Aumir Hafnfirðingar

Hafnfirðingar fengu stærstu mjólkurkú landsins upp í hendurna fyrir 50 árum: ÍSAL. Þeir bönnuðu álverinu að vaxa og dafna. Nú er Landsvirkjun að setja ÍSAL á hausinn en Hafnfirðingar gera ekkert. Hafnfirðingar fengu líka aðra mjólkurkú, hlut í Hitaveitu Suðurnesja. Nú dettur þeim ekkert annað í hug en selja hlutinn (Mbl 27.4.2020) og ofurselja sig bröskurum sem geta okrað á rafmagninu til Hafnfirðinga í framtíðinn.

Hitaveita Suðurnesja, sem EES-tilskipanirnar klufu i tvennt, á auðvitað að vera í eigu almennings eins og það var og halda gróðanum af auðlindunum hjá almenningi. Og útvega almenningi og fyrirtækjum Reykjanessins raforku á hagstæðu verði eins og fyrirtækið gat löngum gert meðan það var heilt og í almannaeigu.

https://www.frjalstland.is/2020/04/08/ees-er-ad-eydilegja-framleidsluidnadinn/

Sannleiksmálaráðuneyti

-"skipaður starfshópur til að kortleggja og sporna gegn upplýsingaóreiðu-"

Forsætisráðherra á þingi: "Við erum að sjá ýmiss dæmi til dæmis í nágrannaríkjum okkar um fréttir sem ekki standast skoðun í nágrannaríkjum okkar"

Þeir sem hafa lesið sögu nágrannaríkja okkar, t.d. Þýskalands, eða bók George Orwell, 1984, sjá strax að hér er verið að leggja drög að Sannleiksmálaráðuneyti. Það þýðir afnám skoðana- og tjáningafrelsis og lögleiðingu rétthugsunar skilgreinda af stjónvöldum. Heil!

https://www.mbl.is/frettir/innlent/2020/04/22/tekist_a_um_ritstyringu_fjolmidla/

Ósjálfstæði Íslendinga- ESA þarf að samþykkja neyðarlán.

„Á þess­um erfiðu tím­um er það for­gangs­atriði okk­ar að tak­ast á við ráðstaf­an­ir sem tengj­ast heims­far­aldri kór­ónu­veiru. Okk­ur hef­ur tek­ist að samþykkja um­rædda ráðstöf­un skjótt, þökk sé góðu sam­starfi okk­ar við ís­lensk stjórn­völd og fram­kvæmda­stjórn ESB,“ seg­ir Bente Ang­ell-Han­sen, for­seti ESA, í frétta­til­kynn­ingu. ESA Samþykkir lán.

Þvílíka orðaþvælu er erfitt að finna stað í raunveruleikanum. ESA getur ekki veitt undanþágu frá ákvæðum ESB tilskipanna um ríkisaðstoð. "Þökk sé framkvæmdastjórn ESB" er lykilinn.

Framkvæmdastjórn ESB var ekki spurð af eigin aðildarríkjum þegar þau hvert fyrir sig brutu næstum öll grundvallarákvæði sambandsins í neyðaraðgerðum fyrir eigin þjóðir.

Ekki þarf skýrari dæmi um ósjálfstæði íslenskra stjórnvalda gagnvart ESB vegna EES samningsins, jafnvel á neyðartímum.

Íslendingar ganga með bænaskjal fyrir umboðsmann (ESA) ESB til að samþykkja neyðarráðstafanir í eigin landi. Minnir mjög á bænaskjölin til danskra konunga í gegnum aldirnar.

Til að breiða yfir skömmina fer utanríkisráðuneytið í skoðanakönnun í miðjum heimsfaraldri til að sýna velvilja Íslendinga til alþjóðasamstarfs. Hins vegar hlýtur ráðuneytið að vera vonsvikið af því að tæpur helmingur þátttakanda er á móti EES samningnum. Þeim samningi sem veldur ósjálfstæði Íslendinga í alþjóðasamstarfi.

Að meiða fugla og spilla umhverfi

Einhverjir skýjaglópar á EES (frá ESB, Íslandi eða Noregi með íslenska sendla á mála) ætla að reisa vindmyllur hér. Nú hafa 34 vindorkuver verið tilkynnt Orkustofnun en eitt helsta hlutverk hennar er að sjá um að landsmenn hlýði EES-tilskipununum. Mörg vindmylluverkefnin er búið að undirbúa með miklum kostnaði. Sveitastjórnir, sem eru undir stjórn EES/ESB-reglubáknsins í ýmsum umhverfismálum og hafa oft lítið vit á þeim, halda að vindmyllur séu "umhverfisvænar" og hagkvæmar. Sveitarfélögin hafa látið véla sig í að undirbúa vindmyllugarða og jafnvel að útvega lyngmóa og útsýnishæðir undir finngálknin. (Mbl. 18.4.2020).

