Metanól úr vatni

"Alþjóðlegt orkufyrirtæki" ætlar að framleiða tréspíra úr vatni og koltvísýring úti á Reykjanesi. 15_milljarðar_i_metanol_framleiðslu_á_Reykjanesi

Svo vill til að vatn og koltvísýringur myndast þegar tréspírinn er notaður sem eldsneyti. Að taka útblásturinn, eða efni eins og eru í honum, og breyta honum aftur í eldsneytið dettur engum í hug nema trúaröfgamönnum eða þeim sem eru að véla okkur til að borga sér fyrir "kolefnishlutleysi".

Hugmyndirnar um "rafeldsneyti" eru reistar á svo miklum vitsmunaskorti og svo fjarri vísindaþekkingu nútímans að minnir á margra alda gamlar trúarkreddur. En það er í sjálfu sér hægt að framleiða eldsneyti úr útblæstri, það þarf bara einhvern sem borgar því engir kaupendur munu vilja borga það sem framleiðslan kostar. Framleiðendurnir verða að fá "losunarkredit" og als kyns framlög frá almannasjóðum eða "loftslagskerfum". Ónýt bákn, eins og ESB, hvað þá smáríki eins og Ísland, munu ekki lengi geta borgað margfalt verð fyrir lélega og óþarfa orkumiðla.

Kíló af metanóli gefur rúma 5 kwt þegar það er notað sem eldsneyti en það þarf um 10 kwt til að framleiða vetnið í kílóið! Og þá á eftir að útvega orku, hráefni og aðra þætti til framleiðslunnar. "Orkufyrirtækið" færi beina leið á hausinn nema saklausir skattgreiðendur eða heimskir fjárfestar, sem búið er að ljúga fulla um að jarðefnaeldsneyti skemmi loftslagið, taki sig til og borgi eldsneytisframleiðendunum fúlgur fyrir lélegt eldsneyti sem við þurfum ekki. Það er nóg til af góðu jarðefnaeldsneyti sem gefur meir en tvöfalt meiri orku (13 kwt/kg) en tréspírinn.

Orkulindir íslensku þjóðarinnar á að nota í annað en lélegt og óþarft eldsneyti á kostnað almúgans.

Óþarfur EFTA-dómstóll

Ein af blekkingunum um EES-samninginn er að Fríverslunarsamtökin EFTA hafi einhvers konar dómsvald um EES með svokölluðum EFTA-dómstól. Sannleikurinn er sá að dómstóllinnn hefur ekkert með EFTA að gera, hann er aðallega úrskurðar- og álitsnefnd um klögumál frá eftirlitsstofnuninni ESA, annarri dulbúinni EES-skrifstofu. Viðbótarhártogun er að dómstóllinn sé "alþjóðlegur"! Aðild að honum eiga eingöngu Noregur, Ísland og Liechtenstein þrátt fyrir að hann dæmi að lögum ESB. Fulltrúar þjóðanna þriggja eru "sjálfstæðir" sem þýðir á máli ESB að þeir mega ekki taka tillit til laga landsins sem þeir eru fulltrúar fyrir.

Gamall dómsforseti EFTA-dómstólsins fer nú með ásakanir gegn eftirmanni sínum og vænir hann um að hafa "glatað sjálfstæðinu" af því að hann gaf ríkisstjórn Íslands ráð í neyðarástandi Covid 19 sem orsaki að dómstóllin hafi nú minna vægi en áður. Greinilega hefur fortíðarþrá gripið gamla forsetann eftir þeim dögum þegar menn héldu að EFTA-dómstóllinn væri merkilegur. Dómar hans eru ekki aðfararhæfir, íslenskir dómstórlar geta sinnt verkefnum sem hann fær. Ásakanir gamla dómsforsetans gegn eftirmanni sínum eru ekki stórmannlegar en hafa blæ persónuárása gegn virtum íslenskum dómara og áróðurs fyrir EES-samningnum sem er orðinn jafn úreltur og "EFTA-dómstóllinn"

Aukadómstóll EES

Með EES-samningnum fengum við EFTA-dómstólinn sem fékk það hlutverk að gefa álit eða úrskurði í málum vegna samningsins til þess að Ísland, Noregur og Liechtnestein hlýði reglu- og lagaverki ESB/EES.

