Julian slapp

Maðurinn sem fletti ofan af manndrápum Bandaríkjanna og bandamanna er laus eftir að hafa verið hundeltur af vestrænni réttvísi í 14 ár. Julian Assange var látinn  laus gegn því að viðurkenna að hann hafi brotið lög en hann sagðist hafa talið að stjórnarskráin (bandaríska) og hið fjölrómaða "vestræna tjáningarfrelsi" mundi verja hann. Hann hefur verið sviptur frelsinu svo lengi að dómurunum þótti nóg að gert ef hann viðurkenndi sök. Það boðar ekki gott fyrir sannleiksbera. https://www.mbl.is/frettir/erlent/2024/06/26/assange_frjals_madur_og_er_a_heimleid/

En manndrápin hætta ekki. Julian á sem betur fer líkasinnaða: Chelsea Manning, Edward Snowden, Jack Teixeira https://www.foxnews.com/politics/pentagon-leak-suspect-jack-teixeira-appear-federal-court-friday , krakkarnir sem hafa kjark til að fletta ofan af manndrápum okkar bandamanna. https://www.frjalstland.is/2022/08/19/island-tekid-i-strid/#more-2731 Þeir hafa afhjúpað Úkraínustríðið, árásarstríð á vegum NATO og ESB gegn rússneskum íbúum Úkraínu og nú Rússlandi, þangað eru send vopn, miðunartæki, hermenn og vaxandi fjöldi hernaðarsérfræðinga NATO sem hafa stjórnað hernaðinum þau 10 ár sem hann hefur verið í gangi.

Breska frelsishetjan Nigel Farage hefur lagt sannleiksberunum lið við að stöðva manndrápin, lygalaupar og lygaverksmiðjur Breta gelta og urra á hann eins og áður https://news.sky.com/video/nigel-farage-says-west-provoked-russias-invasion-of-ukraine-with-nato-expansion-13156934

Útskúfaðar þjóðir

Norður Kórea og Viet Nam, sem hafa verið útskúfuð í mannsaldra og sætt árásum og manndrápum, hafa nú verið boðin aftur inn í samfélag þjóða. Það gerir Rússland sem hefur stuðning vaxandi fjölda heimsþjóða í baráttu sinni við Bandaríkin sem lögðu þessi lönd í rúst og útilokuðu þau frá umheiminum með aðstoð sinna leppríkja.

Bandaríkin sprengdu Norður Kóreu aftur til steinaldar 1950-1953, ekkert land hefur verið sprengt eins mikið, sem næst allar borgir landsins voru lagðar í rúst. Afskipti Kína og Rússlands urðu svo til þess að gert var vopnahlé. En Bandaríkin og leppar þess hafa haldið Norður Kóreu í höftum og einangrun síðan og rekið áróður gegn landinu. Vestrænir fjölmiðlar eru látnir kalla þjóðina "paría" (ósnertanlega) og landið "útlagaríki". Gleðin var mikil þegar diggustu bandamennirnir, Rússar, komu í heimsókn með stuðning og vinarhug.

VietNam sigraði nýlenduveldið Frakkland 1954 en þá komu bara aðrir stríðsherrar. Bandaríkin hófu brátt manndráp, milljónir voru drepnar áður en Bandaríkin lögðu niður skottið og fóru heim með sína byssumenn. Þá hafði VietNam verið nærri lagt í eyði. Nú hefur Rússland, sem studdi VietNam gegn stríðsherrunum, gert viðskipta- og samstarfssamning við sína fyrrum bandamen, Vietnama.

Hættulegt fólk og bjargvættir

Forustumenn Vesturlanda, margir með takmarkaða þekkingu á sögunni og aldir upp í stríðsæsingum, koma margir fram með eina staðhæfinguna annarri fáráðnlegri og hvetja til meiri blóðsúthellinga. Meira að segja íslenskir ráðamenn verða þjóðinni til skammar með stríðsæsingum  frá vopnlausa friðarklettinum Íslandi. https://www.frjalstland.is/2024/06/19/haetulegt-folk-og-bjargvaettir/

 

 

 

Þjófaflokkurinn G7

Nú hittast G7-iðnríkin, þ.e. Bandaríkin og þeirra klapplið, þó þau séu ekki lengur flokkur 7 stærstu iðnríkja heims, sífelt fleiri ríki fara fram úr þeim. Aðalumræðuefnið er að stela peningum frá Rússum https://www.mbl.is/frettir/erlent/2024/06/13/fagnar_sogulegu_lani_til_ukrainu/

til þess að fjármagna stríðið gegn Rússum sem nú er komið á 11. ár og gleypir síffellt hærri fúlgur þar eð NATO- og ESB-lönd halda áfram að útvíkka stríðið.https://apnews.com/article/italy-g7-summit-ukraine-biden-pope-a7771f3f8932653b44e21217a121854b

Þau senda síffelt meira af vopum, langdrægari sprengjum, "ráðgjöfum" og hermönnum. Og nú láta þau aftur nasistaflokka Úkraínu fá sprengjur til að skjóta yfir landamæri Rússlands. https://www.youtube.com/watch?v=R6JxJARC_jk

Mistakaforsetinn í Hvíta húsinu er að koma af stað heimsstyrjöld með leppana í Evrópusambandinu í fremstu víglínu. https://www.mbl.is/frettir/erlent/2024/06/13/nato_med_300_000_hermenn_i_vidbragdsstodu/ Leiðtogar þess eru margir komnir með alvarlegt stríðsgeðrof sem teygir sig hingað og hefur slæmar afleiðingar fyrir Ísland. https://www.aljazeera.com/news/2024/6/11/europe-preparing-for-war-as-ukraine-conflict-looms-large-report-finds

 

Hvað eru Bandaríkin að gera í Úkraínu?

