Krökkunum hlýnar

Háskólakrakkarnir vilja að Ísland lýsi yfir neyðarástandi vegna hnattrænnar hlýnunar (Fréttabl.20.2.2021). Þeir þurfa að tala við ESB sem stjórnar "loftslagsmálum" hér (aðallega með tilskipunum um höft á eldsneyti).

Hvernig stendur á að íslenskir háskólastúdentar eru orðnir fórnarlömb vísindafalsana? Geta íslenskir háskólar ekki byggt upp agaða vísindahugsun? Falsáróðurinn í fjölmiðlunum er ekki afsökun fyrir háskólamenn, þeir eiga að geta notað vísindin, við háskólana hér eru til vísindamenn sem hafa þekkingu á loftslagsmálum sem krakkarnir geta leitað til.

Ísland hefur orðið fyrir kuldakreppum lengri og skemmri tímabil (1200-1900, 1965-1995), íslenskir háskólamenn þurfa því að hafa þekkingu á loftslagsvísindum og geta varað við næstu kuldakreppu. Krakkarnir þurfa að halda áfram að læra.

Loftslagsvísindi hrjáð af fölsunum

Að moka ofan í skurði er aðalmálið.

Í tilefni þess að nú hellist yfir landsmenn auglýsingar frá Votlendissjóði skreyttar þekktum listamönnum er rétt að benda fólki á að hér er áróður sem byggist ekki á óyggjandi vísindum. 

Í loftlagsáætlun Íslands er samkvæmt skýrslu Hagfræðistofnunar 2017 um Ísland og loftslagsmál er áætlað að um 16 millj. tonna CO2 sé heildarlosun Íslands og um 11,7 milljónir tonn af því komi frá framræstu votlendi eða 73% af heildarlosunar Íslands. Í nýjasta svari Umhverfisráðuneytisins er sé tala komin niður í 8,6 millj. tonna Co2 ígilda.

Síðan þá hafa ýmsar tölur um umfang skurða, lengd og flatarmál verið gagnrýndar af sérfræðingum, m.a. að flatarmál þeirra sé í mesta lagi 40% af opinberum tölum og mikið ofmat sé frá losun þess svæðis sem þurrkað var með skurðunum. Einnig hefur verið gagnrýnt að losunartölur pr. flatarmál eru mjög óáreiðanlegar.

"Í meistararitgerð Gunnhildar Evu Gunnarsdóttur við Háskóla Íslands frá 2017 var reynt að meta losun kolefnis í þurrkuðum mýrum. Niðurstöður hennar benda til að losun sé mest fyrstu árin en sé síðan hlutlaus að 50 árum liðnum. Það er ekki í samræmi við þær viðmiðunartölur sem yfirvöld á Íslandi styðjast við í sínum aðgerðaráætlunum. Það þýðir væntanlega að losunartölur geti verið stórlega ýktar og mokstur í stærstan hluta skurða á Íslandi kunni því að þjóna litlum sem engum tilgangi. Jarðraskið sem af því hlýst gæti hins vegar allt eins leitt til aukinnar losunar."

"Þá hafa bæði dr. Þorsteinn Guðmundsson, þá prófessor í jarðvegsfræði við Landbúnaðarháskóla Íslands, og dr. Guðni Þorvaldsson, prófessor í jarðrækt við LbhÍ, bent á í Bændablaðinu mikla óvissu varðandi fullyrðingar um stærð mýra og losun."

https://www.bbl.is/frettir/frettaskyring/fullyrdingar-byggdar-a-agiskunum-en-ekki-visindalegum-gognum

Þetta þýðir að það sem hefur verið kynnt sem CO2 útblástur Íslands er kolrangur og alltof mikill og furðulegt að stjórnvöld skuli hafa sett þau fram án tillits til þessarar gagnrýni. Þetta leiðir af sér kostnaðarsamar aðgerðir ríkisins til að ná niður ímynduðum útblæstri Íslands.

Allt þetta mál virðist vera byggt á æðibunugangi sem ekki má gagnrýna því annars rísa um tilfinningaræður en ekki vísindaleg rök.

 

https://www.bbl.is/frettir/fraedsluhornid/hugleidingar-um-losun-og-bindingu-kolefnis-i-votlendi

https://www.bbl.is/frettir/fraedsluhornid/meira-um-losun-grodurhusalofttegunda-ur-votlendi

2020 þriðja kaldasta

Árið 2020 var 3. kaldasta ár 21. aldar hér við Norður-Atlantshafið (Reykjavík, Stórhöfði, Kirkjubæjarklaustur). 2018 var svipað, árið 2015 það kaldasta. Loftslagskólnun hefur nú staðið yfir í rúmlega hálfan áratug. Meiri hafís, minni fiskur. Hámark hlýindaskeiðsins 1990-2020 er orðið 17 ára.

