Arctic Circus

Vel sótt skemmtun þó ekki verði lengur góð skemmtiatriði um opnun siglingaleiða (eru að lokast). Nikola ómaði af Kötu og sagði metan gríðarlegt gleymt vandamál. Og að hlýnun um 2° gæti þýtt 4° á Norðurslóðum (þær eru ekki almennilega á Jörðinni).

Nýjar rannsóknir enskra og þýskra vísindamanna sýna að gróðurhúsalofttegundir frá mönnum hafa hverfandi lítil áhrif á hita. Metan úr sífrera og endurheimtu votlendi hefur ómælanleg hlýnunaráhrif, 0,06°, koltvísýringur 0,5° ef magnið í loftinu tvöfaldast á næstu öldum (og verður um 0,08%).

Taka verður fram að hitinn hefur lækkað um 2-4°frá því Pictar, forfeður margra Íslendinga, byggðu Grænugróf (Glasgow)

Climate history of Iceland

Markaðsverð á orku segir ESB

GLEYMUM EKKI ÞESSARI KRÖFU ESB UM MARKAÐSVERÐ OG NÝTINGARRÉTTI ORKUAUÐLINDA: https://frjalstland.blog.is/blog/frjalstland/entry/2265436/

 

 

Sérfræðingaveldið

Ein mesta vá nútímasamfélags er hvernig síaukin áhrif sérfræðinga á öllum sviðum kæfa alla skynsamlega umræðu í stjórnmálum og lýðræðið verður innantómt hjal. Kjörnir fulltrúar láta blaðafulltrúa sína svara fyrirspurnum á vélrænan hátt, ekki áliti kjörinna fulltrúa, heldur áliti "ráðuneytisins", "stofnunarinnar" o.s.f.

Ráðherrar eru farnir að tileinka sér stofnanamál sérfræðinganna í stað þess að segja eitthvað frá eigin brjósti sem fólk skilur. Til að forðast að taka pólitíska ákvörðun setja ráðherrar málið í nefnd sérfræðinga og lesa upp niðurstöðu nefndarinnar sem stefnumörkun í málinu.

Í raun eru ráðherrar og Alþingi strengjabrúður sérfræðingaveldisins, hvort sem það er innlent sem erlent. Gott dæmi um það er innleiðing tilskipanna og reglugerða ESB sem innleiddar eru í íslenskt lagasafn, næsta sjálfvirkt. Ferilinn er að þessar gerðir eru þýddar á íslenskt stofnannamál, þær síðan sendar utanríkisnefnd Alþingis, nefndin kallar til sín tvo eða fleiri sérfræðinga ráðuneytanna og síðan er málið samþykkt.    

17 júní og skjaldarmerkið.

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

Viðskipta og viðreisnarráð ESB á Íslandi

Það er kostulegt að heyra ESB sinna Viðreisnar margstaglast á fullyrðingum um að íslenska krónan sem gjaldmiðill kosti þjóðarbúið á ári um 130 milljarða (10 ára gömul gervivísindi) í samanburði við að taka upp EVRU. Útkomuna var fengin með hávísindalegri hagfræðiaðferð:

"4) 130-230 milljarðar fást með því að margfalda útistandandi skuldir á hverjum tíma með með meðalvaxtamun á hverju ári. Hér eru gengislán heimila og fyrirtækja undanskilin vegna óvissu sem ríkir vegna þeirra"   Ályktun Viðskiptaráðs 2012

Þetta sama Viðskiptaráð studdi skuldafyllerí bankanna og útrásarfyrirtækja með kjafti og klóm fyrir hrund sem setti allt efnahagslíf landsins í rúst. Þessi hópur ætti að kallast Viðskipta og viðreisnarráð ESB á Íslandi.

ESB sinnar geta aðeins beitt úreltum innantómum slagorðum sér til framdráttar eins og kommissarar fyrri tíðar, en auðvitað sér almenningur í gegnum þau. 

Ráðherraeinræði.

