"Steingervingar" í stjórnmálum og innflutningsklíkan.

Einkenni steingervinga eru að hafa steingerst í fortíðinni. Í mannlífinu má sjá slíka "steingervinga", en þeir eru fáir því lífið leyfir ekki stöðnun og neyðir flesta til að þróast áfram. Í stjórnmálin safnast þó hlutfallslega margir "steingervingar" saman til óheilla fyrir samfélagið. Meðal þeirra eru fyrrum formaður og varaformaður Sjálfstæðisflokksins sem vilja ganga í björg ESB og steingerast þar. Trúblinda þeirra er svo mikil á ESB að þeir taka hagsmuni útflutningsatvinnuvega þjóðarinnar fram yfir óskir innflutningsheilsala sem sjá má glögglega í nýrri skýrslu um viðskiptahagsmuni Íslendinga. Horft út fyrir Evrópu 

Ef reynt er að greina af hverju f.v. formaður og varaformaður Sjálfstæðisflokksins gengu í björg, verður strax fyrir skýr mynd. Heilög hendi heildsalana sem stjórna Samtökum atvinnurekanda lofaði þeim viðreisn með stofnun flokks undir þá. Í flokki þeirra, Viðreisn, er pólitíska áherslan á að loka sig af inn í sovétsku bandalagi sem þorir ekki í fríverslun við heiminn heldur lokar sig af með tollmúrum, enda á fallandi fæti. Önnur pólitísk stefnumið er að leggja af landbúnað á Íslandi, ekki af aðdáun á stefnumálum Samfylkingarinnar, heldur af vilja heildsalanna. 

Er löggjafavald ESB eðlisfræðilögmál?

  Tímaritið Economist líkir löggjafavaldi ESB við eðlisfræðilögmál Newton. Það sem hreyfist verði ekki stöðvað.ESB valtar yfir aðildarríki.

Það sama á við Ísland. Alþingi er stimpilpúði fyrir lagasmíði ESB á öllum sviðum samfélagsins. Það má ekki breyta einum stafkrók í tilskipunum ESB en alþingismenn láta sér það vel lynda. Ef tilskipanir ESB eru ekki teknar upp ríður refsivöndur ESA yfir bak ráðuneytanna og embættismenn. ESB-lög hrannast upp.

  

BBC hlutlaust

Þær gleðifregnir berast frá Englandi að nýr útvarpsstjóri BBC ætli að gæta hlutleysis (Mbl 7.9.2020). Þeir sem hafa fylgst með umfjöllun BBC um BREXIT, ESB, Trump, loftslagsmál, Pútín, Rússa eða Icesave vita að mikið hefur vantað þar á. BBC hefur útvarpað gagnrýnislaust lituðum og jafnvel röngum upplýsingum og ruslvísindum og ýtt undir óraunhæf stefnumál og sleppt að gera öfgastefnum skil. BBC hefur oft horft framhjá hinni síversnandi siðmenningarupplausn og öryggisleysi í Bretlandi og almennt á Vesturlöndum sem fylgt hefur vaxandi stjórnmálaskrumi, öfgahreyfingum, framandi trúarbrögðum og mönnum frá framandi menningarsvæðum.

BBC hefur mikil áhrif á skoðanamyndun. Eins og hjá mörgum öðrum stórfjölmiðlum virðast margir frétta- og dagskrármenn þeirra aldir upp í vernduðu umhverfi háskóla og stofnana með takmörkuð raunveruleikatengsl og litla vísindaþekkingu. En þeim mun meir af óraunsæjum hugsjónum og rétthugsunarkreddum. BBC er í eigu almennings og gæti því tekist að verða hlutlaust. Verra er með suma einkarekna fjölmiðla á Vesturlöndum sem auðmenn eða áróðursmenn ná að nota til æsinga, óhróðurs, spillingar eða skemmdarverka.

 

Það var Svíi sem hafði vitið

"-Árangur Svía sýnir raunkostnaðinn af okkar hrokafullu og misheppnuðu valdamönnum

Hörmuleg vanhæfni hefur að óþörfu afmáð milljarða punda úr breska hagkerfinu.

