Loftslagsskrumararnir með æðiber

Falsfréttamiðlarnir eru orðnir hræddir við að Trump vinni kosningarnar og senda nú út lygar um loftslagsbreytingar í stríðum straum en Trump hefur afhjúpað loftslagsskrumið.

"kjarreldar í Kaliforníu vegna loftslagsbreytinga" (USA-miðlar) Eldarnir nú eru minni en þeir hafa verið, áður en byggð fór að þéttast brunnu nærri 5 milljónir hektara árlega. Ástæða eldanna nú er vanræksla við hirðu skóga og kjarrs.

"Risastór ísjaki brotnar frá Grænlandsjökli" hefur einn falsfréttafjölmiðillinn (UK) eftir þýskum "vísindamönnum" en þeir hafa japlað á hvarfi Grænlandsjökuls í áratugi, hann breytist lítið en stöðugt brotnar framan af skriðjöklunum eins og áður.

"Ísland bráðnar" segja falsfréttamenn (UK) og sýna Breiðamerkurlón með fljótandi jökum. Þeir segja ekki að einu sinni voru bóndabæir og gróið land þar sem jökullinn er nú.

Umhverfisöfgalýðurinn æðir um götur nágrannalanda okkar brjótandi og bramlandi, falsfréttamiðlarnir veita þeim samúð og afsakanir.

Hér heima hafa stjórnmálamenn og margir áhrifamenn látið glepjast af loftslagsskruminu: "Orkuskipti í samgöngum forsenda þess að Ísland geti staðið við alþjóðlegar skuldbindingar í loftslagsmálum" (frá ráðstenfnu um "orkuskipti"). Hér er greinilega átt við skuldbindingar gagnvart ESB sem eru ekki alþjóðlegar og ekki að rugla saman við hið alþjóðlega Parísarsamkomulag frá 2015 sem var loforðalisti sjálfstæðra þjóða, Íslands þ.á.m., sem fáar geta staðið við og er því orðið úrelt. Rafbílavæðingin veldur aukinni eiturefnamengun á heimsvísu, breytir heildarkoltvísýringsútblæstri lítið en gerir bílana of þunga sem eykur slit vega, þeir eru varasamir í vetrarveðrum vegna þyngdar og takmarkaðs orkumagns í rafhlöðum, þeir auka hættulega rykmengun og eru óþörf skattbyrði á almenningi.

Kolefnissporið góða

Í Mogga dagsins er ráðherra að setja repjuolíu á díselvél til að minnka kolefnissporið, tilskipun ESB 2018/410. Framleiðsla repjuolíu þarf mikla orku, þar á meðal díselolíu, en gefur lélegra eldsneyti. Útblásturinn breytist því lítið, áhrif ráðherrans á kolefnissporið eru því hverfandi.(Lélegt jurtaeldsneyti) (með kolefnisspori er átt við þann koltvísýring, sem er 27% kolefni, sem sleppt er út í loftið, hann er eina grunnnæring repju og annars gróðurs og lítið (0,04%) af honum í lofthjúpi jarðar). Annar ráðherra hælist um yfir að Ísland nái markmiðum (ESB) um orkuskipti og kolefnishlutleysi. Rafbílavæðingin er þegar orðin baggi á skattgreiðendum (sem eiga líka að borga fyrir Covid), veldur vegasliti og mikilli mengun á heimsvísu.

"Kolefnishlutleysi" er draumsýn umhverfisöfga, of óraunsæ til að geta orðið að veruleika og bætir ekki loftslagið. Það lítur út fyrir að ráðherrarnir þurfi að fara aftur í grunnskóla til að lesa náttúrufræði fyrir byrjendur. Og hætti að lesa ESB-tilskipanir

https://www.frjalstland.is/2020/04/27/michael-moore-afhjupar-graenu-orkuna/

BBC hlutlaust

Þær gleðifregnir berast frá Englandi að nýr útvarpsstjóri BBC ætli að gæta hlutleysis (Mbl 7.9.2020). Þeir sem hafa fylgst með umfjöllun BBC um BREXIT, ESB, Trump, loftslagsmál, Pútín, Rússa eða Icesave vita að mikið hefur vantað þar á. BBC hefur útvarpað gagnrýnislaust lituðum og jafnvel röngum upplýsingum og ruslvísindum og ýtt undir óraunhæf stefnumál og sleppt að gera öfgastefnum skil. BBC hefur oft horft framhjá hinni síversnandi siðmenningarupplausn og öryggisleysi í Bretlandi og almennt á Vesturlöndum sem fylgt hefur vaxandi stjórnmálaskrumi, öfgahreyfingum, framandi trúarbrögðum og mönnum frá framandi menningarsvæðum.

