Vaxandi fátækt

Stopul og dýr "græn" orka er nú á boðstólum í ESB og Bretlandi. Gasið verður bara dýrara en samt ætla leiðtogarnir að banna hagkvæmt gas frá Rússlandi. Nú er nefnilega hægt að kenna Rússunum um orkukreppuna þó ástæðan sé hin vitfirrta stefna ESB og Bretlands í "loftslagsmálum".

 

https://www.frjalstland.is/2022/04/03/vaxandi-fataekt/

 

 

Rússar leiðinlegir

Þeir áttu að koma í stríð 16. febrúar en mættu ekki. Biden, Boris og Stoltenberg voru búnnir að æsa til stríðs og farnir að bíta í skjaldarrendurnar. Og farnir að senda leppstjórninni í Úkraínu vopn.

Vopnasölumenn voru farnir að nudda saman lófum og sáu fram á betri tíð enda búnir að setja mkið fé í að koma Biden-hjörðinni til valda. Fyrirrennararnir, Obama-Biden stjórnin, fjárfesti 5 milljarða dala 2014 í að koma löglega kjörnum forseta Úkraínu, Viktor Janukovych, frá völdum þegar hann neitaði að ganga í ESB.

Rússar vilja losna við stríðsmenn NATO frá sínum landamærum þar sem þeir eru nú í óða önn að hlaða upp vopnabirgðum. https://www.mbl.is/frettir/erlent/2022/02/17/bandariskir_hermenn_lenda_naerri_ukrainu/

Rússar vilja bjarga Úkraínu frá spilltum stjórnvöldum og ruplurum NATO og ESB. Það er eðlilegt, Rússaveldi var stofnað í Úkraínu rétt áður en Skalla-Grímur lagði af stað til Íslands og hefur löngum verið mikilvægt kornhérað Rússaveldis. Ekki er líklegt að NATO sedi her inn í Úkraínu þó Rússar reki leppstjórnina frá völdum og endurreisi löglega stjórn. Og ESB-lönd þora ekki í stríð við Rússa, þau hafa reynslu.

Biden og Boris verða að hætta að beina athyglinni að Rússagrýlunni og fara að hugasa um að bjarga eigin fólki úr grænu kreppunni.

Erfðasilfrinu sóað

Iðnaðarráðuneytið stjórnaði aðal framtíðarauðlind Íslands en var lagt niður af ráðamönnum sem vissu ekki hvað þeir voru að gera. Uppbygging orkukerfisins hefur strandað í rammaáætlun og umhverfistrúar-bábiljum. EES-tilskipanirnar hafa splundrað fyrirtækjunum, fjölgað óþarflingum og rifið niður. Léleg vísindi, óforsjálni og undirlægja ráða nú för. Landsvirkjun annar ekki lengur eftirspurn eftir raforku. Flutningskerfið dugir ekki, klofningsfyrirtækið Landsnet ræður ekki við leyfisveitingabáknið frá EES og rekur ónýtar flutningslínur. Landeyðuvernd, óþarfar úrskurðarnefndir, EES-tilskipanir og afturhaldsöflin hafa flæmt orkumál Íslands í ESB-kreppu.

EES-höftin: Sundurlimun orkufyrirtækja, tilskpun 96/92

Starfsleyfi: EES-tilskpun 2010/75. Nöldrarar geta tafið framkvæmdir í 10 ár! Hamlandi starfsleyfisreglur

Gæluverkefni orkufyrirtækjanna hafa kostað fúlgur: Sæstrengja- og vindmylludraumar EES hefur skaðað orkukerfi landsins

Mat á umhverfisáhrifum samkvæmt tilskipun 2014/52 er nýjasta rassbagan í uppsöfnuðum ruslahaug frá 2000. Helstu umsagnaraðilar sögðu: -"Samtök atvinnulífsins og Samband íslenskra sveitarfélga eru andvíg frumvarpi umhverfis- og auðlindaráðherra í heild-" Flókið og kostnaðarsamt umverfismat hægir á þróun byggða

