Stríðsundirbúningur

Joe Biden forseti er nú að útvega Kænugarðsstjórn árásaþotur. Svo vel vill til að þær verða að gera árásir frá NATO-herstöðvum í Austur-Evrópu af því að þær geta ekki athafnað sig á flugvöllum Úkraínu. Það gerir að verkum að NATO-herstöðvar verða lögmæt skotmörk Rússa!

Þannig getur mistakaforsetinn í Hvíta húsinu og hans evrópsku kjölturakkar tryggt að fáist afsökun til þess að senda NATO-her inn í Úkraínu og koma af stað alvöru stríði.

(Hermenn frá Bandaríkuunum, Bretlandi og Póllandi eru reyndar nú þegar komnir, eru til dæmis með stjórn á loftvarna- og eldflaugabúnaðinum í Úkraínu. Ekki segja neinum!)

Hættan sem heimsbyggðinni stafar af stríðsherunum í Washington, London og Brussel vex nú hratt. Okkar "bandamenn" gætu verið að stefna okkur í stórstríð! https://www.frjalstland.is/2023/12/19/stridsundirbuningur/

Orkuskortur

Vonir Evrópusambandsins um orkuskipti eru brostnar. Hér á Íslandi eru orkuskiptin orðin skuldamartröð við ESB-báknið.

Nýjar virkjanir eru stopp í EES-regluverkskviksyndinu (Mbl. 16.12.2023 bls 34) og hjá alíslenskum óvitum í nefndum, ráðum, stofnunum, ráðuneytum og þingi og ekki lengur hægt að fóðra draumadís orkuskipta.

Alþingi hefur nú í 30 ár sett stöðugt ný og skaðlegri EES-lög um framkvæmdir og "umhverfismál" sem eru orðin að ófæru kviksyndi og standa í vegi fyrir uppbyggingu orkumannvirkja. Alþingi gæti tekið á sig rögg og sett virkjanaframkvæmdir í gang með sérstakri lagasmíð sem hjá sjálfstæðri þjóð(?) á að vera æðri erlendum tilskipunum. https://www.frjalstland.is/2023/09/12/ees-log-stodva-throun-byggdar/

Ný neyðarlög

Neyðarlög björguðu þjóðinni þegar EES-regluverkið um fjármálastarfsemi var að setja íslenska bankakerfið í þrot og þjóðina á hausinn að frumkvæði Breta Brown Darling. Neyðarlögin afnámu vitlausasta ESB-regluverkið og tóku stjórnina aftur heim. Hrunið fimmtán ára

Nú er komið að orkukerfinu. EES-regluverkið hefur komið uppbyggingu, rekstri, viðhaldi og stjórnun orkukerfisins í uppnám. EES-lög stöðva þróuun byggðar

Orkukerfi landsins fært undir Evrópusambandið

Það verður ekkert aðhafst án þess að brjóta EES-samninginn.

Óþarfar nefndir, ráð og áætlanir hafa stjórnvöld okkar líka komið á um orkumál, alveg af eigin heimsku og án fyrirmynda frá Brusselskriffinnum: Úrskurðarnefnd umhverfis- og auðlindamála (verndar fífla og hraunnibbur fyrir Íslendingum) sem stöðvar virkjanaframkvæmdir. Gerð var Rammaáætlun til að friðþægja afturhaldsöflin, hún hefur reynst sjálfvirk bremsa á alla uppbyggingu orkukerfisins, virkjanir sem augljóslega verða byggðar (þegar þjóðarnauðsyn krefur eða fyrr). Rammaáætlun, vindmyllur og kol

Alþingi er nú komið í vandræði og ekki vitað hvað á að gera. Á að setja sérlög um virkjanir? (Morgunblaðið 7.12.2032). Því ekki bara neyðarlög svo EES-svamlið þvælist ekki fyrir!

En það er í raun augljóst hvað þarf að gera til þess að koma orkumálum Íslands í lag aftur: Segja EES-samningnum upp og afnema EES-regluverkið og láta Alþingi taka til við að setja upp íslenskt laga- og regluverk sem þjónar landinu en ekki útlendu bábiljustjórnkerfi Evrópusambandsins.

Fæðuskiptin næst

Orkuskiptin eru í gangi, næst verða fæðuskipti. Á 28. árshátíð loftslagsgrínara verður samþykkt bann við kjötáti og mun ein af grínverksmiðjum Sameinuðuþjóðanna (FAO) leggja á ráðabruggið.

