Oliver Stone

Margverðlaunaði kvikmyndaleikstjórinn Oliver Stone kemur nú með nýja kvikmynd, "Kjarnorka nú", sem dregur fram kosti kjarnorkuvera en flettir líka ofan af lygum eins og hans er von og vísa. Hann er ekta ameríkani frá New York en líkar ekki Joe Biden en styður Vladimir Putin.

https://www.theguardian.com/film/2023/may/01/oliver-stone-documentary-nuclear-power-putin-biden

Friðrik Daníelsson

Klárir krakkar

Julian Assange, Chelsea Manning, Edward Snowden og nú Jack Teixeira eru kláru tölvukrakkarnir sem hafa kjark til að fletta ofan af stríðsmangi okkar bandamanna, Bandaríkjanna og NATO.

Nýjasta afhjúpunin er af lygunum um Úkraínustríðið en þangað eru komnir (fyrir utan öll vopnin, miðunartækin og málaliðana) fjöldi "hernaðarsérfræðinga" NATO sem stjórna hernaðinum. Stærsti hópurinn eru Bretar sem kemur okkur Íslendingum ekki á óvart, þeir sleppa sjaldan tækifæri til að komast í stríð.

Þessir framtakssömu kláru krakkar, sem eru óðara gripnir og kvaldir, eru að reyna að forða meiri manndrápum.

Síðasta stríðið

Úkraínustríðið verður síðasta stríðið sem Bandaríkin heyja, stærstu lönd heims eru hætt að styðja valdastefnu Bandaríkjanna og eru eitt af öðru að hætta að nota dollar. Stríðsaðgerðir, stuldir þjóðareigna og viðskiptabönn sem Bandaríkin og NATO hafa gert sig sek um gegn Rússlandi, Sýrlandi, Libýu, Afganistan, Írak og fleirum hafa verið byggð á dollaraprentun og skuldasöfnun. Það strandar þegar þjóðir heims hætta að nota dollar.

https://www.foxnews.com/opinion/tucker-carlson-war-against-russia-last-war-afford-fight

Falsfréttafjölmiðlar og kaldastríðsþursar hafa talið Íslendingum trú um að aðild að NATO verji Ísland fyrir árás, þeir tönglast enn á lygunum um Rússagrýluna frá fjöldadrápurunum Churchill og Truman og hafa í 75 ár hótað að Rússar muni ráðast á Vesturlönd. Það gerist auðvitað ekki, alda reynsla sýnir að Rússland ræðst aðeins á þá sem áður hafa ráðist á Rússa. Rússland hefur stutt Ísland í allri baráttu landsins fyrr sjálfstæði og lífsbjörg. Herstöðin sem var hér gegn Rússum í meir en hálfa öld var alltaf óþörf og er sem betur fer farin.

Öflug landhelgisgæsla dugar okkur. Eina landið sem hefur ráðist á Íslendinga og eina landið sem Íslandi stafar hernaðarhætta af er Stóra-Bretland. Landhelgisgæslan hefur háð 3 stríð við Breta, öll unnin. Það er Landhelgisgæslan sem á traust og stuðning Íslendinga og á að fá það sem hún þarf til að verja okkur fyrir glæpahyski, hryðjuverkamönnum og Bretum. Við gætum búið til sveit orustuflugvéla handa Gæslunni til þess að sinna "loftrýmisgæslu" sem er auðvitað meinlaus og bara til að sýnast eins og aðrir stríðsleikir NATO.

Stríðsafmæli

Milljónamanndráp og limlestingar á vegum NATO- og ESB-landa eiga afmæli.

Írak er í rúst 20 árum eftir árás Bandaríkjanna og kjölturakka þeirra með stuðningi "viljugra þjóða" eins og Íslendinga. Og stríð NATO og ESB í Úkraínu byrjaði fyrir 9 árum.

https://www.frjalstland.is/2023/03/17/ukrainustridid-9-ara/

Af hverju stríð?

"Allt sem Zelensky þurfti að gera var að hætta að ráðast á sjálfstjórnarlýðveldin í Donbas, þá hefði þetta aldrei gerst"

segir einn núlifandi afi ESB-valdsins, Silvio Berlusconi.

