Er Noregur að snúa baki við EES?

Fyrirlestur í sal 105 á Háskólatorgi fimmtudaginn 21. mars klukkan 17:30

Er Noregur að snúa baki við EES?

Miklar umræður í Noregi um ACER, fullveldi og valkosti við EES. ALLIR VELKOMNIR! Fyrirlesturinn verður fluttur á ensku.

Morten Harper, rannsóknastjóri norsku samtakanna Nei við ESB (Nei til EU), flytur fyrirlestur í sal 105 á Háskólatorgi 21. mars kl 17:30 um breytta afstöðu í Noregi til EES-samningsins. Á síðustu misserum hefur umræðan um EES í Noregi tekið nýja stefnu, bæði hjá almenningi, stjórnmálaflokkum, verkalýðsfélögum, samtökum og sérfræðingum í málefnum sem EES snertir. Morten hefur fylgst með framkvæmd EES um árabil og skrifað greinar og skýrslur um ýmiss mál og rannsakað áhrifin af tilskipunum og öðrum valdsboðum EES í Noregi. Í fyrirlestrinum fjallar Morten um þróunina í umræðunni og í framkvæmd EES-samningsins. Og um mikil hagsmunamál, til dæmis 3. orkutilskipanapakka ESB. Hann segir frá hvernig umræðan um fullveldið og EES hefur þróast í Noregi. Hann fjallar um valkosti Noregs og þar með Íslands við EES en breytingin sem verður með Brexit er síst minni fyrir Noreg en Ísland. Nei til EU hefur tvisvar afstýrt inngöngu Noregs í ESB Heimssýn, Frjálst land, Herjan, Ísafold.

3 orkupakkinn er ekki "markaðspakki"

Í maí 2017 ákvað sameiginlega EES nefndinni (með atkvæði ísl. stjórnvalda), breytingu á IV. viðauka (Orka) við EES-samninginn og að taka upp nýjar tilskipanir á orkusviði.

Verulegar breytingar eru gerðar á orkuviðaukanum í EES samningnum. Þar er ESA, falið eftirlitshlutverkið fyrir ACER og getur kært íslenska lögaðila fyrir brot á þessum reglum og allur ágreiningur fellur undir EFTA/ESB dómstólinn í stað íslenskra dómstóla.(Þetta er að mati helstu lögspekinga landsins stjórnarskrárbrot) 

Þessar tilskipanir snúa einungis að tengingu raforkukerfa í Evrópu og þessar reglur eru enginn markaðspakki eins og iðnaðarráðherra heldur fram, heldur er um reglur og stjórn innri orkukerfa Evrópu. Ráðherrann blekkir almenning vísvitandi.

Hér að neðan eru þær tilskipanir á íslensku, sem tilheyra þessum "3ja orkupakka ESB":

"Reglugerðar um "Samstarfsstofnun eftirlitsaðila á orkumarkaði", (ACER), snýr að því að samhæfa orkukerfin í Evrópu,-yfir landamæri-. 

Reglugerð um tengingu raforkukerfa 714/2009, er um kerfisreglur og tengingu raforkukerfa yfir landamæri- 

Tilskipun um sameiginlegar reglur er um rekstur og eignarhald, og uppskiptingu ráðandi aðila.- Þess vegna er ríkisstjórnin að kaupa Landsnet, því ekki er heimilt að framleiðendur eigi í dreifikerfinu samkvæmt þessari tilskipun.

-Líklega mun Alþingi, þegjandi og hljóðalaust, afhenda erlendum embættismönnum stjórnvald yfir íslenskum orkuauðlindum og brjóta þannig stjórnarskránna. Það er ljóst af þróun EES samningsins að almenningur þarf að geta kært Alþingi og stjórnvöld fyrir stjórnarskrárbrot og samkvæmt stjórnarskránni ætti kæran að vera send Forseta Íslands.

 

Skrár tengdar þessari bloggfærslu:

• Acer
• Tenging raforkukerfa
• Rekstur og eignarhald

Kaup ríkisins á Landsneti, - forsenda 3 orkupakkans

Kannski hafa ekki allir áttað sig á því hvers vegna utanríkisráðherra er að fresta 3 orkupakkanum,- þ.e. að fresta að leggja fram þingsályktunartillögu um að aflétta fyrirvara Alþingis um 3 orkupakkann sem búið er að samþykkja í EES nefndinni af hálfu stjórnvalda. Í framhaldi af því leggur iðnaðarráðherra fram frumvarp um 3 orkupakkann.

Við skulum ekki ímynda okkur að stjórnvöld séu að hætta við að geðjast ESB í þessum óþarfa.

