Samkeppniseftirlegukindur

Samkeppniseftirlitið getur náttúrulega ekki leyft fyrirtækjum að sameinast til hægri og vinstri, þau gætu orðið of hagkvæm sem gæti ruglað samkeppnina og lækkað vöruverð á landsbyggðinni.

Og hugsið ykkur bara ef sjávarútvegsfyrirtækin yrðu enn hagkvæmari, hlutabréfin mundu rjúka upp og Jón og Gunna hefðu ekki efni á að kaupa þau og myndu bara áfram húka heima í Kínakóvinu innilokuð og útilokuð.

Samkeppniseftirlitið skaðar samkeppnishæfnina

Drekkir EES orkufyrirtækjunum?

Eins og lesendum Frjáls lands er kunnugt hefur EES-samningurinn splundrað orkufyrirtækjunum og gert þau óhagkvæmari með tilskipunum og "orkupökkum" sem hannaðir eru fyrir hnignandi iðnaðarlönd ESB. Næsta skref er að auka skattlagningu á orkufyrirtækin.

Sveitarfélög sem vilja fá fé út úr orkufyrirtækjunum ætla að virkja ESA (eftirlitsskrifstofuna sem passar að við hlýðum EES-samningnum) til að innheimta virkjanaskatt þó að orkuauðlindirnar séu eða eigi að vera eign þjóðarinnar (Mbl 31.3.2021). Það er nefnilega þannig að samkvæmt ESB/EES er hægt að túlka það sem ólöglega "ríkisaðstoð" (við fyrirtæki sem ríkið á!) að leggja ekki fasteignaskatt á virkjanirnar enda þótt það sé ekki ríkið sem tekur skattinn heldur sveitarfélögin! (Kunnugleg EES-þvæla úr m.a. samkeppnislögum ESB og Íslands).

Ebbi frændi! Má ég núna?

"-Ísland er ekki háð Lyfjastofnun Evrópu (les ESB) um veitingu markaðsleyfis fyrir lyfjum - Ekki kemur til greina að kaupa bóluefni frá Rússlandi áður en Lyfjastofnun Evrópu (það er ESB) samþykkir-" (Forstjóri Lyfjastofnunar Íslands í Fréttabl. 26.3.2021)

Okkar embættismenn þurfa ekkert leyfi frá Ebba frænda. En verða samt að fá leyfi??? Klúðurstjórn ESB teygir lamaða krumluna til íslenska heilbrigðiskerfisins sem hefur lengi verið sjálfstætt í fararbroddi gegn sjúkdómum.

Bóluefnið Sputnik er þegar notað í ýmsum löndum, 91,6% virkt sagði Financial Times, virðist vera öruggt og virkt sagði eitt helsta læknavísindatímaritið, The Lancet, í byrjun febrúar.

Norðmenn þora

Nú hefur norski Miðflokkurinn lagt fram tillögu í norska þinginu um að Noregur yfirgefi orkuskrifstofu ESB, ACER, sem landið lenti undir með 3. orkupakkanum. Tveir aðrir flokkar í þinginu styðja tillöguna. https://www.nrk.no/norge/vedum-vil-ha-omkamp-i-bitter-energistrid-_-ap-sier-nei-1.15424673

Sjálfstæðisbaráttan harðnar enn í Noregi https://www.frjalstland.is/2021/03/15/barattan-gegn-ees-harnar-i-noregi/ meðan Ísland dregst dýpra í glórulausan tilskipanagraut ESB um orkumál. https://www.frjalstland.is/2021/03/21/island-er-nu-an-eigin-orkustefnu/

Ísland er nú án eigin orkustefnu

Sjálfbær orkuframtíð, Orkustefna til ársins 2050 heitir ný skýrsla frá ríkisstjórninni. Hún er innihaldslaus slagorðaflaumur um draumóra ESB sem myndu rústa orkukerfi Íslands ef þeir yrðu að veruleika. Skýrslan er samin af takmarkaðri þekkingu á orkumálum en ágætri þekkingu á EES-tilskipunum.

Ísland er nú án eigin orkustefnu

Harðnandi sjálfstæðisbarátta í Noregi

Norsku samtökin Nei til EU hafa nú lagt til atlögu við norska þingið út af meintum stjórnarskrárbrotum þegar þingið samþykkti 3. orkupakka ESB. Samtökin berjast nú af auknu afli gegn því að ESB hrifsi til sín stjórn fleiri landsmála og beygi Noreg undir þjónustu við hagsmuni ESB í krafti EES.

Meðal baráttumála samtakanna gegn EES er að stöðva að erlendir aðilar geti keypt norsk fyrirtæki til að leggja þau niður. Annað er að vara við hugmyndum ESB um "heilsusamband ESB" sem samtökunum finnst ókræsilegt eftir Covid-klúðrið. Og ESA (eftirlitsstofnunin með EES-samningnum) er "búin að keyra norska leigubíla út í skurð" segja samtökin sem vöruðu stjórnvöld við afskiptum ESB.