(Ruslvísindi: "Vísindamenn" Sameinuðuþjóðanna halda að húsdýrin prumpi meira gróðurhúsalofti en myndast á túninu ef dýrin fá ekki grasið heldur sé það ekki slegið handa þeim heldur látið moltast ofan í túnið og mynda metan þar. "Gróðurhúsaáhrif" metans eru auk þess löngu mettuð https://www.frjalstland.is/2021/12/10/kolefnissporid-er-ny-gryla/)

Á næstu cop-árshátíðum verður krafist fataskipta, fréttaskipta, ferðaskipta, stjórnarskipta og gjaldmiðilsskipta. Stefnt er að íbúaskiptum á Jörðinni af því íbúarnir anda frá sér koltvísýringi og prumpa metani.

Til þess að láta treggáfaða mörlanda skilja að nú er allt í voða og aðeins nokkur ár eftir munu 84 mæta og hlusta á Úlfur! Úlfur! í 28 skiptið. Það kostar meiri fúlgur en íslenskir fátæklingar þurfa til famfæris, skattgreiðendur borga og snobbuð fyrirtæki sem tekst að totta féð af almenningi. Þessir 84 verða svo látnir sanfæra þá sem heima sitja um að þetta sé búið nema menn kaupi batteríkerrur og vindmyllur og borgi Evrópusambandinu losunarheimildirnar.

https://www.dailymail.co.uk/health/article-12800019/meat-consumption-climate-change-global-emissions.html

Ljósin slokkna

Evrópusambandið er að ganga af landbúnaðinum dauðum. Það eru ekki bara niðurgreiddar undirmálsvörur sem troðið er inn á markaðinn heldur eru "Evrópureglugerðirnar" að stúta bændunum.

"Ég hef engin vopn í hendi mér til bjargar í mjólkurframleiðslunni frekar en aðrir bændur sem fóru í tilneyddar fjárfestingar vegna Evrópureglugerða sem þvinguðu bændur, annað hvort að stefna á að hætta mjólkurframleiðslu eða byggja nýtt fjós. Mat ég það þannig, það að bera titilinn Gústi bóndi væri 250 milljóna króna skulda virði. - Við erum orðnir þrælar, hlekkjaðir við aðstæðurnar-"

https://www.dv.is/frettir/2023/11/25/agust-lysir-mikilli-neyd-ljosin-eru-ad-slokkna/

Þegar saga landbúnaðar á Íslandi er skoðuð kemur í ljós að kúabúskapur með íslenska kúakyninu, sem nam hér land fyrir 1150 árum, hefur verið meginstoð í íslenskri lífsbjörg alla tíð. Íslensku kýrnar hafa staðið sig vel og gefið af sér mjólk, osta og smjör með miklum afköstum og gera enn. Kristján Eldjárn rannsakaði Svarfaðardalinn, Árni Daníel Júlíusson segir frá rannsóknunum og sögu dalsins í bókinni Miðaldir í skuggsjá Svarfaðardals. Þar er sagt frá búskap og mikilvægi kúabúskaparins í gegnum aldirnar en nú horfir í að slökkt verði á ljósunum í fjósum íslenskra sveita í síðasta skiptið.

Þeir sem byggðu land og sveit Íslands fyrir 1150 árum voru ekki eins miklir skussar og nútíma Íslendingar sem eru að missa matarsjálfsnægt landsins í dauðakrumlurnar á erlendu valdabákni. Íslenskir bændur fluttu meira að segja út smjör og osta. En eftir að loftslagið tók að kólna upp úr 1130 fór landbúnaðurinn að hrörna. Það var það sem skapaði jarðveginn fyrir borgarastyrjöldina en henni var fjarstýrt af þáverandi valdabákni í Evrópu, Noregskóngi, sem svo hirti frelsi vort.

10 ára stríð

Rússar hófu ekki Úkraínustríðið, það var ríkisstjórn Obama sem hóf það með valdaráni eftir að lögleg stjórn Úkraínu hafnaði Evrópusambandinu 21.11.2013 fyrir 10 árum. https://goachronicle.com/musk-says-ukraine-indeed-witnessed-coup-detat-in-2014/

Bandaríkjastjórn og aðilar úr NATO, ESB og nýnasistaflokkum Úkraínu komu leppstjórn til valda í lok febrúar 2014. Hún kom af stað borgarastyrjöld með hernaði gegn rússneskum borgurum Úkraínu sem Rússlandsher kom svo til varnar í lok febrúar 2022 en þá höfðu Bandaríkin og ESB hunsað allr umleitanir Rússa um frið.

