Fátækraborg

"Borgarbúar samnýti bílana" (Pawel Bartoszek, Mbl 7.1.2023). Fækka bílastæðum, draga úr bílaumferð, þétta byggð. "Bíllaus lífstíll" (eins og á 19. öld) í nýhönnuðum hverfum Reykjavíkur og liðastrætó (borgarlína) milli biðskýla.

Bara millar úr Garðabæ hafa efni á að kaupa dísil og bensín, verðið er orðið að mestu gjöld og of hátt fyrir fátæklingana. Einfeldningar og borgarstjórnin trúa upphrópunum skriffinna um hættur af mengun frá dísil- og bensínbílum sem fjölmiðlarnir básúna út: "Köfnunarefnisdíoxíð yfir heilsuverndarmörkum" sem eru ómarktækar ágiskanir frá skriffinnum hjá spilltum Sameinuðuþjóðastofnunum og ESB, hræðsluáróður um náttúrulega lofttegund sem jarðvegurinn nýtir fyrir gróðurinn í borginni. En þungir niðurgreiddir rafhlöðu-bílar og -strætóar fá að þeyta upp malbiksryki á kostnað almennings.

Ríkið og EES eru að sliga sveitarfélögin sem þurfa að hirða alla skattpeninga sem þau geta og síhækka álögurnar á íbúana til að borga fyrir ESB-umhverfisvernd, ESB-persónuvernd, ESB-ruslflokkun og fleiri EES-tilskipanir. Þau "henda öllum lóðum í fáeina stóra verktaka sem leggja 50-100% ofan á kostnað sinn-" (Ragnar Önundarson Mbl 2.1.2023). Unga fólkið verður svo að kaupa íbúðirnar á uppsprengdu verði. Bankarnir hjálpa ekki, þeir eru bara að berjast gegn peningaþvætti fyrir Evrópusambandið og láta sig dreymna um "græna" fjárfestingu (yfirleitt óarðbæra).

Reykvíkingar verða leiguliðar eins og fátæklingarnir í fyrirmyndarríki Evrópusambandsins og fara um á hjólum og liðastrætóum.

 

Fiskari

Erindreki Evrópusambandsins (Alþingi) hefur fyrirskipað að sjómenn skuli kallaðir fiskarar! Það komu 7 EES-tilskipanir frá Brussel sem settar voru í lög.

Þý Brussel telur sig nú þess umkomið að afnema hugtak í elsta lifandi tungumáli Norðurálfu og setja í staðinnn orðskrípi sem ekki er til í málinu.

"Fiskari er hver sá eða sú sem starfar eða er ráðinn eða ráðin til vinnu á fiskiskipi, þ.m.t. þau sem ráðin eru upp á aflahlut. Hafnsögumenn, löggæsluaðilar, aðrir aðilar í fastri þjónustu hins opinbera, starfsmenn í landi sem sinna störfum um borð í fiskiskipum eða eftirlitsmenn með fiskveiðum teljast ekki vera fiskarar." https://www.althingi.is/altext/152/s/1307.html

(Brusselþýið hafði þó gáfur til að taka fram að hafnsögumenn og eftirlitsmenn teljist ekki vera fiskarar)

Ath. Á Norðurlöndum er til orðið fiskare og virðist liklegt að einhverjir skrifarar hafi gripið það þaðan.

https://www.mbl.is/200milur/frettir/2023/01/05/sjomenn_segja_fiskara_ut_i_hott/

Blómleg lygaverslun

"Grænu" orkuframleiðendur okkar eru búnir að selja mikið af lygum handa orkufyrirtækjum í Evrópusambandinu og fá í staðinn lygar um að þeir framleiði "ógræna" orku hér heima. Til þess að fá "græna" orku (fallvatns-, jarðgufu-) verða nú orkukaupendurnir á Íslandi að fara að borga ein 20% aukalega, annars fá þeir bara "ógrænu" lygaorkuna og geta ekki boðið "grænar" afurðir lengur.

(Ath. öfugmæli í orðaforðanum, "græn" orkuver næra ekki grænkuna, það gera flest "ógræn" orkuver!)

Það kemur ekki á óvart að ESB leyfi lygasölu, sambandið starfar samkvæmt lygum að verulegu leyti. En að okkar almannafyrirtæki skuli leyfa sér að reyna að skrúfa upp orkuverð á Íslandi vegna lygakerfis ESB er til skammar og kallar á afnám EES-tilskipananna um orkumál og að þjóðhollir fagmenn verði settir til að sjá um orkukerfið.

https://www.bbl.is/frettir/frettaskyring/islendingar-verda-rukkadir-a-nyju-ari-fyrir-syndaaflausnir-af-eigin-raforku

https://www.mbl.is/greinasafn/grein/1826270/?t=979941070&_t=1672851698.3712776

EES=hærri gjöld

Gjöld á plastumbúðir hækka um 173%, gjöld á pappírs- og pappaumbúðir hækka um 91% (Mbl 30.12.2022). Við fáum yfir okkur lög um "hringrásarhagkerfið" (hringavitleysuhagkerfið væri nákvæmari nafngift) sem eru gerð fyrir ofurþéttbýl, fátæk og menguð svæði ESB sem dreymir um að nota allt ruslið til að búa til vörur. Það þýðir yfirleitt meiri mengun og mengað frárennsli, lélegar vörur nema endurunnir málmar.

