Ónýt utanríkisstefna

Rússlandsmarkaður keypti mikið magn og greiddi gott verð. Vörur sem áður fóru til Rússlands hafa í staðinn leitað inn á markaði m.a. í Afríku þar sem ómögulegt er að fá jafn hátt verð. Á þessum sex árum hefur rússneskur sjávarútvegur styrkst töluvert og ég hugsa að það sé enginn sérstakur áhugi þar fyrir því að fá innfluttan íslenskan fisk í samkeppni við innlenda framleiðslu (Úr viðtali við Stefán Friðriksson, framkvæmdastjóra Ísfélags Vestmannaeyja, Mbl.28.8.2021)

ESB kallaði sína undirsáta á fund í Brussel í mars 2014 til að samþykkja refsiaðgerðir gegn Rússum eftir að Úkraína neitaði að sækja um aðild að ESB í nóvember 2013. Rússum var kennt um. Þeir svöruðu í sömu mynt og settu viðskiptabönn á ESB og undirsáta.

En Færeyingar héldu sig fyrir utan. Þeir flytja nú út mikið af fiskafurðum til Rússlands, hin fámenna þjóð þorir að verja sína hagsmuni á meðan við látum ESB véla okkur í als kyns vitleysu eftir glas af frönsku víni.

Því verr gefast heimskra manna ráð sem fleiri koma saman (Úr Laxdælu)

https://www.frjalstland.is/2018/06/30/esb-akvedur-utanrikisstefnu-islands/

Viltu rafeldsneyti?

Ein af heimskulegustu hugmyndunum (á eftir rafbílum, vindmyllum og endurheimt mýravilpna) í "loftslagsaðgerðum" ESB/EES er að framleiða "rafeldsneyti". Það er í sjálfu sér hægt að búa til eldsneyti með rafmagni þó engum efnaverkfræðingi detti það í hug. En ef hægt er að láta óvitandi almúgann, eða einhver platkvótakerfi, borga "orkuskiptin" eða "kolefnishlutleysið" er alls kyns vitleysa framkvæmanleg.

Þú gætir fengið raf-tréspíra (metanól framleitt úr reyk og vatni) á bílinn þinn. Ef tankurinn tekur 50 lítra af bensíni þarftu nýjan 110 lítra tank undir tréspírann ef þú villt komast jafn langt og á bensíninu. En passaðu að það séu einhverjir aðrir sem borga fyrir áfyllinguna. Og hafðu með þér grímu og eldhemjandi hanska, tréspíri er eitraður og eldfimur.

https://www.frjalstland.is/2021/08/27/hvernig-a-ad-nyta-islenska-raforku/

Pútín kaupir atkvæði

Þegar okkar stjórnmálamenn auka greiðslur til ellilífeyrisþega er ekki sagt að þeir séu að kaupa atkvæði en ef Pútín gerir það er málið annað: Þá segir pressan í V-Evrópu að Pútín sé að kaupa atkvæði (frétt Mbl vísar í AFP: Gefur_ellilifeyrisþegum_pening_til_ad_auka_fylgi

Nátttröllin úr Kaldastríðinu bera stöðugt níð á Rússa í fjölmiðlum Vesturlanda. Kannske er það til að leiða athyglina frá atkvæðaþjófnaði þeirra sem eru að eyðileggja traust heimsins á Vesturlöndum.

NATO-hæli

NATO ætlar að senda okkur hælisleitendur úr Múslimaheiminum. Forsætisráðherra okkar segir -"að það væri alveg skýrt að tekið yrði á móti fleiri hælisleitendum-" (Mbl 21.8.2021). NATO var árangursríkt félag sem stóð að brottrekstri kommúnista úr Austur-Evrópu. En síðustu 30 árin hefur NATO breyst í Kaldastríðssamkundu sem hefur vopnavætt smáþjóðir Austur-Evrópu, eytt stórfé í upplausnaröflin þar og rekið vaxandi stríðsæsingar gegn Rússum með aðstoð ESB. Og þegar heimskan hefur náð upp fyrir þak hefur NATO blandað sér í innanlandsmál í Múslimaheiminum.

