Persónuverndarfinngálkn ESB lent á Alþingi

ESB hefur fyrirskipað að Alþingi samþykki persónuverndarlög ESB og þar með að ESB fái reglusetningavald og að íslensk stjórnvaldsstofnun og íslenskir dómstólar verði sett beint undir ESB:

Sérstök stofnun hérlendis, Persónuvernd, annast eftirlit með framkvæmd reglugerðar ESB nr. 2016/679, laga þessara og reglna sem settar verða samkvæmt þeim.

Evrópsk eftirlitsstofnun, Evrópska persónuverndarráðið, mun taka bindandi ákvarðanir gagnvart Persónuvernd. Fulltrúar Persónuverndar munu sitja í Evrópska persónuverndarráðinu án atkvæðisréttar.

Dómstóll ESB fær vald yfir íslenskum dómstólum:

Forúrskurður dómstóls ESB feli í sér bindandi niðurstöðu fyrir dómstól aðildarríkis EES.

(Ath. Evrópa þýðir ESB hér)

Það stendur semsé til að Alþingi afhendi ESB beint framkvæmdavald og dómsvald hérlendis.

https://www.frjalstland.is/2018/05/03/personuverndarlog-esb-gaetu-ordid-nytt-stjornarskrarbrot/

Ísland fær línuna

Evrópusambandið heimtar að persónuverndarlög ESB verði sett í lög hér án tafar "... called for its swift incorporation into the EEA-agreement".

Utanríkisráðherra Íslands þarf að mæta reglulega hjá ESB til að fá línuna um EES-samninginn, samkundan heitir EES-ráðið. Á síðasta fundi, 23.maí, sem Emil Karanikolov hagráðherra Búlgaríu stjórnaði, voru sömu áminningar og venjulega tuggðar: EES-löndin þurfa að flýta sér að hlýða EES-tilskipunum; vefa hagkerfin saman (undir stjórn ESB) o.s.frv. ESB bíður eftir að Ísland hlýði ákvæði EES um frjálst flæði fjármagns (svo fjármálafyrirtæki í ESB geti verið hér án afskipta landsmanna). Eins og menn muna var ein af ástæðum Hrunsins að Íslendingar misstu peningamálastjórnina úr höndum sér, vegna fjórfrelsisákvæðis EES, og vill ESB nú endurtekningu á því.

En okkar ráðherra fékk líka hrós fyrir að opna markað hér fyrir landbúnaðarvörur ESB. 

Varasamar niðurgreiddar landbúnaðaravörur

 

Persónuverndarlög ESB áttu að skella á í gær

ESB fyrirskipaði að eitt dýrasta skriffinnskufinngálkn sem við höfum lent undir með EES, persónuverndarlög, skyldu ganga í gildi í gær. Sambandið fær með lögunum stjórnvald yfir málafokknum og dómsvald til dómstóls ESB (kallaður Evrópudómstóllinn), sá hefur ekki haft vald hér en á að fá það nú á fullveldisárinu. Andstaðan gegn lögunum er víðtæk. Líka í Noregi, í norska þinginu greiddu stórir stjórnmálaflokkar atkvæði gegn tillögu norsku ríkisstjórnarinnar á þriðjudaginn var.

ESA eftirlitsstofnun EFTA finnur að Hæstaréttardómum á Íslandi.

ESA hefur sent Utanríkisráðuneytinu formlegt kvörtunarbréf, í fyrsta lagi vegna þriggja dóma Hæstaréttar Íslands sem stofnunin telur að séu ekki réttir samkvæmt EES samningnum. Stofnunin telur lögin hafi ekki verið sett í samræmi við samninginn og gangi gegn "Protocol 35".

"The judgments thus gave rise to doubts about whether Iceland’s legislation was in accordance with the sole Article of Protocol 35 EEA"

ESA bætir við að þess séu mörg önnur dæmi að dómar Hæstaréttar sem gangi gegn ákvæðum EES samningsins.  

"Furthermore, the Icelandic Supreme Court has handed down several judgments, which hold that in the event of a conflict between an EEA rule, implemented into Icelandic law, and another Icelandic provision"

Kvörtunarbréf ESA

Sem sagt, Eftirlitsstofnun EFTA,-ESA-, sem hefur Ísland undir eftirliti og er m.a. annars stýrt af íslenskum embættismönnum tekur Alþingi á hné sér og rasskellir fyrir að innleiðing tilskipanna ESB í íslensk lög sé ekki rétt í mörgum tilfellum.