EES-samningurinn er notaður til þess að leggja álögur á Íslendinga og fóðra skiffinnskubáknið sem er eina atvinnukerfið sem hefur verið í vexti í ESB síðustu áratugi. Okkar stjórnvöld ætla að sýna ESB alvöru valdsmennsku og setja hringavitleysuhagkerfið í gang áður en önnur lönd ESB/EES gera það (sjá m.a. EES-tilskipanir no 2018/850, 2018/851, 2018/852, 2019/904)

https://www.althingi.is/altext/stjt/2021.103.html

https://www.frjalstland.is/2021/06/14/vidskilnadur-althingis-13-juni-2021/

Heimurinn breyttist 2022

Drottnun gömlu hervelda Vesturlanda, Bandaríkjanna, Evrópusambandslanda og Bretlands, yfir heimsbyggðinni gekk á vit sinna endaloka á árinu 2022. Samningssvik, efnahagsþvinganir og hernaðarafskipti vöktu andstöðu stærsta hluta heimsbyggðarinnar.

Sjálfstæðar þjóðir heims eru farnar að taka sig saman í bandalög um fjölþættari samvinnuleiðir þar sem hótanir, svik, ofbeldi, hernaður og landvinningar hervelda Vesturlanda ráða ekki för.

Dollarinn einokar ekki lengur heimsviðskiptin, því miður of seint fyrir alla þá sem herveldin hafa drepið.

Vitfirring Vesturlanda um að banna jarðefnaeldsneyti strandaði á sandströnd Sinai.

Skerðing Sameinuðu þjóðanna og stjórnvalda margra landa á frelsi borgaranna í "alþjóðlegum" málum (s.s. "loftslagsmálum" og Covid) er nú byrjað að afhjúpa og greina.

Afhjúpun áróðurs og lygaherferða er hafin, nýr eigandi eins af samfélagsmiðlunum hefur vakið almenning. Endurreisn skoðanafrelsis er komin af stað.

Heimsforusta hernaðarvelda Vesturlanda og "alþjóðastofnana" þeirra er að renna sitt skeið á enda.

https://www.frjalstland.is/2022/07/31/vesturlond-glata-forustuhlutverkinu/

Gleðilegt ár!

Bloggið skrifar Friðrik Daníelsson

Á fölskum forsendum

Jólastússið var erfitt, allstaðar umferðateppur þó nóg landrými sé fyrir götur og verkfræðihönnun umferðakerfisins geti eytt stíflunum. 

Bíllinn er langbesta samgöngutækið, hann kemst alveg frá heimadyrum á áfangastað á mettíma (ef gatnakerfið er í lagi) án þess að farþegar þurfi að eyða tíma í labb og húk í biðskýlum í kuldanum og fá kvef og detti í hálkunni.

Bíllinn eykur lífsgæði, hagkvæmni og þægindi.

Bíllinn er umhverfisvænsti og afkastamesti ferðamátinn ef umferðakerfið er rétt hannað. Bensín- og díeselbílar eyða lítilli orku, eru léttir og rífa ekki upp mikið göturyk og pústa ekki út miklu af hættulegum lofttegundum og eru endurvinnanlegir.

Útrýming einkabílsins er byggð á fölskum forsendum og andstæð vilja og hagsmunum landsmanna.

Herferðin gegn bílnum kemur hingað frá Evrópusambandinu með EES-tilskipunum eins og aðrar vitfirringar í "loftslagsmálum".

Tvö dæmi sem sett voru í íslensk lög Nr 40 2013 um endurnýjanlegt eldsneyti:

https://eur-lex.europa.eu/legal-content/EN/TXT/PDF/?uri=CELEX:32009L0028&from=en

https://eur-lex.europa.eu/legal-content/EN/TXT/PDF/?uri=CELEX:32015L1513&from=EN

Lögin eru samin og samþykkt af fólki sem ekki skilur grundvallar eðlislögmál, eldsneyti er ekki hægt að endurnýja en það er hægt að gera eldsneyti úr t.d. jurtum sem spretta af fræjum og útsæði og endurnýja jurtastofninn þannig.

Lygar ársins

Fjölmiðlarnir, sem gefa sig út fyrir að flytja fréttir, eru samkvæmt gamalreyndum fjölmiðlamönnum farnir að dreifa áróðri í staðinn. John Pilger frá Ástarlíu, sem starfar i London, segist ekki áður hafa séð annað eins áróðursflóð.