Utanríkisráðherra er uppvís að samráðsleysi og yfirgangi, útflutningur sjávarútvegs og landbúnaðar kvarta vegna þess. Nýr fríverslunarsamningur EFTA við Bretland gerður í flýti og án samráðs segja hagsmunaaðilar. Samráð við Alþingi lítið sem ekkert. Ráðherra svarar með skætingi og notar samninginn til að slá pólitískar keilur í prófkjörsslag. 

Er þetta nýjasta norm ráðherra á Íslandi í afgreiðslu á mikilvægustu málum landsins, eða er það bara Gulli eins og í Orkupakkamálinu?

Fríverslunarsamningur veldur vonbrigðum.

"Vonast hafði verið til að markaðsaðgangur íslenskra sjávarútvegsfyrirtækja yrði betri en fyrir útgöngu Breta úr Evrópusambandinu. Heiðrún Lind Marteinsdóttir, framkvæmdastjóri SFS, segir hins vegar að samningurinn sé sambærilegur við það sem fyrir var."

Samráðsleysi við landbúnaðinn. 

„Það er umhugsunarvert að önnur hagsmunasamtök hafi haft talsverða vitneskju um drög að samningi sem var í undirbúningi í utanríkisráðuneytinu sem hvorki hagsmunasamtök í sjávarútvegi eða landbúnaði máttu hafa skoðun á, þar sem um drög var að ræða. Þá þykja það sérstök vinnubrögð að tilkynna um fríverslunarsamninginn á föstudegi en sýna ekki innihald hans fyrr en rúmum tveimur sólarhringum síðar á heimasíðu Stjórnarráðsins.“ 

Samráðsleysi við Alþingi

Geta orkufyrirtæki í ESB keypt virkjanir og nýtingarrétt að orkulindum Íslands?

ESB krefst þess að orkufyrirtækjum í ESB/EES sé veittur aðgangur að íslenskum ám og jarðvarmasvæðum til jafns við íslensk almannafyrirtæki, bæði við byggingu nýrra virkjana og reglulega endurnýjun nýtingarleyfis núverandi virkjana. Ef Ísland hlýðir þessu þýðir það að orkulindir Íslands komast smám saman á forræði stórra erlendra fyrirtækja. Íslensk stjórnvöld hafa ekki treyst sér til að taka af skarið en eru í bréfaskriftum við eftirlitsskrifstofu EES (ESA) um málið.

Úthlutun á nýtingarrétti orkuauðlinda á samkvæmt ESB á að gera i opnu valferli þar sem jafnræðis sé gætt milli fjárfesta í ESB/EES og á grundvelli hlutlægra skilyrða fyrir vali á nýtingarleyfishafa. Tryggja skal að nýtingartími sé ekki lengri en þörf krefur fyrir virkjunaraðila að fá fjárfestingu til baka ásamt hæfilegum arði af fjárfestingunni. Ekki má veita rétthafa forgang til endurnýjunar að þeim tíma liðnum.

Orkufyrirtæki ESB/EES eiga samkvæmt þessu að fá samskonar aðgang að orkuauðlindum landsins, fallvötnum og jarðhitasvæðum, og fyrirtæki í almannaeigu ríkis og sveitarfélaga hafa hingað til fengið, og við fyrirskipaða endurnýjun nýtingarleyfanna fá ESB-fjárfestar tækifæri til að leggja undir sig orkuauðlindir sem nú eru nýttar af fyrirtækjum í almannaeigu.

ESA fyrirskipar stjórnvöldum Íslands að breyta landslögum: „Skrifstofan komst að þeirri niðurstöðu að íslensk löggjöf um veitingu virkjanaleyfa fyrir vatnsafls- og jarðvarmavirkjanir brjóti EES-lög“ (sjá mál ESA no. 69674 og bréf frá maí 2015 og feb. 2012)

Lög um nýtingarrétt orkuauðlinda ætlaði ríkisstjórnin að leggja fram vorið 2020. (Frumvarp til laga um breytingu á ýmsum lögum er varða nýtingu orkuauðlinda á opinberu forræði (nýtingarleyfi) vegna aðvörunar ESA). Frjálst land spurðist fyrir um hvort stefnan væri að veita ESB-fyrirtækjum sama aðgang að auðlindunum og íslenskum almannafyrirtækjum.

