Grænlandsverslun

Landstjórn Grænlands og ríkisstjórn Íslands skrifuðu undir samstarfssamning í gær. Auka á samvinnu í rannsóknum og háskólastarfi m.a.  (Fréttablaðið 14.10.2022). Samskipti Grænlands og Íslands eru mikilvæg og hafa áður verið mikilvæg, allt frá Þjóðveldisöld og Söguöld þegar auður Grænlands náði til Vesturlands þar sem þróaðist sögumiðstöð Norðurálfu.

Grænlendingar ætla að nýta sína aðstöðu og auðlindir til uppbyggingar. Þeir vilja nýta verðmæt efni í jörðu, málma og olíu, sem getur líka skipt efnahagsstarfsemi Íslands miklu ef samvinna er góð. Hægt gengur að gera fríverslunarsamning milli Íslands og Grænlands, EES-aðild Íslands gerir slíkan samning hálfmarklausan en það stendur vonandi til bóta.

Grænlenskir stjórnmálamenn eru ekki útþynntir og firrtir af áróðri og blekkingum eins og leiðtogar Vesturlanda margir. Þeir hafa sýnt kjark og vit og standa með báða fætur á jörðinni staðfastir í að berjast fyrir hagsmunm síns lands. Grænland var fyrsta landið sem gekk úr Evrópusambandinu. Grænland er ekki í EES. Grænland er ekki aðili að Scehngen. Grænlendingar hafa því gott svigrúm til að byggja upp sitt land.

https://www.frjalstland.is/2021/05/19/island-tharf-adv-vinna-med-graenlandi/

Íbúaskipti

Orkuskipti eru í tísku, skipta út góðum orkumiðlum fyrir vonda. Nú er komin enn nýrri tíska: Íbúaskipti, skipta út Íslendingum fyrir hælisleitendur og EES-búa. Okkar máttlitlu stjórnvöld stjórna ekki fólksinnflutningnum, ráðherrann sem á að stjórna fyrir okkar hönd segir  "bráðnauðsynlegt  að landið standi við og uppfylli skyldur sínar gagnvart Schengen-" (og væntanlega EES-áþjáninni líka).

Schengensamningurinn hefur verið ónýtur síðan 2015 þegar Merkel þýska sleppti inn meir enn milljón hælisleitendum til Evrópu. Sterkir stjórnendur bera ekki virðingu fyrir Schengen, lönd ESB brjóta hann og hunsa eftir þörfum, Suður-Evrópuríki hafa engin tök á að hlýða honum eða stjórna flæðinu sunnanfrá. https://www.frjalstland.is/2019/02/19/schengensamningurinn-longu-hruninn/

Schengen þarf nú að segja upp með hraði, eða bara sýna frumkvæði eins og mörg ESB-lönd og hunsa ónýtan og margþverbrotinn skriffinnableðil frá ESB.

Það eru engar líkur á að flóttamannastrauminn lægi meðan NATO, ESB og Bandaríkin vopnavæða og reka hernaðaraðgerðir um heimsbyggðina, því þurfa Íslendingar að taka málið föstum tökum án tafar.

https://www.frjalstland.is/2022/07/31/vesturlond-glata-forustuhlutverkinu/

Jón fór í banka

Hann vantaði sænskar krónur. Konurnar í bankanum tóku vel á móti honum.

"Hvar eru gjaldkerarnir?" spurði Jón.

"það eru engir gjaldkerar" sögðu þær.

"Hvar get ég þá fengið gjaldeyri?" spurði Jón.

"Það er hraðbanki þarna með gjaldeyri" sögðu þær.

Jón fann gjaldeyrishraðbankann.

"Það eru engar sænskar krónur í hraðbankanum, bara dollarar og eitthvað annað" sagði Jón.

"Þú þarft að fara í banka ofaní bæ til að fá sænskar" sögðu þær.

