Ónýt alþjóðastofnun

Alþjóða heilbrigðisstofnunin, WHO, sem margir hafa lengi treyst, reyndist ófær um að hemja kórónuveiruna. Stofnunin er komin í hóp alþjóðastofnana sem eru alþjóðlegt vandamál.

Ótraustar alþjóðastofnanir

Sannleiksmálaráðuneyti

-"skipaður starfshópur til að kortleggja og sporna gegn upplýsingaóreiðu-"

Forsætisráðherra á þingi: "Við erum að sjá ýmiss dæmi til dæmis í nágrannaríkjum okkar um fréttir sem ekki standast skoðun í nágrannaríkjum okkar"

Þeir sem hafa lesið sögu nágrannaríkja okkar, t.d. Þýskalands, eða bók George Orwell, 1984, sjá strax að hér er verið að leggja drög að Sannleiksmálaráðuneyti. Það þýðir afnám skoðana- og tjáningafrelsis og lögleiðingu rétthugsunar skilgreinda af stjónvöldum. Heil!

https://www.mbl.is/frettir/innlent/2020/04/22/tekist_a_um_ritstyringu_fjolmidla/

Ósjálfstæði Íslendinga- ESA þarf að samþykkja neyðarlán.

„Á þess­um erfiðu tím­um er það for­gangs­atriði okk­ar að tak­ast á við ráðstaf­an­ir sem tengj­ast heims­far­aldri kór­ónu­veiru. Okk­ur hef­ur tek­ist að samþykkja um­rædda ráðstöf­un skjótt, þökk sé góðu sam­starfi okk­ar við ís­lensk stjórn­völd og fram­kvæmda­stjórn ESB,“ seg­ir Bente Ang­ell-Han­sen, for­seti ESA, í frétta­til­kynn­ingu. ESA Samþykkir lán.

Þvílíka orðaþvælu er erfitt að finna stað í raunveruleikanum. ESA getur ekki veitt undanþágu frá ákvæðum ESB tilskipanna um ríkisaðstoð. "Þökk sé framkvæmdastjórn ESB" er lykilinn.

Framkvæmdastjórn ESB var ekki spurð af eigin aðildarríkjum þegar þau hvert fyrir sig brutu næstum öll grundvallarákvæði sambandsins í neyðaraðgerðum fyrir eigin þjóðir.

Ekki þarf skýrari dæmi um ósjálfstæði íslenskra stjórnvalda gagnvart ESB vegna EES samningsins, jafnvel á neyðartímum.

Íslendingar ganga með bænaskjal fyrir umboðsmann (ESA) ESB til að samþykkja neyðarráðstafanir í eigin landi. Minnir mjög á bænaskjölin til danskra konunga í gegnum aldirnar.

Til að breiða yfir skömmina fer utanríkisráðuneytið í skoðanakönnun í miðjum heimsfaraldri til að sýna velvilja Íslendinga til alþjóðasamstarfs. Hins vegar hlýtur ráðuneytið að vera vonsvikið af því að tæpur helmingur þátttakanda er á móti EES samningnum. Þeim samningi sem veldur ósjálfstæði Íslendinga í alþjóðasamstarfi.

Að meiða fugla og spilla umhverfi

Einhverjir skýjaglópar á EES (frá ESB, Íslandi eða Noregi með íslenska sendla á mála) ætla að reisa vindmyllur hér. Nú hafa 34 vindorkuver verið tilkynnt Orkustofnun en eitt helsta hlutverk hennar er að sjá um að landsmenn hlýði EES-tilskipununum. Mörg vindmylluverkefnin er búið að undirbúa með miklum kostnaði. Sveitastjórnir, sem eru undir stjórn EES/ESB-reglubáknsins í ýmsum umhverfismálum og hafa oft lítið vit á þeim, halda að vindmyllur séu "umhverfisvænar" og hagkvæmar. Sveitarfélögin hafa látið véla sig í að undirbúa vindmyllugarða og jafnvel að útvega lyngmóa og útsýnishæðir undir finngálknin. (Mbl. 18.4.2020).

Það er nóg af virkjanakostum á Íslandi þó umhverfið og fuglarnir séu látin í friði. Vindmyllur eru og verða einn óhagkvæmasti og mest umhverfisspillandi virkjanamáti sem til er. Þær valda miklum hættum, þær meiða og drepa fugla í stórum stíl og hafa slæm áhrif á lífríki svæðanna. Meira að segja umhverfistrúboðarnir eru farnir að vara við þeim.

https://www.bbc.com/future/article/20200302-how-do-wind-farms-affect-bats-birds-and-other-wildlife

 

Orkulindirnar kannski áfram íslenskar?