Hér sjáum við í hnotskurn hvernig lagasetning á Íslandi er undir eftirliti varðhunda ESB og Alþingi er tuskað til.

Íslendingar hafna orkutilskipunum ESB

Vilja vald yfir orku­mál­um áfram á Íslandi

"Til­efni könn­un­ar­inn­ar er umræða á und­an­förn­um mánuðum um fyr­ir­hugaða þátt­töku Íslands í svo­nefnd­um þriðja orkupakka Evr­ópu­sam­bands­ins og Orku­stofn­un sam­bands­ins í gegn­um Eft­ir­lits­stofn­un EFTA (ESA) vegna aðild­ar lands­ins að EES-samn­ingn­um. Sam­tals eru 80,5% and­víg því að færa vald yfir ís­lensk­um orku­mál­um til evr­ópskra stofn­ana. Þar af 57,4% mjög and­víg og 23% frek­ar and­víg. Hins veg­ar eru 8,3% hlynnt því. Þar af eru 3,8% mjög hlynnt og 4,5% frek­ar hlynnt."

Það verður fróðlegt að sjá hvernig stjórnarflokkarnir munu fara með þessar tilskipanir ESB um stjórn orkumála sem þeir voru búnir að boða að yrðu lagðir fyrir Alþingi?

Miðað við umræðuna undanfarið og þessa skoðannakönnun væri hreinlegast að lagafrumvörpin yrðu lögð fram og felld á Alþingi til að takast á við viðbrögð ESB.

Skamm Íslendingar, óþekktarormar!

Einhver ónauðsynlegasta stofnun sem Íslendingar hafa lent undir heitir ESA. Hún rekur erinda ESB og á að sjá til þess að við hlýðum EES-tilskipununum.

Uppbygging atvinnufyrirtækja í landinu hefur oft þurft atbeina hins almenna. Það er reyndar þannig að mörg helstu fyrirtæki landsins eru sett á fót m.a. með fé almennings, ríkisins eða sveitarfélaganna. Íslendingar sjálfir hafa stjórnað þessu. En nú hefur reglufargan EES teygt sig yfir nýsköpun líka og við búin að missa völd yfir atvinnuuppbyggingunni. Nokkur fyritæki sem fengu stofnstyrk eða aðstoð þurfa nú að endurgreiða hann að fyrirskipun ESA: Íslendingar verða að "...ganga úr skugga um að þau skilyrði sem sett eru í EES-samningnum séu uppfyllt og aðstoðin tilkynnt ESA og samþykki stofnunarinnar liggi fyrir" (Mbl 4.5.2018).

Skamm Íslendingar!

EVRÓPUDAGUR

Áróður ESB sinna gengur gjarnan út á að eigna sér Evrópu með því að kalla sig Evrópusinna, rétt eins og ESB eignaði sér fána Evrópuráðsins, samtaka 47 ríkja í Evrópu sem stofnað var 1949, sem er alls óskylt hinu 27 ríkja ESB. https://is.wikipedia.org/wiki/Evrópuráðið

Andstaða við inngöngu í miðstýrt ESB er af þjóðernislegum toga, ríkja ( Noregs, Sviss og Íslands) sem vilja ráða sínum málefnum sjálf, vilja ekki falla undir risavaxið embættismannabákn ESB. Besta gagnrýnin á þróun sambandsins og kerfið er úrsögn Breta úr sambandinu. Gagnrýni á EES samninginn er af sama toga. Taumlaus undirgefni við vald ESB í upptöku tilskipanna sem hefur leitt til andlegar leti stjórnmálamanna, þegar grannt er skoðað eru kostir samningsins ekki innleiðing tilskipanna ESB í lög á Íslandi um ólíklegustu málefni, ekki tæknilegar hindranir í viðskiptum sem felast í mörgum þeirra, heldur eru það viðskiptakjör Íslands við sambandið sem skapa hluta af lífskjörum Íslendinga. Frelsi í viðskiptum milli landa er undirstaða framþróunar og viðskipti við sem flest lönd er undirstaða velferðar okkar Íslendinga, það vitum við af reynslunni.