Það er nóg af virkjanakostum á Íslandi þó umhverfið og fuglarnir séu látin í friði. Vindmyllur eru og verða einn óhagkvæmasti og mest umhverfisspillandi virkjanamáti sem til er. Þær valda miklum hættum, þær meiða og drepa fugla í stórum stíl og hafa slæm áhrif á lífríki svæðanna. Meira að segja umhverfistrúboðarnir eru farnir að vara við þeim.

https://www.bbc.com/future/article/20200302-how-do-wind-farms-affect-bats-birds-and-other-wildlife

 

Orkulindirnar kannski áfram íslenskar?

Samtökin Frjálst land spurðu forsætisráðherra hvort meiningin væri að veita fyrirtækjum í ESB sama rétt og íslensk almannafyrirtæki ríkis og sveitarfélaga hafa ætíð haft til að nýta orkuauðlindir landsins. Eftirlitsstofnunin með EES (ESA) var búin að senda hótanir í mörg ár um að stjórnvöld hér brytu EES-samninginn og leyfðu ESB fyrirtækjum ekki að komast að. Í svari forsætisráðuneytisins segir að frumvarpi um nýtingarleyfi verði frestað.

Það þýðir að enn er möguleiki að við munum áfram geta nýtt auðlindirnar sjálf. EES-þjónustutilskipunin var samþykkt með fyrirvara (mest vegna heilbrigðiskerfisins sem við vitum nú að ESB/EES má ekki koma nálægt) sem nú er hægt að láta reyna á. https://www.mbl.is/frettir/innlent/2020/04/09/frumvarpi_um_nytingu_orkuaudlinda_frestad/

Kannski getum við loksins eftir 25 ára blinda þrælshlýðni við EES haft einhver áhrif á hvernig ESB stjórnar Íslandi. Og varið okkar þjóðareign. Það gerðu Norðmenn og hafa ekki ennþá fengið á sig dóm EFTA-dómstólsins (sem dæmir Ísland, Noreg og Liechtenstein að EES-valdsboðum).

https://www.frjalstland.is/2020/04/10/svar-forsaetisraduneytis-vid-fyrirspurn-um-uthlutun-nytingarrettar-orkuaudlinda/

EES drekkir iðnaðinum

Ein helsta gjaldeyriskýr landsins, ÍSAL, ætlar að loka vegna hás orkuverðs og vanefnda á afhendingu vatnsorku. Landsvirkjun hefur selt frá sér vottorð um vatnsorkuframleiðslu til fyrirtækja í ESB sem nota þau til að ljúga um uppruna sinnar orku. Landsvirkjun þarf í staðinn að ljúga að sín orka sé kolaorka (eða kjarn- eða gasorka) sem er vanefnd við ÍSAL sem selur sitt ál sem vatnsorkuafurð. (Þetta verslunarkerfi lyga er fyrir peningaeigendur í ESB og er þáttur í blekkingaleik ESB um loftslag).

Álmarkaðurinn bætir ekki stöðuna nú í Kínaplágunni, niðurgreiðsla og offramleiðsla Kínverja heldur markaðnum í gíslingu.

Stjórn ESB á orku- iðnaðarmálum Íslands hefur leitt til okurs á raforku og brasks með loftslagsblekkingar sem kemur niður á orkukaupendum hér. Stjórnvöld standa ekki með iðnaðinum en leyfa orkukerfinu að sökkva dýpra og dýpra í reglugerðakviksyndi EES.

EES er að eyðileggja framleiðsluiðnaðinn

Á Tesla á þinn kostnað

 Ef þú hittir Teslaeiganda biddu hann að skutla þér heim, hann er hvort sem er að keyra á þinn kostnað. Rafbílar seljast nú sem aldrei fyrr vegna þess að skattgreiðendur borga undir þá vaskinn, vörugjöld, skatta og ýmiss rekstrargjöld sem fara eiga í vegina.