Jón keyrði ofaní bæ og leitaði lengi að bílastæði. Hann beið lengi í banka en fékk að lokum sænskar krónur og borgaði með debetkortinu sínu.

"Ertu með ökuskírteini?" spurði bankastarfsmaðurinn (á meðan safnaði bíllinn á sig bílastæðakostnaði eða sektum).

Ef þú tekur út eitthvert magn af peningum, íslenskum krónum, af bankareikningnum þínum getur þú þurft að segja hvað þú ætlar að nota peningana í, annars gætir þú orðið grunaður um peningaþvætti. Ekki reyna að hjálpa dóttur þinni með íbúðakaupin, það er bannað, íslensk ungmenni eiga að vera ósjálfstæðir og þægir leiguliðar sem eiga ekki neitt eins og jafnaldrar þeirra í ESB

Bankaregluverk Íslands er EES-regluverk frá ESB sem valdið hefur miklum usla hér, útrás og hruni og verður verra og verra með hverjum degi. Fjórar ESB-stofnanir (EBA, EIOPA, ESMA, ESBR) auk aðalvarðhundsins ESA sjá um að við hlýðum, útibú þeirra hér er Fjármálaeftirlitið. ESA og EFTA-dómstóllinn hafa aðfararhæft ákvörðunarvald og dómsvald yfir Íslendingum sem er þverbrot á stjórnarskrá landsins. Það þýðir því ekkert að kvarta í íslensk stjórnvöld, þau ráða engu.

https://www.frjalstland.is/2018/05/10/esb-dylur-ekki-lengur-asoknina-i-vold-yrir-fjarmalageirunum/

https://www.frjalstland.is/2017/12/08/esb-faer-domsvald-a-islandi/

ESB setur okkur lög

Gamalgróna lýðræðisþjóðin hefur ekki löggjafarvald yfir öllum sínum málum, ESB setur okkur lög og reglugerðir í stríðum straum. https://www.frjalstland.is/2022/10/08/evropusambandid-setur-islandi-log/

Árás á Evrópu

Joe lofaði í febrúar að stöðva gaslögnina Nord Stream 2 til Þýskalands frá Rússlandi. Nú hefur tekist að efna loforðið.  https://www.youtube.com/watch?v=B8BygV2kZBU

NATO/Bandaríkin sprengdu göt á lögnina við heimasvæði NATO-Danmerkur og NÝNATO-Svíþjóðar í Eystrasalti nálægt herhreiðrum NATO/Bandaríkjanna í Póllandi. Sjóher Bandaríkjanna, Task Force 68, var við  neðansjávaræfingar þar í sumar. Sjóherþyrla bandaríska flotans (Sikorsky MH-60R Seahawk) sveimaði yfir sprengistaðnum  klukkustundum saman 1-3 september.

Utanríkisráðherra Bandaríkjanna segir að sprengingarnar gefi mikla möguleika! Bandaríkjastjórn mun neita sök eins og vant er og setja falsfréttafjölmiðlana í gang við að ljúga hervirkinu upp á eigendur leiðslunnar, Rússa.

Árásin á lögnina er árás á orkubúskap ESB og þar með á ESB sjálft, sérstaklega Þýskaland. Árásin er á Rússnesk mannvirki, á almennu hafsvæði, sem þjóna átti Evrópusambandinu. Árásinni  verður væntanlega svarað með gagnárás á NATO/Bandarísk mannvirki á alþjóðlegu hafsvæði. Spurningin vaknar hvort árásin sé til þess að skaða efnahag Evrópusambandsins og Þýskalands sérstaklega. Eða til þess að egna Rússland í kjarnorkustyrjöld. https://newsvoice.se/2022/09/amerikansk-regeringsradgivare-attacken-mot-nord-stream/

