Loftslagsvá ESB

Ríkisstjórnin telur okkur trú um að "loftslagsváin" sé stærst allar mála. Það er ekki komið frá ráðherrunum okkar heldur frá ESB sem sendir vaxandi fjölda tilskipana um dýrkeyptar aðgerðir í "loftslagsmálum". Íslendingar, sem búa við stöðuga og yfirvofandi vá af hafís og kólnun loftslags, eiga nú að eyða sínu sjálfsaflafé í tískustjórnmál ESB og hlýðni við "vísindaskýrslur" frá milliríkjanefnd sameinuðu þjóðanna um loftslagsbreytingar (IPCC).

Váin felst ekki í hlýindum (áreiðanleg hitamet eru frá 1930-1940), ekki óveðrum (ekki meiri en áður), ekki skógareldum (minni nú en áður), ekki þurrkum (oft meiri), ekki bráðnun N-heimskautsíssins ( hann er útbreiddari nú en 2012 og oft áður) og Ok-skaflinn kemur og fer eins og jöklar yfirleitt (þeir sveiflast hægt, engir jöklar voru á íslandi á dögum Rómverja). Váin er ekki hlýnun hafanna (N-Atlantshafið við Ísland hefur verið að kólna síðustu 15 árin). Váin felst ekki í miklum koltvísýring (hann hefur verið tugum sinnum meiri í lífssögunni), ekki í hækkun sjávarborðs (stóra ísgeymslan, Suðurskautið, er ekki að bráðna), ekki heldur í súrnun hafanna (sem hafa verið "súrari" áður, þau eru reyndar basísk og verða áfram). Engin loftslagshlýnun við Suðurströndina.

Loftslagsvá ESB er stjórntæki yfir undirsátum ESB og þýðir meiri áþján og skriffinnsku, hærri skatta, fleiri leyfisveitingakerfi, meira losunarkvótabrask, meiri gróða fyrir græna starfsemi og "umhverfismeðvitaða" gróðabrallara (sem yfirleitt mjólka styrki frá skattgreiðendum). Loftslagsmál ESB þýða vindmylluhagkerfi og fátækt almennings, þau eru tískustjórnmál valdagráðugra stjórnmálamanna ESB og draumórar skriffinna Sameinuðu þjóðanna.

Stórveldið okkar megin

Öflugasti bandamaður Íslands, Bandaríkin, sendu sinn varaforseta í heimsókn til að staðfesta vináttu og ræða stjórnmál og viðskipti. Bandaríkin hafa í raun verið ábyrgðarmaður þjóðfrelsis Íslendinga sem Mike Pence var greinilega meðvitaður um og minntist 75 ára afmælis sjálfstæðisins. Hann ræddi helstu sameiginlegu hagsmunamálin: Viðskiptin sem hafa verið hornreka síðan EES skall á og þarf að auka og gera frjálsari. Samvinnu í vísindum, tækni og menntun en Bandaríkin eru þar í fremstu röð á flestum sviðum. Hann ræddi Norðurskautssvæðið og ásókn útþensluvelda sem ekki eiga land að því. Og um varnir og öryggi á norðurslóðum.

Það var hrein upplyfting að fá Pence í heimsókn eftir að hafa fengið þýskan og norðurlanda ráðherra sem töluðu mest um tískustjórnmál sem skila okkur engu nema kostnaði. Vináttan við Bandaríkin er gulls ígildi fyrir Íslendinga og verður áfram forsenda þess að Ísland geti haldið einhverju frelsi og sjálfstæði og verður afgerandi þegar farið verður í að endurheimta fulla sjálfstjórn landsins með uppsögn EES-samningsins.

Ræða Pence við Höfða

 

Loftlagsáætlun Íslands er fyrirskipuð af ESB.