Fyrrverandi forseti dómstólsins segir, með óvenjulegu orðalagi í Mogga í dag, að vægi dómstólsins hafi minnkað og virðist helst rekja það til að núverandi forseti dómstólsins, sem er virtur íslenskur dómari, hafi "-glatað sjálfstæði sínu" (ath. að sjálfstæðir menn á tungumali ESB eru þeir sem hlýða eingöngu regluverki ESB í blindni)

EFTA-dómstóllinn er ekki til vegna EFTA heldur EES, hann ætti því að heita EES-álitsnefndin. Því minna vægi sem hann hefur hér, þeim mun minni verða óþörf afskipti hans af íslenskum málum. Spurning vaknar hvað vakir fyrir fyrrum dómurum þegar þeir koma með ásakanir á sína eftirmenn.

Nátttröll Kalda stríðsins

Enn stíga fram nátttröll Kalda stríðsins með stríðsæsingar gegn Rússum, þeir virðast ekki hafa tekið eftir að kommúnisminn var rekinn frá Rússlandi fyrir 30 árum. Íslensk nátttröll eru algeng en í dag kemur sænskur hagfræðingur með æsingar. Sjúkleg Rússahræðsla er landlæg í Svíþjóð þó Rússar hafi aldrei gert Svíum neitt. Þessi er með stríðsæsingar gegn Rússum vegna þess að Rússar leyfa ekki heimsvaldasinnum að innlima Úkraínu í ESB og NATO. Hann ásakar Pútín um "að leggja á ráðin um stríð" (Mbl 26.7.2021)

Rússar hafa alltaf þurft að verja Úkraínu fyrir stríðsherraþjóðum, síðast Þjóðverjum (1939-1945) og þar áður Frökkum (1812). Kaldastríðströllin verða að fara að gera sér grein fyrir að Rússar munu ekki heldur núna leyfa landvinningabáknum eins og ESB eða kaldastríðssamtökum eins og NATO að innlima lönd Rússa. Rússaveldi var stofnað í Úkraínu rétt áður en Skalla-Grímur lagði af stað til Íslands og hefur síðan, með góðu og illu, haldið innrásarmönnum frá löndum Rússa.

Nátttröll Kalda stríðsins eru hættuleg. Íslendingar þurfa að draga þau fram í dagsljósið þar sem þau gægjast fram.

https://www.frjalstland.is/2018/06/30/esb-akvedur-utanrikisstefnu-islands/#more-776

 

Láttu mig í friði!

Ég vil sjálfur ákveða hvort ég læt viðmælendur mína úða munnvatni framan í mig eða lulla á mig svita! Ég vil fara í laugina, klórið drepur sýklana. Ég veit hvernig smitið berst, ég get varið mig sjálfur og það geta hinir líka, við þurfum ekki endalausar "aðgerðir" stjórnvalda!

Hræðsluáróðurinn um Kínakóvið heldur áfram. Fyrir rúmu ári sagði einhver háskólaprófessorinn að Kóvið væri drepsótt! Nú má varla maður smitast svo stjórnvöld fari ekki í "aðgerðir" https://www.mbl.is/frettir/innlent/2021/07/25/88_smit_innanlands_hlutfall_jakvaedra_syna_haekkar/

Kóvið er flensa, venjulegum Íslendingum batnar yfirleitt flensur. Á einu og hálfu ári dóu 30 úr Kóvíð, flestir af því að þeir voru með aðra kvilla fyrir. Álíka margir hafa dáið af bóluefnum sem virka illa. En flestir hafa dáið úr ráðaleysi. "Aðgerðirnar" svipta fólk ráðum og viðurværi.

