Hestvagnar í Berlín

Evrópusambandsgáfnaljósin hafa samþykkt verðþak á rússneska olíu, 60 dollara á tunnu. Rússar selja á markaðsverði, það eru nógir kaupendur hvort sem er.  https://www.euractiv.com/section/global-europe/news/eu-agrees-60-russian-oil-price-cap-after-poland-backs-deal/

Enda von, vindmylluhagkerfi Evrópusambandsins slokknar þegar kalt er.

ESB hefur stöðugt verið að gefa út bönn á viðskipti við Rússland. Bönnin eru barnsleg sýndarmennska skriffinna í fílabeinsturni Brussel sem venjulegt fólk og fyrirtæki geta ekki tekið mark á.

Útflutningur Rússlands á olíu og gasi hefur aukist á þessu ári og tekjurnar hækkað. Gasið þarf að flytja með skipum og er dýrara en rörgasið úr leiðslunni sem gáfnaljósin í ESB (les NATO-lepparnir) sprengdu. Bandaríkin stórgræða nú á gasi til ESB í staðinn fyrir gasið úr leiðslunni sem þeir sprengdu.

Ástæða þess að fálm ESB er ómarktækt er að ekkert land getur verið án jarðefnaeldsneytis. Evrópusambandið hefur í hyggju að banna dísel frá Rússlandi 5. febrúar. Það gæti orðið gaman að ferðast um Berlín á hestvögnum í sumar!

Fullveldið varð 75 ára

Sjálfstæðið varð 50 ára. Alþingi og forseti framseldu löggjafarvald, framkvæmdavald og dómsvald til Evrópusambandsins 1993 með því að samþykkja samninginn um evróspka efnahagssvæðið, EES. 

Af 63 þingmönnum samþykktu 33 samninginn og forsetinn samþykkti hann. Bæði var meirihluti á þinginu of naumur til að geta veirð trúverðug endanleg þjóðarákvörðun um að afsala sjálfstæði landsins. Og samningurinn reyndist vera brot á stjórnarskránni eins og hann hefur verið framkvæmdur hér og túlkaður af Evrópusambandinu

Íslendingar hafa minna og minna að segja um sín eigin mál. Hnignunin sem hefur verið landlæg í Evrópusambandinu í áratugi, og hefur aukist hratt á þessu ári, hefur ekki enn skollið á Íslandi af fullum þunga vegna fjarlægðar og sterkra íslenskra fyrirtækja. En niðurrifið er hafið með stjórnun Evrópusambandsins á mikilvægum málaflokkum, m.a. orkumálum, umhverfismálum og stjórnkerfismálum. Orkukreppa og meðfylgjandi lífskjarakreppa Evrópusambandsins er ekki komin til landsins ennþá. En fjöldaforheimskunin um "loftslagsmál", "kolefnishlutleysi", "orkuskipti"  og fleiri ranghugmyndir hjátrúarfélaga, sem hafa komist til valda í Evrópsusambandinu, er þegar tekin að ræna okkar ráðamenn skynsemi og hæfni til að stjórna okkar málum.

Að binda endi á EES-samninginn er langstærsta hagsmunamál Íslands nú og til framtíðar.

Varnir Íslands

Ísland var innlimað í hernaðarklúbb Bandaríkjanna og Bretlands 1949 undir yfirskini kommúnistahættu. Friðarins menn á Íslandi áttuðu sig strax á að NATO yrði hernaðarklúbbur. Það hefur ræst.

En nú kemur einn kaldastríðs-sjúklingurinn eftir annan og vill efla varnir. Rússlands-kommúnisminn lagði upp laupana á öðrum degi jóla 1991. En NATO var samt ekki lagt niður þó það væri orðið óþarft. Ástæðan er að það var aldrei hugsað sem varnarbandalag heldur hernaðarklúbbur. Leiðtogaþjóðir NATO hafa í meir en hálfa öld rekið stríð að uppskálduðum tilefnum, nú síðast í Írak, Afganistan og Úkraínu í samstarfi við fasista og ný-nasista.

