EES-pokar

Nú bannar Brussel okkur að nota maíspoka af því að í þeim er plast: "- ef annað hvort íblöndunarefnum hefur verið bætt við náttúrulegt efni eða það hefur verið meðhöndlað með efnafræðilegum hætti þá er það plast-" !

Þetta er dæmigerð efnafræði EES-tilskipana sem þýðir að pappírspokar eru líka plast í ESB/EES, við framleiðslu þeirra er náttúrulegt efni meðhöndlað með efnum (t.d. vítissóda, súlfíti, klóri). Og taupokarnir eru úr efnameðhöndluðum trefjum.  ESB þarf líklega að taka af okkur pappírspokana og tauið líka nema Brussel- skriffinnarnir fái námskeið í efnafræði.

Við getum reddað okkur, við förum bara með skúringafötuna í búðina ef hún er úr járni.

Mbl 10.5.2021

Sjálfstæðismálið á dagskrá

Eftir aldarfjórðungs eyðimerkurgöngu undir ESB/EES er nú loks kominn möguleiki að sjálfstæðismálið komist á dagskrá stjórnmálanna. Arnar Þór Jónsson, sem hefur tjáð sig gegn valdi ESB á Íslandi, gefur kost á sér til framboðs til Alþingis. Hann hefur ákveðna stefnu í sjálfstæðismálinu sem gæti þannig komist á dagskrá þingkosninganna í haust.

Mbl.8.5.2021

Norðmenn gegn ESB yfirráðum

Það fjölgar í sjálfstæðisbaráttunni í Noregi, nú hefur Framfaraflokkurinn gengið í lið með Rauðum og Miðflokknum um að taka Noreg undan ACER, orkustofnun ESB/EES.

https://www.nationen.no/politikk/frp-slar-seg-sammen-med-rodt-sv-og-sp-i-omkampen-mot-acer/

Samtökin Nei til EU eru að hefja dómsmál til að hnekkja samþykkt Stórþingsins á 3. orkupakka ESB/EES. Eins og kunnugt er samþykkti Alþingi hann eins og önnur valdboð frá ESB/EES.

Reykveita Reykjavíkur GmbH

"Loftslagsváin ágerðist á síðasta ári - Sameinuðuþjóðaritarinn sagði að mannkynið stæði á brún hyldýpis-" (Bjarni Bjarnason og Edda Sif Pind Aradóttir Mbl 26.4.2021). Hið rétta er að það kólnaði á síðasta ári, sameinuðuþjóðaskriffinnar hafa gefið út falsspár um loftslag á hverju ári í þrjá áratugi.

Orkuveita Reykjavíkur rekur áróður fyrir dælustöð fyrir innfluttan reyk til að dæla niður í karsprungið Reykjanesið enda komin lög frá ESB. Dæla á niður 3 milljónum tonna á ári sem er aðeins meira en Fagradalsfjall spýr út og um 0,0003% af því sem náttúran sjálf spýr út (án manna og eldfjalla). Það eru svo fáir sem búa á Reykjanesinu að það gerir lítið til þó fýlan af Ruhr gjósi úr hrauninu, Reyknesingar eru orðnir vanir fýlu upp úr jörðinni.

Óraunsæjar tilskipanir um loftslagsmál

Ríkisstjórnin og ESB

Á afrekslista núverandi ríkisstjórnar hefur eftirfarandi löggjöf ESB verið innleidd á Íslandi á þeirri forsendu að viðskiptasamningur (EES) krefjist þess af samkeppnisástæðum:

Tilskipanir ESB um fjármálastofnanir þar sem eftirlit er í höndum erlendra ESB stofnanna og ágreiningur er í höndum erlends ESB dómstóls.

Tilskipanir um fyrirkomulag raforkumarkaða ESB(3ji Orkupakkinn), þar er Orkustofnun bein framlenging Orkustofnunar ESB(ACER) um framkvæmd allra tilskipanna og ágreiningur í höndum erlends ESB dómstóls. (Vindmyllum og sæstreng er ekki hægt að hafna þó við höfum ekkert við það að gera) 

Þrátt fyrir mikla andstöðu og alvarlegar athugasemdir um að verið væri að brjóta stjórnarskránna og færa ákvörðunarvald stjórnvalda úr landi þorði ríkisstjórnin ekki að hætta við, eftir heimsóknir evrópskra ráðherra og þrýsting Noregs og ESB.