Vindmylluskran

Í Vesturálnum í Noregi voru reistar 14 vindmyllur. Þær þola ekki veðrin. Íbúar voru á móti vindmyllunum frá byrjun og eru nú orðnir þreyttir á fljúgandi plastskrani og klakaklumpum þó tilraunir til að endurbæta vindmyllurnar hafi veið gerðar. Norska eftirlitið segir að verði þær ekki lagaðar fyrir 10. október verði vindmyllugarðinum lokað. https://www.blv.no/nar-jakten-pfa-noe-som-virker-tar-arevis-kan-skaden-bli-for-stor/o/5-9-534806

Vindmyllur eru yfirleitt óvinsælar hjá nágrönnum, þær hafa slæm áhrif á umhverfið, þekktar fyrir að meiða fugla, skapa mikið af óendurvinnanlegu rusli og eru bilgjarnar. Stjórnvöld í Noregi eru heltekin af bábijum um að koltvísýringur frá orkuframleiðslu sé skaðlegur og leyfa því uppsetningu vindmyllugarða út um fjöll og taka byrðarnar af taprekstrinum á skattgreiðendur. Vindmyllutískan er aðalorsök lífskjarahrunsins í ESB og Bretlandi. https://www.frjalstland.is/2021/10/08/vindmyllur-og-orkukreppan/

Grínleikarinn

Zelenskyy í Úkraínu (sem ESB og NATO kalla forseta en er hlaupatík þeirra við að bera út áróður) kallar Rússa blóðþyrst úrþvætti og segir þá hafa drepið 23 saklausa borgara.

Það rétta er að þeir drepnu voru farþegar í bílalest sem var að reyna að flýja yfirráðasvæði Úkraínustjórnar og inná yfirráðasvæði Rússa í Zaporozhie. Hryðjuverkamenn Úkraínustjórnar réðust á bílalestina og drápu hálfan þriðja tug fullorðinna og barna og særðu enn fleiri. Þeir sem reyna að flýja frá svæðum Kænugarðsstjórnarinnar inn á svæði Rússa sæta árásum en þó hafa þegar 3 milljónir flóttamanna náð að komast til Rússlands. Dráp Úkraínustjórnar á rússneskum borgurum Ukraínu hafa nú staðið í 9 ár og kostað tugþúsundir mannslífa.

En nú hafa Rússar aflað svæðum þeirra langþráðs sjálfstæðis og heita að beita vörnum gegn drápsmönnum leppstjórnarinnar í Kænugarði.

Fjölmiðlar ESB- og NATO-landa útvarpa blygðunarlaust lygum um Úkraínustríðið, okkar fjölmiðlar gleypa oft við þeim, undantekning er Moggi sem oft lætur hlutlausa umfjöllun fylgja falsfréttunum frá Englandi, Ameríku og ESB.

https://www.mbl.is/frettir/erlent/2022/09/30/kallar_russa_blodthyrst_urthvaetti/

Kolefnishlutleysi? Allt í plati!

Heimsbyggðin er að vakna af draumnum um kolefnishlutleysi. Vindmyllur og sólpanelar komast hvergi nálægt því að geta uppfyllt kröfur nútímans um hagkvæma og örugga orku. ESB-lönd, sem við bundum að óþörfu trúss okkar við í "loftslagsmálum" vegna EES,  ráða ekki við málið, Ísland er langt á undan þeim og á ekki samleið.

Þeir sem hafa farið verst út úr vindmyllutískunni eru nú í óða önn að endurræsa hagkvæm orkuver. Japan og meira að segja heilaga Kalifornía, Þýskaland ætlar að setja 20 kolaorkuver í gang. https://www.npr.org/2022/09/27/1124448463/germany-coal-energy-crisis

Joe virðist vera búinn að efna loforðið frá í febrúar um að eyðileggja Nord Stream gasleiðslu Rússa til Þýskalands. "Thank you USA!" sagði Sikorski fyrrverandi uanríkisráðhera Póllands. Fréttastofa RÚV bjó til skáldsögu eins og venjulega þegar fréttum frá falsfréttamiðlum Ameríku, Englands og ESB er útvarpað, aðaláhyggjuefnið var að nú væru Rússar með skemmdarverk (á sínu helsta útflutningsfyrirtæki!), gasið væri koltvísýringur og mundi auka gróðurhúsaáhrifin! (gasið er haugloft).