Árangurinn af því er mannfall og hörmungar og straumur hælisleitenda til aðildarlanda NATO. Og hryðjuverkaógn. Aðildarlöndin hafa í vaxandi mæli tekið upp vinstristefnu og eru tekin að líkjast meir og meir gömlu Ráðstjórnarríkjunum sem NATO var sett til höfuðs. Eftir að leiðtogaþjóðin, Bandaríkin, leiddi niðurrifsöflin til valda í leikstýrðum kosningum haustið 2020 hefur keyrt um þverbak. Bandaríkin og NATO hafa misst tökin á stórum málum, leiðtogarnir fara undan í flæmingi. Og við Íslendingar, sem margir höfum treyst á NATO í 72 ár, stöndum nú allt í einu uppi berskjölduð í máttlitlum félagsskap stjórnað af sósíalistum og krötum og þeirra strengjabrúðum.

Stjórnmálaflokkar spurðir

Frjálst land hefur sent stjórnmálaflokkum og framboðum styttan spurningalista, áður (20.7.) sendu Heimssýn, Orkan okkar og Frjálst land sameiginlegan lista með 7 spurningum en flokkarnir svara aðeins 3 einföldum spurningum. Spurningarnar eru um ESB, EES og fríverslun. 

https://www.frjalstland.is/

Verðmæt olíuleit

Íslenskar orkurannsóknir, ÍSOR, arftaki gömlu Orkustofnunar, búa orðið yfir mjög verðmætum rannsóknagögnum úr olíuleitum í íslenskri lögsögu sem þeir sem leyfi hafa fengið til leitar hafa verið látnir skila til Íslands. Orkurannsóknir hafa gegnt lykilhlutverki í að nýta íslenskar auðlindir, starf gömlu Orkustofnunar og nú ÍSOR sýnir hvað grunnrannsóknir og verkfræðivísindi geta gert fyrir atvinnuuppbygginguna.

Nýjar kenningar og ný tækni koma stöðugt fram sem fylgjast þarf með og geta hjálpað til að varpa ljósi á jarðefnaauðlindir. Til dæmis segja enskir vísindamenn að sokkið meginland sé undir Íslandi, ennþá bara kenning en rannsóknaverð. Skorpan undir efnahagslögsögunni er ekki að fullu þekkt, kortlagning hennar og hafsbotnsins leiðir í ljós hvar jarðefni, vetniskolefni (olíu og gas) og málmefni, er að finna í íslenskri lögsögu eða á hafsvæðum þar sem Ísland getur gert tilkall til auðlindanýtingar. Orkurannsóknirnar eru áfram sem hingað til grunnur að þróuðu samfélagi á Íslandi. https://www.mbl.is/frettir/innlent/2021/08/19/gognin_milljarda_virdi/

Að missa bankakerfi

Ekki margar þjóðir vita hvernig er að missa bankakerfi. En Ísland tapaði sínu 8.10.2008 þegar Bretar kyrrsettu eignir bankanna, þ.m.t. eignir Seðlabanka íslenska ríkisins. Bankarnir voru þá farnir að starfa samkvæmt regluverki ESB sem var ein aðalástæða hrunsins. Það þurfti neyðarlög til að taka þá aftur undir íslenk lög. En það sem ennþá vekur ugg er að íslenska fjármálakerfið er enn og aftur farið að lúta að miklu leyti regluverki og eftirlitsbákni ESB/EES.

