Lýðræði? Nei, forræði.

Lýðræði? Ekki lengur, það fór í úreldingu. Lýðurinn fær þó áfram að kjósa sér fulltrúa en þeir ráða litlu. Forræði embættismanna, nefnda og ráða, er tekið við, ábyrgðarlausir aðilar, oft valdagráðugir, vanhæfir og spilltir og til bölvunar. Þeir fara oft eftir ónýtu regluverki ættuðu frá fjarlægum valdabáknum, Evrópusambandinu og jafnvel Sameinuðu þjóðunum. Áþján forræðisins vex stöðugt, frelsið minnkar, kostnaður vex:

Á síðustu fjórum árum voru ráðnir 9000 ríkisstarfsmenn hérlendis meðan fækkaði um 8000 í atvinnulífinu (Mbl 6.12.2021)

Engin nettó atvinnusköpun hefur verið í ESB í nærri hálfa öld nema í opinberri skriffinnsku.

Fjármálaeftirlitð vex hratt. Sífellt verður meira stagl að skpta við banka enda Fjármálaeftirlitið undir stjórn fjarlægs regluverks og stofnana ESB/EES (Mbl 17.11.2021)

Klappstýrur EES og ESB  (Samtök atvinnulífsins og Viðskiptaráð) segja að EES-regluverkið  sé innleitt hér með "íþyngjandi hætti"! Það er gömul lumma, tilskipanirnar koma stimplaðar og í gildi frá Brusselnefnd (sameiginlegu EES-nefndinni) og ganga sjálfvirkt inn í íslenskt regluverk. Samkeppnisregluverkið er 28 ára gamalt stjórnarskrárbrot, Persónuverndarlögin 2 ára. Samkeppniseftirlitið og Persónuvernd eru erindrekar annarra landa. Persónuvernd vill nú láta lögregluna ganga sinna vafasömu erinda gegn þegnum Íslands, það eru stjórnarhættir sem hafa tíðaskast i ESB-löndum síðan á galdrabrennuöld og sumsstaðar lengur (Mbl 9.11.2021).

 

Þurfa rafbílar vegi?

Það er að renna upp fyrir okkar mönnum að það þarf að borga fyrir að vera í samfloti við Evrópusambandið/EES í "loftslagsmálum" (sjá 10 tilskipanir í https://www.althingi.is/lagas/151a/2012070.html).

Rafbílar eru dýrir frá verksmiðjunni og slíta vegum meir en venjulegir bílar sem þarf að borga há gjöld af og enn meira þarf að borga af bensíninu og díselolíunni sem rafbílaeigendur sleppa við.

https://www.mbl.is/frettir/burdargrein/2021/11/28/moti_nytt_tekjuoflunarkerfi_vegna_orkuskipta/

-"fólk mun þurfa að greiða fyrir að nota vegakerfið - Í dag greiðum við óbeint í gegnum bensínið og dísilinn (60% fara í ríkissjóð)"- segir fjármálaráðherra

Ef skynsemi og kjarkur okkar ráðamanna væri eðlilegur væri einfalt að láta rafbílakaupendur borga svipuð opinber gjöld og aðra bílakaupendur og innheimta svipaðan skatt af raforkunni og er nú á eldsneytisorkunni. Svo þarf að innheimta þungaskatt, rafbílarnir eru 1/2 - 1 tonni þyngri en þeir ættu að vera og slíta vegum því meir en venjulegir bílar. Þannig næst einfalt, hagkvæmt, skilvirkt og réttlátt tekjuöflunarkerfi sem gæti meira að segja fækkað rafbílunum og minnkað umherfisspjöllin sem þeir valda.

https://www.frjalstland.is/2021/11/30/kolsvart-fotspor-rafbilsins/

Hlákustjórn

Í hlákunni í gær varð gamla ríkisstjórnin sem ný eftir fegrunaraðgerð og verður nú hátísku ríkisstjórn sem berst gegn hláku framtíðarinnar, loftslagsbreytingum.

