Stóri bróðir er óskeikull

Nú hefur Alþingi framið enn eitt valdaafsalið til Evrópusambandsins og sett bann á að íslensk stjórnvöld stjórni:

-"Raforkueftirlitið er sjálfstætt" - "og getur ráðherra eða orkumálastjóri ekki gefið fyrirmæli (um eftirlitið) - Raforkueftirlitið skal hafa samráð við Samkeppniseftirlitið-" https://www.althingi.is/altext/154/s/1180.html

Alþingi braut stjórnarskrána 2017 með bankalögum stórríkis ESB:

-"Tilgangur laga þessara er að lögfesta evrópskt (les ESB) eftirlitskerfi á fjármálamarkaði- -Ákvarðanir ESA samkvæmt lögum þessum eru aðfarahæfar sem og dómar og úrskurðir EFTA-dómstólsins"- https://www.althingi.is/lagas/nuna/2017024.html

Fyrsta stjórnarskrárbrot Alþingis eftir EES-samþykktina, 1993, var samkeppnislögin frá ESB. Þau og Samkeppniseftirlitið standa í vegi fyrir hagræðingu fyrirtækja í landinu. https://www.althingi.is/altext/stjt/2005.044.html

https://www.frjalstland.is/2021/04/01/samkeppniseftirlitid-skadar-samkeppnishaefnina/

Nýleg persónuverndarlög, sem ESB setti til að þrengja að stóru amerísku netfyrirtækjunum, voru sett í andstöðu við landslög sem og aðila sem málið varðaði. https://www.frjalstland.is/personuverndarlog-esb/

Úr texta frumvarpsins:

- Stofnunin "Persónuvernd - tekur ekki við fyrirmælum frá stjórnvöldum- Ákvörðun Persónuverndar - verður ekki skotið til annarra (Íslenskra) stjórnvalda - Evrópska Persónuverndarráðið - stofnun á vegum ESB - skal hafa réttarstöðu lögaðila-" http://www.efta.int/sites/default/files/media/documents/legal-texts/eea/other-legal-documents/translated-acts/icelandic/i32016R0679.pdf

Svindlgróði

Þjófalöndin, sem reka áfram loftslagssvindlið, eru farin að græða fúlgur á "loftslagslánum" til fátækra landa. Frakkland, Bandaríkin, Þýskaland, Japan og fleri rík lönd moka nú heim fúlgum af vöxtum af þessum lánum.

Þegar Kyoto- og Parísar-samningunum var logið inn á heimsbyggðina sögðu þau að fátæku löndin þyrftu mikla fjárstyrki til þess að berjast gegn "loftslagsbreytingum".

Það var að sjálfsögðu blekkingaleikur byggður á vísindafölsunum og efndirnar urðu eins og venjulega: rupl og þjófnaður á eigum fátækra landa. https://www.reuters.com/investigates/special-report/climate-change-loans/

Hvernig vorum við login í EES?

Eftir þöggun og rangfærslur síðustu áratuga hefur umræðan um sjálfstæði landsins og EES tekið við sér í vetur í aðdraganda forsetakosninganna. Og jafnvel hefur hár lygamúrinn verið klifinn af mönnum sem þekkja til.

Hvernig voru Íslendingar vélaðir í EES?

Örþrifalygar Breta

Eins og Íslendingar hafa langa reynslu af er Bretastjórn þróuð við að dreifa lygum, sérstakelga um Rússa og Kínverja sem þeir bæði öfunda og hræðast. Risi (paki), sem sér fram á að tapa næstu kosningum, tekur nú upp gamalreynda Rússagrýlu, utanríkisráðherran Cameron segir að Rússar ætli að hefja kjarnorkustríð gegn Vestur-Evrópu sem er ósannfærandi, V-Evrópa er orðin auðlindasnauð fátæktarnýlenda kratagræningja, innflutttra þróunarlandabúa og lélegs skriffinnskubákns og því ekki áhugaverð fyrir Rússa.

https://www.rt.com/russia/597564-russia-uk-desperate-lies/

Og undir stríðsæsingarnar taka gáfnaljósin sem hafa troðið sér til valda á Norðurlöndum og á Tatarasvæðunum, í andstöðu við gáfaða og menntaða Norðurlandabúa sem reyndu lengi að forða Svíum og Finnum frá NATO en gáfust upp fyrir orustuflugvélaframleiðendum Svía og Norðmanna sem lifa á tækni frá Bandarískum fyrirtækjum.