(Athugið að loftslagskólnun kallast hamfarahlýnun á máli loftslagsskrumara!)

Svipaða sögu er að segja af óbrengluðum mælingum annars staðar á Norðurhveli. Nýjustu hitatölur, sem meginfjölmiðlarnir mata almenning á, eru frá risastofnunum á framfæri óvitandi skattgreiðenda. Hitatölur þeirra eru "aðlagaðar" þeirra kenningum um hlýnun eða ómarktæk meðaltöl úr hitamenguðu þéttbýli.

Það hefur ekki orðið nein varanleg hlýnun hér á N-Atlantshafinu síðan 1940.

Temperature record Storhofdi Vestmannaeyjar

https://www.nasa.gov/press-release/2020-tied-for-warmest-year-on-record-nasa-analysis-shows

https://www.frjalstland.is/engin-varanleg-hlynun-loftslags-a-sudurstrondinni-i-80-ar/

Fór jarðhitinn í hítina?

Besta fyrirtæki okkar Reykvíkinga er nú svo illa komið að það getur ekki útvegað okkur nægt heitavatn. Kalt í húsum, kalt í lauginni og pottunum. Og heitavatnið er orðið dýrara en í smábæjunum. Hvað verður eiginlega af peningunum?

EES-tilskipanirnar fóru illa með Orkuveituna, klufu hana í 3 óhagkvæmari fyrirtæki, fjölguðu silkihúfum og komu af stað kostnaðarsamri sýndarsamkeppni í anda ESB/EES. Einni flísinni átti svo að skipta í tvær í fyrra, silkihúfunum fjölgar í takt við orkupakka ESB og þrælslund okkar stjórnvalda.  Dótturfyrirtækin, sem vaxa eins og gorkúlur í kringum greni, gera okkur að sögn orkuveitunnar "umhverfisvæn" eða "sjálfbær" eða "kolefnishlutlaus" eða eitthvað annað meiningarlaust. Þau stunda gæluverkefni og gúlpa í sig peningana okkar: Eitt heitir "Carbfix" sem er barnaleg, gagnslaus og fokdýr (en skemmtileg) háskólatilraun til að taka koltvísýring úr loftinu.https://frjalstland.blog.is/blog/frjalstland/entry/2250744/

Annað "umhverfisvænt" gæluverkefni er hleðslustöðvar fyrir rafhlöðubíla sem totta til sín almannafé í milljörðum. Innstungunum er holað niður í rigningunni út um hvipp og hvapp og hundar á milli. Þær eru í raun óþarfar og varasamar, menn sem gæta öryggis ferðast ekki á rafhlöðum um landið. https://www.frjalstland.is/2019/10/29/rafbilavaedingin-vanhugsud/

"-Eigendur Hitaveitunnar, íbúar höfuðborgarsvæðisins, eiga rétt á að vera upplýstir um hvers vegna hún hefur hafnað í þessari ótrúlega slæmu stöðu að geta ekki í kuldaköstum fullnægt hitaþörf notenda-" (Árni Gunnarsson vekfræðingur, Fréttabl. 15.12.2020) https://www.frettabladid.is/skodun/kuldaboli-enduruppvakinn/

 

Íslensk kolefnisspora-pólitík

Forsætisráðherra birtir grein i Morgunblaðinu í dag um stefnu Íslands í loftlagsmálum, eða öllu heldur um kolefnisspor landsins og hvernig má draga úr því fram til 2040. 

Allt eru þetta fögur fyrirheit og búið er að stofna til stofnanna og nefnda til að framkvæma áætlun Íslands. M.a. Loftlagsráð, Loftlagssjóð og í kringum þessa áætlun hafa orðið til ýmis verkefni í skógrækt og "endurheimt votlendis" eins og það er orðað.

Áætlunin um kolefnisjöfnun Íslands 2040 minnir svolítið á áætlun stjórnvalda um "Eiturlyfjalaust Ísland árið 2000". 

Frjálst land ætlar að kafa svolítið niður í Aðgerðaráætlun Íslands í loftlagsmálum á næstunni.   

Ísland friðað

Nú á að reyna að láta Alþingi setja lög um "hálendisþjóðgarð". Landnám eyðieyju úti í Dumbshafi, sem staðið hefur í 1146 ár og verið erfitt vegna kulda, verður nú stöðvað. Af frekari nýtingu auðlinda Íslands verður ekki.