Covid19 verður meðal vor næstu áratugina. Síjaplaður hræðsluáróður bætir ekki stöðuna, fræðsluáróður gerir það.

https://www.frjalstland.is/2020/05/20/vidjar-erlends-valds-i-plagunni/#more-1950

Stjórnmálaflokkar spurðir

Vegna alþingiskosninganna 25.9 hafa samtökin Orkan okkar, Heimssýn og Frjálst land sent stjórnmálaflokkunum og framboðum spurningar sem varða afstöðu til fullveldis, lýðræðis og sjálfstæðis. M.a. er spurt um ESB og Orkusamband ESB, EES og fríverslun. Birtar verða niðurstöður úr svörum flokkanna fyrir kosningar. Spurningar til stjórnmálaflokka og framboða

Móðan

Nú hefur gosmóðan úr Fagradalsfjalli legið yfir okkur af og til í 4 mánuði. Reynt var að telja okkur trú um að hún væri iðnaðarmengun. En þegar að var gáð var hún ekki frá mönnum heldur landinu. Íslendingar hafa orðið illa fyrir barðinu á mengun úr Íslandi: Brennisteinsvetni úr jarðhita, ryki og salla af örfokasvæðum og, síðast en ekki síst, gosmóðu og ösku frá eldgosum.

Litla  gosið í Fagradalsfjalli hefur gefið af sér um tíuþúsund tonn af brennisteinssýru á dag sem er svipað og allur iðnaður ESB! Auk ösku og flúors og fleiri eiturefna. Fólk hóstar, heldur að það sé að fá kvef eða sand í augun og líður illa. En yfirvöldum virðist sama um slæm áhrif móðunnar, hún er ekki af mannavöldum, menn eru uppteknir af koltvísýring, sem er hvorki eitur né mengun, og flensum sem hafa verið í gangi hér í amk. 600 ár í ýmsum útgáfum, ekki mikið verri nú en oft áður.

Við þurfum að hyggja að verstu mengunarhættunum hérlendis sem eru úr landinu sjálfu. Tískumengun þéttbýlla landa (koltvísýringur, metan, glaðloft) er ekki og verður ekki hættuleg Íslendingum. Gosmóðan mikla (1783-85) drap meira fólk og fé en við viljum muna. "Litla" Fagradalsgosið spillir heilsu landsmanna og dýranna okkar.

 

Mogginn afhjúpar EES

Samkvæmt Mogganum í dag voru 26 af 131 stjórnarfrumvarpi síðasta þings með tengsl við EES-samninginn en þingmálaskráin gerði ráð fyrir um 200 málum þar af um 50 vegna fyrirmæla frá ESB eða bein afleiðing EES-samningsins. Þingmálaskra 2020-2021, EES-mál.

Það tókst því ekki að láta Alþingi stimpla öll valdboðin sem ríkisstjórnin vildi, kannske von, púðrið fór í Kóvið.

Mogginn er enn sá meginfjölmiðill sem líklegastur er til að skýra frá veigamiklum þjóðmálum. Oft getur verið erfitt að sjá hvernig breytingar á lögum og reglugerðum hafa tengsl við EES. Íslenska laga- og reglugerðasafnið er orðið útatað af tilskipunum ESB og tengslin mörg og ná langt aftur í tímann.

 

Batteríisdollur

Það er verið að reyna að véla okkur til að kaupa batteríisdollur (rafbíla) með því að niðurgreiða þær á kostnað eigenda venjulegra bíla og skattgreiðenda. Þær eru þungar, mynda svifryk, slíta vegum og eru varasamar ef eitthvað er að veðri. Og það versta er að þær eru hættulegar, ef kviknar í þeim þurfa meira að segja slökkviliðsmenn að halda sig í fjarlægð https://insideevs.com/news/452410/watch-opel-ampera-e-fire-germany-video/

Erindrekar ESB

Íslenskir stjórnmálamenn ganga nú erinda ESB og vinna í að gera stjórnvöld Rússlands, Hvítarússlands og Úkraínu tortryggileg. Stjórnarandstæðingi frá Hvítarússlandi er veitt upphefð og lögmæti með fundum og myndatökum með íslenskum utanríkisráðherra.

Íslenskur þingmaður, "pírati" (þýðir sjóræningi á íslensku), skrifar níð um Rússa á Krím. Og Rússar sæta viðskiptaþvingunum vegna innlandsóeirða í Úkraínu. Okkar grænjaxlar í stjórnmálum vita ekki að Rússar og þeirra lönd hafa verið staðfastir stuðningsmenn Íslands frá lýðveldisstofnun. https://www.frjalstland.is/2021/07/02/island-i-erindrekstri-fyrir-esb/