Stjórnarsáttmálinn er að stofni til erlendar tilskipanir um hátískudraumana. Fremst í sáttmálanum eru áherslurnar, -"baráttan við loftslagsbreytingar með samdrætti í losun, orkuskiptum og grænni fjárfestingu-". Á mannamamáli: Nothæft eldsneyti verður bannað; nota rafhlöður þar sem þær henta illa; fjárfestingar í tapverkefnum sem kostaðar eru með "losunarkredit" og almannafé.

Ekkert vitlegt um að halda eignum þjóðarinnar í landinu eða nýtingu auðlinda. Ekkert vitlegt um að aflétta EES-tilskipanadræsunni.

Engin stefna er tekin um stærsta hagsmunamál landsins, endurheimt löggjafarvalds Alþingis og framkvæmdavalds Stjórnarráðsins sem Evrópusambandið hefur tekið í krafti EES-samningsins. Staðan verður því áfram sú að ríkisstjórn Íslands og Alþingi hafa takmarkað vald til að stjórna landinu.

https://www.mbl.is/media/41/11641.pdf

Hvert á að selja loðnuna?

Íslensk stjórnvöld álpuðust til að taka þátt í refsiaðgerðum gegn Rússum þegar Úkraína neitaði að sækja um aðild að ESB sem Rússum var kennt um. Rússar svöruðu í sömu mynt og settu bann á ESB og leppana sem þýddi að Ísland missti risamarkað fyrir útflutningsvörur eins og loðnuafurðir. Þannig launa Íslendingar þeim sem staðið hafa með landinu frá upphafi gegnum þykkt og þunnt í vðskipta- og auðlindastríðum við gömlu stríðsþjóðir ESB. https://www.frjalstland.is/2018/06/30/esb-akvedur-utanrikisstefnu-islands/

Síldarvinnslan, eitt mikilvægasta fyrirtæki landsins, ætlar að veiða mikið af loðnu enda mestu veiðihemildir um langt skeið. En þeir selja ekkert á sinn fyrrum stóra markað, Rússland, meðan við erum með í viðskiptastríði ESB/EES gegn Rússlandi.

-"hætt er við að viðskiptabann Rússa munni bíta fast á komandi vertíð en þar hefur verið einn stærsti makaður Íslendinga fyrir frosna loðnu og miklivægur hrognamarkaður-"(forstjóri Síldarvinnslunnar)

https://www.mbl.is/200milur/frettir/2021/11/27/vidskiptabann_a_russa_bitur_fast_segir_sildarvinnsl/

En Færeyingar létu ekki tæla sig í refsiaðgerðir gegn Rússum og geta nú selt loðnu, lax og reyndar hvað sem er á einn sinn stærsta markað.

Það væri líklega best að nýta loðnuna vel og leyfa Færeyingum að veiða hana, þeir standa sig alltaf og launa okkur örugglega.

Hamfarahlýnun. Staðan.

Hiti í Reykjavík fyrri hluta Nóvember var 2,8 stig 0,8°C neðan meðallags síðustu tíu ára og í 14. hlýjasta sæti aldarinnar (af 21) - Á langa listanum er hiti nú í 53. hlýjasta sæti (af 146). Hlýjast var 1945, meðalhiti þá +8,2 stig langt ofan við allt annað.https://trj.blog.is/blog/trj/entry/2272025/

Hafísinn á Norðurskautssvæðinu hefur verið í vexti í 9 ár.https://nsidc.org/arcticseaicenews/charctic-interactive-sea-ice-graph/

Siglingaleiðir á Norðurskautssvæðinu eru að lokast vegna vaxandi íss, ísbrjótar Rússa koma þeim sem fastir eru í ísnum til hjálpar.https://thebarentsobserver.com/en/arctic/2021/11/two-icebreakers-are-way-rescue-ice-locked-ships-northern-sea-route

 

 

 Hafísinn á Suðurskautssvæðinu hefur verið í stöðugum vexti í 40.ár. https://www.frjalstland.is/wp-content/uploads/2021/03/Loftslag-%C3%A1-%C3%8Dslandi.pdf

