Óþarfur dómstóll

Svo kallaður EFTA-dómstóll var settur á með EES-samningnum og er úrskurðaskrifstofa fyrir meint brot á honum. EES-samningurinn átti að ná yfir allt EFTA en stærsta landið hafnaði honum og er því laust við dómstólinn. Nafnið á honum er því rangnefni.

EFTA-dómstóllinn var frá byrjun óþarfur. Það eru aðeins íslenskir dómstólar sem hafa lögsögu til að fella aðfarahæfa dóma á Íslandi. Að láta erlendan dómstól hafa dómsvald hér samrýmist ekki stjórnarskránni sem þýðir að "dómar" EFTA-dómstólsins hafa ekkert gildi hér nema íslensk stjórnvöld samþykki þá. Íslenskir dómstólar eiga að fjalla um EES.

Evrópusambandið þenur stöðugt út sitt vald yir EES-löndunum. Þekkt er valdahrifsið í orkumálum og meðfylgjandi orkuskortur og orkuokur. Afskipti ESB af s.k. "loftslgsmálum" eru hrein vitfirring og mjög dýrkeypt. Óheillavænleg afskipti Brussel af utanríkismálumm hefur eyðilagt gróið friðarmannorð Íslands. Hernaðarbrölt og stíðsæsingar ESB eru komnar út í rakalausar öfgar og skapa vaxandi stríðshættu.

Dómarar EFTA-dómstólsins vilja fjölga dómurum vegna aukinna verkefna og benda á innlimun alskyns nýrra samninga í EES: Schengen, Dyflinarsamkomulagið, handtökuskipanasamninginn, Lugani samninginn sem setja alls kyns óþarfar og skaðlegar kröfur ESB á Ísland (sjá frétt í Morgunblaðinu 9.8.2024)

Frambúðar lausn til þess að stöðva valdahrifs Evrópusambandsins hér (og í Noregi og Liechtenstein) í skjóli EES-samningsins er að  segja samningnum upp og leggja þar með EFTA-dómstólinn niður.

Falskar vonir

Ein draumkenndasta EES-tilskipunin er nú í rörunum frá ESB: https://gagnagrunnur.ees.is/32024r1735. Reglugerð til að auka kolefnisfría framleiðslu https://eur-lex.europa.eu/legal-content/EN/TXT/HTML/?uri=OJ:L_202401735,

síðasta valdboð frá ESB í langri röð gegn evrópskum iðnaði og velmegun.

Eins og lesendum er kunnugt er Evrópusambandið að spilla fyrir þarlendum iðnaði með reglugerðakraðaki gegn m.a. kaupum á hagkvæmri orku, gegn notkun eldsneytis og með byggingu óhagkvæmra vindorkuvera. Eins og fleira frá ESB er þessi reglugerð sýndarmennska. Lönd ESB eru í óða önn að gangsetja kolaorkuver og gaslindir af því að almenningur hefur ekki efni á draumóraorkunni. En við Klakabúar höldum að ESB sé að undirbúa framtíðina og setjum allt EES-farganið á okkar reglubækur.

Efnahagshrörnun Evrópusambandsins er óstöðvandi. https://www.frjalstland.is/2023/07/01/fataektarmenning/#more-3092

Það eru aðeins tvö af löndum ESB sem hafa hærri rauntekjur á mann en Ísland (það eru peningasýslulöndin Luxemburg og Írland, við þekkjum hvers vaxtaokrið er megnugt fyrir eignamennina!) https://en.wikipedia.org/wiki/List_of_countries_by_GDP_(nominal)_per_capita

Ríkisstjórn vantar

Nú hafa 73% kjósenda áttað sig á að núverandi ríkisstjórn er ónýt.

Hún ræður ekki við vaxtaokrið og bankana sem stjórnast af ESB/EES-regluverki og geta akki þjónað almenningi, bara plægt inn ofsagróða. Hún ræður ekki við braskið með íbúðirnar og uppsprengt íbúðaverð, unga fólkið er verið að festa í fátækt. Vildarvinum áfram afhentar arðbærar ríkiseignir.

