Fuglameiðingar

"Fjárfestar" frá EES ætla að byggja vindmyllur á Mosfellsheiði á æfingasvæði flugmanna. Það verður hættulegt flugumferð, spaðarnir ná upp í flughæð. Þegar er búið að reisa hátt rannsóknamastur (austan Grímarsfells) sem er hættulegt fyrir litlu flugvélarnar sem fara þar um. Orkustofnun, sem núorðið hefur á hendi stjórnvald á þessu sviði í umboði ESB, hefur ekki gefið þeim rannsóknaleyfi. Umhverfisstofnun ekki heldur. Né heldur Rammaáætlun (Umhverfisráðuneytið) sem skráir dagdraumana.

EES og tilskipanirnar frá Brussel krefjast þess að Íslendingar leyfi aðilum í EES/ESB byggingu nýrra "umhverfisvænna" orkuvera. Yfir 40 "tillögur" um vindorkuver hafa borist Rammaáætlun. Frönsk og norsk fyrirtæki eru t.d. með stórar áætlanir og geta, í skjóli EES, vaðið á skítugum skónum hvort sem er á Mosfellsheiði, Meðallandi eða Melrakkasléttu. Landeigendur og sveitamenn sjá stórgróða í hillingum. Reynsla norsku sveitamannanna er að eignedurnir vindmyllanna borga lítið í skatt og einhverjir skrá fyrirtækin á Caymaneyjum.

Vindmyllur eru óhagkvæmar fyrir nútíma samfélög, þær skila stopulli orku og eru mjög dýrar að reka og samhæfa orkuflutningskerfinu. Rekstur þeirra krefst gífurlegs ríkisstyrks. Í ESB hefur verið reynt að láta vindmyllur taka yfir orkuframleiðsluna. Það hefur mistekist hrapallega. Afleiðingarnar eru mikil umhverfisspjöll. Í Danmörku og Þýskalandi er núorðið dýrasta orka á Vesturlöndum.

Vindmyllurnar eru óöruggar og nýtast illa. Þær eru bilgjarnar, viðhaldsfrekar og endingarlitlar og slysavaldar hjá viðgerðamönnum. Þær eru lítið endurnýtanlegar og reynslan sýnir að skattgreiðendur geta þurft að kosta niðurrif þeirra eftir 10-20 ár. Þær valda hljóðmengun og heilsubresti, þeyta frá sér ísdrumbum og skapa hættur fyrir dýr og menn í nálægð. Þær taka mikið landsvæði og valda miklum landslýtum. Þær drepa og meiða fugla í stórum stíl.

https://wattsupwiththat.com/2019/07/21/wind-farm-back-of-the-envelope-economic-analysis/ 

Ruslvísindi valda fátækt

 Það var hópur valdagráðugra skriffinna, gróðabrallara og umhverfistrúarpreláta sem ákváðu fyrir einum þrem áratugum að nota hræðsluáróður um yfirvofandi hlýnun loftslags til að hrifsa til sín auð og völd.

Skrifstofur hjá Sameinuðu þjóðunum og rannsóknastofnanir voru settar af stað við að gefa út "vísindaniðurstöður" um að loftslag væri að hlýna. Öguð vísindi voru hunsuð, yfirhylmingum beitt og gefnar út spár með ágiskunum og fölsunum.

ESB hefur sýnt mesta hollustu við ruslvísindin. Aðgerðir ESB til að koma í veg fyrir hlýnun eru dýrkeyptar og umhverfisspillandi og farnar að valda lífskjararýrnun, fátækt og óeirðum. Og farnar að teygja anga sína til Íslands gegnum EES. Hugmyndir um vindmyllur og "grænt"vetni eru angar af ruslvísindastefnunni

 

EFTA er ekki sama og EES

Ísland hefur nú verið í fríverslunarsamtökum Evrópu, EFTA, í hálfa öld, ásamt Sviss, Noregi og Liechtenstein. Fyrir rúmum aldarfjórðungi reyndi ESB að ná EFTA inn í sitt fordyri með s.k. EES-samningi. Samstaða EFTA-landanna rofnaði, litlu löndin gáfust upp fyrir ESB en það stærsta, Sviss, hafnaði EES. Eins og kunnugt er hefur EES valdið hér efnahagsvanda, bankahruni, öfugþróun, ófrelsi og aðgerðalömun stjórnvalda.