Og nú eru stjórnvöld okkar enn og aftur lömuð og horfa upp á greiðslumiðlunarfyrirtækin hverfa úr landi eitt af örðu. Kannske þurfum við annað Hrun til að okkar ráðalausu ráðamenn fái kjark til að taka af festu á stjórn fjármálakerfisins. https://www.mbl.is/vidskipti/frettir/2021/08/18/ur_hondum_islendinga/

Móðuharðindi

Gosmóðan frá Fagradalsfjalli skreið inn yfir frjósama Suðurlandsundirlendið í vestanáttunum á laugardaginn og fram á kvöld. Móðan hefur legið yfir höfuðborginni af og til í fimm mánuði. Fagradalsfjall framleiðir góð efni í milljóntonnavís sem næra jörðina og gera bara gagn. En upp úr gígnum kemur líka mikið af mengandi efnum, núna um fimmþúsund tonn daglega af brennisteinstvíildi sem er eitrað og gefur af sér sjöþúsund tonn af brennisteinssýru. Flúorsýra kemur líka upp. Mengunarefnin berast með úða, gasi og ryki gosmóðunnar yfir landið og á og í menn og dýr.

En okkar yfirvöld hafa lítinn áhuga á móðunni, þau eru upptekin við að eyða peningunum okkar í ímyndaða mengun samkvæmt EES-tilskipunum. Það er ekki einu sinni hægt að spá almennilega um gosmóðudreifinguna þó menn treysti sér til að spá veðurlagi aldir fram í tímann. En á meðan heldur "litla" gosið á Reykjanesi áfram að losa skipsfarma af heilsuspillandi mengunarefnum og eiturefnum út í andrúmsloftið okkar.

Heimsendir nálgast

Umfangsmesta vísindafölsun sögunnar er nú endurtekin enn einu sinni í skýrslu frá milliríkjanefnd Sameinuðu þjóðanna um loftslagsbreytingar, IPCC, sem hefur sent frá sér sams konar heimsendaspár í 31 ár, engin hefur ræst. Það eru nú valdagráðugir sósíalistar Sameinuðu þjóðanna sem standa að miðstýrðum lygunum, aðalritari Antonio Guterres, fyrrum leiðtogi Socialist International, segir að nú sé komin "rauð viðvörun á mannkyn". Þeir ætla að afnema okkar frelsi og stjórna okkur og ráðstafa stjarnfræðilegu fjármagni frá okkur í "aðgerðir".

Og falsfréttamiðlarnir draga fram myndir af kjarreldum, flóðum, skriðuföllum, minnkandi jöklum eða fellibyljum þó að slík fyrirbæri séu síst verri en oft áður. Meira að segja RÚV eyðir stórum hluta fréttatíma síns i lygarnar og dubbar upp einhverja "fræðinga" til að taka undir, þeir virðast hafa meiri þekkingu á blekkingum IPCC en loftslagssögu landsins. Og það versta er að ESB kokgleypir allt ruglið frá IPCC og við fáum það í bakið með EES-tilskipunum.

Ábyrgir menn eru farnir að spyrja sig hvenær skriffinnar Sameinuðu þjóðanna verða dregnir til ábyrgðar og hvenær tilskipanavaldi ESB verður sagt upp

https://www.frjalstland.is/2021/02/26/loftslagsbreytingar/

Óbundin af EES?

Forsætisráðherrann þegar Alþingi samþykkti EES-samninginn segir að Ísland geti hafnað lögum ESB (það hefur ekki verið gert hingað til) og sé óbundið af EFTA-dómstólnum.

"Forsenda EES-samningsins er í fullu gildi

Íslendingar eru sem sé ekki einir um að kokgleypa sífellt stærri hluta sinnar lagasetningar algjörlega ólesnar, og þeir eru til sem glamra út í loftið um að grundvallarákvæði um að Íslendingar gætu hafnað því sem þeir vildu af aðsendri löggjöf frá ESB giltu ekki lengur. Þau hefðu gufað upp!? Sá afgerandi fyrirvari tryggði að EES-samningurinn stæðist íslenska stjórnarskrá. Gufi hann upp fyrir aumingjadóm er samningurinn ekki lengur til og enginn Íslendingur bundinn af honum-

-Þeir sem tryggðu meirihluta fyrir EES samningi á þinginu kynntu það ítrekað að Ísland væri ekki bundið af þessum dómstól-" (Davíð Oddsson í Reykjavíkurbréfi 8.8.2021)