Ísland á sakamannabekk

Varðhundakofi EES-samningsins, ESA, á að sjá um að Ísland (og Noregur og Liechtenstein) hlýði fyrirmælum Evrópusambandsins. Reglulega berast þaðan urr og gelt en mest ýlfur. Nú ætlar ESA að kæra Ísland fyrir að gegna ekki tilskipunum ESB um bankastarfsemi.

Eins og kunnugt er olli regluverk ESB/EES, ásamt með græðgisvæðingu og Bretastjórn, hruni íslenska bankakerfisins fyrir 16 árum. Ekki höfum við enn komið í verk að segja EES-áþjáninni upp svo ESB-tilskipanirnar halda áfram að berast. Þær eru ætlaðar bankakerfi hundraða milljóna manna svæðis en ekki smáþjóð og hafa gert mikla bölvun hérlendis. Íslenska bankakerfið getur ekki lengur þjónað Íslendingum skammlaust heldur er látið þjóna dillum ESB, s.s. vörnum gegn peningaþvætti sem er stór atvinnuvegur í skattaáþján ESB-landa. En bankarnir hérlendis geta samt plægt inn klámfenginn gróða á að vaxtaokra á íslenskum viðskipatvinum en geta samt ekki þjónað grundvallarþörfum eins og húsnæðiskaupum unga fólksins af viti.

Og nú hafa Íslendigar látið undir höfuð leggjast að "innleiða" (þýða, afrita og líma í íslenskt regluverk) tilskipanir frá ESB. ESA ætlar að kæra Ísland fyrir EFTA-dómstólnum (EFTA óviðkomandi) https://www.mbl.is/frettir/innlent/2024/09/11/esa_hofdar_mal_gegn_islandi/. Eins og kunnugt er má sá dómstóll segja hvað sem er en hans orð eiga ekki að vera aðfarahæf hér nema stjórnkerfið hér aulabárðist til að beygja sig í rykið. Sem Alþingi hefur reyndar gert með bankatilskipanir https://www.frjalstland.is/2023/11/27/bankarnir-eru-i-hoftum-evropusambandsins/ andstætt stjórnarskránni og því ógildur gerningur ef á reyndi.

 

Auðlindunum fórnað

EES-samningurinn og hin hugmyndafræðilega mengun hnattauðmagnsins sem honum hefur fylgt hefur opnað Ísland fyrir "fjárfestingum" Evrópusambands-fyrirtækja í auðlindum Íslendinga.

Nú vilja afkomendur Ingvars heitins Kamprads, IKEA-kempunnar, og þeirra kumpánar "fjárfesta" í auðsuppsprettum Íslendinga. https://www.mbl.is/vidskipti/frettir/2024/09/10/atta_milljarda_fjarmognunarlotu_lokad/

Ein öruggasta leið minni þjóða til þess að missa sjálfstæðið og steypa landsmönnum í fátækt er að opna sínar dyr fyrir fjárfestingum hnattauðmagnsins í sínum auðsuppsprettum. Mörg lönd hafa gert það undir áhrifum hnattvæðingaráróðursins og mörg hafa orðið fórnarlömb stríðsríkjanna í NATO og ESB sem hafa hafið hernað á löndin til að tryggja sinn aðgang að auðsuppsprettum landanna.

Olíuríki Mið-Austurlanda hafa sætt innrásum og manndrápum stríðsríkjanna í áratugi. Bandaríski herinn stelur um 80% af olíu Sýrlands. Suðurameríkulönd hafa mátt þola eitt valdaránið eftir annað. Ísraelar vilja komast yfir olíu- og gaslindir undan strönd Palestínu og leggja nú landið í rúst.  Bandaríkin með NATO og ESB reka hernað gegn Rússum í Donbas m.a. til þess að komast yfir auðlindir svæðisins sem eru trilljarða virði að sögn bandaríska öldungadeildarþingmannsins Lindsey Graham https://english.almayadeen.net/news/politics/graham-urges-more-aid-to--trillion-dollars--worth-of-mineral

Reyndar eiga bandarískir "fjárfestar", s.s. Blackrock, Blackstone, State Street og Vanguard auk annarra hnattvæddra fyrirtækja í ESB og víðar, nú þegar um þriðjung af landbúnaðarlandi Úkraínu. Og sjálfur Rotchildbankinn er farinn að fjármagna nýnasistastjórnina í Kænugarði og fær verðmætar auðsuppsprettur Úrkaínu sem veð! Vanir bankamenn!