-"Heimilt er að starfrækja innan Hálendisþjóðgarðs þær virkjanir og háspennulínur sem eru í rekstri við stofnun hans - aðeins má heimila nýjar virkjanir í Hálendisþjóðgarði á afmörkuðum virkjanasvæðum hafi hin nýja virkjun verið skilgreind í orkunýtingarflokki-" (samkvæmt s.k. "rammaáætlun", lög nr. 48/2011, sem voru sett að frumkvæði afturhaldsafla til þess að koma í veg fyrir nýtingu auðlinda undir yfirskini umhverfisverndar) https://samradsgatt.island.is/oll-mal/$Cases/Details/?id=2575

 Ath. Búið er að umskrifa lagafrumvarpið sem er á Samráðsgáttinni og gera það ruglingslegra þannig að sem fæstir skilji og geti fett fingur út í það. Niðurstaðan er sú sama: Stöðva nýtingu hagkvæmra virkjanakosta! https://www.althingi.is/altext/pdf/151/s/0461.pdf

Loftslagsórar ESB, ætlar þú að borga?

Stjórnvöld Íslands flæktu landið í loftslagsdraumóra ESB/EES án þess að alþjóðlegar skuldbindingar krefðust þess en Ísland er eins og kunnugt er heimsmethafi í reyklausri orku og getur séð um sín loftslagsmál sjálft. Alþingi á nú að samþykkja lög fyrir Ísland um loftslagsmál úr tilskipana- og regludræsum frá ESB (2018/410 og 841 og 842 m.a., ætlað fyrir þéttbýl iðnaðarlönd) https://www.althingi.is/altext/150/s/1229.html

Lagafrumvarpið er veruleikafirrt langloka byggð á ruslvísindum frá IPCC og ESB. Löggjafa Íslands, Alþingi, er ætlað að samþykkja barnalegar kvaðir sem kosta þjóðarbúið hundruðir milljarða án þess að áreiðanleg greining á kostnaði íslensks samfélags sé lögð fram.

https://www.frjalstland.is/2019/12/09/island-flaekt-i-loftslagsblekkingar-esb/#more-1698

Bitvargurinn þarf fleiri mýravilpur

Hamfarahlýnun ESB er greinileg. Sjórinn er að kólna, þorskstofninn að minnka, loðnan horfin, hafísinn nálgast, stórhríðar og kal í túnum. Klakinu hjá mýflugunum seinkar en það stendur til bóta því ESB fyrirskipar umhverfisráðherra að minnka losun gróðurhúsalofttegunda frá landbúnaði með því að moka ofan í skurði og fjölga mýravilpum. Bitvargurinn fær þá fleiri klakstaði og betri aðstöðu í sveitinni. https://www.frjalstland.is/2020/06/19/endurheimt-votlendis-illa-rokstudd/

Michael Moore afhjúpar Grænu orkuna

 

 

 

 

 

Hinn þekkti kvikmyndaframleiðandi, Michael Moore, sendi frá sér nýja mynd um "grænu orkuna" sem verið er að reyna að banna en er ennþá aðgengileg.

 

Sjá hlekk á heimasíðunni á meðan hægt er:

Michael Moore afhjúpar Grænu orkuna

Loftlagsstefna ESB dregur Ísland í orkusvaðið.

Loftlagsáætlanir ESB stoppa ekki í Kórónafárinu.

Í sl. mánuði birti sambandið flaggskip sitt í loftlagsmálum til 2050 European Climate Law.

Kadri Simson, framkvæmdastjóri orkumála í Evrópu sagði að því tilefni: „Green Deal snýst ekki bara um orkustefnu, heldur líka iðnaðarstefnu. Við verðum að vinna náið með atvinnugreinum okkar. En það snýst jafn mikið um húsnæði, samgöngur og aðrar lausnir sem munu hjálpa okkur að ná losuninni.“

Svenja Schulze, umhverfisráðherra Þýskalands segir að þessu tilefni: „Við viljum vera kolefnishlutlaus árið 2050 og þess vegna verðum við að gera meira [árið 2030] en það sem við vorum sammála um. Minnkun um 40 prósent eru ekki nóg, við þurfum mínus 50, 55 til að ná markmiðinu. “

Ísland hefur gerst áhangandi að þessari stefnu með alla sína hreinu orku til iðnaðar, hvernig ætlar Ísland að fylgja þessari kolefnisskítugu iðnaðarstefnu Evrópu?

Með tveimur sæstrengjum og byggingu vindmilligarða sem þekja allar sveitir og afréttir landsins til að hjálpa Evrópu (Þýskalandi) um "Græna orku"?