Sæstrengur undirbúinn í Iðnaðarráðuneytinu.

Í skýrslu Orkustofnunar (sjá hér að neðan) til Iðnaðarráðherra 2016 kemur sæstrengur fyrir 26 sinnum, enda skýrslan um mögulegar virkjanir til að selja í gegnum sæstreng. Hér má sjá nokkrar tilvitnanir:

"Sú orka sem raforkumarkaður um sæstreng sér mest verðmæti í er því vatnsafl með möguleika á miðlun. Mögulega er íslensk vindorka einnig nýtanleg því ekki er víst að vindar blási kröftuglega í Evrópu á sama tíma og vindur er öflugur á Íslandi. Öll endurnýjanleg orka sem Ísland hefur upp á að bjóða er líkleg söluvara um sæstreng."

"Orkufyrirtækin eru best til þess fallin að meta hvort og þá hversu miklu betri nýtingu þau fá út úr sínum orkuverum ef til strengvæðingar kæmi. Þar sem Landsvirkjun á og rekur megnið af vatnsaflsvirkjunum landsins er það orkusölufyrirtæki líklegast til að hafa hagræðingu að slíkri tengingu." 

"Ef ferli rammaáætlunar veldur töfum á að nýjar virkjanir stærri en 10 MW komi til framkvæmda í tæka tíð fyrir lagningu sæstrengs,."

"Að mati Landsvirkjunar liggja um 1,8 TWh/ári í kerfi Landsvirkjunar, sem leysast úr læðingi við það að Ísland tengist stærra kerfi um sæstreng. Eins þarf rekstur raforkukerfisins að miðast við það að geta fullnægt raforkuþörfinni í versta vatnsári. Eftir tengingu með sæstreng er hægt að miða rekstur kerfisins við meðalvatnsár. Munurinn þar á milli er undirstaðan að betri nýtingu."

"Að mati Landsvirkjunar þarf að stækka núverandi vatnsaflsvirkjanir um tæplega 520 MW og byggja nýjar sem nemur a.m.k. 30 MW. Þessar vatnsaflsvirkjanir þurfa að hafa miðlunargetu til að mæta auknum sveiflum í eftirspurn af völdum sæstrengs, og er þeirri spurningu ósvarað af hálfu Landsvirkjunar hvort núverandi miðlunarlón hafi slíka getu. Sé svo, þá mun fyrirhugaður sæstrengur væntanlega hafa þau áhrif að vatnsborðssveiflur verði miklu meiri og tíðari en áður í þessum lónum. Athuga þarf hvort skilmálar í virkjunarleyfum og umfjöllun í umhverfismati fyrir viðkomandi lón og virkjanir leyfa slíkar sveiflur. Að öðrum kosti eða samhliða þarf að byggja nýjar virkjanir, sem ekki geta aðeins verið rennslisvirkjanir, heldur þurfa þær að styðjast við verulegar miðlanir."

Skrár tengdar þessari bloggfærslu:

• Skýrsla Orkustofnunnar

Utanríkisráðuneytið rökþrota

 

 

 

 

 

 

Utanríkisráðherra fór með falsfréttir um virt norsk samtök og samskipti þeirra við íslensk félagasamtök í sjónvarpsfréttum RÚV í gær til þess að gera andstæðinga 3. orkupakkans tortryggilega. Þar með er orðið ljóst að rökþrot utanríkisráðuneytisins er komið á alvarlegt stig.

Utanríkisráðuneytið dreifir falsfréttum um 3. orkupakkann á RÚV

Er Ísland í skammarkróki EES?

Getur verið að hræðsla við Norðmenn og ESB í EES samstarfinu sé ástæðan fyrir einbeittum vilja stjórnarliða að innleiða 3OP?

Af hverju heldur Utanríkisráðherra því fram að ef við innleiðum ekki 3OP, lendum við í ESB?

Af hverju hafa þingmenn lýst áhyggjur af refsiaðgerðum ESB ef við höfnum 3OP, þrátt fyrir ákvæði um deilulausn í samningnum?