Á sama tíma og fjarlægir "fjárfestar" skipuleggja gróðaherferð gegn stærstu auðsuppsprettu Íslendinga til framtíðar eru íslenskir vísindamenn, sem eru meðal þeirra fremstu á heimsvísu i jarðhitarannsóknum og nýtingu, búnir að finna mörg fleiri jarðhitasvæði í landinu. https://www.mbl.is/frettir/innlent/2024/09/10/arangur_af_jardhitaleit_kominn_fram_ur_vonum/

Það eru auðvitað þeir sem eiga að sjá um að virkja og nýta jarðhita landsins fyrir okkur og framtíðar íbúa þessa lands. Ef stjórnvöld Íslands skilja þetta ekki eiga þau að fara frá.

 

 

Falsfréttamiðlun

Vestrænir fjölmiðlar bera okkur falsfréttir en þegja yfir raunverulegum fréttum. Þeir segja að Rússar hafi sprengt skóla og sjúkrahús í Poltava. Þeir segja okkur ekki að "skólinn" var þjálfunarstöð NATO fyrir úkraínska hermenn. Þeir þegja um að allir stjórnendur SAAB hergagnadeildarinnar (AEW&C)voru felldir. https://www.facebook.com/groups/298181905998233/posts/541428685006886/?_rdr Þá voru liðin 315 ár frá því að Rússar gersigruðu innrásarher Svía við Poltava 8. júlí, 1709, þar sem þúsundir Svía vor felldir en Svíar hafa síðan þjáðst af ofsóknarbrjálæði gagnvart Rússlandi.

Alls voru 600 felldir og særðir núna 3.september, 2024, að sögn eins af forsprökkum úkraínskra nýnasista. https://www.rt.com/russia/603462-poltava-signal-academy-ukraine/ Líklega fæstir Úkraínumenn, þá er búið að strádrepa eða flæma úr landi. Hermenn /"hersérfræðingar" frá Bretlandi, Póllandi, Frakklandi, Bandaríkjunum, Svíþjóð og fleiri stríðslöndum NATO hafa væntanlega verið í meirihluta í líkpokunum sem voru fluttir frá Poltava.

Utanríkisráðherra Svíþjóðar sagði af sér í kjölfarið. Falsfréttamiðlarnir útvörpuðu að hann hefið talið sig eiga skilið frí, verandi búiin að gera nóg gagn með því að koma Svíþjóð í NATO! Sem eru verstu utanríkispólitísku mistök Svía frá dögum Kalla tólfta. Ástæða brottreksturs hans er auðvitað misheppnaðar stríðsaðgerðir gegn Rússlandi. Poltava 2.

 

 

ESB-lög æðri íslenskum?

Evrópusambandið vill að Alþingi samþykki allsherjarreglu sem segir að verði árekstur milli EES-reglna og landslaga "-skuldbindur Ísland sig til þess að setja lagaákvæði þess efnis að EES-reglur gildi í þeim tilvikum" https://www.frjalstland.is/2020/10/15/esb-log-aedri-islenskum-logum/.

Núverandi ríkisstjórn, sem obbi landsmanna styður ekki, virðist nú ætla að láta Alþingi samþykkja þetta (bókun 35 við EES) svo lítið beri á https://heimssyn.blog.is/blog/heimssyn/entry/2305649/. Samþykktin yrði stjórnarskrárbrot og mundi í raun gera EES-samninginn marklaust plagg.

Stjórnvöld Íslands hafa mótmælt og jafnvel tekist að tefja sum skaðlegustu valdahrifs ESB, sem ESA sér um að nöldra um, þó Alþingi hafi oftast samþykkt EES-lögin möglunarlaust og án faglegs mats. Og Stjórnarráðið hefur gefið út óbreyttar þýðingar á EES-reglugerðum án gilds mats. Frjálst land spurðist fyrir um kröfu ESB um að ESB-fyrirtæki sitji við sama borð og íslensk fyrirtæki við úthlutun nýtingarréttar fallvatna og jarðvarma og svöruðu íslensk stjórnvöld þannig:

"Við skoðun málsins hafa komið fram rökstuddar efasemdir um að  þjónustutilskipunin eigi við um raforkuframleiðslu. Íslensk stjórnvöld hafa því ákveðið að fresta fyrirhuguðum lagabreytingum uns betri vissa er fengin fyrir því hvaða þjóðrétarlegu skuldbindingar hvíla á íslenska ríkinu að þessu leyti. Frumvarpið sem vísað er til í þingmálaskrá verður því ekki lagt fram á Alþingi á þesum vetri" (en meiningin hafði verið veturinn 2020 að setja í íslensk lög jafnt aðgengi ESB-fyrirtækja og íslenskra að jarðvarma og fallvötnum landsins) https://www.frjalstland.is/2020/04/10/svar-forsaetisraduneytis-vid-fyrirspurn-um-uthlutun-nytingarrettar-orkuaudlinda/

Ætli núverandi forsvarsmenn Íslendinga viti hvaða valdi hefur verið afsalað til útlanda?