Samtökin Frjálst land spurðu forsætisráðherra hvort meiningin væri að veita fyrirtækjum í ESB sama rétt og íslensk almannafyrirtæki ríkis og sveitarfélaga hafa ætíð haft til að nýta orkuauðlindir landsins. Eftirlitsstofnunin með EES (ESA) var búin að senda hótanir í mörg ár um að stjórnvöld hér brytu EES-samninginn og leyfðu ESB fyrirtækjum ekki að komast að. Í svari forsætisráðuneytisins segir að frumvarpi um nýtingarleyfi verði frestað.

Það þýðir að enn er möguleiki að við munum áfram geta nýtt auðlindirnar sjálf. EES-þjónustutilskipunin var samþykkt með fyrirvara (mest vegna heilbrigðiskerfisins sem við vitum nú að ESB/EES má ekki koma nálægt) sem nú er hægt að láta reyna á. https://www.mbl.is/frettir/innlent/2020/04/09/frumvarpi_um_nytingu_orkuaudlinda_frestad/

Kannski getum við loksins eftir 25 ára blinda þrælshlýðni við EES haft einhver áhrif á hvernig ESB stjórnar Íslandi. Og varið okkar þjóðareign. Það gerðu Norðmenn og hafa ekki ennþá fengið á sig dóm EFTA-dómstólsins (sem dæmir Ísland, Noreg og Liechtenstein að EES-valdsboðum).

https://www.frjalstland.is/2020/04/10/svar-forsaetisraduneytis-vid-fyrirspurn-um-uthlutun-nytingarrettar-orkuaudlinda/

EES drekkir iðnaðinum

Ein helsta gjaldeyriskýr landsins, ÍSAL, ætlar að loka vegna hás orkuverðs og vanefnda á afhendingu vatnsorku. Landsvirkjun hefur selt frá sér vottorð um vatnsorkuframleiðslu til fyrirtækja í ESB sem nota þau til að ljúga um uppruna sinnar orku. Landsvirkjun þarf í staðinn að ljúga að sín orka sé kolaorka (eða kjarn- eða gasorka) sem er vanefnd við ÍSAL sem selur sitt ál sem vatnsorkuafurð. (Þetta verslunarkerfi lyga er fyrir peningaeigendur í ESB og er þáttur í blekkingaleik ESB um loftslag).

Álmarkaðurinn bætir ekki stöðuna nú í Kínaplágunni, niðurgreiðsla og offramleiðsla Kínverja heldur markaðnum í gíslingu.

Stjórn ESB á orku- iðnaðarmálum Íslands hefur leitt til okurs á raforku og brasks með loftslagsblekkingar sem kemur niður á orkukaupendum hér. Stjórnvöld standa ekki með iðnaðinum en leyfa orkukerfinu að sökkva dýpra og dýpra í reglugerðakviksyndi EES.

EES er að eyðileggja framleiðsluiðnaðinn

Loftlagsstefna ESB dregur Ísland í orkusvaðið.

Loftlagsáætlanir ESB stoppa ekki í Kórónafárinu.

Í sl. mánuði birti sambandið flaggskip sitt í loftlagsmálum til 2050 European Climate Law.

Kadri Simson, framkvæmdastjóri orkumála í Evrópu sagði að því tilefni: „Green Deal snýst ekki bara um orkustefnu, heldur líka iðnaðarstefnu. Við verðum að vinna náið með atvinnugreinum okkar. En það snýst jafn mikið um húsnæði, samgöngur og aðrar lausnir sem munu hjálpa okkur að ná losuninni.“

Svenja Schulze, umhverfisráðherra Þýskalands segir að þessu tilefni: „Við viljum vera kolefnishlutlaus árið 2050 og þess vegna verðum við að gera meira [árið 2030] en það sem við vorum sammála um. Minnkun um 40 prósent eru ekki nóg, við þurfum mínus 50, 55 til að ná markmiðinu. “

Ísland hefur gerst áhangandi að þessari stefnu með alla sína hreinu orku til iðnaðar, hvernig ætlar Ísland að fylgja þessari kolefnisskítugu iðnaðarstefnu Evrópu?

Með tveimur sæstrengjum og byggingu vindmilligarða sem þekja allar sveitir og afréttir landsins til að hjálpa Evrópu (Þýskalandi) um "Græna orku"?