https://slmk.org/nyheter/regeringen-later-sverige-bli-maltavla-for-karnvapen/

Íslendingar verða að segja sig frá stríðsæsingaleppunum í NATO og ESB áður en kjarnorkstyrjöld þeirra hefst, hún er ekkert verri en hlýnun loftslags segir gáfnaljósið Blinken sem situr í stól utanríkisráherra hjá mistaka-Biden. Kannske mismælti hann sig bara eins og Biden? https://www.frjalstland.is/2023/12/19/stridsundirbuningur/

NATO úrelt

Það var afkastamesti manndrápaleiðtogi vestrænna forustumanna, Harry Truman, sem lét menn sína drepa íbúa tveggja borga í Japan þegar landið var búið að tapa stríðinu. Manndráp félaga Churchill á borgurum Dresden rétt fyrir stríðslok í Evrópu sýndu að kjarnorkusprengjur þarf ekki alltaf til að útrýma almenningi.

Blóðlyktin var hvati frekari stórræðna. Félgarnir stofnuðu NATO 4 árum eftir stríðslokin, til að verjast Moskvukommúnistunum, en þá var búið með lygum að búa til alsherjar óvin úr bandamönnum þeirra, Rússum, sem unnu stríðið í Evrópu fyrir þá. https://www.frjalstland.is/2024/03/30/ovinur-buinn-til/

Þegar svo Moskvukommúnisminn var leystur upp (25.12.1991) var tími NATO liðinn. En þá kom sannleikurinn í ljós:  NATO var ekkert "varnarbandalag"  og aldrei ætlað að berjast eingöngu við Moskvukommúnismann heldur var það stríðssamvinnufélag Bandaríkjanna & Co til þess að undiroka, einoka, ræna auðlindir og drepa fólk (Írak, Afganistan, Lybía, Jugoslavia, Sýrland, Yemen, Úkraína, Palestína). NATO var því aldrei lagt niður heldur þanið austur um alla Evrópu þegar misheppnaður leiðtogi Ráðstjórnarríkjanna, Gorbaschef, hafði heimilað sameiningu Þýskalands eftir að NATO-forsprakkar höfðu logið hann fullan. https://nsarchive.gwu.edu/briefing-book/russia-programs/2017-12-12/nato-expansion-what-gorbachev-heard-western-leaders-early

Aftur bankarán?

Klíkur stjórnarflokkanna vilja nú koma bönkum þjóðarinnar alfarið úr almannaeigu í hendur útvaldra í fjármálabraskinu. Ekki í fyrsta skiptið!

Þegar nýfrjálshyggjan (a Friedman og Hayek) hafði rutt gömlu hagkennurunum (Samuelson og Schumpeter) út á kant, og blindað barnslega og spillta íslenska stjórnmálamenn, afhentu þeir sínum flokksbræðrum fyrirtæki þjóðarinnar, með góðu eða illu, blekkingum eða lygum. Bankakerfið var afhent í heild sinni en það hafði haldið landsmönnum og þeirra fyrirtækjum gangandi í áratugi mestu uppbyggingar í sögu Íslands.

Nýfrjálshyggjan var að sjálfsögðu hönnuð til þess að efla stórfyrirtæki Bandaríkjanna og ætluð til þess að hjálpa þeim að rupla og féfletta trúgjarna um heimsbyggðina. Til voru vísir menn um allan heim sem vörðust og höfnuðu falskenningunum og margir öflugir bankar https://en.wikipedia.org/wiki/Public_bank og stórfyrirtæki https://sg.finance.yahoo.com/news/singapore-airlines-reports-record-operating-233000277.html?guccounter=1

út um allan heim eru áfram í almannaeigu og sum í fremstu röð. Einkabankar enda oft á hausnum og á framfæri almennings eins og einkavæddu íslensku bankarnir gerðu 2008.

Bábiljuspekingar og nýfrjálshyggjuafturgöngur eru enn á kreiki og vilja einkavæða helst allt sem þjóðin á eftir. Þeir einkavæddu ekki bara banka þjóðarinnar um aldamótin síðustu heldur komu líka á regluverki EES sem var himnasending fyrir braskarana, gaf þeim starfsleyfi í ESB/EES og heimilaði bæði nýju eigendunum, vildarvinunum og bankastjórunum að maka krókinn með fé bankanna Þeir voru svo grænir að þeir áttuðu sig ekki á að verðir heimsfjármálamiðstöðvarinnar í London, þar sem þeir höfðu plantað sér, mundu aldrei þola fiskimannasonum ofan af Klakanum  að kroppa í svikamyllu fjármálafinngálknsins í Bretlandi. Enda kom á daginn að Bretar gjaldþrotuðu þá og allt íslenska bankakerfið í leiðinni. Og íslenskir skattgreiðendur fengu allt í fangið eins og við mátti búast.