Sviss er þjóðlandið sem trónir á toppi efnahagslegra gæða, Sviss er tekjuhæsta EFTA-landið (Liechtenstein hefur reyndar mælst með hærri tekjur en er í raun varla heilt þjóðland heldur sjálfstætt svæði í nábýli við Sviss) enda frjálst og sjálfstætt og laust við hina dauðu hönd ESB, EES. Þegar næsta afmælisveisla EFTA verður haldin þarf að vera búið að afnema EES, endurheimta sjálfstæði minni landanna, eins og Bretar eru nú að gera, og sameina EFTA aftur.

Ísland gekk í EFTA 1970

Grænjaxla vetni Landsvirkjunar

Einn af ljúfustu draumum ESB er að nota rafgreiningarvetni í staðinn fyrir jarðefnaeldsneyti. Vetni er framleitt úr jarðgasi ef á að gera það á hagkvæman hátt en "grænt vetni" úr vatni með rafmagni, 89% af afurðunum er hent. Dæmigerð "græn" framleiðsla.

Vetnið þarf að þétta, kæla niður í - 253°C, orkuþörfin eykst um 30% við það og verður um 65 MWh/tonn. Á nýjasta orkuverði Landsvirkjunar (um 6000 kr/MWh) verður raforkukostnaðurinn einn og sér um 400 000 kr á tonn vetnis. Verðið á jarðgasi, sem er helsta samkeppnisvaran, er um 30 000 kr á tonn í Hollandi. En þó vetnið sé nærri 3-sinnum orkuríkara verður rafmagnskostnaður einn og sér meir en 4-falt verðið á samkeppnisvörunni!

Ef vetnið er notað á bíla þurfa tankarnir að þola ofurþrýsting (um 700 loftþyngdir) og eru nærri 100 kg fyrir hver 5 kg af vetni, orkuinnihaldið í því er eins og í 20 lítrum af bensíni. Vetnisbílarnir nýta rúmlega helminginn af orkunni í vetninu. Þess vegna er tískubylgjan um vetnisbíla í rénun. Þegar menn fá að reyna hve "grænt vetni" er óhentugt og dýrt fyrir flest notkunarsvið, mun vetnistískubylgjan hjaðna í heild sinni. Landsvirkjun þarf því að finna betri orkukaupendur en vetnisrafgreiningu fyrir ESB.

 

Englandsverslun í höftum

Bretar verða eftir áramót utan viðskiptamúra EES. Bretland er eitt helsta viðskiptaland Íslands og Bretar eru samvinnuþýðir um að hafa sinn markað opinn fyrir íslenskum vörum og fyrir hvers kyns samskiptum. Þau standa á gömlum merg, mun eldri en EES.

Aftur á móti geta Íslendingar ekki haft sinn markað fyllilega opinn fyrir breskum vörum vegna viðskiptahindrana inn á EES. Innflutningur frá Bretlandi verður háður viðskiptahindrunum ESB en hann hefur verið mikilvægur Íslendingum lengi. Til að færa innflutningsverslunina í eðlilegt horf þarf að fara að dæmi Englendinga og segja EES-samningnum upp og koma Íslandi út fyrir múra EES. https://www.frjalstland.is/2019/07/10/ees-samningurinn-er-ad-einangra-island/

Lokað

Lokanir taka lífsviðurværi og kjölfestu fólks, valda hugarvíl og heilsubresti. Sárafáir deyja nú úr kóvíð, um 1700 Íslendingar hafa dáið síðan í apríl, 10 úr kóvíð. Venjulegt fólk án heilsuvandamála deyr ekki úr kóvíð. Stjórnvöld vísa í stofnanir (sumar lélegar eða spilltar) og segja lokanir nauðsynlegar.

Það komu Kínaveirur 1957 og 1968 (Hong Kong), drápu milljónir. Hong Kong afleiða hefur verið á kreiki í 52 ár, ygldi sig í fyrravor, kóvíð 2019 og börn gæti kannske orðið viðloða næstu 52 árin. Hömlur á útbreiðsluna nú geta tafið fyrir að flensan hjaðni.

Sérfræðingar frá virtum háskólum, Oxford, Harvard, Stanford og fleirum, segja að lokunaraðgerðir yfirvalda séu rangar. Í saðinn ætti að einbeita sér við að vernda þá gömlu og veiku en láta hina halda áfram lífi og starfi, þeir geta haft uppi einstaklingsvarnir, þeim batnar yfirleitt og verða ónæmir og breiða ekki út veiruna.

Barringtonyfirlýsingin

Gjössovel að gegna!

Lög ESB skulu gilda segja erindrekarnir, hótunarbréfin hrannast upp.