Hér á Íslandi erum við ofurseld fjölmiðlum frá Vestur-Evrópu og Norður-Ameríku sem margir reka fastmótaða áróðursstefnu og flytja lesendum sínum oft lygar í staðinn fyrir sanna umfjöllun:

"Tilefnislaus innrás Rússa í Úkraínu" (tilefnið var fjöldadráp á Rússum og brot á friðarsamningum.)

"Putin sprengdi gasleiðslu Rússa" (NATO sprengdi leiðsluna á vegum Bandaríkjastjórnar)

"Innrás Rússa er orsök orkukreppunnar" (kolefnishultleysisstefnan er orsökin, bann á besta orkubirgjann dýpkaði hana)

"Hlýjast frá upphafi mælinga" (ónákvæmar mælingar og tilbúningur)

"Mestu hitabeltislægðir, flóð, skógareldar og þurrkar" (falsáróður ríkis- og Sameinuðuþjóðastofnana)

"Bílar jarðarbúa (um 1,5 milljarðar að tölu) valda hlýnun loftslags" (ágiskun, engar sannanir)

2022 ár sannleikans?

Lygarnar sem meginfjölmiðlar á Vesturlöndum flytja okkur eru nú í vaxandi mæli hraktar af sjálfstæðu og kjarkmiklu fólki. Raunveruleikinn og náttúrulögmálin eru ólygin og hjálpa stundum til.

Þriggja áratuga lygi um að loftslag sé að hlýna hefur svæft fyrirhyggjuna. Nú þegar hin náttúrulega loftslagskólnun er hafin aftur reka heilaþvegnir stjórnendur upp stór augu: Snjór upp í klof, 23 stiga frost, vegir og flugvellir lokaðir! (svipað og 1966-1995 þegar núverandi stjórnendur voru með snuð). Skortur á hitaveituvatni, lélegur snjóruðningur, lélegar veðurspár (oft frá útlöndum þar sem stofnanir í gíslingu loftslagsskrumara dreifa ruslvísindum) og flugfélögin fljúga inn í lokanir á flugvöllum.

Landsins Forni Fjandi er að færast nær, snjó- og ísþekja Norðurhvelsins hefur ekki mælst meiri síðan mælingar hófust 1966.

https://www.frjalstland.is/wp-content/uploads/2021/03/Loftslag-%C3%A1-%C3%8Dslandi.pdf

Utanríkismál í ógöngum

Samskipti Íslands við umheiminn eru komin í ógöngur Evrópusambandsins:

Peningamoksturinn i loftslagssvindlið vex, nú bætist við mokstur til þróunarlanda fyrir flóð og þurrka sem stafa af ofnotkun þeirra á gróðurlandi.

Refsingar og höft á vinaþjóðir valda samskipta- og markaðsmissi.

Hernaðarstuðningur veldur heimsstyrjaldarhættu og eyðileggur samvinnu við mikilvægar vinaþjóðir.

Hælisleitendastraumurinn, afleiðing af hernaði ESB- og NATO-landa, stjórnast af ESB-regluverki.

Innflutningur fólks er samkvæmt Evrópusambandsreglum og er orðinn glórulaus.

Viðskipti við umheiminn utan ESB eru í höftum.

Við létum véla EES-samningnum á okkur svo nú erum við strengjabrúður gáfnaljósanna í Brussel.

 

https://www.frjalstland.is/2022/12/16/utanrikismal-i-ogongum/

 

Hestvagnar í Berlín

Evrópusambandsgáfnaljósin hafa samþykkt verðþak á rússneska olíu, 60 dollara á tunnu. Rússar selja á markaðsverði, það eru nógir kaupendur hvort sem er.  https://www.euractiv.com/section/global-europe/news/eu-agrees-60-russian-oil-price-cap-after-poland-backs-deal/

Enda von, vindmylluhagkerfi Evrópusambandsins slokknar þegar kalt er.

ESB hefur stöðugt verið að gefa út bönn á viðskipti við Rússland. Bönnin eru barnsleg sýndarmennska skriffinna í fílabeinsturni Brussel sem venjulegt fólk og fyrirtæki geta ekki tekið mark á.

Útflutningur Rússlands á olíu og gasi hefur aukist á þessu ári og tekjurnar hækkað. Gasið þarf að flytja með skipum og er dýrara en rörgasið úr leiðslunni sem gáfnaljósin í ESB (les NATO-lepparnir) sprengdu. Bandaríkin stórgræða nú á gasi til ESB í staðinn fyrir gasið úr leiðslunni sem þeir sprengdu.

Ástæða þess að fálm ESB er ómarktækt er að ekkert land getur verið án jarðefnaeldsneytis. Evrópusambandið hefur í hyggju að banna dísel frá Rússlandi 5. febrúar. Það gæti orðið gaman að ferðast um Berlín á hestvögnum í sumar!