EES veldur orkuskorti

Atvinnureksturinn í landinu fær ekki þá raforku sem hann þarf, fyrirtæki eru í vandræðum vegna orkuskorts. Bygging virkjana og raflína, svo ekki sé talað um nýbyggingu iðnaðar, hefur ekki fylgt þróuninni. "Samkeppnisaukandi" eða "umhvefisverndandi" EES-tilskipanir hafa hamlað eðlilegri þróun orkugeirans, fest hann í hlekkjum regluverks EES um m.a. umhverfismat og starfsleyfi. Einnig er farið að sóa raforku í óhagkvæm notkunarsvið, að hluta vegna EES-tilskipana.

Nútíma landsölumenn

Bændur landsins eru orðnir aðþrengdir af illa stjórnuðum landbúnaðarmálum vegna EES-samningsins og innflutningi niðurgreiddrar matvöru frá ESB. Þeir, bústólparnir sjálfir, eru sumir orðnir svo illa staddir að þeir verða að gerast landsölumenn: Selja nytjaland Íslands, sjálfa landstólpana, til landkaupenda í ESB, auðlindir í jörðu innifaldar. Alþingi og landstjórnendur okkar geta ekkert gert, þeir stjórna þessu ekki lengur (Guðjón Ármannsson og Víðir Smári Petersen, Mbl 26.7.2018). Það gerir ESB gegnum EES-samninginn.

https://www.frjalstland.is/2018/07/21/vid-viljum-fa-landid-okkar-aftur/

Við viljum fá landið okkar aftur

Bretar ákváðu 2016 að þeir vildu fá landið sitt aftur úr klóm Brussel. Það er hörð barátta við harðstjórnarveldi ESB en Bretar eru staðföst lýðræðisþjóð sem stórveldin í ESB eru ekki og skilja því ekki ákvörðunina, lýðræðið á ekki langa sögu þar en er notað til að skreyta sig með á völdum tillidögum. Staðan hjá okkur Íslendingum er að verða þannig að við þurfum líka að fara að ákveða hvort viljum fá landið okkar aftur eins og Bretar. https://www.frjalstland.is/2018/07/21/vid-viljum-fa-landid-okkar-aftur/

ESB-herinn stofnaður

ESB-herinn var stofnaður í síðustu viku með hefðbundnar stríðsþjóðir í broddi fylkingar. Níu lönd eru aðilar og á herinn að sinna "sérstökum verkefnum". Þetta gerist á sama tíma og ESB hefur uppi hótanir og stríðsæsingar gegn Rússum. Fyrir okkur Íslendinga, sem höfum horft á styrjaldir þessarra þjóða úr öruggri fjarlægð, vekur þessi þróun upp minningar um uggvænlega atburði fyrri tíma.

Það sem gerir málið hættulegra fyrir Ísland nú er að ESB hefur tekið sér vald til að taka ákvarðanir um utanríkisstefnu Íslands. Til þess að lenda ekki í hringiðu árekstra gömlu stríðsþjóðanna við sína nágranna verður Ísland að ákveða sjálft sína utanríkisstefnu á grundvelli hagsmuna landsmanna.

Fríverslunarsamtökin EFTA eru okkar samtök

Ísland, Sviss, Noregur og Liechtenstein  mynda fríverslunarsamtök Evrópu, EFTA, sem lifa enn góðu lífi þó að ESB hafi haldið hluta þeirra (Noregi, Íslandi og Liechtenstein) í gíslingu EES í 25 ár. EFTA vinnur stöðugt að fríverslunarsamningum og verða væntanlega einhverjir undirritaðir á ársfundinum í Skagafirði í dag. Framundan eru mikilvægir samningar við stóra markaði, Indland og Kanada m.a. Þegar EES-samningnum verður sagt upp, og verslunarhöft ESB þar með afnumin, verður EFTA aðgöngumiði Íslands að frjálsri verslun á stórum mörkuðum um víða veröld. EFTA á framtíðina fyrir sér.

Er stjórnkerfið okkar að leysast upp?

Við teljum okkur vera lýðræðisþjóð í sjálfstæðu og fullvalda lýðveldi með stjórnkerfi sem vinnur eftir landslögum og í okkar þágu. Nýleg verk löggjafarsamkundunnar og framkvæmdavaldsins benda til annars: Þessar æðstu valdastofnanir eru komnar út í erindrekstur fyrir erlent vald gegn skynsemi og okkar vilja. Það lítur út fyrir að verið sé að taka íslenska stjórnkerfið úr sambandi við lýðræðisgrunninn okkar og leysa það upp í valdsboðum frá fjarlægu stórveldi.