ESB-lög æðri íslenskum lögum

Atvinnulausar auðlindir

Um 7,5% af raforku landsins er atvinnulaus. Lítil eftirspurn er eftir "grænni" orku sem menn hafa haldið að hægt væri að selja á uppsprengdu verði. Þegar upp er staðið er öllum sama hvort orka sé "græn" eða ekki, menn kaupa bara það ódýrasta. Kína framleiðir ódýra orku með kolum og ódýrt ál. Ísland getur ekki keppt við það nema orkuverðið sé hóflegt og stjórnvöld verji framleiðsluna eins og aðrar þjóðir gera. Ef álver lokar yrði um þriðjungur orkunnar atvinnulaus. Orkufyrirtækin koma þá skríðandi í faðm skattgreiðenda en margir þeirra verða orðnir atvinnulausir.

-"Álverið í Straumsvík er 51 árs en meðallíftími álvera er um 60 ár"- (Bjarni Bjarnason, Viðskiptamogginn 14.10.2020). 

Álverið í Straumsvík er 23 ára og yngra að stórum hluta vegna endurnýjana. Álverið mun ekki loka vegna aldurs heldur vegna of hás orkuverðs, vanrækslu stjórnvalda og umhverfiskvaða ESB/EES. Tvö kísilver standa þegar atvinnulaus, öðru var lokað með valdníðslu, hinu með úthaldsleysi og fleiru.

Landskemmdir í Önundarfirði

Stór kúabú, kröftugur landbúnaður, getur þrifist í Önundarfirði. En nú er verið að eyða peningum skattgreiðenda í að moka ofan í skurði og sökkva mögulegu ræktarlandi til að þjóna loftslagsfölsunum ESB og Sameinuðu þjóðanna. -"með framkvæmdinni er stöðvuð árleg losun upp á 480 tonn af koltvísýringi"-

Þessi fullyrðing er dæmigerð umhverfistrúarsetning framreiknuð með falsvísindaformúlum Sameinuðu þjóðanna (IPCC). Vísindaleg mæling á losun fyrir og eftir ímokstur skurða er ekki gerð. Mýravilpurnar sem myndast losa svo mýragas sem er 20-sinnum öflugra "gróðurhúsaloft" en koltvísýringur. https://www.frjalstland.is/2020/06/19/endurheimt-votlendis-illa-rokstudd/

 

Orkustefna óvita og ESB

Ríkisstjórnin hefur gefið út orkustefnu til 2050 í 12 "markmiðum", að mestu tekin upp úr tilskipunum frá ESB. Seint í rassinn gripið, mikilvægustu kaupendur íslenskrar orku eru þegar komnir með uppgjafahljóð. Stefnan nær svo langt fram í tímann að höfundar í Brussel og Reykjavík verða ábyrgðarlausir, að mestu búnir að geispa golunni 2050. Markmiðalistinn er án vitlegrar forgönguröðunar og blanda af sjálfsögðum hlutum og tískufyrirbærum:

3- "Orkukerfið fjölbreyttara"- Þetta þýðir aðallega vindmyllur og sólarpanela sem eru slæmir orkugjafar, mjög umhverfisspillandi og verða skammlífir hérlendis.

4-"Ísland er óháð jarðefnaeldsneyti---" Þetta eru tískudillur og draumórar ESB og heimsvaldasinna og geta ekki ræst.

5-"Orkumarkaður er virkur og samkeppnishæfur"- Samkeppnismarkaður orku á Íslandi er samkvæmt tilskipunum frá ESB og ónothæfur hér. Orkuframleiðsla á Íslandi þarf að vera án gróðakröfu og samkeppnishæf við orku landa þar sem eru fyrirtæki í samkeppni við íslensk fyrirtæki. Það er orkan hér ekki lengur vegna langvarandi vanrækslu.

10.-markmiðið er það mikilvægasta en óskilgreint: "Þjóðin nýtur ávinnings af orkuauðlindunum"- Þetta þýðir ef marka má núverandi undirlægjuhátt við ESB, að ríkið selur aðilum þar aðgang að auðlindunum.

Þetta markmið (10.) ætti að vera fyrst á listanum og orðast þannig:

Fallvatns- og varmaorkuauðlindir Íslands verði nýttar af almannafyrirtækjum á sem hagkvæmastan hátt til atvinnusköpunar og fyrir heimili og orkunotendur á Íslandi.

Þannig orðað meginmarkmið er nægilegt og segir að almannafyrirtæki haldi notkunarréttinum á orkuauðlindunum og að afskipti ESB verði afnumin. Sjálfbær_þróun_leiðarljós_í_orkustefnu_til_2050