Bretar ætla að auka jarðgasframleiðsluna og afturkalla bann við vökvabroti ("fracking"), svo er nóg olía og gas á botni Norðursjávar.https://www.politico.eu/article/uk-confirms-lifting-of-fracking-ban/

 

Alsherjarþing SÞ

Bandaríkin og okkar fulltrúi fluttu áróður af skyldurækni að mestu gegn Rússlandi. En það voru líka þeir sem sögðu satt og eitthvað sem skipti máli þó okkar fjölmiðlar þegi yfir því (með undantekningu af stuttum klausum í Mogga)

Utanríkisráðherra Sýrlands lýsti hertöku og þjófnaði Bandaríkjanna i Sýrlandi. https://news.un.org/en/story/2022/09/1128011

Utanríkisráðherra Rússlands fletti ofan af stríðsmangi og ofbeldi Vesturlanda gegn heimsbyggðinni https://www.youtube.com/watch?v=VX4K2F-GCm0

Leiðtogar Afríkulanda, sem hafa farið einna verst út úr rupli Vesturlanda, hvöttu til friðar. Ástandið í Afríku fer versnandi vegna afskipta Vesturlanda af framleiðslu og viðskiptum með matvæli og notkunar matjurta til eldsneytisframleiðslu.

Okkar fjölmiðlar eru komnir í rangfærslukór falsfréttafjölmiðla Bandaríkjanna og Vestur-Evrópu og leyna okkur fréttum eða rangfæra þær sem þeim eru ekki þóknanlegar.

Gullkorn orkuspámanna

Þjóðin splæsti fokdýrum flug-og hótelmiða á okkar snakkara á óþarfa ráðstefnu undir hattbarði mistakaforsetans í Washington. Þau skildu eftir sig gullkorn um orkumál, kurteislega og í fullu samræmi við niðurrifsstefnu mistakaforsetans og spár loftslagsgaldramanna.

"Þjóðríki geta ekki hugsað aðeins um eigin hag andspænis loftslagsvá"- (Hörður Arnarson)

Orkuframleiðandi íslenska þjóðríkisins ætlar að hugsa um hag 8.000.000.000 manna en getur varla hugsað um hag síns eigin þjóðríkis. Loftslagsváin finnst í yfirlýsingum stjórnmálamanna og skýrslum spilltra stofnana sem eru á þeirra framfæri.

"Engin eyja er eyland þótt eyja sé" (Þórdís Kolbrún)

Augljóst!

"-stór hluti nýtanlegrar vindorku á hafi úti er tengdur orkuboganum (?) sem liggi frá Noregsströndum meðfram Bretlandi og Írlandi til Íslands og þaðan til Grænlands og Nýfundnalands en þaðan megi tengja orkubogann við bandaríska orkukerfið-" sagði lordinn á fundinum en boginn verður v-laga á stikli. Enska lorda dreymir enn um að endurheimta Norður-Ameríku. (Ísland verði hluti af orkubrú. MBl 24.9.2022; bls 20)

Það er bara að vona að Íslendingar þurfi ekki að borga tapreksturinn á "orkuboga" lordsins. Landsmenn hans ráða ekki við tapið sem orkubogar þeirra valda og húka skjálfandi heima. Reyndar er nýja breska ríkisstjórnin farin að taka eitthvert vit í sína þjónustu þrátt fyrir langa hollustu við loftslagsskrumið. Nú ætlar hún að setja aftur í gang alvöru orkuver sem voru fyrir hendi þarlendis fyrir loftslagssvindlið.