Og nú segja fjárplógsklíkur stjórnarflokkanna að ríkið eigi að selja sinn hlut í bönkunum  "og nota féð í innviði-" (gáfnaljós eiga að vita að bankar eru mikilvægir innviðir). Þeir ætla næst að koma hlut þjóðarinnar í Íslandsbanka til velunnara í braskinu sem geta þá mögulega komist í feitt og leikið sér með þjóðareign.

Einkavæðingin ásamt með löggildingu EES-bankaregluverksins setti marga Íslendinga í þrot og fór nærri að setja Ísland í þrot. Þrátt fyrir að neyðarlög hafi tekið EES úr sambandi og Ólafur Ragnar, Sigmundur Davíð og Bjarni Ben hafi bægt hrægömmunum frá og bjargað ríkissjóði, standa löskuð flök af gömlu þjóðarbönkunum, og áframahaldandi áþján EES, í vegi fyrir að unga fólkið geti byggt upp sitt húsnæði og sinn efnahag.

Stór hluti bankakerfisins þarf að vera í almannaeigu og í sparisjóðakerfi til þess að geta þjónað Íslendingum en ekki peningaþvottalögreglu Evrópusambandsins og EES.

https://www.frjalstland.is/2023/07/01/fataektarmenning/

https://www.newyorker.com/magazine/2023/07/24/the-rise-and-fall-of-neoliberalism

https://consortiumnews.com/is/2022/07/01/ukraine-is-the-latest-neocon-disaster/ (tölvuþýðing)

 

Kísilverksmiðja í gang

                                                                        Kísilmálmverksmiðjunni Helguvík var á sínum tíma lokað af Umhverfisstofnun, kvartanir bárust frá einhverjum Keflvíkingum sem fundu lykt ekki síst þegar vindur stóð á haf út og meint mengun hefði farið þangað! Lokun verksmiðjunnar var valdníðlsa, ekki var sannað að hún hefði farið yfir sett mengunarmörk.

EES-regluverkið um mengun frá iðnaði er flókið og óhnitmiðað en túlkað af geðþótta út fyrir ystu æsar af íslenskum stofnunum. Það hamlar iðnaðaruppbyggingu en í kísilmálmverksmiðjur er settur mengunarhreinsibúnaður sem tekur obbann af menguninni.

Mogginn segir að einhver hafi áhuga á að koma hinni verklausu kísilverksmiðju í gang (Mbl 18.4.2024) en hún er hönnuð og tækjavædd af einhverju stærsta fyrirtæki heims í tækni kísilmálmframleiðslu. Spurningin er hvort hægt verður að setja hana í gang meðan íslenska stofnanafarganið starfar eftir nöldurskjóðum og EES/ESB-regluverkinu sem þegar hefur flæmt stóran hluta af hráefnaiðnaði V-Evrópu burt.

Svo er það annað mál en farið er að eyða raforku þjóðarinnar í óþarfa í nafni orkuskipta og klefnishlutleysis í stað þess að nota orkuna til verðmætasköpunar. Meðal annarra heimskustrika fá menn nú umhverfisspillandi rafhlöðubíla með styrk frá skattgreiðendum meðan umhverfisvænstu bílarnir, sem nota ódýra, hagkvæma og umhverfisvæna orku bensíns og díselolíu, eru seldir með okursköttum og eldsneytið er selt á tvöföldu verði.

Máttlaus ríkisstjórn?

Nýja ríkisstjórnin verður vonandi ekki eins máttlaus og sú fyrri sem gat ekki varið þjóð sína fyrir

-okurálögum á flugfélög, skipafélög og iðnað

-dýrum og heftandi EES-tilskipunum

-stöðnun í uppbyggingu orkuvera og iðnaðar

-óframkvæmanlegu regluverki um orkuskipti og "kolefnishlutleysi"

-áframhaldandi rupli braskaranna úr Hruninu og sulti fórnarlamba þess

-stríðsþáttöku gegn landi sem "friðelskandi" Ísland á ekkert sökótt við-

-innflæði óþekktra þróunarlandabúa og EES-aðila

-vanhæfni um bóluefni og flensuviðbrögð

-færslu landareigna til útlendinga

-hnignun íslenskrar tungu

-siðmenningarlegri upplausn

-EES-samningnum og ósjálfstæði; stjórn Evrópusambandsins yfir Íslandi

-o.s.frv.