Ástæðan fyrir frestunni eru ákvæði um sameiginlegar reglur um innri markaðinn fyrir raforku (sjá meðf. skjal), þær reglur gera ráð fyrir algjörum eignaraðskilnaði framleiðslu og dreifingu raforku,því hefur iðnaðarráðherra boðað að ríkið kaupi eignahluta raforkufyrirtækjanna til að uppfylla þessi skilyrði 3 orkupakkans.

https://www.mbl.is/frettir/innlent/2019/02/28/hefja_vidraedur_um_kaup_a_landsneti/?fbclid=IwAR3K7kLLGC2RTt8bqz9sM5z8-I5bUHXLfeO414piPdzuBQ180qwSabs92RQ

Allt tal utanríkisráðherra um að verið sé að skoða málið er aðeins til að slá ryki í augu andstæðinga málsins. 

 

 

Skrár tengdar þessari bloggfærslu:

• Almennar reglur um skipulag raforkukerfisins

Við þurfum leyfi ESB til að halda Póstinum gangandi

Okkar gamli Póstur var eðli sínu samkvæmt einokunarfyrirtæki í eigu almennings þar til einkavæðingarkreddan tók hann, þó eiginlega bara að nafninu til svo einhverjir gætu fengið hærri laun. Ein afleiðingin er vafstur og vandi út af rekstrinum, einkarétti og samkepnisrekstri Íslandspósts ohf. Og nú vantar fé til að halda ÍSP ohf gangandi, þjóðin þarf póstþjónustu. En ríkisaðstoð er bönnuð í EES/ESB nema erindrekar ESB (eftirlitsstofnun EES, ESA) leyfi það, þeim hefur þegar verið gert viðvart (Fréttablaðið 14.3.2019).

"-Hafi ríkisaðstoð - verið tilkynnt ESA geta íslensk stjórnvöld ekki úrskurðað um það hvort aðstoðin sé í samræmi við leyfilegan opinberan fjárhagsstuðning fyrr en ESA hefur tilkynnt um sitt álit á málinu-" (úr samkeppnislögum ESB og Íslands)

Kannske er bara best að selja Íslandspóst til þeirra sem peninga eiga (til dæmis Deutsche Post eða einhverra slíkra).

Helsi EES

Annað slagið koma greinar um ágæti EES, til dæmis í Morgunblaðinu í dag, þær eru yfirleitt endurtekning á gömlu rangfærslunum og blekkingunum. Dæmi dagsins:

 

 

"-fékk Ísland aðgang að innri markaðnum-" Íslenskar vörur fengu tollfrelsi 21 árum fyrir EES-samninginn.

"-frjálst flæði fólks, vöru, þjónustu og fjármagns-" Hefur valdið miklum vandamálum. Frjálsa vöruflæðið er ekki frá alþjóðamarkaði, aðeins frá ESB.

"-ábati tollfríðinda 30 milljarðar-" Úr lausu lofti gripið, kostnaður af EES nemur hundruðum milljarða.

"-samningurinn færði okkur úr gjaldeyrishöftum-" Afnám gjaldeyrishafta var ein helsta ástæða Hrunsins, setja þurfti gjaldeyrishöftin á aftur með neyðarlögum!

"-lífsgæði okkar byggjast á frjálsum viðskiptum við önnur lönd-" það er rétt en með helsi EES erum við hlekkjuð innan viðskiptamúra ESB þar sem eru aðeins um 17% af heimsviðskiptunum.

Goðsagnirnar um EES

 

Bankakerfið hrundi, landbúnaðurinn næstur og...

Íslensku bankarnir leiddust í útrás, ofbólgu, brask og hrun með regluverki ESB. Landbúnaðurinn er næstur. Lýðheilsan fer með.

 

 

Og nú er á dagskrá að orkugeirinn  fari líka undir regluverk ESB að fullu. Í framhaldi af því mun iðnaðurinn hrynja.

Það er orðið tímabært að segja EES-tilskipanavaldinu upp áður en fleiri atvinnugreinar hrynja og taka íslensku velsældina með sér.

 

Skrípaleikur um EES

Formaður starfshóps utanríkisráðherra um EES, Björn Bjarnason, skrifar enn eina lofgreinina um EES í Morgunblaðið í dag og veifar gömlu rangfærslunum.