Rafbílar gefa af sér mikla hættulega eiturefnamengun í framleiðslu og förgun. Þeir eru svo þungir að undan þeim kemur meira af hættulegu menguninni, rykinu, en venjulegum bílum og þeir slíta vegum meir. Venjulegir eldsneytisbílar gefa frá sér takmarkað magn af koltvísýring, gastegund sem er ekki eitruð eða loftslagsspillandi en er næring fyrir gróðurinn og gerir jörðina grænni. "Kolefnissporið" bætir umhverfið. Rafbílavæðingin vanhugsuð.

Á fyrstu 3 mánuðum ársins seldust 396 Teslabílar. Þetta þýðir að skattgreiðendur eru að taka á sig risafjárhæðir fyrir Teslaeigendurna. Peninga sem þarf í vegina. https://www.mbl.is/vidskipti/frettir/2020/03/31/tesla_mest_selda_bilategundin_a_islandi_2/

Það er kominn tími til að fjármálaráðuneytið upplýsi hvað afslættir af gjöldum rafbíla og slit þeirra á vegum kosta skattgreiðendur. Og hvað kostar að hirða upp eiturefnin þegar ævintýrinu lýkur? Landsmenn þurfa að fá að vita hvað eltingaleikurinn við loftslagsblekkingar ESB kostar þá.

Persónuverndarlög hefta vísindi

Persónuverndarlögin og Persónuvernd ("íslensk" stofnun), dýrkeypt brot á íslenskum lögum, standa í vegi fyrir vísindastarfi:

 

 

"Við fengum bréf þar sem okkur var veitt leyfi sem bendir til þess að þeir sem þar vinna hafi ekki hugmynd um hvað þeir eru að gera-"

Kári Stefánsson: Mannfyrirlitning

Við þurfum nýsköpun

Stjórnvaldsaðgerðir vegna plágunnar eyðileggja fyrirtæki og atvinnu. Við þurfum sjálfstæði frá alræðisbáknum sem neyða aðgerðum upp á okkur. Og við þurfum nýsköpun til enduruppbyggingar. Vandamálið er að það vantar gróðurmold fyrir skapandi Íslendinga: Stjórnvöld skortir þekkingu á forsendum nýsköpunar. Stjórnvaldsaðgerðir hafa verið rangar og of margar og vald ESB hefur bitnað á viðskiptum, orkumálum, "umhverfismálum", utanríkismálum, atvinnusköpun og nú síðast heilbrigðismálum. Skattar eru of miklir, kvaðir eru of margar. Það vantar öfluga áhættufjárfesta. Verstu hindranirnar fyrir nýsköpun eru EES reglugerðastaflarnir.

Hvaða skref er hægt að taka til að efla íslenska nýsköpun?

"Númer 1, 2 og 3 er einfaldara regluverk" (Helga Viðarsdóttir í viðtali við Fréttablaðið 25.3.2020)

Regluverk EES gerir íslensk fyrirtæki ósamkeppnishæf

Eftir faraldurinn

Ógnir mannkyns voru djöfullinn, reiði guðs og galdranornir. Svo bættust kjarnorkuvetur og hlýnun loftslags við. En hinar raunverulegu ógnir hafa alltaf verið kuldi, stríð og plágur. Flensur leggja hálfa milljón í gröfina árlega, yfir 15 milljónir ef allir faraldrar eru taldir með. Nýlegar veirur, SARS of MERS, hefur verið hægt að hemja sæmilega en síðasta Kínaveiran, Covid 19, slapp út. Alræðisvaldabákn Sameinuðu þjóðanna (Alþjóða heilbrigðisstofnunin, WHO) og Kína steinþögðu þar til læknir þar afhjúpaði yfirhylmingarnar. Of seint. Mesta vá mannkyns

Kínafaraladurinn nú hefur orðið til þess að raunsæir menn hafa áttað sig á hvað það er sem ógnar mannkyninu. Þjóðir hafa ákveðið að setja fjárfúlgur í baráttuna við faraldurinn. Afleiðingarnar og skuldirnar verða þungur baggi að bera inn í framtíðina sem gleypir skatttekjur þjóða. En það verður væntanlega til þess að ýmsar gerviógnir, sem óupplýstir stjórnmálamenn hafa ætlað að eyða miklu skattfé í, munu falla úr tísku eða verða settar á hakann. Hlýnun loftslags er dýrasta gerviógnin og er von til að hún verði sett á bið nógu lengi til að skattgreiðendur átti sig á að þeir hafa verið hafðir að fíflum. Loftslagsvísindi hrjáð af fölsunum