Eru orð utanríkisráðherra vegna þess að búið sé að gefa í skyn að með niðurfellingu EES samningsins fái Ísland enga samninga (Brexit style) og hann sjái þá enga aðra leið fyrir Ísland, en að ganga í ESB?

Telja íslenskir ráðamenn að þetta megi ekki koma fram fyrir þjóðina? Séu ráðalausir?

Skýrir þrýstingur þessi sérkennilegu viðbrögð og málflutning stjórnarliða um 3OP?

Munum heimsókn utanríkisráðherra Noregs í fyrra til að ræða 3OP, sérstakan fund Katrínar og Solberg í vetur um 3OP, núna heimsóknir æðstu manna Þýskalands.

Munum einnig orð fv. forseta EFTA dómstólsins um þreytu Norðmanna að halda uppi EFTA/ EES kerfinu.

Það eru engar tilviljanir í svona málum.

Viðsnúningur forystumanna og þingmanna ríkisstjórnar-flokkanna eftir sameiginlegan fund í ráðherrabústaðnum er óeðlilegur, allar efasemdarraddir þögnuðu, formenn Sjálfstæðis- og Framsóknarflokks sem höfðu haft uppi efasamdir og gagnrýni nokkrum mánuðum fyrir fundinn snéri við blaðinu ganga gegn flokkssamþykktum og andstöðu grasróta flokkanna. Forysta VG þegir þunnu hljóði í stórmáli sem markaðsvæðir orkugeirann og hefur í för með sér mikil umhverfisáhrif í kapphlaupi virkjunarframkvæmdum. 

Kannski var eitthvað að baki því þegar í upphafi var helsti hræðsluáróðurinn um að EES samningurinn væri í hættu?

ER BETRA AÐ FÆRA ESB STJÓRN ORKUMÁLA Á ÍSLANDI OG BRJÓTA STJÓRNARSKRÁNNA, TIL AÐ HALDA Í ÓNÝTAN SAMNING?

Einfaldara Ísland

Í grein Héðins Unnsteinssonar í Morgunblaðinu í dag, Einfaldara ísland, er kjarninn þessi.

" Á hverju ári deil­ir ríkið rúm­lega 932 millj­örðum króna af al­manna­fé út til al­mannaþjón­ustu og sveit­ar­fé­lög­in sam­tals rúm­lega 310 millj­örðum króna sem op­in­ber­ir starfs­menn í 38.000 stöðugild­um sinna."

Fjöldi Íslendinga er um 357 þús. um 190 þús. eru starfandi á vinnumarkaði, samkvæmt því er um 20% vinnuaflsins starfandi hjá ríki og sveitarfélögum.

Það er nauðsynlegt fyrir sjálfbærni Íslands að fjölga þeim og koma til starfa í fyrirtækjum sem skapa tekjur. Við höfum ekki efni á því að fjölga ríkisstarfsmönnum.

ESB skriffinnska/eftirlit hjá hinu opinbera kostar fyrirtækin í landinu um 160 milljarða á ári. Það kemur fram í vöruverði.

EES samningurinn og stjórnkerfið er orðið baggi á samfélaginu.

Bjarni var með þetta!

Ríkisstjórnin heldur að hún ráði einhverju um sæstreng

Talsmenn og stuðningsmenn ríkisstjórnarinnar segja að til greina komi að halda þjóðaratkvæðagreiðslu um aflsæstreng til ESB. Það er barnsleg bjartsýni, 3. orkupakki ESB tekur af öll tvímæli um hvaða regluverk og hver ræður því hvernig og hvenær sæstrengur verður lagður.

Með samþykkt 3. orkupakkans afsala íslensk stjórnvöld völdum og stjórnsýslu yfir orkukerfinu til ESB. Til þess að halda stjórn orkukerfisins heima veður að hafna 3. orkupakkanum eða segja EES-samningnum upp.