Svar forsætisráðuneytisins (2.4.2020) var að „Við skoðun málsins hafa komið upp rökstuddar efasemdir um að þjónustutilskipunin eigi við um raforkuframleiðslu. Íslensk stjórnvöld hafa því ákveðið að fresta fyrirhuguðum lagabreytingum uns betri vissa er fengin fyrir því hvaða þjóðréttarlegu skuldbindingar hvíla á íslenska ríkinu að þessu leyti. Frumvarpið sem vísað er til í þingmálaskrá verður því ekki lagt fram á Alþingi á þessum vetri.“

Frjálst land sendi aðra fyrirspurn 16.3.2021 um hvort fengist hefði einhver vissa fyrir hvort Íslandi sé skylt samkvæmt EES/ESB-valdboðum að heimila ESB/EES-aðilum afnotarétt af orkuauðlindum landsins?

Svar forsætisráðuneytisins kom 14.4.2021: „-komu stjórnvöld efasemdum sínum formlega á framfæri við Eftirlitsstofnun EFTA (ESA) síðastliðið sumar og vísuðu meðal annars til nýlegs dóms Evrópudómstólsins varðandi túlkun á þjónustutilskipuninni (dómur í máli Eco-Wind frá 28. maí 2020). Ekki hafa enn borist formleg viðbrögð frá Eftirlitsstofnun EFTA “.

(Vald Evrópudómstólsins (ESB-dómstólsins) á ekki að ná til Íslands en það er og hefur verið brotið í tengslum við EES)

Noregur hefur tekið af skarið og hafnað fyrirmælum ESA og heldur orkulindum á innlendu forræði í Noregi. https://www.frjalstland.is/wp-content/uploads/2021/04/190604-Svar-fra-dept-til-esa.pdf

Þann 16.2.2021 lagði Fjármálaráðherra fram: Frumvarp til laga um nýtingu á landi í eigu ríkisins í atvinnuskyni.

Þar segir m.a. í greinagerð:"Þannig liggur fyrir að nýta þarf land undir vindmyllur og mannvirki vegna annarrar orkunýtingar, t.d. stöðvarhús, stíflur, varnargarða o.fl. Lagt er til að frumvarpið gildi ekki um ráðstöfun landsvæðis undir mannvirki sem þessi. Þar sem tekið er fram að nýting landsins verði að vera í nánum tengslum við nýtingu réttindanna verður að skýra undanþáguna þröngt og má ekki ganga lengra við ráðstöfun landsins en nauðsynlegt er til að tryggja nýtingu auðlindarinnar. Þá skal tekið fram að þótt frumvarpið nái ekki til ráðstöfunar á þessum auðlindum er ekkert því til fyrirstöðu að ríkisaðilar beiti ákvæðum frumvarpsins, eða hafi þau í öllu falli til hliðsjónar, við slíkar ráðstafanir sem fara fram á grundvelli annarra laga."

Í umsögn Landsvirkjunar um frumvarpið hvetur  Landsvirkjun til þes að fjárlaganefnd taki af allan vafa í nefndaráliti um að umrædd löggjöf gildi ekki um vatnsréttindi, jarðhitaréttindi, réttindi til nýtingar vindorku eða landréttindi þessu tengt og skuli ekki beitt um slík réttindi.

Af þessu öllu má sjá að sótt er að orkulindum Íslands og almenningur verður að vera á verði því hagsmunir komandi kynslóða eru í húfi. Almenningur verður að þrýsta á stjórnmálamenn að bregðast ekki þó þeir hafi sýnt af sér mikla linkind í samskiptum við ESB og upptöku laga sem grafa undan yfirráðum Íslendinga á sínum orkuauðlindum.

Af verslunarhindrunum ESB

ENGIN FRÍVERSLUN HJÁ ESB.