"Helsta stefnumál NATO er að vinna að friði í Evrópu" ("NATO strives to secure a lasting peace in Europe-" https://www.nato.int/cps/en/natohq/topics_68144.htm )

NATO-lönd hafa tekið þátt í og rekið hernað í Evrópu, Serbíu (1999), rússnesku héruðum Austur-Úkraínu (2014-2022) og Rússlandi (2022).

Hernaður NATO-landa hefur valdið flóttamannastraum milljóna manna.

Kalda stríðið var hugarórar stríðsæsingamanna. https://www.researchgate.net/project/The-cold-war-as-political-imagination

Hernaðarveldi leitast við að búa til óvin þó tilefnið sé ekkert. NATO var stofnað með tilbúnum óvin. Það hefur aldrei þurft að verja V-Evrópu eða Ameríku fyrir Rússneskum herjum, Rússar hafa aldrei sýnt áhuga á að ráðast á V-Evrópu að fyrra bragði þó þeir hafi þurft að reka V-evrópska hermenn heim (Svía, Frakka, Þjóðverja, Finna) þegar þeir hafa komið með ófriði á hendur Rússlandi. Rússar hafa aftur á móti oft varið Evrópu fyrir hernaði stríðsvelda.

https://www.youtube.com/watch?v=tAUKGco2wWo

Daður íslenskra ráðamanna við leppstjórnina í Kænugarði á eftir að koma Íslandi illa. Bestu varnir Íslands er að standa utan hernaðarbandalaga.

Hýran í rusl

Við fáum stöðugt EES-tilskipanir um hvernig við eigum að fara með sorp. Og svo gera þeir sem þykjast eiga nóga peninga frá skattgreiðendum (Reykjavíkurborg) dýrar tilraunir til að sýna Evrópusambandinu hvað við erum umhverfisvæn (þær misheppnast allar).

En nú er engin elsku mamma lengur, við þurfum að fara að flokka allt rusl niður í vínberjasteina, eldhúspappír og títuprjóna að skipan ESB https://www.frjalstland.is/2022/11/27/utlend-sorphirda/

Lepparnir snuðaðir

Aumingja skrifararnir í Brussel hafa látið snuða sig enn einu sinni. Refsiaðgeðirnar sem Bandaríkin létu Evrópusambandið og EES setja á besta hráefnabirgjann komu af stað efnahagsþrengingum. https://www.politico.eu/article/vladimir-putin-war-europe-ukraine-gas-inflation-reduction-act-ira-joe-biden-rift-west-eu-accuses-us-of-profiting-from-war/

Bandaríkin láta ESB hætta að kaupa hagstæða hrávöru frá Rússlandi en í staðinn dýrari vöru frá Bandaríkjunum. Bandaríkin framleiða vopn og segja Evrópusambandinu að senda Úkraínu vopn, peninga og hermenn.https://www.frjalstland.is/2022/10/31/efnahagsaras-a-evropusambandid/

Evrópusambandsforsprakkar kvörtuðu í Joe en Joe hélt áfram að horfa út um gluggann.

Færeyingar eru ekki leppar eins og Íslendingar og ESB. Þeir gera áfram viðskiptasamninga við Rússland.

 

Úkraínustríðið 9 ára

Stríðið í Úkraínu hófst með árásum vopnaðra sendimanna Obama/Biden stjórnarinnar og aðila frá Evrópusambandinu á stjórnarbyggingar í Kænugarði þennan dag árið 2013 þegar löglega kjörin stjórn Úkraínu hafnaði aðild að Evrópusambandinu. Það var upphafið á blóðugu valdaráni og valdatöku leppstjórnar sem hóf hernað gegn rússneskum borgurum Úkraínu.