Gulli hefur ráð undir rifi hverju (Mbl 9.12.2021), nú skal framleiða ammóníak, tréspíra og vetni fyrir flotann. Engin hætta á að loðnuskipaflotinn, eða aðrir flotar, þurfi að borga, það hefur enginn efni á að borga fyrir rafeldsneyti nema Gull & Co (með okkar peningum eins og venjulega). Loðnuskipin verða að taka um 200 tonn af ammóníaki (hættulegt og eitrað), meir en 200 tonn af tréspíra eða 50 tonn af  vetni (260 gráðu kalt í 700 rúmmetra krýotank) þegar þau fara á miðin. Það verður frekar lítið pláss fyrir loðnuna innan um "græna" tanka með eiturefnum og dauðakulda. Og þegar Orkuskipti Gulla og ESB eru klár verður komin vindmyllugirðing kringum landið og búið að leggja orkukerfið undir "græna rafeldsnseytið".

Svinnir menn framleiða rafmagn með eldsneyti, ósvinnir eldsneyti með ragfmagni.

Villtu verða háseti? Hafðu þá með þér öndunrabúnað og helst geimfarabúning.  Hvernig á að nýta íslenska raforku

Ónýt utanríkisstefna

Rússlandsmarkaður keypti mikið magn og greiddi gott verð. Vörur sem áður fóru til Rússlands hafa í staðinn leitað inn á markaði m.a. í Afríku þar sem ómögulegt er að fá jafn hátt verð. Á þessum sex árum hefur rússneskur sjávarútvegur styrkst töluvert og ég hugsa að það sé enginn sérstakur áhugi þar fyrir því að fá innfluttan íslenskan fisk í samkeppni við innlenda framleiðslu (Úr viðtali við Stefán Friðriksson, framkvæmdastjóra Ísfélags Vestmannaeyja, Mbl.28.8.2021)

ESB kallaði sína undirsáta á fund í Brussel í mars 2014 til að samþykkja refsiaðgerðir gegn Rússum eftir að Úkraína neitaði að sækja um aðild að ESB í nóvember 2013. Rússum var kennt um. Þeir svöruðu í sömu mynt og settu viðskiptabönn á ESB og undirsáta.

En Færeyingar héldu sig fyrir utan. Þeir flytja nú út mikið af fiskafurðum til Rússlands, hin fámenna þjóð þorir að verja sína hagsmuni á meðan við látum ESB véla okkur í als kyns vitleysu eftir glas af frönsku víni.

Því verr gefast heimskra manna ráð sem fleiri koma saman (Úr Laxdælu)

https://www.frjalstland.is/2018/06/30/esb-akvedur-utanrikisstefnu-islands/

NATO-hæli

NATO ætlar að senda okkur hælisleitendur úr Múslimaheiminum. Forsætisráðherra okkar segir -"að það væri alveg skýrt að tekið yrði á móti fleiri hælisleitendum-" (Mbl 21.8.2021). NATO var árangursríkt félag sem stóð að brottrekstri kommúnista úr Austur-Evrópu. En síðustu 30 árin hefur NATO breyst í Kaldastríðssamkundu sem hefur vopnavætt smáþjóðir Austur-Evrópu, eytt stórfé í upplausnaröflin þar og rekið vaxandi stríðsæsingar gegn Rússum með aðstoð ESB. Og þegar heimskan hefur náð upp fyrir þak hefur NATO blandað sér í innanlandsmál í Múslimaheiminum.

Árangurinn af því er mannfall og hörmungar og straumur hælisleitenda til aðildarlanda NATO. Og hryðjuverkaógn. Aðildarlöndin hafa í vaxandi mæli tekið upp vinstristefnu og eru tekin að líkjast meir og meir gömlu Ráðstjórnarríkjunum sem NATO var sett til höfuðs. Eftir að leiðtogaþjóðin, Bandaríkin, leiddi niðurrifsöflin til valda í leikstýrðum kosningum haustið 2020 hefur keyrt um þverbak. Bandaríkin og NATO hafa misst tökin á stórum málum, leiðtogarnir fara undan í flæmingi. Og við Íslendingar, sem margir höfum treyst á NATO í 72 ár, stöndum nú allt í einu uppi berskjölduð í máttlitlum félagsskap stjórnað af sósíalistum og krötum og þeirra strengjabrúðum.