ESB er að eignast Ísland

Millar í ESB mega samkvæmt EES kaupa land á Íslandi eftir vild, með kostum og gæðum https://www.althingi.is/altext/stjt/1993.133.html (Jón Björn Hákonarson, Mbl 18.7.2019). Þeir sækjast eftir virkjanaréttindum og fleiri nýtingarmöguleikum (Mbl 19.7.2019). Fyrirtæki í ESB mega eiga virkjanir hér samkvæmt EES. Virkjanaleyfin verða samkvæmt 3. orkupakkanum boðin út í ESB og auglýst í Stjórnartíðindum Evrópusambandsins svo "jafnræði" sé milli íslenskra aðila og ESB-aðila!

https://www.efta.int/sites/default/files/documents/legal-texts/eea/other-legal-documents/translated-acts/icelandic/i32009L0072.pdf

Við verðum fyrir meiri og meiri lífskjaraskerðingu og einangrun undir valdi ESB (Sveinn Guðjónsson, Mbl 18.7.2019). Við fengum öfgafullar orkuverðshækkanir með 1. og 2. orkupakka ESB/EES. En nú þurfum við að búa okkur undir að borga vindmylluverð ESB fyrir orkuna hér heima í orkulandinu sjálfu.

https://www.frjalstland.is/2019/05/12/dypkandi-orkukreppa-i-esb/#more-1397

 

Tilgangur 3 OP- Fullkomin markaðsvæðing og stjórn ESB á auðlindum.

Það er alveg ljóst að með stofnun ACER ætlaði Framkvæmdastjórn ESB að taka stjórn á orkumálum Evrópu af landsyfirvöldum. Enda segir í inngangi Tilskipanna 3OP :

„Í orðsendingu framkvæmdastjórnarinnar frá 10. janúar 2007 sem ber yfirskriftina „Stefna í orkumálum fyrir Evrópu“ er lögð áhersla á mikilvægi tilkomu innri markaðarins á sviði raforku og að skapa jöfn samkeppnisskilyrði allra raforkufyrirtækja í Bandalaginu. Orðsendingar framkvæmdastjórnarinnar frá 10. janúar 2007 sem bera yfirskriftirnar „Horfur á innri gas-og raforkumarkaðinum“ og „Fyrirspurn skv. 17. gr. reglugerðar (EB) nr. 1/2003 um gas-og raforkugeirana í Evrópu (lokaskýrsla)“ sýndu að núverandi reglur og aðgerðir veita hvorki nauðsynlegan ramma né skapa flutningsgetu samtengileiðslna til að markmiðinu um vel starfhæfan, skilvirkan og opinn innri markað verði náð.“

Innleiðing 3 OP og tilskipanir á orkusviði sem munu fylgja á næstu árum, tryggja fulla stjórn framkvæmdarstjórnar ESB á orkumálum á EES svæðinu og tengingu um allt svæðið. Aðgerðir ESA og ESB gegn ríkjunum nú um gjald á auðlindir eru til að jafna samkeppnisskilyrði á svæðinu og skref í átt að fullri markaðsvæðingu fyrirtækjanna og rafmagnsins, -vörunnar.

Með markaðsvæðingunni hverfa áhrif yfirvalda einstakra landa, en reglukerfið stjórnar flæði orkuauðlindanna. Á ÞETTA ERU ÞINGMENN EKKI LÆSIR, Í FLOKKSHEIMI SÍNUM SJÁ ÞEIR  EKKI FRAMTÍÐINA, ÞÓ BÚIÐ SÉ AÐ SEGJA FYRIR UM HANA AF ESB.

ÞANNIG MISSUM VIÐ ORKULINDIR LANDSINS Í HENDUR FJÁRFESTA OG STJÓRN KERFISINS TIL ORKUSTOFNUNNAR ESB

ÚTBOÐ Á NÝJUM VIRKJUNARMÖGULEIKUM.

Í 8 gr. Tilskipunar 72/2009(3OP)er kveðið skýrt á um að ný framleiðslugeta eða flutningsgeta rafmagns fari fram með opnu gagnsæu útboði, án allrar mismunar. Samkvæmt því verða öll ný virkjunarleyfi og flutningslínur og þá um leið vatns-og landréttindi, að vera boðin út á EES svæðinu.