Nú vitum við það: Svíar skildu þetta að mestu rétt en breskir valdamenn herfilega rangt. Anders Tegnell, sóttavarnastjóra Svía, hefur tekist að framkvæma þrjú stórvirki: Færri dauðsföll miðað við íbúafjölda en Bretland; varðveislu grunnfrelsis og tækifæra, þar með talin starfræksla skóla; og, sem er mest undravert, efnahagssamdrátt sem er minni en helmingur af samdrættinum í Bretlandi

Okkar hortugu skrifstofublækur og "sérfræðingar" stjórnvalda ættu að skammast sín: Viðbrögð þeirra við Kórónaveiruni hafa verið ein verstu stjórnmálamistök nútímasögunnar, verri en Írak, Afganistan, fjármálakreppan, Súesmistökin og ESB gjaldeyriskerfið. Milljónir manna missa atvinnuna-"

https://www.telegraph.co.uk/news/2020/08/12/swedens-success-shows-true-cost-arrogant-failed-establishment/

EFTA-dómstóllinn í ljósi lýðræðishalla

Hörð gagnrýni helstu lögspekinga á þróun EES samningsins. Þingmenn standa ekki undir ábyrgð sinni.

Eftir Eyvind G. Gunnarsson prófessor við lagadeild Háskóla Íslands og Stefán Má Stefánsson prófessor við lagadeild Háskóla Íslands.

"Eftir fyrrgreinda dóma EFTA-dómstólsins ríkir ójafnvægi milli samningsaðila EES-samningsins, Íslandi og öðrum EFTA/EES ríkjum í óhag, sem ekki hefur verið veitt nægileg athygli. Ójafnvægið veldur m.a. því að aðildarríki ESB standa betur að vígi heldur en EFTA/EES ríkin hvað varðar viðskipti með landbúnaðarvörur og möguleikum til að halda uppi ríkum kröfum um verndun á heilsu manna og dýra.

Niðurstaða EFTA-dómstólsins í þeim málum sem að framan eru rakin er ekki sannfærandi. Því má m.a. halda fram að með því að horfa alfarið fram hjá tilvísun 18. gr. EES-samningsins til 13. gr. hafi dómstóllinn í raun breytt EES-samningnum. Þetta vekur upp spurningar um það hvort dómstóllinn hafi haldið sér innan valdmarka sinna. Síðari dómar í málum E-2/17 og E-3/17 hafa ekki bætt úr því. Í þessu sambandi er mikilvægt að hafa í huga að EES-samningnum verður ekki breytt nema með þeim hætti sem samningurinn áskilur í þeim efnum."

https://ulfljotur.com/2018/04/10/efta-domstollinn-i-ljosi-lydraedishalla/

Ónýt alþjóðastofnun

Alþjóða heilbrigðisstofnunin, WHO, sem margir hafa lengi treyst, reyndist ófær um að hemja kórónuveiruna. Stofnunin er komin í hóp alþjóðastofnana sem eru alþjóðlegt vandamál.

Ótraustar alþjóðastofnanir

Ósjálfstæði Íslendinga- ESA þarf að samþykkja neyðarlán.

„Á þess­um erfiðu tím­um er það for­gangs­atriði okk­ar að tak­ast á við ráðstaf­an­ir sem tengj­ast heims­far­aldri kór­ónu­veiru. Okk­ur hef­ur tek­ist að samþykkja um­rædda ráðstöf­un skjótt, þökk sé góðu sam­starfi okk­ar við ís­lensk stjórn­völd og fram­kvæmda­stjórn ESB,“ seg­ir Bente Ang­ell-Han­sen, for­seti ESA, í frétta­til­kynn­ingu. ESA Samþykkir lán.

Þvílíka orðaþvælu er erfitt að finna stað í raunveruleikanum. ESA getur ekki veitt undanþágu frá ákvæðum ESB tilskipanna um ríkisaðstoð. "Þökk sé framkvæmdastjórn ESB" er lykilinn.

Framkvæmdastjórn ESB var ekki spurð af eigin aðildarríkjum þegar þau hvert fyrir sig brutu næstum öll grundvallarákvæði sambandsins í neyðaraðgerðum fyrir eigin þjóðir.

Ekki þarf skýrari dæmi um ósjálfstæði íslenskra stjórnvalda gagnvart ESB vegna EES samningsins, jafnvel á neyðartímum.

Íslendingar ganga með bænaskjal fyrir umboðsmann (ESA) ESB til að samþykkja neyðarráðstafanir í eigin landi. Minnir mjög á bænaskjölin til danskra konunga í gegnum aldirnar.