Og ekki er einu sinni reynt að losa landið undan áþján ESB/EES. Gagnslausar álögur "loftslagsmála" ESB eru komnar út úr kortinu og afætum sem selja orku frá virkjunum almennings fjölgar. Ekkert ræðst við stjórnlausan fólksinnflutning og þar með útgjöld, glæpi og öryggisleysi. Ríkisstjórnin lætur herlausa Ísland taka þátt og eyða miklu skattfé í svívirðilegan hernað í skjóli ESB og NATO.

https://www.mbl.is/frettir/innlent/2024/08/02/stundum_otharflega_margradda_rikisstjorn/

En hvað tekur við? Útlitið er ekki sérlega gott, stjórnmálaflokkarnir eru flestir villuráfandi eða ónýtir þó einhverjar undantekningar séu. Stóra spurningin er hvort kjósendum tekst eitthvað betur næst við að velja sér Alþingi og þar með nothæfa ríkisstjórn? Svinnir menn bíða og vona!

Loftslagslygastofnun ESB

"Hlýjasti dagur frá upphafi" var 21. júlí síðastliðinn segir Copernicus, loftslagsbreytingaskrifstofa Evrópusambandsins! https://climate.copernicus.eu/new-record-daily-global-average-temperature-reached-july-2024

Þessi áróðursstofnun ESB heitir eftir hinum fræga Prússneska (eða Pólska) stjörnufræðingi Nikolaj Kopernik sem var einn af vísindamönnum endurreisnarinnar sem afhjúpaði þess tíma lygar: Bábiljur Kirkjunnar um heimsmyndina. ESB reynir að fegra sínar lygar með nöfnum vísindamanna.

Hlýjasta tímabil sem komið hefur síðan mælingar hófust var á 4. áratug 20 aldar. Hlýjustu árin voru 1939 á Íslandi og 1936 í Bandaríkjunum. https://www.frjalstland.is/wp-content/uploads/2021/03/Loftslag-%C3%A1-%C3%8Dslandi.pdf

Von að vestan, vol að austan

Bjartar vonir hafa nú vaknað um að Bandaríkin taki aftur að leiða heiminn með jákvæðum aðgerðum og fyrirmyndum. Ef vel fer tekur ábyrgur forseti við Hvíta Húsinu eftir hálft ár sem mun leggja áherslu á að stöðva vopnaskak og hernaðinn gegn Rússlandi og Palestínu. Það mistókst að myrða hann en heriðnaðarbáknið og bankaeigendurnir munu bregða fæti fyrir hann af fremsta megni.

Donald Trump er ekki ómerkingur eins og stjórnmálamaður, hann hefur kjark til þess að stjórna án tillits til sérhagsmuna stórfyrirtækjaveldisins/heriðnaðarkerfisins og umhverfistrúarkirkjunnar. Hann kemur úr heimi atvinnurekstrar og hefur jarðsamband og raunveruleikaskyn. Vonandi tekst honum að eyða Parísarsamkomulaginu og stöðva grænu vitfirringuna sem er að eyðileggja orkumál og velmegun margra landa. Og spilltar og óþarfar bábiljustofnanir Sameinuðuþjóðanna er vonandi að hann taki til yfirhalningar enda fjármagnaðar að miku leyti af Bandaríkjunum.

Það vakna aftur á móti engar bjartar vonir i Vestur-Evrópu. Þar heldur ánauð Evrópusambandsins og varasamra leiðtoga áfram. Nýgamla talskona ESB, Ursula, og nýgræðingastjórn Breta, ætla að leggja áherslu á hernaðarbrölt og eldsneytisbann. Það leiðir til enn meiri fátæktar og að lokum stríðs við Rússland sem gömlu heimsveldin í ESB munu tapa eins og ávalt áður.

Ísland kært

ESA, skrifstofan sem á að passa að Ísland taki upp allar EES-tilskipanirnar, sendir enn eitt bréfið og heimtar útvíkkað opinbert eftirlit. Alþjóð veit að eftirlitið á grunni "Evrópureglugerðanna" er orðið ofbólgið. "Er það því niðurstaða ESA að Ísland hafi ekki uppfyllt skyldur sínar samkvæmt EES-reglum um opinbert eftirlit."