Hvað mundi gerast ef dómsdagstrúarsöfnuður tæki yfir veröldina? Vísindaskáldsaga? Nei. Það hefur þegar gerst. https://melaniephillips.substack.com/p/the-tragi-comic-climate-doomsday

Hræðslan við Brussel

Nú ganga bílasölumenn á lagið og nýta sér hræðslu okkar ráðamanna við yfirvaldið í Brussel og reyna að fá klámfengnar upphæðir frá skattgreiðendum í afslætti af opinberum gjöldum af rafdollum fyrir leiguakstur. Tilskipanirnar frá mannvitsbrekkunum í Brussel segja nefnilega að eigi að útrýma eldsneyti (Mbl. 11.11.2021)

Ekki fara með alla fjölskylduna á rafdollu út á Keflavíkurflugvöll og alls ekki norður ef veðrið er kalt og vont, það gætu allir króknað á leiðinni.

Eftirlitsskrifstofa EES (ESA) lætur okkur ekki í friði og fyrirskipar nú að leyfa eigi alls kyns leigubílafyrirtæki. Samgönguráðherrann bukkar sig og beygir, hann er hræddur við að "þurfa að fara að verjast fyrir dómstólum" í Brussel (sem á reyndar að vera ein af hanns embættisskyldum) (Fréttabl. 12.11.2021).

Hræðsla ráðherrans er óþörf, "dómar" EFTA-dómstólsins (EFTA óviðkomandi) eru ekki sérlega marktækir eða aðfararhæfir hér, aðeins "ráðgefandi".

Sirkus um neyðarástand

Umhverfistrúarsöfnuðir hafa fyllst eldmóði útaf loftslagssirkusnum í Glasgow, samkoma sem ætlar að binda endi á velsæld og eldsneytisnotkun. Þau lönd sem brenna mestu, Kína, Indland og fleiri, eru ekki áhugasöm um "kolefnishlutleysi" nema kannske eftir hálfa öld eða svo. Koltvísýringurinn mun því halda áfram að aukast.

Formaður Landverndar vill að Ísland lýsi strax yfir neyðarástandi í loftslagsmálum. Eins og sæmilega upplýstu fólki er kunnugt ríkir ekkert, og mun ekki ríkja, neyðarástand í loftslagi vegna koltvísýrings um fyrirsjáanlega framtíð. Svaml formanns Landverndar (grein í Mbl. 10.11.2021) sýnir hversu veruleikafirrt umhverfissamtökin hér eru orðin https://www.frjalstland.is/2021/02/26/loftslagsbreytingar/

Forstjóri Landsvirkjunar vill nota íslenskar orkulindir til að framleiða "rafeldsneyti" (grein í Mbl. 10.11.2021). Þar er átt við tilbúin efni úr rafgreiningarvetni og kolefnissamböndum sem kosta í framleiðslu margfalt á við jarðefnaeldsneyti og er ein versta sóun á raforku sem hægt er að hugsa sér. "Raf-metanól" skilar ekki helming af orkunni sem fór í framleiðslu þess. "Raf-metan" verður margfalt dýrara en jarðgas (metan að mestu) sem til er í ómældu magni um alla Jörð. Og eldsneyti framunnin úr slíkum efnum verða enn kostnaðarsamari. Losunarkvótabraskkerfin geta ekki til lengdar haldið slíkri framleiðslu gangandi, það verða alltaf á endanum notendur sem þurfa að borga.

Það er enginn hörgull á eldsneyti á Jörðinni og og verður ekki um fyrirsjáanlega framtíð. Það er sóun þjóðarauðs að nota íslenska raforku til að framleiða eldsneyti sem fæst betra og hagkvæmlegar á heimsmarkaði þó svindlarar og ruslvísindamenn, með fulltingi Sameinuðu þjóðanna, segi að það megi ekki út af loftslagi https://www.frjalstland.is/2021/08/27/hvernig-a-ad-nyta-islenska-raforku/