Andstæðingar ESB og gagnrýnendur EES samningsins eru jafnmiklir Evrópuvinir og ESB sinnar, þeir vilja hinsvegar ekki láta ESB stjórna málum á Íslandi. Evrópa, meginland með öllum sínum ólíka menningararfi og þaðan sem Íslendingar eiga sinn uppruna, er ekki ESB, þó elskulegir kratar allra flokka reyni að steypa því í eitt. ESB sinnar hafa löngum haldið fram einfeldningslegum staðhæfingum um kosti þess að ganga í sambandið, allt í þeim tilgangi að blekkja fólk. Falskar staðhæfingar um að aðild að ESB og upptaka Evru muni stórbæta lífskjör Íslendinga, eru innihaldslaus loforð sem allir sem eitthvað hafa kynnt sér þessi mál vita.

Nýjasta innleggið í þá umræðu er grein formanns Samfylkingarinnar í Morgunblaðinu í dag. „ Eymdarkjör án Evrópusamstarfs“ . Allir þessir innihaldslausu frasar eru merki um vanþekkingu þeirra sem setja þá fram, því þeir telja að almenningur sé svo skyni skroppinn að hann trúi þeim.

Skattfé sólundað í Brussel

Ísland hefur engin áhrif á tilskipanir eða valdsboð frá Brussel, við bara hlýðum.

En nú heldur utanríkisráðuneytið að við hefðum meiri áhrif ef við eyddum 200 milljónum í viðbót í "hagsmunagæslu" í Brussel(Mbl. 7.5.2018). ESB kvartar stöðugt yfir hvað við erum lengi að hlýða tilskipununum. Ástæðan fyrir því er auðvitað að okkar litla stjórnkerfi þarf að hlýða jafn miklu fargani og margfalt stærri þjóð eins og Norðmenn. Við ráðum með öðrum orðum ekki við tilskipanaflóðið en það koma um 1/2 þúsund tilskipanir árlega. Utanríkisráðuneytinu finnst það greinilega ekki mikið. En þegar orkumál, landbúnaður og sjávarútvegur verða líka komin undir ESB margfaldast tilskipanaflóðið en utanríkisráðuneytið vinnur nú að því að ná orkumálum og landbúnaði undir ESB.

Hagsmunagæsla sem einhverju máli mundi skipta núna væri að stöðva tilskipanaflóðið; markviss undirbúningur að uppsögn EES-samningsins áður en fleiri atvinnuvegir lenda undir ESB.

Atvinnurekstri sökkt dýpra í skriffinnsku

Alþingi á að stimpla EES-tilskipun 2016/679 um "persónuvernd" í vor. Hún er óþörf en það er svo dýrt að fara eftir henni að ríki og bæir vita ekki hvernig þeir eiga að ná í milljarðana sem það kostar á ári. "...er afar umfangsmikil og mun hafa gríðarlega mikil áhrif á opinbera aðila sem og einkaaðila..." og "...frumvarpið...samrýmist illa kröfum réttarríkisins um lagasmíð og í raun er verið að gera flókið og margslungið réttarsvið enn flóknara og óskýrara en ella..." segir í umsögnum.

Atvinnureksturinn í landinu er þegar kominn djúpt í fen skriffinnskunnar og litlu og nýju fyrirtækin verða verst fyrir barðinu á henni. Og nú bætist flókið fargan um "persónuvernd" a la ESB á atvinnureksturinn. Það þýðir erfiðari rekstur, minni uppbygging, minni nýsköpun, hömlur á rannsóknir, fleiri gjaldþrot, færri atvinnutækifæri, aukning í atvinnuleysi og vanlíðan eins og í ESB.

Ný persónuverndarlög ESB

 

ESB er að eyðileggja EES samninginn.

ESB nennir ekki lengur að burðast með EES samninginn, - Þvinguð innlimun í ESB, - ætla Noregur og Ísland að láta ESB ganga yfir sig á skítugum skómum? Fyrir hvaða hagsmuni ætla löndin að láta af fullveldinu? 

 

Norðmenn í sömu báráttunni.

https://neitileu.no/aktuelt/vett-1-2018-eos-setter-suvereniteten-i-spill

 

EES leikur sér að fullveldinu: Orkustofnun ACER, ERA Rail Agency, Fjármálaeftirlit ESB og önnur stjórnarskrárbrot.

EFTA-löndin (eins og Noregur) og ESB áttu að vera hvor sinn stólpinn á EES-svæðinu, en þróun EES-samningsins er nú undir miklum þrýstingi. ESB tilskipanir ganga nú gegn stjórnarskrám landanna. Lestu um ACER, ERA Rail Agency, Fjármálaeftirlit ESB og önnur stjórnarskrárbrot.