Miklar óeirðir urðu í Kænugarði sem launaðir óeirðaseggir á vegum Bandaríkjanna, ESB- og NATO-landa stóðu að ásamt með samtökum úkraínskra fasista. Meir en hundrað manna voru drepnir, þar af tveir tugir lögreglumanna. Löglegri stjórn Úkraínu var bolað frá og leppstjórn Bandaríkjanna, NATO og ESB tók völdin 27. febrúar 2014. Sú stjórn og arftakar hennar fengu og fá áfram mikið af vopnum og fjármagni frá Bandaríkjunum, NATO- og ESB-löndum. Leppstjórnin efldi strax hernað gegn rússnesku svæðum Austur-Úkraínu.

En meginmarkmið NATO/ESB-landa með valdaráninu og vopnavæðingu Kænugarðsstjórnarinnar var að egna sjálft Rússland í stríð. Það tókst í febrúar 2022 en þá voru Rússar loksins orðnir fullvissir um, eftir 30 ára svik NATO-landa, að ekki átti að standa við neina samninga eða vinna í alvöru að friðsamlegum samskiptum. Þeir höfðu þá líka komist yfir fyrirætlanir um hvernig gera átti Úkraínu að árásarstökkpalli NATO.

Krímverjar sáu fram á að fá yfir sig kúgun NATO-leppa og fasista. Þann 16. mars, rétt eftir valdaránið, héldu þeir þjóðaratkvæðagreiðslu, undir verndarvæng Rússa, og ákváðu að sameina Krím Rússlandi enda obbinn af íbúunum Rússar. Evrópusambandið ásamt með NATO-löndum settu þá af stað meiriháttar útilokunarherferð gegn Rússlandi sem Ísland dróst með í. Það voru stríðsæsingamenn ESB og NATO sem urðu þess valdandi að Íslendingar misstu einn sinn besta markað og vináttu einnar sinnar öflugustu og tryggustu vinaþjóðar.

https://www.frjalstland.is/2022/05/05/bloduga-valdaranid-i-ukrainu/

Friðrik Daníelsson

 

Vitfirring EES

Alþingi kom á (13.6.2021) lögum um "hringrásarhagkerfið", enn ein flækjan af 4 draumórakenndum EES-tilskipunum. Lögin eru tískulög umhverfispresta og Brussel sniðin að þéttbýlum menguðum svæðum. Kostnaðurinn á sveitarfélögin (mbl 17.11.2022) og heimilin verður mikill og óþarfur. Eins og lengi hefur verið þekkt er besta almenna aðferðin við að hringrása sorpi að urða það þar sem lífríki jarðvegsins brýtur það niður og býr til nýjan jarðveg skattgreiðendum og heimilum að kostnaðarlausu.

Rafbílabruðlið á nú að framlengja og láta almenning borga milljarðafjöld (Mbl 16.11.2022) fyrir eigendur þungra, mengandi og vegslítandi rafhlöðubíla. Eigendur venjulegra bíla eiga svo náðursamlegast að fá að borga veggjöld ofan á allar álögurnar á eldsneytið og bílana þeirra. Þykkum bunkum af gagnslausum EES-lögum um "loftslagsmál" og "kolefnishlutleysi" hefur Alþingi komið á landsmenn, síðasta vitfirringin var samþykkt í fyrra og verið að söðla á landsmenn nú. https://www.althingi.is/lagas/151a/2012070.html

Umhverfistrúarprestarnir, og okkar máttlausi löggjafi sem hlýðir hverjum draumi á fætur öðrum frá Brussel, afsakar vaxandi áþján, skattlagningu og bruðl með því að verið sé að berjast gegn hlýnun loftslags. Það er óskammfeilin rangfærsla byggð á vísindafölsunum.

https://www.frjalstland.is/2021/06/14/vidskilnadur-althingis-13-juni-2021/

3. heimsstyrjöldin

"Rússar gera eldflaugaárás á Pólland" segja falsfréttafjölmiðlar Vesturlanda og lepja hver upp eftir öðrum og lygaverksmiðjunum í Washington, London og Kænugarði, þegar ein beljan mígur verður annarri mál. https://www.foxnews.com/video/6315707973112

Stríðsklúbburinn NATO boðar neyðarfundi og aðgerðir.