Borgarastríðið breyttist í hreint árásarstríð NATO gegn Rússlandi þegar NATO fyrirskipaði Úkraínustjórn í apríl 2022 að staðfesta ekki friðarsamninga sem Ísrael og Tyrkland höfðu þá miðlað milli Rússlands og Úkraínu.

Meginfjölmiðlum í NATO- og ESB-löndum hefur tekist að halda uppi feluleik og falsfréttaflutningi um Úkraínustríðið í aratug en síðustu mánuði hafa blekkingarnar verið að afhjúpast og fleiri vita nú hverjir bera ábyrgð á 10 ára stríði í Úkraínu. https://www.frjalstland.is/2023/11/21/10-ara-strid/

Að flosna upp

Við erum búin að missa stjórn á landbúnaðinum. Sveitafólk Íslands flosnar upp eins og á jaðarsvæðum ESB/EES.

Hefur þú tekið eftir að matvöruverslanir hér eru alltaf fullar af innfluttu grænmeti og matvælum eins og framleidd eru hér?

Veistu að flutt eru inn niðurgreidd og undirmálsmatvæli frá ESB/EES?

Veistu að það er meiri hætta á sýklum í matvælum frá ESB/EES, jafnvel sýklalyfjaþolnum sýklum?

Veistu að matvæli frá ESB/EES innihalda meir af eiturefnum en íslensk?

Veistu að auðmenn í EES mega kaupa jarðir hér í samkeppni við Íslendinga?

Veistu hvaða þjóðir hafa besta heilsu? Svar: Litlar norrænar og fjallaþjóðir sem styrkja og vernda sinn landbúnað, Noregur, Ísland, Svíþjóð, Sviss.

Veistu að landbúnaður veitir þúsundum störf?

Veistu að afskipti, regluverk og innflutningur frá ESB/EES standa landbúnaði Íslands fyrir þrifum?

https://www.frjalstland.is/2020/05/31/endurreisn-landbunadarins-fljotvirk-efnahagsadgerd/

Barnadráp

Óhugnaður barnadrápa er sýndur í sjónvarpinu daglega frá Miðjarðarhafsbotni. En það er ekki það eina. Human Rights Watch ásakar Úkraínu um fjölda brota á Ottawa samþykktinni um bann við notkun klasasprengja og jarðsprengja sem granda og limlesta almenna borgara og sérstaklega börn í þúsundatali.

Mark Hiznay segir: "-Það eru miklar sannanir fyrir að Úkraína hafi brotið Ottawa-samþykktina frá 1997-"

Það hefur verið vitað að NATO og ESB láta Úkraínustjórn nota ólögleg vopn. Það sem er sérstakt nú er að stofnun á Vesturlöndum þorir að segja sannleikanna beint út um hryðjuverk Úkraínustjórnar.

https://www.hrw.org/news/2023/06/30/ukraine-promises-inquiry-banned-landmine-use

Sjá einnig:

https://reliefweb.int/report/world/landmine-monitor-2023-enar

 

Norðurlöndum til skammar

Norðurlandaráð er orðið klappstýra stríðslandanna í NATO og ESB. Stefna ráðsins sýnir að það veit ekki hverjir eru hagsmunir Norðurlanda (Mbl.13.11.2023)

Nýr formaður segir: "-djarft að setja varnarmál í forgang-".

Það þýðir að auka á stríðsmang og hernaðarbrambolt í samstarfi við stríðsþjóðir NATO og ESB, aðallega Bandaríkin og Bretland en Þýskaland er aftur komið og þýskir skriðdrekar komnir að landamærum Rússlands eins og  á dögum Þriðja ríkisins.

"Norðrið er að stórum hluta innan landamæra Rússlands sem nú reka stríð í Úkraínu-"

Það rétta er að 54% norðurheimskautssvæðisins er rússneskt. Það voru Bandaríkin og þeirra kjölturakkar í ESB sem hófu stríðsreksturinn í Úkraínu 2013 með hernaði gegn rússneskum íbúum Úkraínu sem Rússland telur sig þurfa að verja. Blóðuga valdaránið í Úkraínu

Heimskan að reka bábiljustjórnmál loftslagssvindlaranna, stríðsstefnu hernaðarþjóða og að hatast við langstærsta norðurslóðalandið, sem hefur sýnt Norðurlöndum vinsemd frekar en stríð, er sönnun þess að Norðurlandaráð er komið langt út af sporinu og væri betra að loka því en að það vinni í að spilla nágrannasamvinnu og friði.

