Það hlýnar í Evrópusambandinu

Ekki veitir af, sambandið er búið að kalla yfir sig orkukreppu, græna orkan dugir ekki. Loftslagsstofnun ESB, Kóperníkus, sér um að dreifa rangfærslum um loftslag:

"Síðustu sjö ár hafa verið þau heitustu frá því mælingar hófust"

"Frá árinu 2015 hefur verið hlýrra en áður en nákvæmar mælingar hófust um miðja 19. öldina" https://www.mbl.is/frettir/erlent/2022/01/10/sidustu_sjo_ar_thau_heitustu_fra_upphafi_maelinga/

Í Reykjavík og á Keflavíkurflugvelli voru síðustu 7 árin kaldari en árin 7 þar á undan. Hlýasta ár 21 aldar var 2003. https://www.vedur.is/

Heitustu árin á Íslandi frá upphafi öruggra mælinga hér voru um 1940. Hæsti hiti sem mælst hefur á Íslandi mældist 1939. https://www.frjalstland.is/wp-content/uploads/2021/03/Loftslag-%C3%A1-%C3%8Dslandi.pdf

Líklega veit Evrópusambandið ekki að Ísland er á Jörðinni.

Aðferðirnar sem ESB notar við loftslagssvindlið eru ekki vel þekktar en líklega svipaðar og hjá öðrum fölsunarmiðstöðvum: Mælingar "aðlagaðar" lélegum líkönum.

Spillt alþjóðastofnun

Nú eru Biden með NATO og ESB að magna stríðsæsingar og refsiaðgerðir gegn Rússum sem mótmæla útþenslu þeirra að rússnesku landamærunum. Norðurlönd, sem þjást af tilefnislausu ofsóknarbrjálæði gagnvart Rússum, verða líklega með. Ísland, sem Rússar hafa jafnan stutt, lippast líklega með. Innlimun fyrrum Sóvíetlýðvelda í ESB og NATO kom af stað rupli fjárplógsmanna, fólksflótta og hervæðingu. https://www.frjalstland.is/2018/06/30/esb-akvedur-utanrikisstefnu-islands/

Geta Sameinuðu þjóðirnar gert eitthvað þegar herveldin ybba sig? Framganga Sameinuðu þjóðanna upp á síðkastið hefur afhjúpað spillt og vanhæf samtök. https://www.frjalstland.is/2022/01/06/spillt-og-vanhaef-althjodasamtok/

Græna orkukerfi ESB að hrynja

Lengi hefur verið ljóst að orkustefna ESB mundi hrynja. Nú eftir að orkukreppan versnaði í haust hefur ESB loksins viðurkennt í verki að "endurnýjanleg orka" gengur ekki upp. Það stefnir í tilskipun  um að jarðgas og kjarnorka verði nú líka skilgreind sem græn orka! (ESB er sjóað í að hártoga og ljúga að sjálfu sér).

ESB virðist vera að vakna af draumórunum um "orkuskipti" og "græna orku" sem ættaðir eru frá sértrúarsöfnuðum umhverfisöfgalýðs og svindlara. Sambandslönd eru orðin löðrandi í óhagkvæmum og ónýtum vindmyllum og sólarpanelum sem þurfa jafnstór alvöru orkuver með sér til að gagnast orkukerfum sambandslanda, glórulaus "græn fjárfesting" sem nú er farin að draga dilk á eftir sér.

https://www.theguardian.com/world/2022/jan/03/fury-eu-moves-ahead-plans-label-gas-nuclear-green

Við erum frjáls!

Um áramót belgja okkar ráðamenn sig út: Ísland er frjálst og fullvalda lýðræðisríki!

Frjálsa fullvalda lýðræðis-Ísland lýtur erlendri stjórn, stór hluti laga og reglugerða landsins er saminn af fulltrúum annarra þjóða. Gæslumenn okkar lýðræðis gleypa þær með skít og skinni en fá í staðinn að leika sér með smámál og að skaffa peninga í að framfylgja útlendu lögunum.

Svona er lýðræðið hjá gömlu lýðræðisþjóðinni: Lýður í Brussel ræður!

https://www.frjalstland.is/

Evrópusambandið heldur áfram að setja Íslandi lög

Alþingi á að halda áfram í vetur að setja Ísland undir ESB-lög og reglur. Af 145 þingmálum ríkisstjórnarinnar eru 53 frá ESB vegna EES-samningsins. Alþingi getur ekki lengur sett eða breytt lögum að vild vegna EES og laga ESB.

Evrópusambandið heldur áfram að setja Íslandi lög

EES-bílaskoðun

Tilskipanirnar frá ESB v/EES fljóta inn í stríðum straum, hver óþarfari en önnur. Nú á að fara að skoða bíla samkvæmt nýstimpluðum og arfavitlausum ESB tilskipunum (nr. 2014/45, 2014/47 og 2017/2205) í andstöðu við þá sem sjá um skoðanirnar hér heima. Við ráðum engu, ESB ræður meðan EES-áþjánin hefur ekki verið afnumin. Bábiljustefna ESB er að setja stöðugt meiri kvaðir á eigendur venjulegra bíla. Það hentar ekki í dreifbýlu landi.

https://www.mbl.is/mogginn/bladid/innskraning/?redirect=%2Fmogginn%2Fbladid%2Fgrein%2F1797694%2F%3Ft%3D421634018&page_name=grein&grein_id=1797694

Er danska veðurstofan farin í svindlið?