Græðum á Klakanum

Loksins getum við farið að græða á hinni Guðsvoluðu eyðimörk sem Ísland hefur reynst Íslendingum. Samkvæmt hinum alræmda EES-samningi þjóna íslenskir fasteignasalar ekki bara Íslendingum heldur líka ESB- og EES-ingum. Þá vantar land undir t.d. vindmyllur og tískubóluna "kolefnisjöfnun" sem er orðin góð afsökun til að ná undir sig landareignum á Íslandi undir því yfirskini að rækta skóg og vinna gegn hlýrra loftslagi sem Íslendinga hefur dreymt um í 1150 ár.

Meira að segja afdalir á Norðurlandi eru á þeirra áhugasviði (Mbl 28.8.2024). Best að drífa í þessu áður en landabraskararnir komast að því að skógur á Norðurlandi drepst í kuldahretum, það sem er að byrja núna verður búið að drepa flest barrtré á Norðurlandi eftir nokkra áratugi.

En þó einhverjir gróðakeppir geti grætt á að selja land á Klakanum gera bændurnir í Vatnsdalnum meira gagn, þeir útvega landsmönnum hollan mat með því að rækta grænt gras. Grasið tekur up mikið af koltvísýring úr loftinu og skilar okkur honum í góðum mat.

Næsta valdarán

Bandaríkjamenn skipuleggja nú næsta valdarán á áhrifasvæði Rússa, og gömlu Ráðstjórnarríkjanna, það á að verða í Georgíu en áður hefur verið reynt að þvinga landið til hlýðni við bæði Bandaríkin og Evrópusambandið. Þetta segir leyniþjónusta Rússlands sem hefur oft reynst sannspá.

Valdaránið verður með svipuðu sniði og í Úkraínu fyrir rúmum tíu árum sem var upphafið að Úkraínustríðinu. Peningum er úthlutað til hreyfinga, óeirðaseggir ráðnir, rússlandsandstæðingar virkjaðir. https://www.interpressnews.ge/en/article/133086-russian-foreign-intelligence-americans-are-preparing-a-color-revolution-in-georgia/

Koltvísýringur er lífgjafi

Koltvísýringur er útmálaður sem mesta vá mannkyns og alls lífs á jörðinni. Þeir sem einhverja þekkingu hafa á umhverfi Jarðaryfirborðsins vita að andstæðan er sönn: Koltvísýringur er grunnefni lífsins á jörðinni og getur alrei orðið of mikill, áhrif hans á hitafar Jarðar eru mettuð.

Lofttegundin er mikilvægasta sporefnið í andrúmsloftinu þó hún sé aðeins 0,04% af loftinu, en þó hefur verið nærri 20-sinnum meira á blómatíma gróðursins síðustu 500 milljón árin.

Gróðurhúsaræktendur vita þetta. Þeir reyna að fá koltvísýring á hagstæðu verði en gróðurvöxturinn stóreykst hjá þeim ef þeir auka koltvísýringinn í gróðurhúsinu.

En staðan er orðin þannig að þeir verða að kaupa fokdýran koltvísýring á tönkum af Evrópusambandsfyrirtæki sem hefur náð einokun hér. Mikilli orku hefur verið eytt í að þrýsta koltvísýringnum á tankana sem gerir hann óhagkvæman.

Í landi þar sem hver einasti hver og gufuvirkjun blæs út koltvísýringi í miklu magni er þetta vægast sagt þjóðlegur ræfildómur. Það á að hreinsa koltvísýringinn frá gufuvirkjunum og leiða hann í rörum á lágum þrýstingi, og þar með lágu verði, til  góðurhúsasvæðanna. Þau hafa þegar varma og jafnvel rafmagn frá jarðhitanum, viðbótin með koltvísýringinn yrði hagkvæm. Og góð fyrir grænmetisneysluna og lýðheilsuna í landinu.

(Sjá Bændablaðið 15.8.2024)

 

 

Óþarfur dómstóll

Svo kallaður EFTA-dómstóll var settur á með EES-samningnum og er úrskurðaskrifstofa fyrir meint brot á honum. EES-samningurinn átti að ná yfir allt EFTA en stærsta landið hafnaði honum og er því laust við dómstólinn. Nafnið á honum er því rangnefni.