Fyrir tæpu ári, 11 desember 2018, birti ESB reglugerð 2018/1999 Governance of the Energy Union and Climate Action sem er dæmi um hvernig ESB fyrirskipar að Ísland skuli taka upp stefnu/markmið ESB í loftlagsmálum. Nú hælast íslenskir ráðherrar um eins og það sé þeirra uppfinning og kalla hana "Stefnu Íslands í loftlagsmálum". Ef Ísland nær ekki markmiðinu fyrir 2030, verður Ísland að kaupa losunarheimildir í Viðskiptakerfi(ETS)ESB. 

Í lið 1. segir: "Reglugerð þessi setur fram nauðsynlega lagastoð fyrir áreiðanlegri, hagkvæmri, gegnsærri og fyrirsjáanlegri stjórnun Orkusambandsins og Loftslags Aðgerðum (stjórnarhættir) sem tryggja langtímamarkmið og markmið Orkusambandsins fyrir 2030 í samræmi við Parísarsamkomulagið 2015 um loftslagsbreytingar í kjölfar 21. ráðstefnu aðila að rammasamningi Sameinuðu þjóðanna um loftslagsbreytingar („Parísarsamkomulagið“) með viðbótar, heildstæðum og metnaðarfullum aðgerðum sambandsins og aðildarríkja þess, en takmarka stjórnunarflækjustig."

Brussarnir vilja íslenska orku

Brussel ætlar að ráðskast með íslenskar orkulindir, reyndar hefur tilskipanafarganið þaðan þegar gert mikinn usla í orkumálum okkar. Við lifum á orkunni, 1/3 af gjaldeyristekjum okkar er frá iðnaði og lang mest frá orkuiðnaði, orkan knýr atvinnulífið og heimilin. Rafmagnið var á hóflegu verði þar til ESB fór að skipta sér af. Nú er það að verða of dýrt og kominn uppgjafatónn í iðnaðinn og vaxandi orku sólundað í tískufyrirbæri eins og rafbíla á kostnað skattgreiðenda. Orkufyrirtækin okkar eru farin að okra á atvinnulífinu og heimta tvöfalt hærra orkuverð en í samkeppnislöndum okkar. Þegar sæstrengurinn kemur mun hann taka nærri helminginn af öllu virkjanaafli okkar, 1200 megavött og meira fer svo seinna.

Það þarf að loka útflutningsfyrirtækjum, virkja meira og kasta upp dýrum og ljótum vindmylluskógum til að mata sæstrenginn. En Bretar þurfa ekki íslenska orku þó þeirra menn ætli að leggja strenginn, þeir eiga nægar gaslindir og eru að byggja kjarnorkuver við Hinkley Point sem er stærra en allar virkjanir á Íslandi til samans. En það eru brussarnir sem ætla að njóta góðs af orkunni frá Íslandi. Þeir ætla að loka sínum orkuverum.

Sæstrengurinn hefur verið ákveðinn

Okkar stjórnmálamenn virðast eiga erfitt með að skilja tilskipanirnar frá ESB. Sumir þeirra halda því fram að Alþingi ráði hvort sæstrengur verður lagður. Það er misskilningur, samþykkt 3. orkupakkans framselur þá ákvörðun til ESB.

Það er ESB og stofnanir þess (ACER og útibú þess hér, landsreglarinn) sem stjórna því hvort sæstrengur verður lagður. Ef Alþingi ætlar eitthvað að ráðskast með sæstrenginn verður Ísland dregið fyrir dóm.

https://www.frjalstland.is/2019/08/29/saestrengurinn-hefur-verid-akvedinn/

Ætlar Alþingi að afhenda þjóðareignina?

Mikil spenna ríkir meðal landsmanna um hvort Alþingi muni á næstu dögum afhenda Evrópusambandinu orkulindir Íslands til yfirráða. Það eru þær sem eru undirstaða velsældar landsmanna. Jafnvel sæmilega gegnir þingmenn hafa sagst styðja það, margt kemur til: Vanþekking, hræðsla við Evrópusambandið, blekkingar um EES og innri markaðinn og gamla minnimáttarkenndin gagnvart útlendingum. En vaxandi fjöldi þingmanna hefur kynnt sér málið og getur staðið með landsmönnum.