Bretar vilja auka samstarf eftir Brexit

Viðskipti og samvinna Íslands og Bretlands hafa löng tímabil í rás tímans verið meiri og mikilvægari en við aðrar þjóðir í Evrópu þó stundum hafi hlaupið snurða á þráðinn eins og gerist hjá nágrönnum. Þau hafa haft mikil áhrif hér og eru ein ástæða þess að Ísland varð eitt mesta velsældarsamfélag heims en Bretland hefur löngum verið í fararbroddi í menningu, tækni og efnahag.

Bretland er að yfirgefa Evrópusambandið og getur þá stundað frjáls viðskipti við umheiminn, sama geta Íslendingar þegar Ísland yfirgefur EES. https://www.frjalstland.is/2018/01/23/afnam-verslunarhafta/

"...við erum sammála um að vilja halda áfram viðskiptasambandi okkar... En einnig höfum við metnað til að fara lengra, til að nýta tækifærin... Á þessu ári ætlum við að samþykkja sameiginlega framtíðarsýn sem mun auka samstarf okkar á öllum sviðum. Ísland er svo sannarlega hluti af framtíð Bretlands..."

Michael Nevin, sendiherra Bretlands, í Morgunblaðinu 18.6.2018.

Leggja til minni sæstreng.

Viðskiptablað Morgunblaðsins skýrir frá því í gær og enn í dag er grein þar um að breskt fyrirtæki hafi kynnt hugmyndir sínar fyrir íslenskum stjórnvöldum um minni sæstreng en talað hefur verið um, þ.e. 600-700 MW í stað 1.000 MW.

Slík hugmynd og skýrsla sem tekur tíma að vinna, er ekki unnin án aðkomu og upplýsinga frá iðnaðarráðuneyti og Landsvirkjun. Ástæðan er einföld. Í fyrri áætlun um 1000 MW, var gert ráð fyrir nýjum virkjunum með vatnsföllum, jarðgufu og vindmyllum að einum þriðja hvert, Það þótti að margra mati of í lagt og hlaut mikla gagnrýni.

Nú bregður svo við að þessi áætlun er mun einfaldari og ódýrari en fyrri áætlun sem er ekki nema ársgömul, ekki þurfi nýjar virkjanir nema fyrir 250 MW, frá jarðvarma og "smávirkjunum". En hvaðan 450MW afl í áætlunni kemur, -"með því að auka við og nýta betur núverandi virkjanir,"- er ekki útskýrt.

Tilgangurinn er efalaust að draga úr gagnrýni á hugmyndina um sæstreng vegna virkjunarkrafna og óljósrar arðsemi.  

Hugmyndin um sæstreng og Þriðju orkutilskipun ESB er nátengd eins og margoft hefur verið sýnt fram á. Í því ljósi fáum væntanlega fréttir um hve arðsöm þessi fjárfesting er, -þegar umræðan um þriðju orkutilskipun ESB kemur fram á Alþingi í haust. Í fréttinni í dag er einnig greint frá því að í síðasta mánuði hafi Umhverfisráðuneytið gefið út reglugerð um leyfi til lagningu sæstrengja til og frá Íslandi. Kerfið vinnur saman, hægt og bítandi að því að undirbúa komu sæstrengs og innleiðingu þriðju orkutilskipun ESB þrátt fyrir yfirlýsingar stærstu stjórnmálaflokkanna.  

Bresk­ir þing­menn hafna EES

Breskir_þingmenn_hafna_ees/

Þessi afstaða breska þingsins er eðlileg, því breskir kjósendur ákváðu að yfirgefa ESB, - ekki til að ganga ínní það um bakdyr og fá á sig alla miðstýringu ESB og þvingaða lagasetningu sem fylgir EES samningnum.

 

Fullveldisafsal á fullveldisafmæli

Það verða ósjálfstæðir undirsátar hins hrörnandi Evrópusambands sem halda upp á hundrað ára fullveldisafmælið ef fer fram sem horfir. Einmitt á þessu ári á að afsala til ESB meiri völdum yfir mikilvægum málaflokkum en samningur við það samaband, s.k. EES-samningur, leyfir.

Meðal annars á að loka landið inni í ofurflóknu skriffinnskukerfi ESB sem kallast "persónuverndarlög" og er um meðferð upplýsinga um einstaklinga í ESB. Þar er við að eiga hálfan milljarð manna, flest trúarbrögð og flestar manngerðir og alls kyns hryðjuverka- og glæpategundir.

Með lögunm fær ESB stjórnvald yfir landinu og borgurum þess sem engir erlendir valdsmenn hafa haft síðan 1918.

https://www.frjalstland.is/2018/05/17/ees-samningurinn-tharf-ad-fara-i-thjodaratkvaedi/