Af hverju eyða moðskuldug Bandaríkin stjarnfræðilegum upphæðum í hernaðarrekstur í Úkraínu? Eru þau að verja frelsi, lýðræði eða sjálfstæði landsins?

Annað slagið koma ráðamenn fram og afhjúpa sannleikann, viljandi eða óviljandi. Einn helsti leiðtoginn á Bandaríkjaþingi fer ekki í grafgötur með ástæður hernaðarins í Úkraínu:

"-They are sitting on 10 to $12 trillion of critical minerals in Ukraine - they are sitting on a gold mine-" = Úkraínumenn sitja á 10-12 trilljóna dollara virði af mikilvægum málmum - þeir sitja á gullnámu-" (Lindsey Graham á CBS) https://www.cbsnews.com/news/lindsey-graham-senator-south-carolina-face-the-nation-transcript-06-09-2024/

Hernaður Íslands

Hernaðarstuðningur Íslands kostar þjóðina mannorðið sem vopnlaus friðarþjóð og auk þess viðskiptasambandið við eitt besta viðskiptalandið á lýðveldistímanum. Hernaðarrekstur NATO og ESB gegn rússneskum íbúum Úkraínu og nú Rússlandi sjálfu hófst af uppskálduðu tilefni snemma árs 2014 með sviðsettri uppreisn og vopnuðu valdaráni á vegum ríkisstjórnar Obama og bandamanna. Markmiðið er að taka Úkraínu inn í NATO og ESB. Og ekki síst, egna Rússa til styrjaldar sem fávísir NATO/ESB-forsprakkar halda að hægt sé að vinna!

Sum NATO- og ESB-lönd hafa aukið stríðsæsingarnar og Stoltenberg (framkvæmdastjóri NATO) er einn háværasti stríðsmangarinn. Hann er "hættulegur maður" segir ríkisstjórn Ítalíu. https://ground.news/article/italian-deputy-pm-calls-nato-boss-a-dangerous-man

https://www.youtube.com/watch?v=eptbaN4npaA

Stríðsæsingarnar gegn Rússlandi nú eru álíka tilefnislausar og síðustu heila öldina https://www.frjalstland.is/2024/03/30/ovinur-buinn-til/. Aftur á móti er full ástæða til að óttast hernað NATO- og ESB-landa eins og menn vita í Viet Nam, Írak, Serbíu, Sómalíu, Libíu, Afganistan, Sýrlandi, Jemen, Palestínu----

 

Dísa í undralandi

Dísa og tveir Austurseltingar blönduðu sér í innanríkismál Georgíu með áróðursræðum í mótmælagöngu gegn Georgiskum lögum um erlenda erindreka. Irakli Garibashvili, leiðtogi ráðandi stjórnmálaflokks Georgíu, segir að um sé að ræða móðgun við Georgíu.

Georgíumenn eru ekki heimskir (Stalín, Schevardnatse ofl. gáfumenn voru frá Georgíu) svo íslenskar og eystrasalts- slettirekur ættu að vara sig á að abbast upp á þá, þeir stjórna sínum málum sjálfir. Spillingaröflin i NATO/ESB stefna að svipaðri "litabyltingu" í Georgíu, Slóvakíu og Hvítarússlandi og þau frömdu í Úkraínu fyrir 10 árum sem var upphaf Úkraínustríðsins.

 

Vindmyllur ekki lengur í tísku

Andstaða gegn vind- og sólorkuverum er alþjóðleg og vaxandi, orkuverin eru óhagkvæm og byrði á sínum samfélögum þó umhverfisprelátar haldi öðru fram. Þau valda hljóðmengun, fuglameiðslum, mengunarslysum og eitruðum úrgangi og fleiri umhverfisspjöllum og valda oft rafmagnsleysi. Aðild Íslands að EES opnar á að fyrirtæki í Evrópusambandinu og þeirra umbar hér byggi og reki vindmylluver á Íslandi og fái styrki af almannafé.

Um allan heim er nú verið að hafna vind-og sólorkuverum.

Í Englandi hefur svo mörgum sólorkuverum verið hafnað að erfitt er að halda reiður á. Svæðisstjórnir í Cambridgeshire, Holbeach, Kent, Herefordshire og Coventry hafa hafnað sólorkuverum.

Í Bandaríkjunum hefur amk. 639 vind- og sólorkuverum verið hafnað síðan 2015.