ESA ætlar að kæra Ísland fyrir EFTA-dómstólnum sem hefur það verkefni að dæma Ísland , Noreg og Liechtenstein til að hlýða ESB, EES-tilskipunum. Hann er fríverslunarsamtökunum EFTA óviðkomandi.

ESA og EFTA-dómstóllinn mega sprikla eins og þeim sýnist, íslenskum stjórnvöldum ber ekki skylda til að hlýða þvaðrinu þaðan. Það er aðeins þegar okkar stjórnvöld missa máttinn og beygja sig undir þvaðrið sem við lendum í vandræðum. Hefðu þessar skrifstofur fengið framkvæmdavald og dómsvald hefði það verið stjórnarskrárbrot og ógildur verknaður

En það eru ennþá til menn með stjórnvaldsábyrgð hér sem halda að EES-samningurinn sé góður og gildur og krefjist skilyrðislausrar hlýðni við Evrópusambandið.

https://www.mbl.is/frettir/innlent/2024/07/11/island_faer_harda_utreid_hja_esa/

Undirokaðir leiguliðar

Undirokaðir leiguliðar komust ekki úr fátæktinni og ósjálfstæðinu fyrr en þeir urðu sjálfir eigendur sinna bæja. Fram að því hirtu eignamenn afraksturinn af þeirra striti. Um það leyti sem Jón Sigurðsson forseti hóf sína sjálfstæðisbaráttu voru aðeins um 40.000 Íslendingar til, færri en útlendingarnir sem búa hér nú. Hungur, fátækt og vesöld höfðu fellt meirihluta þjóðarinnar.

Núverandi máttlausu stjórnvöld landsins hafa misst stjórn á húsnæðismálum og fjármálum lands og þegna til Brussel svo nú er þróunin afturábak í átt að armæðu fátæklinganna eins og á 18.öld.

Af 1304 íbúðum sem komu til nota á fyrri helmingi ársins (2024) voru aðeins 39 sem keyptar voru af fyrstu kaupendum, eða um 3%, afgangurinn komst í eigu leigusala eða braskara. Á árunum 2018-2021 var árleg fjölgun eiginíbúða 2347 á ári að meðaltali eða meir enn 50% af byggðum íbúðum. Það hefur því orðið algert hrun í eignamyndun unga fólksins í landinu.

Velmegun og menning Íslendinga náði hærra en skyldra landa þegar landsmenn urðu að miklu leyti sjálfstæðir eigendur sinna húsa. Leiguliðar undirokaðir af eignamönnum, bönkum og bröskurum geta ekki stjórnað sínu lífi

(Sjá nánar grein Sigurðar Ingólfssonar í Morgunblaðinu 6.7.2024)

Skilurðu sænsku?

Svíar frændur hafa alla tíð átt mikla hugsuði þó okkur finnist þeim hafi hnignað niður í skrílsmenningu og stríðsæsingar Vesturlanda upp á síðkastið. En það er eins með gáfumennina í Svíþjóð og víðar hér á Vesturlöndum, þeir eru margir útilokaðir frá einokandi falsfréttamiðlunum og ekki teknir í umræðuna.

En hlustaðu á Staffan Mörner útskýra að loftslagsstjórnmál eru að leiða til meiri áfalla fyrir mannkyn en hinar ætluðu loftslagsbreytingar geta nokkru sinni komið af stað. https://swebbtv.se/w/gvPBRY5zdn9acZfcs6NtXe

Loftslagsbreytingarnar eru stöðugt í gangi en mannkyn hefur hverfandi áhrif á þær. Hlýjasta tímabilið frá því Litlu Ísöldinni lauk var um 1940, síðan hefur kólnað. https://www.frjalstland.is/wp-content/uploads/2021/03/Loftslag-%C3%A1-%C3%8Dslandi.pdf

Evrópuslepjan

Íslendingar hafa ennþá hæstu tekjur í Evrópu þegar frá eru talin fjársýslulöndin Luxemburg, Sviss, Noregur og Írland. Noregur, Sviss og Ísland eru ekki í Evrópusambandinu og ekki með evru, og Sviss er ekki í EES, sem er hluti af skýringunni. Íslendingar hafa hærri tekjur á mann en allar helstu iðnaðarþjóðir Evrópu (Morgunblaðið 21.6.2024).