Alvarleiki þessa máls er sá að allar tilskipanir sem koma héðan í frá frá ESB verða teknar upp óbreyttar, hvað sem stjórnarskránni líður, því Alþingi er skipað til af ríkisstjórnum hvers tíma og hlýðir. Hjálendan Ísland er aftur komin undir stjórn evrópskra hagsmunaaðila sem búnir eru að fá aðgang að orkuauðlindum landsins og næsta auðlind bíður þeirra við hornið. 

Dagur Jarðar

Leiðtogar stórþjóða koma nú hver af öðrum í stórfjölmiðlana og gefa fyrirfram svikin loforð í einhverjum tískumálum. En Dagur Jarðar var upprunalega baráttudagur til að stemma stigu við stærstu vá sem að Jörðinni steðjar: Offjölgun mannkyns.

En það er ekki í tísku núna. Það er heldur ekki til nein alvöru baráttuáætlun um hvernig á að stemma stigu við ógninni af sýklum þó þeir leggi nú undir sig heiminn á ógnar hraða. Ekki heldur hvernig á að stöðva vaxandi mengun sjávar. Eða hvernig á að bregðast við vaxandi stríðshættu og stækkandi vopnabúrum. Og búið er að gleyma hvernig á að bregðast við nýrri ísöld sem spáð var af "færustu vísindamönnum" um svipað leyti (1970) og Dagur jarðar var stofnaður. Og hvernig var með alþjóðlegu glæpastarfsemina? Eða geimgeislastormana? Og loftsteinana?

Dagur jarðar er notaður til að bera út áróður en aðal umhverfisváin er ekki í tísku.

Umhverfisvá

Hamfarahlýnun með hafís

Landsins forni fjandi nálgast landið. Ríkisstjórnin ætlar að bregðast skörulega við með milljarðatugum af skattfé, og sýna ESB hvað við getum,  og setja lög um kolefnishlutleysi, "til að halda aftur af hamfarahlýnun-", og lög um vindmyllur

ESB þyrfti líka að gefa út tilskipun um eldgos, Fagradalsfjall framleiðir meiri koltvísýring (6kt/dag) en eldsneytisbrennsla Íslendinga.

Falsspámenn hafa spáð hamfarahlýnun í aldarþriðjung en það var 2011 sem við flæktumst að óþörfu í hamfarahlýnun ESB. Síðasta áreiðanlega spáin frá Al Gore, 2009, var að Norður-Íshafið yrði íslaust 2013. En hafísinn gegnir ekki Nóbelsverðlaunahöfum, útbreiðslan er meiri nú (í mars) en fyrir 15 árum. Loftslagið breytist stöðugt.

Eiga útlend fyrirtæki að nýta ár og hveri?

ESB ætlar að leyfa fyrirtækjum í ESB/EES að nýta íslenskar orkuauðlindir.

https://www.frjalstland.is/2021/04/15/eiga-orkufyrirtaeki-esb-ees-ad-virkja-orkulindir-islands/

EES lygarnar

Nokkrir leggja orð í belg EES-umræðunnar í Mogganum og Mbl upp á síðkastið. Sumt gott en stjórnmálamenn og uppgjafa slíkir leggja að mestu staðlausa stafi í belginn eins og síðustu 25 árin. Með einni undantekningu sem er ritstjóri Morgunblaðsins.

Rangfærslurnar um EES-samninginn eru orðnar svo umfangsmiklar að mörg orð og góðan tíma þyrfti til að leiðrétta þær. En í Mogganum og á Mbl koma annað slagið vitleg skrif sem gefa lesendum ófalskar upplýsingar.

Goðsagnirnar um EES-samninginn

Að sólunda frelsinu

-" Á mannamáli þýðir þetta að íslenskt löggjafarvald hefur að miklu leyti verið yfirtekið af erlendu valdi-"

Frelsi og sjálfsábyrgð íslenskrar þjóðar