Árásir Kænugarðsstjórnarinnar hófust strax og hún fékk völdin eftir valdaránið í febrúar 2014 og hafa valdið fjöldadrápum á Rússum Donbas.

Zelensky gerði friðarsamninga við Rússland um Donbas, með ábyrgð Frakka og Þjóðverja. Hann viðurkennir nú að hann (les NATO og ESB) ætlaði aldrei að efna friðarsamningana

  Markmið NATO og ESB er að innlima Úkraínu, Zelenskystjórnin er núverandi leppur og stríðsverktaki þeirra, stjórnað frá Bandaríkjunum. Í ESB eru gamalreyndar stríðsþjóðir sem hafa oft hafið stríð gegn Rússlandi og alltaf tapað.

Ísland er dregið með í stríðsaðgerðir af því að við þorum ekki að standa fast á sjálfstæði og friðarstefnu Íslands.

Friðrik Daníelsson

 

Grænn stríðsundirbúningur

Þýskaland og fleiri ESB-lönd eru byrjuð á miklum stríðsundirbúningi fyrir stríð gegn Rússlandi. Sagan endurtekur sig, Þriðja ríkið byggði upp her Þýskalands af sama tilefni fyrir 90 árum -"við erum í stríði við Rússland-" segir Annalena utanríkisráðherra Þýskalands https://www.youtube.com/watch?v=NKOC7vQpJP

Hún er úr græningjaflokknum og því líklega ómarktæk en í athugun er að nota "græna sjóði" til þess að fjármagna vopnaframleiðsluna. Sjóðirnir áttu að notast í að loka kolanámum en nú er verið að opna þær aftur. https://www.bloomberg.com/news/articles/2023-02-03/germany-studies-tapping-coal-exit-funds-for-defense-projects

Íslensk stjórnvöld þurfa að fara að hyggja að hvernig á að halda Íslandi utanvið næstu stórstyrjöld á meginlandi Evrópu sem nú er á teikniborðum Evrópusambandsins og NATO. https://www.frjalstland.is/2022/05/31/evropusambandid-hervaedist/#more-2672

Friðrik Daníelsson

Bandaríkin vakna

Ríkisstjórn Joe Biden er stærsta ógnin við íbúa Jarðarinnar. Jeffrey Sachs, prófessor við Columbia-háskólann, segir átakastefnu Bandaríkjanna gegn Rússlandi skapa allri heimsbyggðinni hættu.

Sachs hefur starfað með Austur-Evrópulöndum og þekkir þau af eigin raun. Tulsi Gabbard ræðir við Sachs: https://www.jeffsachs.org/interviewsandmedia/998spjjdwhdme29h4l6chz7n33fm38

Fræðimenn og áhrifamenn Bandaríkjanna koma nú fram einn af öðrum og vara við stríðsaðgerðum Bandaríkjastjórnar gegn Rússlandi. Á meðan reynt er að koma vitinu fyrir mistakaforsetann og hans hjörð halda hryðjuverk umboðsmanna hans í Kænugarði áfram. Þeir hafa lengi reynt að sprengja stærsta kjarnorkuver Evrópu (Zaporizhia) án árangurs en eru nú að reyna að fá geislavirkar sprengjur í staðinn til að geta kennt Rússum um að valda geislavirkni. Virkjun í Dnjepr (Kakhovka) er undir stöðugum árásum Úkraínuhers til að valda flóðum. Sprengjur frá NATO-löndum eru notaðar til að varpa á íbúðabyggð, skóla, sjúkrahús, og stríðsfangabúðir.

Erindrekum NATO og ESB er fyrirskipað að þræta fyrir hryðjuverk Úkraínustjórnar en ljúga öllu illu upp á Rússa. Fjölmiðlar í NATO- og ESB- löndum sjá um að dreifa lyginni.