Fríverslun er ekki til milli ESB og annarra landa. Þessi staðreynd er sjaldan uppi í umræðum um EES samninginn. Viðskipti ESB við önnur lönd byggist á tollamúrum og magnkvótum til verndar framleiðslu ESB landanna. Fríverslun er aðeins milli ríkja ESB, eins og nú sést berlega af fréttum af biðröðum og þungri skriffinnsku á vöruverslun milli Bretlands og ESB.

Það er sorglegt að sjá hvernig fríverslunarsamningur svokallaður, (EES samningurinn) hefur breyst í kröfu um að lög á Íslandi falli að algerri einsleitni tilskipanna ESB á sem flestum sviðum, þar sem hægt er að koma við orðum eins og "þjónustu", "neytendur" og "vöru" verður sjálfkrafa til að ESB tilskipun er tekin upp í íslensk lög. Íslensk yfirvöld reyna að fela þessa þróun með prósentureikningi og sjálfvirkri innleiðingu í íslenskt lagasafn utan aðkomu Alþingis.

Ísland er orðið fangi hugarfars miðstýringar ESB sovétsins sem verndar sig frá allri illsku frjálsrar verslunar með tolla, kvóta og tæknihindrunum. https://www.frjalstland.is/2018/01/23/afnam-verslunarhafta/

Reykveita Reykjavíkur GmbH

"Loftslagsváin ágerðist á síðasta ári - Sameinuðuþjóðaritarinn sagði að mannkynið stæði á brún hyldýpis-" (Bjarni Bjarnason og Edda Sif Pind Aradóttir Mbl 26.4.2021). Hið rétta er að það kólnaði á síðasta ári, sameinuðuþjóðaskriffinnar hafa gefið út falsspár um loftslag á hverju ári í þrjá áratugi.

Orkuveita Reykjavíkur rekur áróður fyrir dælustöð fyrir innfluttan reyk til að dæla niður í karsprungið Reykjanesið enda komin lög frá ESB. Dæla á niður 3 milljónum tonna á ári sem er aðeins meira en Fagradalsfjall spýr út og um 0,0003% af því sem náttúran sjálf spýr út (án manna og eldfjalla). Það eru svo fáir sem búa á Reykjanesinu að það gerir lítið til þó fýlan af Ruhr gjósi úr hrauninu, Reyknesingar eru orðnir vanir fýlu upp úr jörðinni.

Óraunsæjar tilskipanir um loftslagsmál

Ríkisstjórnin og ESB

Á afrekslista núverandi ríkisstjórnar hefur eftirfarandi löggjöf ESB verið innleidd á Íslandi á þeirri forsendu að viðskiptasamningur (EES) krefjist þess af samkeppnisástæðum:

Tilskipanir ESB um fjármálastofnanir þar sem eftirlit er í höndum erlendra ESB stofnanna og ágreiningur er í höndum erlends ESB dómstóls.

Tilskipanir um fyrirkomulag raforkumarkaða ESB(3ji Orkupakkinn), þar er Orkustofnun bein framlenging Orkustofnunar ESB(ACER) um framkvæmd allra tilskipanna og ágreiningur í höndum erlends ESB dómstóls. (Vindmyllum og sæstreng er ekki hægt að hafna þó við höfum ekkert við það að gera) 

Þrátt fyrir mikla andstöðu og alvarlegar athugasemdir um að verið væri að brjóta stjórnarskránna og færa ákvörðunarvald stjórnvalda úr landi þorði ríkisstjórnin ekki að hætta við, eftir heimsóknir evrópskra ráðherra og þrýsting Noregs og ESB.

Alvarleiki þessa máls er sá að allar tilskipanir sem koma héðan í frá frá ESB verða teknar upp óbreyttar, hvað sem stjórnarskránni líður, því Alþingi er skipað til af ríkisstjórnum hvers tíma og hlýðir. Hjálendan Ísland er aftur komin undir stjórn evrópskra hagsmunaaðila sem búnir eru að fá aðgang að orkuauðlindum landsins og næsta auðlind bíður þeirra við hornið.