EFTA-dómstóllinn var frá byrjun óþarfur. Það eru aðeins íslenskir dómstólar sem hafa lögsögu til að fella aðfarahæfa dóma á Íslandi. Að láta erlendan dómstól hafa dómsvald hér samrýmist ekki stjórnarskránni sem þýðir að "dómar" EFTA-dómstólsins hafa ekkert gildi hér nema íslensk stjórnvöld samþykki þá. Íslenskir dómstólar eiga að fjalla um EES.

Evrópusambandið þenur stöðugt út sitt vald yir EES-löndunum. Þekkt er valdahrifsið í orkumálum og meðfylgjandi orkuskortur og orkuokur. Afskipti ESB af s.k. "loftslgsmálum" eru hrein vitfirring og mjög dýrkeypt. Óheillavænleg afskipti Brussel af utanríkismálumm hefur eyðilagt gróið friðarmannorð Íslands. Hernaðarbrölt og stíðsæsingar ESB eru komnar út í rakalausar öfgar og skapa vaxandi stríðshættu.

Dómarar EFTA-dómstólsins vilja fjölga dómurum vegna aukinna verkefna og benda á innlimun alskyns nýrra samninga í EES: Schengen, Dyflinarsamkomulagið, handtökuskipanasamninginn, Lugani samninginn sem setja alls kyns óþarfar og skaðlegar kröfur ESB á Ísland (sjá frétt í Morgunblaðinu 9.8.2024)

Frambúðar lausn til þess að stöðva valdahrifs Evrópusambandsins hér (og í Noregi og Liechtenstein) í skjóli EES-samningsins er að  segja samningnum upp og leggja þar með EFTA-dómstólinn niður.

Falskar vonir

Ein draumkenndasta EES-tilskipunin er nú í rörunum frá ESB: https://gagnagrunnur.ees.is/32024r1735. Reglugerð til að auka kolefnisfría framleiðslu https://eur-lex.europa.eu/legal-content/EN/TXT/HTML/?uri=OJ:L_202401735,

síðasta valdboð frá ESB í langri röð gegn evrópskum iðnaði og velmegun.

Eins og lesendum er kunnugt er Evrópusambandið að spilla fyrir þarlendum iðnaði með reglugerðakraðaki gegn m.a. kaupum á hagkvæmri orku, gegn notkun eldsneytis og með byggingu óhagkvæmra vindorkuvera. Eins og fleira frá ESB er þessi reglugerð sýndarmennska. Lönd ESB eru í óða önn að gangsetja kolaorkuver og gaslindir af því að almenningur hefur ekki efni á draumóraorkunni. En við Klakabúar höldum að ESB sé að undirbúa framtíðina og setjum allt EES-farganið á okkar reglubækur.

Efnahagshrörnun Evrópusambandsins er óstöðvandi. https://www.frjalstland.is/2023/07/01/fataektarmenning/#more-3092

Það eru aðeins tvö af löndum ESB sem hafa hærri rauntekjur á mann en Ísland (það eru peningasýslulöndin Luxemburg og Írland, við þekkjum hvers vaxtaokrið er megnugt fyrir eignamennina!) https://en.wikipedia.org/wiki/List_of_countries_by_GDP_(nominal)_per_capita

Ríkisstjórn vantar

Nú hafa 73% kjósenda áttað sig á að núverandi ríkisstjórn er ónýt.

Hún ræður ekki við vaxtaokrið og bankana sem stjórnast af ESB/EES-regluverki og geta akki þjónað almenningi, bara plægt inn ofsagróða. Hún ræður ekki við braskið með íbúðirnar og uppsprengt íbúðaverð, unga fólkið er verið að festa í fátækt. Vildarvinum áfram afhentar arðbærar ríkiseignir.

Og ekki er einu sinni reynt að losa landið undan áþján ESB/EES. Gagnslausar álögur "loftslagsmála" ESB eru komnar út úr kortinu og afætum sem selja orku frá virkjunum almennings fjölgar. Ekkert ræðst við stjórnlausan fólksinnflutning og þar með útgjöld, glæpi og öryggisleysi. Ríkisstjórnin lætur herlausa Ísland taka þátt og eyða miklu skattfé í svívirðilegan hernað í skjóli ESB og NATO.

https://www.mbl.is/frettir/innlent/2024/08/02/stundum_otharflega_margradda_rikisstjorn/

En hvað tekur við? Útlitið er ekki sérlega gott, stjórnmálaflokkarnir eru flestir villuráfandi eða ónýtir þó einhverjar undantekningar séu. Stóra spurningin er hvort kjósendum tekst eitthvað betur næst við að velja sér Alþingi og þar með nothæfa ríkisstjórn? Svinnir menn bíða og vona!