Nei til EU unnu stórsigur 1. mars þegar Hæstiréttur Noregs vísaði 3. orkupakka ESB til dómstóla. Samtökin vilja hafna honum sem og orkupakka 4.

https://www.frjalstland.is/2021/03/15/barattan-gegn-ees-harnar-i-noregi/

Áfram Áslaug!

Áslaug Arna þorir að taka sjálfstæðar ákvarðanir og hunsa ESB! Það eru stórfréttir í íslenskri sjálfstæðisbaráttu ef íslensk stjórnvöld eru farin að koma á frelsi þrátt fyrir Schengen og Brussel.

Nú geta okkar helstu og ónískustu ferðamenn, Bandaríkjamenn og Bretar, komið með sín bólusetningavottorð í vasanum. Ferðabann Schengen á "tilefnislausar ferðir" utan Schengensvæðisins verður afnumið.

https://www.mbl.is/vidskipti/frettir/2021/03/16/icelandair_tekur_kipp_eftir_tidindin/

 

Lokað

ESB ræður hverjir koma til Íslands og hverjir fara. Einn vitlausasti samningur sem Ísland hefur gert er Schengensamningurinn, viðhengi við EES og fleiri valdatæki ESB. Schengen lokaði Íslandi fyrir umheiminum utan EES/ESB. Íslensk stjórnvöld geta ekki opnað fyrir smitlausa ferðamenn frá helstu ferðamannalöndum Íslands, Bandaríkjunum og Bretlandi, ráðherraráð ESB bannar það (Mbl.15.3.21).

Eitt ferðaár í viðbót þarf því að verða ónýtt hjá ferðaþjónustunni, fleiri verða að fara í þrot á Íslandi vegna ESB. Okkar hugsandi nágrannar, Bretar, Írar, Færeyingar og Grænlendingar halda sig fyrir utan Schengen. Það er nú komin full ástæða fyrir Ísland að ganga í lið með þeim og segja Ísland úr Schengen áður meiri skaði skeður.

Vindmylluhagkerfið til Íslands

 

 

 

 

 

 

 

 EES-samningurinn og lélegir íslenskir stjórnmálamenn eru búin að fara svo illa með orkukerfi og iðnað landsins að mörg fyrirtækin standa ekki lengur undir óhagkvæmu rafmagninu (Fréttabl. 10.3.2021). Iðnaðurinn hér þarf líka að kaupa "losunarheimildir" ESB á síhækkandi okurverði, samkeppnisaðilar utan EES/ESB þurfa þess ekki. (Mbl 10.3.2021).

Erindrekar fransk-þýskra tæknidraumóramanna vilja reisa hér vindmylluskóga jafn stóra og Þingvallavatn til þess að framleiða vetni til að uppfylla dagdrauma ESB um "kolefnishlutleysi"!. Reynslan sýnir að skattgreiðendur þurfa að standa straum af miklu af kostnaðinum við byggingu, rekstur og niðurrif vindmyllanna. En ef ESB vill láta sína þegna eyða sínu magra sparifé í rússneska rúllettu með því að fljúga í vængjuðum vetnisbelgjum þá er það þeirra mál (Mbl 10.3.2021).  Íslensk landsfegurð og fuglar landsins eiga ekki að þurfa að meiðast og deyja vegna vindmylla og tröllabelgja á vegum ESB.

Dýrasta og óöruggasta orka á Vesturlöndum er í vindmylluhagkerfunum þrátt fyrir niðurgreiðslurnar frá skattgreiðendum (Danmörk, Þýskaland, Bretland, Texas, Kalifornía ofl.). Vindmyllur eru orkutækni liðinna tíma. Þær eru léleg, dýr, endingarlítil, umhverfisspillandi og óörugg orkumannvirki. Þær valda rafmagnsleysi þegar verst lætur og dauða í kuldaköstum.

Finnafjörður er framtíðar staður fyrir olíuhreinsunarstöð og birgðastöð olíu og gas frá Drekasvæði og fleiri olíu- og gassvæðum sem opnuð verða innan fárra áratuga.

Græna glýjan

Atvinnumál föst í reglugerðakviksyndi

"Hindranir og fjötrar hafa því miður allt of lengi tilheyrt starfsumhverfi íslensks atvinnulífs"

"Okkur hefur gengið illa að komast úr slíku hugarfari við setningu laga og reglugerða eða álagningu óhóflegra skatta og gjalda-" (Árni Sigurjónsson, formaður Samtaka iðnaðarins í smatali við Mbl 6.3.2021).

Það er von að menn kvarti en að ráðast að rótum vandans, EES-samningnum, er ekki vogandi.

Regluverk EES gerir íslensk fyrirtæki ósamkeppnishæf