Samtökin Frjálst land hafa upplýst sína lesendur, m.a. á heimasíðu samtakanna og Mbl-blogginu, um 3. orkupakkann, um hvað stendur í honum og hverjar verða afleiðingarnar.

Ef orka Íslands verður virkjuð af einhverjum í ESB fyrir einhverja þar til að einhverjir þar geti grætt, hverfur helsta ástæðan til að búa hér á köldu jöklumstráðu eyðimarkaeyjunni. Þó Alþingi njóti nú hverfandi lítils trausts er viss von að úr því rætist og það standi vörð um þjóðarauðinn.

Samkeppnislögin stjórnarskrárbrot

Hræðslugæði landans gagnvart útlendingum hefur verið okkur dýrkeypt. Við höfum tekið upp óhentug lög frá ESB í blindni og hræðslu við að hafa skoðun og framtak í okkar eigin málum. Samkeppnislögin voru eitt af fyrstu stjórnarskrárbrotunum og eru samkvæmt skilningi venjulegra manna ógild. Þau hafa valdið vandræðum á hinum litla fyrirtækjamarkaði landsins og staðið í vegi fyrir þróun.

Samkeppnislögin standa í vegi fyrir þróun

Stjórnmálamenn með drauma á fundi

Forsætisráðherrar ESB- og EES-landa Norðursins funduðu á Íslandi síðustu daga um sína drauma. Helstu vandamál Norður-Evrópu voru ekki mikið á dagskrá.

 

 

Stjórnmálamenn draumóranna funduðu á Íslandi

Ok heimskunnar

Nú koma ESB-stjórmálamenn til að ræða orkutilskipanir og "loftslagsmál" en stór hluti tilskipana ESB er einmitt afsakaður með þeim. Sjálfbirgingurinn er mikill, þeir halda að þeir geti stjórnað loftslagi. Heimskan er ok sem lendir á kjósendum að bera.

Heimsendaspámenn fóru upp á Ok til að harma smæð jökulsins. Þeir voru of seinir, hann var svipaður um 1940. Þegar Skallagrímur kom í Borgarfjörðinn var enginn Okjökull. Á dögum Sókratesar var enginn jökull á Íslandi. Á dögum Nefertiti var landið þakið skógi. Hún var raunsæ, hún trúði á Sólina, okkar stjórnmálamenn ættu að taka hana sér til fyrirmyndar.

Vankunnandi áhrifamenn eru að reyna að gera þjóðgarð úr íslensku eyðimörkunum sem fjúka á haf út og hafa verið í loftinu (gult ryk) í sumar.

Pétur Halldórsson hjá Skógræktinni vill setja fé í að rækta eyðimerkurnar frekar en í eyðimerkurþjóðgarða. Þá gætu þær aftur orðið eins og á dögum Nefertiti Egyptalandsdrottningar, grænar og fallegar ef loftslagið skyldi skána aftur (Fréttablaðið 19.8.2019).

Hvað kom í veg fyrir að Ísland nýtti undanþágu frá Orkutilskipunum ESB?

Ísland með innan við 100.000 tengda viðskiptavini eða einangrað raforkukerfi hefði sjálfkrafa fengið undanþágu frá Orkutilskipunum ESB. Kýpur með rúma milljón íbúa og Malta með 430 þúsund íbúa eru undanþegin þessum tilskipunum á þeim forsendum. Stjórnvöld á Íslandi ákváðu hins vegar að taka upp Orkutilskipanir ESB. Hvers vegna? Var það vegna hugsanlegra möguleika á sölu raforku um sæstreng? 

Nú eiga stjórnvöld að snúa til baka og tilkynna EES nefndinni að Ísland falli undir þessar undanþágur á þessum ofangreindu forsendum.

https://skemman.is/bitstream/1946/3442/1/Olafia_Dogg_Asgeirsdottir_fixed.pdf