Bændur í tjóðri

Skriffinnarnir okkar eru orðnir vanir að fá reglugerðirnar tilbúnar frá Brussel, allt fer í handaskol ef þeir eiga sjálfir að koma einhverju viti í þær. Umhverfisráðuneytið ætlar nú að setja nýja reglugerð á bændur og hermir eftir EES-tilskipun 2018/813 og leiðbeiningum frá aðal fölsunarmiðstöðinni fyrrir loftslag, IPCC, til að fá fram ónýta þvælu. https://eur-lex.europa.eu/legal-content/EN/TXT/PDF/?uri=CELEX:32018D0813&from=EN

-"verstu reglugerðardrög sem sést hafa-" (Bbl 4.11.2021)

-"Búnaðarsamband Suðurlands leggur eindregið til að reglugerðin verði ekki samþykkt-"

-"Sveitastjórn leggst eindregið gegn því að reglugerðin verði samþykkt-" (Eyjafjarðarsveit)

https://samradsgatt.island.is/oll-mal/$Cases/Details/?id=3053

Rotnunarbragginn

Hvernig gat borgarstjórnin eytt hýrunni okkar í bragga fyrir rotnandi sorp? Jú, hvorki borgarstjórnin né þeirra ráðgjafar hafa vit á úrgangsmálum enda stjórnast þau af tilskipunum Evrópusambandsins um hringrásarhagkerfi og fleiri Brusseldrauma https://www.frjalstland.is/2020/07/04/reglur-esb-um-urgang-henta-ekki-fyrir-island/

"Gaja" (rotnunarbragginn) kostaði allt of marga milljarða (orðnir 6 meðan talið var í sumar) en úr honum þarf að moka ónýtum óþverra og óseljanlegt haugloft fer upp í þak. Við borgum fyrir skemmtunina.

-"Gert er ráð fyrir að gjaldskrá helstu flokka Sorpu Bs. hækki um 31% á næsta ári. Aðalástæðan er sögð aukinn kostnaður við að bæta meðhöndlun sorps með starfrækslu gas- og jarðgerðarstöðvarinnar Gaja í Álfsnesi"-https://www.mbl.is/frettir/innlent/2021/11/04/sorpa_bodar_31_prosent_haekkun_a_gjaldskra/

Bæta meðhöndlun?

Urðun eða brennsla eru rétt "meðhöndlun" sorps.

 

Falsfréttahrota

Í tilefni af loftslagssirkus Sameinuðu þjóðanna (SÞ) í Bretlandi er nú lygavertíð hjá helstu falsfréttamiðlunum þar. Í gær sýndu tvær stærstu sjónvarpsstöðvarnar fátæklinga á strönd Bengalflóa vera að byggja sjóvarnargarða úr drullu með berum höndum, sagt var að ástæðan væri hækkun sjávarborðs vegna loftslagshlýnunar! Það rétta er að Bengalströnd sígur stöðugt vegna oftöku grunnvatns.

Sjónvarpsstöðvarnar töluðu við fjölda fólks sem vissi ekkert um loftslag enda valið þess vegna. Alþjóða veðurfræðistofnun SÞ sagði að síðustu sjö árin væru þau hlýjustu-! Hið rétta er að hlýjustu árin voru fyrir 8000 árum, þau hlýjustu á þessari öld fyrir 18 árum!

Það er ógnvekjandi að samtök okkar allra , SÞ, ástundi lygar og falsanir óaflátlega. Það lítur út fyrir að þeir sem eiga að stjórna samtökunum hafi sem markmið að rífa þróuð samfélög Vesturlanda til grunna. Frægustu fölsunarstofnanir SÞ eru í loftslagslygunum (IPCC, UNEP, WMO o.fl.) Við höfum líka fengið falsanir frá Alþjóða hvalveiðiráði SÞ og nýlega frá Alþjóða heilbrigðisstofnun SÞ. Nú koma SÞ í gang flutningi 60 hælisleitenda með framandi trú 6600 km leið hingað, það gætu reyndar orðið góð býtti ef við gætum í staðinn fengið hæli í Bretlandi fyrir 50 óþurftarlinga sem þegar eru komnir til Glasgow á loftslagssirkusinn. Okkur gengur best þegar hlekkjað Alþingi, máttlaus langar-að-halda-áfrm-ríkisstjórn og umhverfistrúarprelátar gera ekki neitt.