Ráðherraeinræði.

Utanríkisráðherra er uppvís að samráðsleysi og yfirgangi, útflutningur sjávarútvegs og landbúnaðar kvarta vegna þess. Nýr fríverslunarsamningur EFTA við Bretland gerður í flýti og án samráðs segja hagsmunaaðilar. Samráð við Alþingi lítið sem ekkert. Ráðherra svarar með skætingi og notar samninginn til að slá pólitískar keilur í prófkjörsslag. 

Er þetta nýjasta norm ráðherra á Íslandi í afgreiðslu á mikilvægustu málum landsins, eða er það bara Gulli eins og í Orkupakkamálinu?

Fríverslunarsamningur veldur vonbrigðum.

"Vonast hafði verið til að markaðsaðgangur íslenskra sjávarútvegsfyrirtækja yrði betri en fyrir útgöngu Breta úr Evrópusambandinu. Heiðrún Lind Marteinsdóttir, framkvæmdastjóri SFS, segir hins vegar að samningurinn sé sambærilegur við það sem fyrir var."

Samráðsleysi við landbúnaðinn. 

„Það er umhugsunarvert að önnur hagsmunasamtök hafi haft talsverða vitneskju um drög að samningi sem var í undirbúningi í utanríkisráðuneytinu sem hvorki hagsmunasamtök í sjávarútvegi eða landbúnaði máttu hafa skoðun á, þar sem um drög var að ræða. Þá þykja það sérstök vinnubrögð að tilkynna um fríverslunarsamninginn á föstudegi en sýna ekki innihald hans fyrr en rúmum tveimur sólarhringum síðar á heimasíðu Stjórnarráðsins.“ 

Samráðsleysi við Alþingi

Ríkisstjórnin og ESB

Á afrekslista núverandi ríkisstjórnar hefur eftirfarandi löggjöf ESB verið innleidd á Íslandi á þeirri forsendu að viðskiptasamningur (EES) krefjist þess af samkeppnisástæðum:

Tilskipanir ESB um fjármálastofnanir þar sem eftirlit er í höndum erlendra ESB stofnanna og ágreiningur er í höndum erlends ESB dómstóls.

Tilskipanir um fyrirkomulag raforkumarkaða ESB(3ji Orkupakkinn), þar er Orkustofnun bein framlenging Orkustofnunar ESB(ACER) um framkvæmd allra tilskipanna og ágreiningur í höndum erlends ESB dómstóls. (Vindmyllum og sæstreng er ekki hægt að hafna þó við höfum ekkert við það að gera) 

Þrátt fyrir mikla andstöðu og alvarlegar athugasemdir um að verið væri að brjóta stjórnarskránna og færa ákvörðunarvald stjórnvalda úr landi þorði ríkisstjórnin ekki að hætta við, eftir heimsóknir evrópskra ráðherra og þrýsting Noregs og ESB.

Alvarleiki þessa máls er sá að allar tilskipanir sem koma héðan í frá frá ESB verða teknar upp óbreyttar, hvað sem stjórnarskránni líður, því Alþingi er skipað til af ríkisstjórnum hvers tíma og hlýðir. Hjálendan Ísland er aftur komin undir stjórn evrópskra hagsmunaaðila sem búnir eru að fá aðgang að orkuauðlindum landsins og næsta auðlind bíður þeirra við hornið. 

Tollalaust Brexit en tollar í EES.

Brexit samningurinn er tollalaus Fríverslunarsamningur auk þess var samið um viðbótarþætti eins og flutninga, orku, fiskveiða og gagnkvæm réttindi þegna.

EES samningurinn veitir ekki fullt tollfrelsi, þar eru tollar samkvæmt bókun 9 í samningnum: 

"Þær vörur sem njóta allt að 70% tollalækkunar (tafla III í 2. viðbæti við bókun 9) eru lifandi fiskur, fiskflök, krabbadýr og lindýr að undanskildum þeim fiskafurðum sem eru alfarið undanþegnar innflutningstollum og þeim sjávarafurðum sem njóta engra tollfríðinda (fylgiskjal með töflu III í bókun 9).