Þetta þýðir að frumkvæði á nýjum virkjunarkostum verða hjá yfirvöldum, enda segir í 1. lið. 8 gr. „Aðildarríkin skulu tryggja að sá möguleiki sé fyrir hendi, vegna afhendingaröryggis, að kveða á um nýja framleiðslugetu..“

Slíkar virkjanir yrðu þá í eigu þeirra sem bjóða best í virkjunarleyfi og auðlind. Hugsanlega má rekja mikinn ákafa í virkjunarleyfi í dag til þessa ákvæðis og tal orkufyrirtækja um yfirvofandi orkuskort, til að ýta á stærri fallvatnsvirkjanir.

Þessi þróun mun leiða til þess að eigendur nýrra virkjanna í samkeppni við þær sem fyrir eru, munu krefjast þess að:

-Fyrirtæki sem notið hafa gjaldlausan aðgang að náttúruauðlindum greiði „aukagjald“ vegna fjárhagslegra yfirburða til að jafna samkeppnisstöðu.

-Að markaðsráðandi fyrirtækjum verði skipt upp til að jafna samkeppnisstöðu á markaðnum.

ÞANNIG MISSUM VIÐ ORKULINDIR LANDSINS Í HENDUR FJÁRFESTA OG STJÓRN KERFISINS TIL ORKUSTOFNUNNAR ESB.

Furðuskrif Björns Bjarnasonar

Björn Bjarnason formaður nefndar um endurskoðun EES samningsins og fær til þess tugi milljóna króna, er fúll ef einhver gagnrýnir EES samninginn, vill ritskoðun á Moggann og sakar ritstjórn blaðsins um að breyta fyrirsögnum greina og leyfa slíka gagnrýni. 

Formanninum er ekki sjálfrátt í þessu hlutverki sínu.

-Hann hefur m.a lagt fram tillögu um að setja ákvæði inn í Stjórnarskránna sem greiðir einungis ESB tilskipunum leið í íslensk lög, það hefði verið heiðarlega að gera tillögu um inngöngu í ESB en að fara þá bakaleið.

-Á fundum með þessari endurskoðunarnefnd hafa gagnrýnendur á EES samninginn þurft að sitja undir háðsglósum hans og skömmum. Meðal annars kom hann (með fríðu föruneyti) á fund NEI TIL EU í Noregi, þar sakaði hann þau um að vera með afskipta af innanríkismálum Íslands.

-Hann fer með rangt mál æ ofan í æ þegar hann fullyrðir að Frjálst land sé einhverskonar útibú NEI til EU á Íslandi og sé málspípa þeirra. Það væri eins og að segja að Björn væri málpípa ESB á Íslandi af því að hann væri að verja innleiðingu tilskipanna Sambandsins.

-Hann skammast yfir því að neikvæð áhrif EES samningsins á viðskiptalíf þessa smáa samfélags okkar, sem þarf að bera allt báknið og speglast í vöruverði, séu upplýst. Viðskiptaráð Íslands hefur margoft kvartað yfir reglugerðarfarganinu, í þessari skýrslu; Skýrsla Viðskiptaráðs 2015 þarf ekki mikla greind til að átta sig á að samanburðurinn er við Evrópulönd Þar er beinn og óbeinn kostnaður fyrirtækja í landinu metin á 163 milljarða á ári.

Núna í síðasta mánuði birti Viðskiptaráð einnig skýrslu um sama efni, um enn íþyngjandi og vaxandi reglugerðarskóginn https://frjalstland.blog.is/admin/blog/?entry_id=2236726, þar segir m.a.:

"Óþarflega íþyngjandi innleiðing EES-reglna"

  "Of íþyngjandi reglur leiða til mikils kostnaðar á fyrirtæki sem til að mynda hamlar samkeppni og skapar aðgangshindranir á markaði."

Ekkert annað en 25 ára innleiðing tilskipanna ESB er ástæða þessa og Björn Bjarnason vill breiða yfir það með ómerkilegum upphrópunum. Með þessum fölsku fullyrðingum dæmir Björn Bjarnason sig ómarktækan og niðurstaða endurskoðunarskýrslunnar hans um EES samninginn væntanlega líka.  

https://www.bjorn.is/dagbok/furdurskrif-i-morgunbladinu?fbclid=IwAR311hDcr5YIICIAlXzFm3V9PGOo6DC7HI7Zgv1Gftc0rXAqWTb4765staU