Þeir einu sem vilja vindmyllur og sólarpanela eru umhverfistrúðarnir og fyrirtækin sem fá ríflega almannastyrki til að byggja og reka "grænu orkuverin"

https://www.frjalstland.is/2024/04/16/vaxandi-andstada-gegn-vindmyllum-og-solorkuverum/

 

Kjarnorkuheimsendir, forleikur

Elon Musk sgir að loforð Washington til Úkraínu um NATO-aðild sé forleikur að kjarnorkustyrjöld og heimsendi.

https://www.yahoo.com/news/elon-musk-compares-nuclear-apocalypse-083500688.html?guccounter=1

Utanríkisráðherra Bandaríkjanna og hans strengjabrúður í Evrópusambandinu gelta hátt um að innlima Úkraínu í NATO (það var reynt 2010 en þá var lýðræðislega kjörin stjórn og þing í Úkraínu sem hafnaði aðild þann 3.júní). Bretar, Frakkar og Pólverjar vilja meira og stærra stríð og Danir eru orðnir svo blóðþyrstir að þeir ætla að setja sín ríkisútgjöld til hermála beint í vopnakaup hryðjuverkastjórnarinnar í Úrkaínu og jafnvel hækka skatta til þess að auka úthellinginn. Stríðsæsingurinn í Danmörku er orðin slíkur að ekki er einu sinni hægt að hemja NATO-flugskeytin í dönsku herskipunum, þau skjóta sér bara sjálf!

https://www.mbl.is/frettir/erlent/2024/04/05/ottudust_ad_flugskeyti_faeri_a_loft/

 

Stríðsfélag 75 ára

Í mars fyrir 75 árum fóru forustumenn Sjálfstæðisflokks, Framsóknarflokks og Krataflokksins (Alþýðu-) til Washington á fundi með stríðsstjórum Bandaríkjanna. Stjórnmálamenn sem börðust fyrir hlutleysi og herleysi Íslands voru útilokaðir og skildir eftir heima. En þessir þrír létu draga Ísland inn í NATO án þess að spyrja þjóðina.

Þeir sögðust hafa fengið loforð um að ekki yrði herstöð á Íslandi á friðartímum og aðeins þegar Íslendingar sjálfir ákveddu. Þetta var að sjálfsögðu svikið eins og við var að búast. Hlutverk NATO átti að vera að efla heimsfriðinn og berjast gegn útþenslu Moskvu-kommúnistmans. Fagurgalinn  https://www.nato.int/cps/en/natohq/official_texts_17120.htm var eins og venjulga ekki alveg það sem varð. NATO var sett á af Bandaríkjunum af tilefni "járntjaldsræðu" Churchill og "Truman-kenningarinnar" sem urðu afsökun fyrir tilefnislausri hernaðarstefnu Bandaríkjanna gegn Ráðstjórnarríkjunum sem fyrir framan nefið á þeim höfðu sigrað Nasistmann og lagt undir sig Austur-Evrópu í herferðinni til Berlínar.  https://www.frjalstland.is/2024/03/30/ovinur-buinn-til/

Það voru götubardagar á Íslandi út af aðildinni að NATO sem var komið á með ólýðræðislegum hætti að undirlagi klíku þriggja stjórnmálamanna. Í Noregi og Danmörku urðu líka mótmæli. Þeir sem best þekktu til áttuðu sig á að NATO var ekki varnarbandalag 12 þjóða heldur hernaðarsamvinnufélag Bandaríkjanna til þess að fá óheftan aðgang að auðlindum og mörkuðum.

NATO hefur á sínum 75 ár ferli aldrei varið neinn eða neitt. NATO hefur ekki staðið fyrir friði, þvert á móti hefur NATO verið í hernaði og manndrápum oft af upplognu tilefni. NATO-lönd hafa tekið þátt í manndrápum Bandaríkjanna í Írak, Afganistan, Sýrlandi, Jemen, Libíu og fleiri Afríkulöndum. NATO hefur kastað sprengjum á Evrópuþjóð, Serbíu, og verið virkt í hernaði Kænugarðsstjórnarinnar gegn rússneskum íbúum Úkraínu frá 2014. NATO æsir nú til útvíkkaðs stríðs gegn Rússlandi sem hóf hernaðaríhlutun 2022 gegn árásum Kænugarðsstjórnarinnar á Donbas þar sem stór hluti íbúanna eru Rússar en þau svæði hafa á lýðræðislegan hátt ákveðið að sameinast Rússlandi.

NATO hefur þróast í stríðsfélag sem er hættulegt heimsfriðnum. Undirbúningur vaxandi stríðsrekstrar í Mið-Austurlöndum, Kína og Rússlandi er í fullum gangi í félagi við Evrópusambandið sem NATO hefur gleypt með skít og skinni.

NATO varð óþarft fyrir 33 árum þegar Ráðstjórnarríki kommúnismans voru leyst upp 1991 og ætluð þenslustefna hans þar með. NATO þarf að leysa upp áður en það veldur meiri manndrápum. https://www.frjalstland.is/2023/12/19/stridsundirbuningur/