BBC hefur mikil áhrif á skoðanamyndun. Eins og hjá mörgum öðrum stórfjölmiðlum virðast margir frétta- og dagskrármenn þeirra aldir upp í vernduðu umhverfi háskóla og stofnana með takmörkuð raunveruleikatengsl og litla vísindaþekkingu. En þeim mun meir af óraunsæjum hugsjónum og rétthugsunarkreddum. BBC er í eigu almennings og gæti því tekist að verða hlutlaust. Verra er með suma einkarekna fjölmiðla á Vesturlöndum sem auðmenn eða áróðursmenn ná að nota til æsinga, óhróðurs, spillingar eða skemmdarverka.

 

Dansað eftir pípu ESB

Uppþotin í Hvítarússlandi (fjármögnuð utan Hvítarússlands samkvæmt rússneskum blöðum), beint og óbeint studd af ESB, munu verða notuð til að reyna að ná Hvítarússlandi undir sams konar braskvæðingu, rányrkju og rupl og öðrum jaðarlöndum ESB. Dæmi er nágrannaland Hvítarússlands, Litháen, lítil þjóð sem missti unga fólkið úr landi, nærri milljón manns, þegar hin lamaða hönd ESB lagðist yfir landið.

Nú ætlar ESB með skinhelgi og hótunum eins og vant er að setja einhvers konar bann á Hvítarússland og fá með sér alla sína leppa. Þar á meðal EES-Ísland. Við álpuðumst með í undirbúninginn að valdaráni auðrónanna í Úkraínu og fengum eina helstu viðskiptaþjóð Íslands, Rússa, á móti okkur fyrir vikið. Kannske ætla okkar máttlitlu stjórnvöld að bæta um betur og hjálpa ESB að koma ruplinu af stað í Hvítarússlandi.

https://www.mbl.is/frettir/erlent/2020/08/17/funda_vegna_krisunnar_i_hvita_russlandi/

Það var Svíi sem hafði vitið

"-Árangur Svía sýnir raunkostnaðinn af okkar hrokafullu og misheppnuðu valdamönnum

Hörmuleg vanhæfni hefur að óþörfu afmáð milljarða punda úr breska hagkerfinu.

Nú vitum við það: Svíar skildu þetta að mestu rétt en breskir valdamenn herfilega rangt. Anders Tegnell, sóttavarnastjóra Svía, hefur tekist að framkvæma þrjú stórvirki: Færri dauðsföll miðað við íbúafjölda en Bretland; varðveislu grunnfrelsis og tækifæra, þar með talin starfræksla skóla; og, sem er mest undravert, efnahagssamdrátt sem er minni en helmingur af samdrættinum í Bretlandi

Okkar hortugu skrifstofublækur og "sérfræðingar" stjórnvalda ættu að skammast sín: Viðbrögð þeirra við Kórónaveiruni hafa verið ein verstu stjórnmálamistök nútímasögunnar, verri en Írak, Afganistan, fjármálakreppan, Súesmistökin og ESB gjaldeyriskerfið. Milljónir manna missa atvinnuna-"

https://www.telegraph.co.uk/news/2020/08/12/swedens-success-shows-true-cost-arrogant-failed-establishment/

Hver fjármagnar uppþotin í Hvítarússlandi?

Skemmdarverkapeningar frá ESB, Obamastjórninni og auðrónum fjármögnuðu upplausnina í Úkraínu á miðjum áratugnum, löglega kjörin stjórnvöld voru hrakin frá völdum og leppar settir í staðinn. Undirsátar ESB, þar á meðal Ísland, dönsuðu með. Þökk sé Rússum er Úkraína ennþá sjálfstæð.

https://www.frjalstland.is/2018/06/30/esb-akvedur-utanrikisstefnu-islands/

Úkraínuuppþotin gætu verið að endurtaka sig í Hvítarússlandi. Fransk-Þýska veldið, ESB, sér nú möguleikana á að fá þar leppstjórn og opna landið fyrir rányrkju og undirbúa innlimun. Hættan af landvinningastefnu ESB virðist vera að vaxa, mögulega hefur sjálfstæði Breta hleypt hefndarhug og aukið landvinningaþrá ESB-veldisins en það hefur verið sögulegt hlutverk Breta og Rússa að stöðva Franska og Þýska landvinninga.

