ári, eða fyrir um 6.500 milljónir kr. sem að öllum líkindum mun tvöfaldast fram að 2030. Síðan greiðir flugið einnig fyrir losun á þessum markaði.

Allt er þetta uppfinning ESB til að leysa loftlagsmál sín. Allar vísbendingar eru um að Evrópa hafi ekki lausnir í orkumálum, þ.e. nýjar grænar orkulindir til að mæta niðurskurði að þessu markmiði, enda hvaðan ættu þær að koma er spurt? Stærsti hluti losunar ESB kemur frá iðnaði sem væntanlega dregst ekki saman um 30% nema að fyrirtækin flytji framleiðslu sína til þróunarlanda, meira en gert hefur verið fram að þessu.

Þessi leið, að láta uppboðsmarkað um lausnina er að mati margra sérfræðinga dæmd til að mistakast, en Ísland fylgir ESB í blindni.         

https://sandbag.org.uk/carbon-price-viewer/

 

 

 

Fólk á móti innflutningi á niðurgreiddu hráu kjöti.

Stjórnvöld hafa ekki haldið upp vörnum að neinu ráði og fyrir klaufaskap voru dæmd af EFTA til að greiða heildsölum 3 milljarða fyrir að neita þeim um að flytja inn niðurgreitt kjöt frá ESB, þrátt fyrir skýr ákvæði í EES samningnum um bann við ríkisstyrkjum til einkaaðila.

Þetta er bara eitt dæmi um hve illa stjórnvöld halda á hagsmunum Íslands gagnvart ESB og almenningi líkar það ekki, þar að auki skapar þessi innflutningur á hráu kjöti hættu fyrir innlenda bústofna.

Áróður ESB-sinna um að ein dásemd við EES/ESB sé lægri matarkostnaður (niðurgreiddur á öllum sviðum) er með öllu ósannur.  

Slátrun mjólkurkúnna

Helstu gjaldeyrisaflendur þjóðarbúsinds eru að missa starfsgrundvöllinn. Álverið í Straumsvík er að gefast upp. EES-tilskipanirnar um orkukerfið og ónýt stjórn orkumála hafa leitt til að orkufyrirtækin okra á atvinnufyrirtækjum landsins án þess að forsendur kalli á okurhátt raforkuverð.

Stjórnvöld hafa ekki hreyft fingur til að styrkja framleiðsluna í landinu þó þau eigi að stjórna orkufyritækjunum. Í staðinn eyða þau fé landsmanna í tískustjórnmál meðan þjóðarfyrirtæki eins og  Landsvirkjun / Landsnet sjúga merginn úr gjaldeyrisaflandi fyrirtækjum þjóðarbúsins:

-" við erum með mjög óhagstætt raforkuverð - það er ekki hægt að halda þessum taprekstri endalaust áfram-" (Rannveig Rist, Mbl 12.2.2020)

Niðurrifið er hafið

Erlend löggjöf á Íslandi.

Til að sjá áhrif gerða ESB sem innleiddar eru í EES samninginn er ekki úr vegi að skoða hvaða svið þjóðfélagsins falla undir þessar gerðir.

Í samningaviðræðum við ESB um inngöngu Íslands var umfangi samningsins skipt í 33 kafla, þá taldi ESB Ísland hafa tekið að fullu upp 10 kafla og að mestu 11 kafla, þ.e. 21 kafla af 33.

Í skýrslu Utanríkisráðherra í apríl 2018 er sama skipting sett upp um löggjafarkafla ESB og EES til samanburðar.

Samkvæmt þessu eru því búið að taka upp 2/3 hluta löggjafar ESB í gegnum EES samninginn og þær gerðir ná einnig inn í landbúnaðarmál, dómsmál, byggðarstefnu og stofnanir gegn um aðrar gerðir.

Þessar gerðir snerta öll svið daglegs lífs almennings. Hvernig gerist þetta? „Viðskiptasamningur“ sem gerður var 1992 hefur breyst í sjálfvirka löggjöf ESB sem íslenskir stjórnmálamenn fá engu ráðið um og Alþingi og ráðherrar andlitslausir stimpilpúðar fyrir löggjöf ESB.

Í umræðunni um 3 OP kom þetta mjög skýrt fram hjá stjórnvöldum að neitun á upptöku gerða frá ESB hefði aldrei átt sér stað og ef það yrði gert þá myndi það stofna EES samningnum í hættu.

Staðreyndin er því þessi: ï‚·

• Almenningur hefur aldrei gefið neinum umboð til þessara ákvarðanna.
• Alþingi hefur ekki komið að nema litlum hluta þessara ákvarðanna.
• Stjórnarskrá Íslands er teygð og toguð í lagatækniflækjum.
• Stofnanir ESB hafa öðlast ákvarðanavald um íslensk málefni.
• Eftirlitsstofnun EFTA orðin verkfæri ESB í eftirfylgni og æðsta úrskurðavaldið um íslensk málefni.
• EFTA dómstólinn orðin æðsti dómstóll Íslands á öllum þessum sviðum.

Ólýðræðislegri ákvarðanir um íslenska hagsmuni er ekki hægt að hugsa sér og því er eðlilegt að almenningur fái að kjósa um hvort hann vill halda þessari vegferð áfram og fá lýðræðið aftur í sínar hendur?

Af þessu fékk breska þjóðin sig fullsadda.

https://www.frjalstland.is/