 

 

Starfshópur utanríkisráðherra um skoðun á EES hefur dæmt sig úr leik. Það verða að vera hlutlausir aðilar ef á að gera úttekt

Úttektin á EES orðin skrípaleikur

Allt fyrir ekkert

"-Íslandi má fórna fyrir EES-samninginn, landbúnaður og orkuauðlindir landsmanna er selt í hendur erlendra aðila og stjórnarskrárvörðu löggjafar- og dómsvaldi lýðveldisins fargað.

 

 

Utanríkisstefna ríkisstjórnarinnar breytir íslenskum embættismönnum í eftirlitsmenn með fljótvirkri innleiðingu á lögum ESB í íslenska stjórnsýslu. Hlutverk ríkisstjórnarinnar verður þvert á niðurstöðu lýðræðislegra kosninga að tryggja hagsmuni og völd Evrópusambandsins á Íslandi. EES-samningurinn er í höndum ríkisstjórnarinnar eins og djásn Smjagalls- "Allt fyrir ekket" -hringurinn-".

Allt fyrir ekkert samningurinn

Orkupakka 3 frestað

Ríkisstjórnin frestar enn að láta Alþingi samþykkja nýjasta EES-tilskipanahauginn um orkukerfið (orkupakka 3) sem er um yfirtöku ESB á stjórnvaldi yfir orkukerfinu (Mbl 2.3.2019). Mikil andstaða er meðal bestu manna við tilskipununum enda von, það er ekki fýsilegt að láta ESB stjórna orkumálum hér meðan sambandið getur ekki stjórnað sínum eigin orkumálum og eldar mótmæla gegn háu orkuverði loga á götum úti.

Mögulega verður pakkanum komið í gegnum Alþingi í skjóli nætur í sumar þegar þingmenn eru orðnir þreyttir og langar heim. Það tókst í fyrra með eitt þvælulegasta þvolgrið frá ESB, s.k."persónuverndarlög".

Orkustefnan er orðin hættuleg

Á ársfundi Landsvirkjunar kom fram hversu hættuleg orkustefnan er orðin. Ástæðan fyrir rokgróða Landsvirkjunar er óheyrilegt okur á orkunni til notenda, afsakað með þeim misskilningi að orkuverð hafi hækkað svo mikið á alþjóðavísu. "Alþjóða" þýðir hjá stjórnendum Landsvirkjunar ESB, heimur þeirra nær ekki lengra. Orkuverð er ekki að hækka að ráði almennt í heiminum, samkeppnislönd Íslands eru með lægra orkuverð en Landsvirkjun. Í ESB er orkan allt of dýr og atvinnuuppbygging löngu strönduð og orkuóeirðir á götum úti.

Greinilega er meiningin að flæma hesltu iðnfyrirtækin úr landi eða amk. stöðva uppbyggingu þeirra með háu orkuverði til þess að næg orka verði til fyrir sæstreng til ESB. Fyrirtæki flæmd úr landi

Iðnaðarráðherra heldur að EES-orkutilskipanapakki 1 og 2 hafi verið til bóta og að sá 3 verði það líka. Pakkar 1 og 2 gerðu orkugeirann óhagkvæmari, kluvu Landsnet út úr Landsvikjun og RARIK og gerðu að sérstökum fyrirtækjum (en í eigu Landsvirkjunar og RARIK!). Og nú á ríkið að kaupa Landsnet frá sínum eigin fyrirtækjum! Dæmigert ESB-fálm, Landsnet átti með réttu að vera hluti af Landsvirkjun, og viss hluti hjá RARIK, ef hagkvæmni hefði verið gætt.

Besti arður sem Landsvirkjun getur greitt þjóð sinni er að halda orkuverði til heimila og fyrirtækja í landinu eins lágu og hægt er. Lágt orkuverð er grundvöllur lífsgæða. Landsvirkjun á eftir að byggja virkjanir fyrir hundruðir milljarða, mannfjöldinn vex og aftur þarf að hefja iðnaðaruppbyggingu, hæstu almennu laun sem hægt er að borga á Íslandi eru hjá orkuiðnaði. Landsvirkjun þarf að borga nokkur hundruð milljarða skuldir. Landsvirkjun þarf að þróa og byggja upp djúphitanýtinguna sem kostar margfaldan gróða Landsvirkjunar en er framtíðar orka landsins.

Að taka fé Landsvirkjunar í gæluverkefnasjóð með óljós markmið er bruðl og misnotkun fyrirtækis í almannaþágu. Fé Landsvirkjunar á að fara í að efla hagsæld með því að lækka orkuverð og stuðla að nýjum iðnaði og uppbyggingu. Og að greiða upp skuldir sem þjóðin er í ábyrgð fyrir. ("Landsvirkjun greiði 3-4 milljarða í arð", mbl.is 28.2.2019)