Hræðsluáróður

Sameinuðu þjóðirnar voru stofnaðar til að koma á friði sem hefur reynst þeim erfitt. En samtökin eru í staðinn farin að leggja sig í alls kyns mál sem þau ráða enn síður við. Fjöldi af misjöfnum stofnunum er kominn undir hatt Sameinuðu þjóðanna, sumar stunda ruslvísindi, sumar reyna að þenja út vald sitt með hræðsluáróðri við hvert tækifæri:

"Covid-19 er mesta áskorun síðan Seinni heimsstyrjöldin"(Aðalritari Sameinuðu þjóðana, BBC 2020)

"Loftslagsbreytingar eru mesta áskorun 21. aldar"(Alþjóða heilbrigðisstofnun Sameinuðu þjóðanna, WHO 2018)

WHO var of sein að vara við covid-19 "flensunni". Það deyja árlega 290.000-650.000 manns úr "venjulegum" flensum og meir en 15 milljónir úr ýmsum smitsjúkdómum þrátt fyrir Sameinuðu þjóðirnar og WHO. (Mesta vá mannkyns)

Það er þarfaverk að dreifa upplýsingum og aðstoða ríki við að vernda sína þegna. En það er ekki þarfaverk að dreifa upphrópunum og hræðsluáróðri.

 

Á Tesla á þinn kostnað

 Ef þú hittir Teslaeiganda biddu hann að skutla þér heim, hann er hvort sem er að keyra á þinn kostnað. Rafbílar seljast nú sem aldrei fyrr vegna þess að skattgreiðendur borga undir þá vaskinn, vörugjöld, skatta og ýmiss rekstrargjöld sem fara eiga í vegina.

Rafbílar gefa af sér mikla hættulega eiturefnamengun í framleiðslu og förgun. Þeir eru svo þungir að undan þeim kemur meira af hættulegu menguninni, rykinu, en venjulegum bílum og þeir slíta vegum meir. Venjulegir eldsneytisbílar gefa frá sér takmarkað magn af koltvísýring, gastegund sem er ekki eitruð eða loftslagsspillandi en er næring fyrir gróðurinn og gerir jörðina grænni. "Kolefnissporið" bætir umhverfið. Rafbílavæðingin vanhugsuð.

Á fyrstu 3 mánuðum ársins seldust 396 Teslabílar. Þetta þýðir að skattgreiðendur eru að taka á sig risafjárhæðir fyrir Teslaeigendurna. Peninga sem þarf í vegina. https://www.mbl.is/vidskipti/frettir/2020/03/31/tesla_mest_selda_bilategundin_a_islandi_2/

Það er kominn tími til að fjármálaráðuneytið upplýsi hvað afslættir af gjöldum rafbíla og slit þeirra á vegum kosta skattgreiðendur. Og hvað kostar að hirða upp eiturefnin þegar ævintýrinu lýkur? Landsmenn þurfa að fá að vita hvað eltingaleikurinn við loftslagsblekkingar ESB kostar þá.

Kínaplágur og heimsveldi

Enn ein Kínaplágan herjar nú. Í Kína er þéttbýli (3200 á ferkílómetra í veiruhéraðinu, varla 4 á Íslandi) og víða frumstætt hreinlæti, fjölbreytt lífríki og mikið dráp og át á alls kyns dýrum. Það er nú orðið ljóst að ekki er hægt að treysta því að Kína geti hamið plágurnar eða varað heimsbyggðina við í tæka tíð. Mesta vá mannkyns

En Kínverjar reka líka útþenslustefnu í iðnaði, viðskiptum og stjórnmálum. Þeir vilja áhrif á heimsvísu, í Afríku, Norðurskautinu, Evrópu. Þeir eru þegar búnir að slá út stóran hluta iðnaðar Vesturlanda með kúgun og þrælahaldi 1.438.000.000 eigin þegna.

Donald Trump hefur að mestu staðið einn þjóðarleiðtoga gegn yfirgangi Kína. Niðurrifsöflin berjast gegn honum en hann er kjarkmaður og skilur hvert stefnir, aðrir vestrænir leiðtogar eru flestir gufur. Missir stórs hluta atvinnufyrirtækjanna, og nú líka dauði þúsunda manna, kallar á að leiðtogarnir fari að hugsa um sína eigin þegna eins og Trump gerir. Og fari að standa fast gegn heimsvaldagræðgi, kúgun, dýraníði og plágum.