Fiskafurðir sem fluttar eru til ESB og bera fullan toll eru lax, síld (nema síldarsamflök), makríll, hörpudiskur og leturhumar."

Þar að auki verður Ísland að taka á sig alla löggjöf ESB sem Bretar voru að losa sig við.

Samningur Kanada/ESB og nú Brexit eru báðir betra en EES fyrir Ísland.

Þarf ekki að segja upp EES samningnum og semja betur? 

Stóru misstök stjórnvalda,-að treysta á ESB

Björn Rúnar Lúðvíksson, prófessor í ónæmisfræði og yfirlæknir á ónæmisfræðideild Landspítalans var mjög gagnrýnin á stjórnvöld í útvegun bóluefna fyrir þjóðina í Víglínunni í gær og furðar sig á því að Ísland skuli hafa hengt sig á Evrópusambandið við kaup á bóluefni, þegar það sé yfirlýst stefna hérlendra stjórnvalda að vera utan þess.Björn Rúnar benti á að Ísland ætti kost á að treysta á lyfjastofnanir Bandaríkjanna og Bretlands í mati á bóluefnunum.

Kári Stefánsson hefur einnig haft uppi svipaða gagnrýni. Þeir hafa báðir haldið því fram að íslensk stjórnvöld hefðu getað tekið forystu í undirbúningi bóluefnakaupa í júlí þegar ljóst var hvaða aðilar voru komnir með bóluefnið á annað þróunarstigið, þannig hefðum við getað tekið mikilvægt skref til að útvega og bólusetja alla þjóðina á skömmum tíma,-eins og Ísrael stefnir nú í klára á næstu tveimur mánuðum.

Í þessu máli er aumkunarvert að sjá hvernig Forsætis-og Heilbrigðisráðherra reyna að réttlæta það að Ísland hengi sig við ESB í þessu máli. Sami orðhengilshátturinn er notaður í þessu máli og þegar Ísland er viðhengi við ESB í loftlagsmálum, "mikilvægt að standa saman", "það styrkir Ísland að vera í samráði við löndin í kringum okkur" og annað í þeim dúr. Þau hafa meira að segja sagt að við gætum ekki gengið fram hjá Lyfjastofnun Evrópu,-enn og aftur skín EES samningurinn í gegn,-þó heilbrigðismál á Íslandi séu utan samningsins. 

Þessi tvö mál sýna svo ekki verðu um villst, að íslensk stjórnvöld, sama hvaða flokkar stjórna, hafa gefist upp á því að vera fulltrúar sjálfstæðrar þjóðar. Þau eru farin að tala eins og fulltrúar þjóða í miðstýrðu ESB.

Hvernig stendur á því? Er þetta minnimáttarkennd?

Þessi kynslóð núverandi stjórnmálamanna kemst ekki í fótspor forvera sinna hvað pólitískan stórhug varðar, sama í hvaða flokki þeir voru, - því miður.  

EES andstaðan í Noregi

Er annað landslag í stjórnmálum í Noregi og á Íslandi?  Í Noregi vill Hægri flokkurinn og Verkamannaflokkurinn ganga í ESB, þó veruleg andstaða verkalýðshreyfingarinnar sem er sterk í flokknum, sé því andsnúin.

Andstaða við EES samninginn hefur vaxið undanfarin ár og ekki ólíklegt að hún hafi veruleg áhrif á þingkosningar í haust. Verður það sama upp á teningnum til Alþingiskosninga í haust?  

"And­stæðing­ar aðild­ar Nor­egs að EES-samn­ingn­um gætu því endað í odda­stöðu í kjöl­far kosn­ing­anna í haust. Eina leiðin fram hjá því væri að Verka­manna­flokk­ur­inn og Hægri­flokk­ur­inn myndi sam­starf, en litl­ar lík­ur eru á því."

 https://www.mbl.is/frettir/erlent/2021/01/09/telja_brexit_betri_kost_fyrir_noreg_en_ees/