Bloggið skrifar Friðrik Daníelsson

Áróðurinn

um Úkraínustríðið er orðinn ósannfærandi, heimsbyggðin er smátt og smátt að átta sig á að það er stríð NATO við Rússland sem byrjaði með vopnaðri árás Obama-Biden stjórnarinnar og ESB í Kænugarði 2013. Mótmælagöngur gegn stríðinu eru hafnar í NATO-löndum. Leppstjórnin í Úkraínu stjórnar ekki sprengjuskotunum nema í falsfréttunum, þeim er stjórnað frá NATO-löndum og framkvæmd að verulegu leyti af launuðum hermönnum þaðan.

Áróðursvél Vesturlanda, með falsfréttafjölmiðlana í broddi fylkingar, dreifir stöðugt rangfærslum um stríðið. Þeir sem ekki syngja með í áróðrinum gegn Rússlandi eru útskúfaðir

Amnesty International afhjúpaði aðferðir Úkraínuhersins og var látið biðjast afsökunar enda staðsett í Englandi þar sem ein helsta áróðursstjórnin er líka staðsett. Alþjóða kjarnorkumálastofnunin, sem hefur nú bæst í hóp spilltra alþjóðastofnana, minntist ekki á, í umsögn sinni um kjarnorkuverið í Zaporozhye, að Úkraínuher hafi gert stöðugar árásir á verið. Rússar hafa nú lokað því til að forða kjarnorkuslysi eins og varð í Úkraínu fyrir 36 árum.

Þekktur franskur stjórnmálamaður segir að fréttir Úkraínustjórnar af illvirkjum Rússa séu óstaðfestar og ótrúverðugur hræðsluáróður, hún hefur nú hlotið útskúfun  fyrir vikið. https://newsinfrance.com/segolene-royal-questions-the-war-crimes-committed-in-ukraine-despite-the-evidence/

Tucker Carlson, einn þekktasti sjónvarpsmaður Bandaríkjanna, fékk á baukinn fyrir að afhjúpa að lengi hafi verið unnið að áætlunum um stríð í Úkraínu og að andstæðingar Trump hafi viljað ákæra hann vegna þess að hann neitaði að ausa fé í vopn til Úkraínu https://www.youtube.com/watch?v=wGvO8b-tiaM

Upp komast svik um síðir. Stríðsveldin drápu fólk með upplognum rökum í Vietnam, Írak, Afganistan í 20 ár þar til eigin bogarar fóru að skammast sín. Nú ætla þau greinilega að drepa fólk næstu 11 árin í Úkraínu (drápin hafa þegar staðið í 9 ár). Við Íslendingar þurfum að þvo hendur okkar af stríðinu og bjóða forustu Bandaríkjanna og Rússlands til friðarviðræðna í Reykjavík.

Bloggið ritaði Friðrik Daníelsson

Auður heimsins

Veistu af hverju hvíta grafhöllin Taj Mahal er á Indlandi? Svar: Hún var of stór til að flytja til Bretlands

Stríðsveldin taka auð heimsins og flytja til Vestur-Evrópu og Bandaríkjanna. Nú á dögum kalla þjófalöndin og þarlendir falsfréttamiðlar það oft að "frysta" þegar um "vægan þjófnað" er að ræða.

Bretar "frystu" íslenskar peningaeignir í Bretlandi 8.10.2008

Setulið Bandaríkjanna í Sýrlandi tekur 83% af olíuframleiðslu landsins

Bandaríkin tóku olíufélag Venesúela í Bandaríkjunum, CITGO

Bretar tóku 1 milljarð dala af gulli sem Venesúela hafði í geymslu í Englandsbanka

Bandaríkin "frystu" 7 milljarða dala úr ríkissjóði Afganistan

Eftir að tókst að egna Rússa í stríð með svikum og drápum á Rússum í Úkraínu fékkst afsökun fyrir einum mesta þjófnaði veraldarsögunnar. Bandaríkin tóku 300 milljarða dala virði af ríkisfé Rússlands sem var í bönkum erlendis, senditíkurnar í Bretlandi og ESB tottuðu það sem þær náðu til.

Drottnun Vesturlanda að ljúka

Stríðið í Úkraínu hefur kallað fram andstöðu heimsbyggðarinnar við stríðsrekstur og afskipti Vesturlanda af málefnum þjóða heims.

Vesturlönd glata forustuhlutverkinu