Það er löngu ljóst hverjar eru helstu ástæðurnar:

Uppblásið regluverk og stjórnvaldsafskipti eru helsti dragbíturinn á atvinnustarfsemi og þróun í Evrópu. https://www.investopedia.com/terms/e/eurosclerosis.asp Ísland fær mikinn hlua regluverksins gegnum EES og sígur stöðugt á ógæfuhliðina.

Bábiljur um hlýnun loftslags og tilraunir til að afnema eldsneyti hafa spillt orkubúskap V-Evrópulanda. Orkuverð orðið of hátt og orkan óörugg, fátækt og samdráttur afleiðingar.

https://www.frjalstland.is/2023/10/16/loftslagsherferdin-topud/

Viðskiptabönn á Rússland, mikilvægasta birgjann á olíu, gasi, kjarnakleyfi, létt- og sérmálmum og smíðamálmum, hefur valdið iðnaðarsamdrætti og versnandi efnahag.

Menningarupplausn, framandi trúarbrögð, hryðjuverkaógn og lögleysa illviðráðanleg. Fólksfækkun, fátækt, vonleysi og svartsýni og skortur á framtíðarsýn sem dómsdagsspár um loftslagshlýnun og fleiri bábiljur valda.

Flóttamannastraumur frá löndum þar sem Bandaríkin og bandamenn þeirra hafa rekið hernaðarafskipti: Úkraínu, Sýrlandi, Palestínu, Afganistan, Írak o.fl.

Hernaðurinn gegn Rússlandi er baggi á almenningi auk þess að vera stórhættulegur og valda almenningi hræðslu.

Kjósendur í Evrópu eru komnir af stað með að losa löndin við stríðsóðu grænu ráðamennina sem hafa komið þeim í fátækt, orkukreppu og svartsýni. https://www.france24.com/en/live-news/20240610-green-parties-suffer-eu-poll-drubbing

Ísland situr fast í hnignun Evrópusambandsins meðan EES-samningurinn er látinn gilda. https://www.frjalstland.is/2023/07/01/fataektarmenning

 

Stóri bróðir er óskeikull

Nú hefur Alþingi framið enn eitt valdaafsalið til Evrópusambandsins og sett bann á að íslensk stjórnvöld stjórni:

-"Raforkueftirlitið er sjálfstætt" - "og getur ráðherra eða orkumálastjóri ekki gefið fyrirmæli (um eftirlitið) - Raforkueftirlitið skal hafa samráð við Samkeppniseftirlitið-" https://www.althingi.is/altext/154/s/1180.html

Alþingi braut stjórnarskrána 2017 með bankalögum stórríkis ESB:

-"Tilgangur laga þessara er að lögfesta evrópskt (les ESB) eftirlitskerfi á fjármálamarkaði- -Ákvarðanir ESA samkvæmt lögum þessum eru aðfarahæfar sem og dómar og úrskurðir EFTA-dómstólsins"- https://www.althingi.is/lagas/nuna/2017024.html

Fyrsta stjórnarskrárbrot Alþingis eftir EES-samþykktina, 1993, var samkeppnislögin frá ESB. Þau og Samkeppniseftirlitið standa í vegi fyrir hagræðingu fyrirtækja í landinu. https://www.althingi.is/altext/stjt/2005.044.html

https://www.frjalstland.is/2021/04/01/samkeppniseftirlitid-skadar-samkeppnishaefnina/

Nýleg persónuverndarlög, sem ESB setti til að þrengja að stóru amerísku netfyrirtækjunum, voru sett í andstöðu við landslög sem og aðila sem málið varðaði. https://www.frjalstland.is/personuverndarlog-esb/

Úr texta frumvarpsins:

- Stofnunin "Persónuvernd - tekur ekki við fyrirmælum frá stjórnvöldum- Ákvörðun Persónuverndar - verður ekki skotið til annarra (Íslenskra) stjórnvalda - Evrópska Persónuverndarráðið - stofnun á vegum ESB - skal hafa réttarstöðu lögaðila-" http://www.efta.int/sites/default/files/media/documents/legal-texts/eea/other-legal-documents/translated-acts/icelandic/i32016R0679.pdf