Viltu rafeldsneyti?

27.8.2021 | 13:59

Ein af heimskulegustu hugmyndunum (á eftir rafbílum, vindmyllum og endurheimt mýravilpna) í "loftslagsaðgerðum" ESB/EES er að framleiða "rafeldsneyti". Það er í sjálfu sér hægt að búa til eldsneyti með rafmagni þó engum efnaverkfræðingi detti það í hug. En ef hægt er að láta óvitandi almúgann, eða einhver platkvótakerfi, borga "orkuskiptin" eða "kolefnishlutleysið" er alls kyns vitleysa framkvæmanleg.

Þú gætir fengið raf-tréspíra (metanól framleitt úr reyk og vatni) á bílinn þinn. Ef tankurinn tekur 50 lítra af bensíni þarftu nýjan 110 lítra tank undir tréspírann ef þú villt komast jafn langt og á bensíninu. En passaðu að það séu einhverjir aðrir sem borga fyrir áfyllinguna. Og hafðu með þér grímu og eldhemjandi hanska, tréspíri er eitraður og eldfimur.

https://www.frjalstland.is/2021/08/27/hvernig-a-ad-nyta-islenska-raforku/

Meginflokkur: Stjórnmál og samfélag | Aukaflokkar: Evrópumál, Samgöngur | Breytt s.d. kl. 15:19 | Facebook

Athugasemdir

Satt er það, framleiðsla á fljótandi eldsneyti,"e-fuel", er dýrari heldur en að dæla því upp úr jörðinni eins og gert er, t.d. víða í Miðausturlöndum.

En ef kostnaðinum af öllum stríðsrekstrinum og þar af leiddum hörmungunum, vegna yfirráða yfir olíulindunum er bætt við, þá gæti dropinn orðið dýrari.

Og ekki mun sá aukakostnaður minnka í framtíðinni. Herstellung von PTL (E-Fuels) - eFUEL-TODAY zu Gast bei Sunfire

Hörður Þormar, 27.8.2021 kl. 16:25

Það er rétt Hörður, olíuvinnslu og yfirráð yfir henni hefur fylgt miklar hörmungar gegnum tíðina. En ef orkuvinnsla færist yfir á annað form orku, munu þá ekki þær hörmungar og stríðsrekstur færast til þeirra svæða er sú orkuvinnsla fer fram?

Gunnar Heiðarsson, 29.8.2021 kl. 07:13

Einhver annar en fávís gömul kona,sagði að mun dýrara væri að framleiða rafbíla heldur en hefbundna fjölskyldubíla,auk þess miklu dýrara(og meira mengandi) að farga einu stykki rafbíl sem lent hefði í klessu heldur en sem dæmi gamla Ford.

Helga Kristjánsdóttir, 29.8.2021 kl. 12:15

Gunnar Hreiðarsson.

Orkan er allsstaðar umhverfis okkur. Grímseyingar gætu t.d. flutt út orku ef þeir nýttu vindorkuna hjá sér.

Miklar framfarir eru í gerð á sólarsellum sem mun gera fátækum ríkjum suðurlanda betur kleift að nýta sólarorku.

Geymsla raforku hefur verið vandamál, en mikil þróun er í gerð rafgeyma. T.d. mun ný gerð umhverfisvænna natríumrafgeyma vera væntanleg á markað á næstunni.

Vetnið er frumorkugjafi heimsins, en geymsla þess hefur verið vandamál hingað til. Nú er víst farið að geyma það eins og tannkrem í túbum. En ekki spyrja mig um það hvernig gengur að troða því í túburnar.