Feluleikur

Hver ræður í raun hvort Ísland sé lokað? Af hverju ætla iðjuver að hætta? Af hverju eru bændur að gefast upp?

Reynt er að hylma yfir afleiðingarnar sem vald ESB hefur hér, hræðsluáróður og ruslvísindi eru notuð til að afsaka. Yfirhylmingar

Geðveikt

Fólk verður geðveikt á að vera lokað inni vegna "aðgerða" stjórnmálamanna á Vesturlöndum gegn Kórónuveirunni. "Aðgerðirnar" koma nokkrum árum of seint. Þegar Kínastjórn tókst að gera Alþjóða heilbrigðisstofnun Sameinuðu þjóðanna að strengjabrúðu sinni og settir voru vanhæfir menn frá spilltum löndum þar yfir tapaðist bardaginn við að hemja Kínaveirurnar.

https://www.frjalstland.is/2020/04/22/otraustar-althjodastofnanir/#more-1913

Þessi veira virðist svipuð og flestar þær fyrri, hjálpar til að drepa milljón manns á ári en virðist vægari en Hong Kong flensan sem drap milljónir en gleymdist af því að stjórnmálamenn og fjölmiðlar höfðu nóg af öðrum æsifregnum. Það er ekki lengur í tísku að æsa lýðinn yfir gömlum sjúkdómum þó árlega deyi tugir milljóna úr ýmsum smitsjúkdómum og milljónir smitist af eyðni og öðrum sóttum.

Kannske komast þeir best út úr þessari flensu sem fóru í minnstar stjórnvalds "aðgerðir" til að berjast gegn henni: Svíar. Þar er ónýt minnihlutastjórn. Stjórnmálamenn á Vesturlöndum eru annars haldnir miklum sjálfsbirging og halda að þeir geti stjórnað öllu milli himins og jarðar. Nú er að koma í ljós að oft er best að þeir geri sem minnst.

https://www.euronews.com/2020/07/28/sweden-s-coronavirus-spread-slows-but-immunity-still-a-puzzle

Dánartíðnin í Svíþjóð og á flestum Vesturlöndum er dottin niður. Á Íslandi hefur enginn dáið af veirunni í 4 mánuði. Nú er hægt að lækna flesta sem fá hana. Það er afnám mannréttinda að loka menn inni eða úti og stöðugur hræðsluáróður gerir fólk geðveikt.

 

Ríkisstjórnin á að semja við ÍSAL

Nú hefur komið í ljós að ríkisstjórn Íslands stingur hausnum í sandinn meðan helstu gjaldeyrisaflendur landsins ætla að pakka saman. -"Opna samningana"- eða -"samningar milli tveggja fyrirtækja"- segja máttvana ráðherrar sem eiga að hafa yfirstjórn með fyrirtækinu sem er að flæma mjólkurkýrnar úr landi. Ríkisstjórnin þorir ekki að segja fyrirtæki þjóðarinnar, Landsvirkjun, fyrir verkum heldur lætur það leika lausum hala með markaðsvæðingar tilskipanir ESB/EES. Og auk þess leyfa íslensk stjórnvöld aðra ESB/EES áþján sem samkeppnislöndin leyfa ekki, t.d. ETS brask- og svindlkerfi ESB með "losunarheimildir" og verslun með lygar, sk. upprunavottorð.

Það var ríkisstjórn Íslands sem samdi um byggingu ÍSAL 1966. Sú ríkisstjórn var ekki máttvana. Mikilvægi ÍSAL fyrir landið er meira en flestra fyrirtækja í landinu. Það er því ríkisstjórn Íslands sem verður að taka keflið aftur og leita vitlegra samninga. Og láta fyrirtæki ríkisins, Landsvirkjun, svo vita um niðurstöðuna.

https://www.frjalstland.is/2020/04/08/ees-er-ad-eydilegja-framleidsluidnadinn/

Að læðupokast með EES-áþjánina

Ríkisstjórnin leikur þann leik að koma tilskipanadræsum frá ESB í gegnum Alþingi þegar menn eru orðnir þreyttir.

Vond ESB-mál rekin í gegnum Alþingi á lokadögum