Til að breiða yfir skömmina fer utanríkisráðuneytið í skoðanakönnun í miðjum heimsfaraldri til að sýna velvilja Íslendinga til alþjóðasamstarfs. Hins vegar hlýtur ráðuneytið að vera vonsvikið af því að tæpur helmingur þátttakanda er á móti EES samningnum. Þeim samningi sem veldur ósjálfstæði Íslendinga í alþjóðasamstarfi.

Loftlagsstefna ESB dregur Ísland í orkusvaðið.

Loftlagsáætlanir ESB stoppa ekki í Kórónafárinu.

Í sl. mánuði birti sambandið flaggskip sitt í loftlagsmálum til 2050 European Climate Law.

Kadri Simson, framkvæmdastjóri orkumála í Evrópu sagði að því tilefni: „Green Deal snýst ekki bara um orkustefnu, heldur líka iðnaðarstefnu. Við verðum að vinna náið með atvinnugreinum okkar. En það snýst jafn mikið um húsnæði, samgöngur og aðrar lausnir sem munu hjálpa okkur að ná losuninni.“

Svenja Schulze, umhverfisráðherra Þýskalands segir að þessu tilefni: „Við viljum vera kolefnishlutlaus árið 2050 og þess vegna verðum við að gera meira [árið 2030] en það sem við vorum sammála um. Minnkun um 40 prósent eru ekki nóg, við þurfum mínus 50, 55 til að ná markmiðinu. “

Ísland hefur gerst áhangandi að þessari stefnu með alla sína hreinu orku til iðnaðar, hvernig ætlar Ísland að fylgja þessari kolefnisskítugu iðnaðarstefnu Evrópu?

Með tveimur sæstrengjum og byggingu vindmilligarða sem þekja allar sveitir og afréttir landsins til að hjálpa Evrópu (Þýskalandi) um "Græna orku"?

Hræðsluáróður

Sameinuðu þjóðirnar voru stofnaðar til að koma á friði sem hefur reynst þeim erfitt. En samtökin eru í staðinn farin að leggja sig í alls kyns mál sem þau ráða enn síður við. Fjöldi af misjöfnum stofnunum er kominn undir hatt Sameinuðu þjóðanna, sumar stunda ruslvísindi, sumar reyna að þenja út vald sitt með hræðsluáróðri við hvert tækifæri:

"Covid-19 er mesta áskorun síðan Seinni heimsstyrjöldin"(Aðalritari Sameinuðu þjóðana, BBC 2020)

"Loftslagsbreytingar eru mesta áskorun 21. aldar"(Alþjóða heilbrigðisstofnun Sameinuðu þjóðanna, WHO 2018)

WHO var of sein að vara við covid-19 "flensunni". Það deyja árlega 290.000-650.000 manns úr "venjulegum" flensum og meir en 15 milljónir úr ýmsum smitsjúkdómum þrátt fyrir Sameinuðu þjóðirnar og WHO. (Mesta vá mannkyns)

Það er þarfaverk að dreifa upplýsingum og aðstoða ríki við að vernda sína þegna. En það er ekki þarfaverk að dreifa upphrópunum og hræðsluáróðri.

 

Kínaplágur og heimsveldi

Enn ein Kínaplágan herjar nú. Í Kína er þéttbýli (3200 á ferkílómetra í veiruhéraðinu, varla 4 á Íslandi) og víða frumstætt hreinlæti, fjölbreytt lífríki og mikið dráp og át á alls kyns dýrum. Það er nú orðið ljóst að ekki er hægt að treysta því að Kína geti hamið plágurnar eða varað heimsbyggðina við í tæka tíð. Mesta vá mannkyns

En Kínverjar reka líka útþenslustefnu í iðnaði, viðskiptum og stjórnmálum. Þeir vilja áhrif á heimsvísu, í Afríku, Norðurskautinu, Evrópu. Þeir eru þegar búnir að slá út stóran hluta iðnaðar Vesturlanda með kúgun og þrælahaldi 1.438.000.000 eigin þegna.

Donald Trump hefur að mestu staðið einn þjóðarleiðtoga gegn yfirgangi Kína. Niðurrifsöflin berjast gegn honum en hann er kjarkmaður og skilur hvert stefnir, aðrir vestrænir leiðtogar eru flestir gufur. Missir stórs hluta atvinnufyrirtækjanna, og nú líka dauði þúsunda manna, kallar á að leiðtogarnir fari að hugsa um sína eigin þegna eins og Trump gerir. Og fari að standa fast gegn heimsvaldagræðgi, kúgun, dýraníði og plágum.