Samkvæmt formanninum: "Á heimskautasvæðunum er hlýnun loftslags að jafnaði fjórum sinnum hraðari en annarsstaðrar í veröldinni"!

Það rétta er að það er engin hlýnun á Norðurskautssvæðinu heldur kólnun. Þrátt fyrir vaxandi hafís halda Rússar siglingaleiðinni norðurfyrir Rússland opinni með síöflugri ísbrjótum.

Grænlendingar, sem eiga einn stærsta hlutann af norðurheimskautssvæðinu, eru orðnir leiðir á blaðrinu í Norðurlandaráði og ætla ekki að mæta nema þeir fái lýðræðislegt vægi. Grænlendingar eru ekki sömu aukvisarnir og allflestir Norðurlandaráðamenn, þeir eru eina Norðurlandaþjóðin sem hefur haft kjark til þess að segja sig úr ESB/EES og munu sem þátttakendur í Norðurlandaráði væntanlega verða til þess að blaðurklúbburinn færi sig yfir í að vinna að hagsmunum Norðurlanda en ekki að hanga aftaní vopnamöngurum  NATO og ESB.

Norðurlandaráð er orðið dindill stríðsþjóðanna og Norðurlöndum til skammar um heimsbyggðina sem er farin að þekkja "varnarmál" og "forustu" NATO og ESB-landa.

Í vitlausu liði

Evrópusambandið dregst stöðugt afturúr og dregur EES-lönd með sér. Sambandið var með 30% af heimsviðskiptunum 1980 en nú minna en 15%. Verg landsframleiðsla á mann er helmingur af því sem er í Bandaríkjunum (Mbl 7.11.2023)

Evrópusambandið byggir á miðstýringu, forræðishyggju og skriffinnskuhefð frá gömlu nýlenduveldunum. Stjórnvaldsafskipti og ofstjórn vaxa hömlulítið og valda framtaksskorti og framkvæmdalömun og er ein af meginástæðum hrörnunar ESB. En fleira kemur til:

ESB hefur í vaxandi mæli orðið fórnarlamb bábiljustefnumála frá trúarkenndum félagasamtökum: Sameiginlegur gjaldmiðill varð flestum til ógagns; Græna stefnan eykur fátækt og leggur stóra hluta efnhagslífsins að velli. Viskiptabönn hafa útilokað fyrirtæki frá hagkvæmum hráefnum og orkugjöfum. Of mikill innflutningur framandi fólks hefur valdið ófriði, óöryggi og glæpavexti. Siðmenningarleg upplausn hefur skotð rótum

Djúpstæður hernaðarandi hefur nú aftur komið upp á yfirborðið. Leiðtogar sambandsins eru að reyna að gera ESB að hernaðarbandalagi, án gilds tilefnis en í samræmi við áróður vestrænna stórfyrirtækja og ný-íhaldsins. Gamalgróin landvinningaþrá afhjúpast nú nakin með þátttöku ESB í vopnuðum árásum NATO, ný-nasista og fleiri illvirkja. Ísland hefur þvælst inn í stríðsrekstur á vegum ESB-landa vegna undirgefni við ESB og máttleysis íslenskra leiðtoga.

Í krafti EES-samningsins hefur ESB fengið vald yfir mikilvægum málum Íslands og framleiðir bæði lög og reglugerðir fyrir landið sem hamlar þróun og uppbyggingu og leggur þungar álögur á almannasjóði, fyrirtæki og einstaklinga. Afleiðingin er samskonar þróun til hrörnunar og í ESB þó efnahagshrörnunin sé ekki gengin eins langt og þar enn sem komið er. https://www.frjalstland.is/2023/07/01/fataektarmenning/

Með EES lenti Ísland í vitlausu liði og missti hluta af sínu frelsi og sjálfstæði til hins hrörnandi sambands. Meintur viðskiptalegur ávinningur, sem var mjög ýktur af þeim sem komu EES-samningnum yfir þjóðina, er nú orðinn enn meiri ímyndun en var. Frelsi lands og landsmanna til ákvarðana og athafna er forsenda uppbyggingar og efnahagsgæða. Afskipti valdabákna eins og ESB standa í vegi fyrir frjálsum athöfnum og samskiptum og hefta viðskipti við heimsbyggðina sem er grunnurinn að velsæld, ekki síst lítilla landa eins og Íslands.