Nýja ríkisstjórnin fær nóg að gera ef hún ætlar að færa afleiðingarnar af máttleysi fyrri stjórnar til betri vegar.

EES-svelgurinn stækkar

Tilskipanavaldið (ESB) ætlar nú að heimta fé af þeim sem enn hafa sloppið við að borga fyrir losun gróðurhúsalofttegunda.

Íslensk stjórnvöld sjá um að koma EES-áþjáninni á.

Tilskipun 2023/859 fyrirskipar viðskiptakerfi "sem mun ná utanum losun frá byggingum, vegasamgöngum og viðbótargeirum"-. Þetta nýja kerfi, "ETS2-kerfið verður rekið samhliða ETS-kerfinu en losun frá því mun áfram reiknast sem samfélagslosun sem fellur undir svokallaða beina ábyrgð ríkja-"(ESR, nr 2018/842)

Skilji nú hver sem betur getur óráðssvamlið (skriffinnamálið) frá Brussel í íslenskri þýðingu! ETS-kerfið tottar fleiri og fleiri milljarða af íslenskum fyrirtækum í losunarkvótabrask, flugfargjöld hækka, vöruverð hækkar, útflutningstekjur minnka, fátæktin eykst eins og í ESB en ESB-braskarar fitna!

https://samradapi.island.is/api/Documents/ae7b1e88-47cf-ee11-9bc1-005056bcce7e

Útblástur koltvísýrings og hauglofts frá mannsathöfnum hefur ómælanleg áhrif á loftslag Jarðar. Stærstu bankar heims, sem létu áður vélast af græna fagurgalanum https://www.climateaction100.org/, eru nú að hætta að veita "grænum fjárfestingum" forgang. Þær borga sig ekki og bankamenn trúa ekki lengur á "grænu" blekkingarnar. https://www.theguardian.com/business/2024/mar/05/us-banks-leave-esg-finance-climate-crisis

West Virginaríki hefur bannað fjóra stóra banka frá þáttöku í verkefnum vegna andstöðu bankanna við jarðefnaeldsneytisiðnaðinn og þáttöku í ESG-stefnunni um "sjálfbærarar" fjárfestingar. https://www.foxbusiness.com/politics/west-virginia-cracks-down-on-major-banks-over-environmental-activism

En Evrópusambandið heimilar sínum stórmeðlimum að reka kola- og gasorkuver þó við eyjarskeggjarnir (sem álpuðumst til að láta lélegt (eða timbrað?) alþinig veita því vald hér) séum látnir blæða fyrir að nota eldsneyti.

Ríkisstjórn Íslands býður mönnum að gera athugasemdir við lagafrumvörp á Samráðsgátt https://island.is/samradsgatt/mal/3686 Það er blekkingaleikur, EES/ESB-tilskipunum er aldrei breytt, þær verða alltaf að lögum og reglugerðum með sama innihaldi og þegar þær komu frá Brussel (nema þær séu um skipaskurði, járnbrautir eða gasröralagnir), stundum er bætt við einhverjum óþarfa frá brjósti ESB-hermikráka hér.

 

Stríð að skella á

Eitt af gáfnaljósum ESB, og núverandi forsætisráðherra Póllands, Donald Tusk, segir að nú séru fyrirstríðstímar. 

https://www.mbl.is/frettir/erlent/2024/03/29/evropa_nu_a_fyrirstridsarum/

Dómsdagsspámannakór Evrópusambandsins fékk góðan samherja þegar Macronapoleon Frakklandskeisari sagði að gæti þurft að senda franska hermenn til bardaga við Rússa (þeir eru þegar mættir).

Sjálfskipaða spámenn og ofurgáfaða leiðtoga Vesturlanda hefur lengi langað til að splundra Rússlandi og komast í auðlindir þess, Napoleon reyndi 1812, Hitler 1941 og Churchill og Truman mótuðu stríðsstefnu gegn Rússlandi 1946. https://www.frjalstland.is/2024/03/30/ovinur-buinn-til/

Obama og Biden tóku upp stríðsþráðinn 2014 og komu af stað stríði gegn Rússunum í Donbas.