Úkraínustjórn og NATO-lönd gripa hvert tækifæri til að bera út óhróður og lygar um Rússa. En nú tókst einhverjum sakleysingja að koma út sönnunum um að sprengjubrotin í Póllandi voru frá Úkraínu. Falsfréttafjölmiðlarnir reyna nú að grafa skítinn eftir sig. Í gær voru "fréttirnar" mannréttindabrot Rússa í Kherson (Úkraínustjórn rak fjölmiðla frá borginni), þar áður í Karkív, Bucha, stríðsfangabúðum, fæðingarheimili og árásir Rússa á stærsta kjarnorkuverið---.

Að fálm einhverra klaufa á vegum Ný-Nasistastjórnarinnar í Úkraínu geti komið af stað lygaflóði og jafnvel hættu á heimsstyrjöld sýnir hversu válegur hinn lymskulegi stríðsrekstur NATO-ríkja gegn Rússlandi og Austur-Úkraínubúum er orðinn.

Sprengjurnar sem falla á Úkraínskar borgir, eða Pólland, geta verið loftvarnaskeyti Úkraínumanna frá NATO sem þeir kunna lítið með að fara svo þau koma til baka niður í hausinn á þeim sjálfum.

Friðrik Daníelsson

Miklir menn erum vér

"Evrópa er garður, við höfum gert garð, allt virkar, besta samsetning af stjórnmálafrelsi, efnahag og félagslegri samstöðu sem mannkyn hefur getað skapað - Afgangurinn af heiminum er ekki alveg garður, afgangurinn er að mestu frumskógur. Frumskógurinn gæti ráðist á garðinn - lausnin á vandanum er einföld: Sendimenn Evrópusambandsins verða að fara í Frumskóginn og koma yfir hann hugmyndafræði, stjórnmálastefnu og hagkerfi hinna alþjóðavæddu Vesturlanda"- (Joseph Borrell utanríkiserindreki ESB: https://news24online.com/world/europe-is-a-garden-rest-of-the-world-is-a-jungle-eus-joseph-borrell/45265/)

Sjálfsblekkingar og þvogl skriffinnagálknsins ESB versnar enn. Utanríksimála-Joseph sagði ekki frá ástæðunum fyrir ástandinu í Frumskóginum: Ránsfengurinn til að gera garðinn var úr frumskóginum! Rán og dráp "viljugra þjóða" halda áfram til þess að stöðva kommúnismann, finna gereyðingarvopn, eyða hryðjuverkamönnum, verja lýðræðið og Ný-Nasistískar leppstjórnir Vesturlanda í Frumskóginum.

Trúarleiðtogar

halda þrumandi ræður yfir heittrúuðum og heilaþvegnum á loftslagssirkusnum í Sharm El-Sheikh og spá Sódómu og Gómorru. Guterres: "Hætta á sameiginlegu sjálfsmorði". Al Gore: "Veljið líf yfir dauða".

Þetta er í 27. skiptið sem umhverfisprelátar spá endalokum. Spárnar hafa ekki ræst.

Leiðtogar þróunarlanda heimta peninga án þess að segja hvernig á að nota þá eftir að þeir koma í vasa leiðtoganna.

Það kólnar stöðugt og hefur gert hér í Atlantshafinu í nærri 2 áratugi (Frjálst land). Hitinn inn á landinu hefur farið dalandi á sama tíma (Trausti Jónsson, stólparit). Októrberhitinn í Tókío hefur farið lækkandi í um 3 áratugi (JMA). Hafísinn hefur verið í vexti í áratug (NSIDC).

 

Skógareldar, hitabeltislægðir og flóð eru ekki algengari en áður, aðeins lygaflóðið.

Evrópusambandið endurræsir nú kolaorkuver samkvæmt Parísarsamkomulaginu.