 

 Þær válegu fregnir berast frá Danmörku að danska veðurstofan sitji undir ásökunum um að vera gengin í lið loftslagssvindlara.

https://www.frjalstland.is/2021/12/18/danska-vedurstofan-i-loftslagssvindlid/

ESB-dísilglundur

N1 ætlar að hætta að selja glundrið sem ESB fyrirskipar að sé notað sem dísil, það er díselolía blönduð mð sulli úr jurtaolíum sem á að minnka losun ESB/EES á gróðurhúsa-lofttegundum. https://www.mbl.is/vidskipti/frettir/2021/12/16/haetta_ad_flytja_inn_lifdisilblondu_fra_noregi/

Díselglundur ESB bætir ekki loftslag en er lélegt eldsneyti sem skemmir vélar landsmanna.

https://www.frjalstland.is/2018/04/05/dyrt-og-lelegt-bensin-veldur-umhverfisalagi/

Búið af batteríinu

Norðmenn og Svíar, miklar umhverfistrúarþjóðir, þurfa nú að senda björgunarsveitir til að bjarga saklausum borgurum sem voru vélaðir til að aka á rafbílum. Þegar frostið fer niðurí 7 stig minnkar drægni rafbílanna um helming. Þeir sem sitja fastir í biðröðum í kuldanum með miðstöðina á eyða fljótt af rafhlöðunum.

Á Hallandsásnum á Skáni og Tvedestrand á Ögðum þurfti að senda björgunarsveitir til að bjarga fólki úr rafbílum sem döguðu uppi í umferðaöngþveiti í kuldanum. Það þarf meiri hamfarahlýnun til að sé öruggt að nota rafbíla. https://www.document.no/2021/12/08/stromtomme-elbiler-i-trafikk-kaos-ved-tvedestrand-rode-kors-klar-til-a-hjelpe-bilister/

Erfðasilfrinu sóað

Iðnaðarráðuneytið stjórnaði aðal framtíðarauðlind Íslands en var lagt niður af ráðamönnum sem vissu ekki hvað þeir voru að gera. Uppbygging orkukerfisins hefur strandað í rammaáætlun og umhverfistrúar-bábiljum. EES-tilskipanirnar hafa splundrað fyrirtækjunum, fjölgað óþarflingum og rifið niður. Léleg vísindi, óforsjálni og undirlægja ráða nú för. Landsvirkjun annar ekki lengur eftirspurn eftir raforku. Flutningskerfið dugir ekki, klofningsfyrirtækið Landsnet ræður ekki við leyfisveitingabáknið frá EES og rekur ónýtar flutningslínur. Landeyðuvernd, óþarfar úrskurðarnefndir, EES-tilskipanir og afturhaldsöflin hafa flæmt orkumál Íslands í ESB-kreppu.

EES-höftin: Sundurlimun orkufyrirtækja, tilskpun 96/92

Starfsleyfi: EES-tilskpun 2010/75. Nöldrarar geta tafið framkvæmdir í 10 ár! Hamlandi starfsleyfisreglur

Gæluverkefni orkufyrirtækjanna hafa kostað fúlgur: Sæstrengja- og vindmylludraumar EES hefur skaðað orkukerfi landsins

Mat á umhverfisáhrifum samkvæmt tilskipun 2014/52 er nýjasta rassbagan í uppsöfnuðum ruslahaug frá 2000. Helstu umsagnaraðilar sögðu: -"Samtök atvinnulífsins og Samband íslenskra sveitarfélga eru andvíg frumvarpi umhverfis- og auðlindaráðherra í heild-" Flókið og kostnaðarsamt umverfismat hægir á þróun byggða

Gulli hefur ráð undir rifi hverju (Mbl 9.12.2021), nú skal framleiða ammóníak, tréspíra og vetni fyrir flotann. Engin hætta á að loðnuskipaflotinn, eða aðrir flotar, þurfi að borga, það hefur enginn efni á að borga fyrir rafeldsneyti nema Gull & Co (með okkar peningum eins og venjulega). Loðnuskipin verða að taka um 200 tonn af ammóníaki (hættulegt og eitrað), meir en 200 tonn af tréspíra eða 50 tonn af  vetni (260 gráðu kalt í 700 rúmmetra krýotank) þegar þau fara á miðin. Það verður frekar lítið pláss fyrir loðnuna innan um "græna" tanka með eiturefnum og dauðakulda. Og þegar Orkuskipti Gulla og ESB eru klár verður komin vindmyllugirðing kringum landið og búið að leggja orkukerfið undir "græna rafeldsnseytið".

Svinnir menn framleiða rafmagn með eldsneyti, ósvinnir eldsneyti með ragfmagni.

Villtu verða háseti? Hafðu þá með þér öndunrabúnað og helst geimfarabúning.  Hvernig á að nýta íslenska raforku