Kúguð þjóð eða EES-þjóð?

Það var EES-tilskipun frá Brussel sem skipaði Íslandi að hefja refsiaðgerðir gegn einni mikilvægustu viðskiptaþjóð landsins fyrir 9 árum. Þá var orðið ljóst að erfitt yrði að innlima Úkraínu í Evrópusambandið vegna andstöðu rússneskra íbúa landsins.

Leppstjórn ESB og NATO, sem tók við völdum eftir valdaránið í febrúar 2014, hóf hernað gegn Rússahéruðunum (Donbas) en þau lýstu yfir sjálfstæði.

Evrópusambandið hefur með EES-samninginn að vopni gert Ísland að beinum og óbeinum þátttakanda í hernaðaraðgerðunum sem hafa frá byrjun verið reknar, fjármagnaðar, vopnavæddar og skipulagðar af ESB og NATO og eru nú orðnar að stríði við kjanorkuvopnaveldið Rússland og ógna allri heimsbyggðinni.

Íslenskir ráðamenn (konur) hafa sig í frammi gegn Rússum á allskyns "vettvöngum" sem eru, þegar skygnst er á bak við tjöldin, brúðuleikhús Evrópusambandsins og NATO: EES-fundir, NATO-fundir, Evrópuráðsfundir og nú síðast eitthvað sem heitir EPC-fundur. Þessir "vettvangar" allir eru hættulegar hópæsingasamkomur og grátkórar undir stjórn Brussel/Washington/London. Okkar fulltrúar ættu að berjast fyrir að bera klæði á vopnin.

Það er kúguð þjóð sem lætur fjarlægt valdabákn ata sér í hernað gegn einni sinni bestu viðskipta- og vinaþjóð.

 

 

Barnarán

-"þarna er verið að taka börn þúsundum saman, fara með þau og ala upp sem eitthvað allt annað en þau eru-" segir formaður utanríkismálanefndar Alþingis (Mbl 30.5.2023) eftir að hafa hlustað á áróður Úkraínustjórnar á fundi í Tallín þar sem rússahatur er nokkurs konar skylda.

Illa upplýstir nefndarmenn Alþingis eru þarna að gera sig breiða yfir fréttum sem þeir geta ekki staðfest og hafa ekki þekkingu til að meta, í þessu tilfelli stríðsáróður sem sjaldnast er áreiðanlegur. Það sem hefur gerst í Úkraínu síðustu 9 árin er að Úkraínuher hefur verið látinn reka hernað á vegum NATO og ESB gegn rússneskum íbúum Úkraínu sem varð að stríði þegar rússneski herinn skarst í leikinn. Milljónir manna hafa flúið , langflestir (yfir 3 milljónir manna) til Rússlands (vestrænir fjölmiðlar láta skína í að flestir fari til Póllands). Rússnesk yfirvöld hafa kerfisbundið reynt að koma stríðshrjáðum börnum í skjól, þau eru langflest af rússnesku bergi brotin og verða "alin upp" sem Rússar áfram, þau eru stór hluti af flóttamannastraumnum.

Alþingi getur fordæmt stríð og kúgun en það er ekki í þágu svinnra Íslendinga að löggjafi þeira fordæmi góðverk sem einhver áróðursvél framleiðir lygar um. Stærsti hluti heimsbyggðarinnar veit að NATO og ESB eru að níðast á rússneskum íbúum Úkraínu, og fórna Úkraínumönnum til þess, og að Rússland er að reyna að veita flóttafólkinu hjálp.

Utanríkismálanefnd Alþingis þarf að finna sér verðug verkefni sem nefndarmenn hafa vit og þekkingu til að ráða við. Meðreiðar í stríðsæsingum eru Íslendingum ekki sæmandi.

Friðrik Daníelsson

 

Heimsveldi lyga

Heimsveldin nýju og gömlu (Bandaríkin og kjölturakkarnir Evrópusambandið og Bretland) ala sína þegna á lygum: Að Rússland sé upphafsaðili Úkraínustríðsins, að Kína sé að æsa til stríðs, að loftslag jarðar sé að eyðileggjast vegna jarðefnaeldsneytis.

Það var Bandaríkjastjórn, ESB- og NATO-aðilar sem byrjuðu Úkraínustriðið með blóðugu valdaráni, samningsbrotum og vopnavæðingu sinna leppa. Bandaríkin hlaða vopnum á Taivan en eru með hinni hendinni búin að viðurkenna að aðeins sé til eitt Kína. Forsprakkar Evrópusambandsins segja að Kína sé helsta hættan.

https://www.helsinkitimes.fi/china-news/21172-commentary-america-an-empire-of-lies.html

Bretland, Bandaríkin og Evrópusambandslönd hafa lögfest hræðsluáróður um loftslagsbreytingar sem engin vísindalega öruggur grunnur er undir en er byggður á lygum umhverfistrúarsöfnuða og fjárplógsmanna. Ungmennin eru hrædd, konur þora ekki að eignast börn, fólk missir heilsuna í illa upphituðum bústöðum. Tröllvaxnar umhverfisskemmdir eiga sér stað með "grænum lausnum": Rafbúnaði (vindmyllum, sólarpanelum, rafhlöðum), opnum námum, orkubruðli við framleiðslu á "grænum" tækjum, landspjöll og mengun við förgun þeirra.

https://www.youtube.com/watch?v=IagqMq4wfCc

Stjórnvöld gömlu og nýju heimsvelda Vesturlanda halda sínum þegnum í herkví lyga og breiða þær út um heimsbyggðina.

https://wattsupwiththat.com/2023/05/18/professor-ian-plimer-book-launch-not-for-greens/

Breska ógnin

Breska heimsveldið og dræsur þess hafa herjað á heimsbyggðina í hálft árþúsund. Frá því Ísland varð lýðveldi hefur Bretland níu sinnum reynt að koma Íslandi á kaldan klaka, síðast með því að loka bankakerfinu og reyna að setja ríkissjóð i þrot.

Bretar eru stríðsþjóð og alltaf til í stríð, þegar Ameríka fer í stríð fá þeir oft að vera með af því að þeir eru í NATO þó þeir geri lítið gagn en alltaf til i að hæla sér ef Kanarnir eða aðrir bandamenn þeirra vinna. Reyndar eru líka okkar hernaðarsinnuðu frændur Danir og Norðmenn  "viljugar þjóðir" í manndráp og hryðjuverk Kananna og NATO/ESB, hvort sem er geislavirk árás á Fallujah eða sprengingar á gasleiðslum Rússa.

Íslendingar kynntust gáfnafari breskra herstjóra í hernámi Íslands 1940. Það virðist ekki hafa batnað, nú hafa þeir sent hryðjuverkastjórninni í Kænugarði fallbyssuskot með geislavirku úraníum. Eins og við var að búast sprengdi rússneski herinn geymsluna með úranskotunum og öðru stríðsdóti frá NATO/ESB í loft upp.

Geislavirkt ský ferðast nú yfir ESB/NATO-lönd og stefnir á Bretland, breska ógnin heimsækir þá sjálfa.

Fundur um lygar

Það var ekki Putin sem byrjaði Úkraínustríðið, það voru Bandaríkjastjórn, aðilar í Evrópusambandinu og úkraínskir ný-nasistar.

Vígasveitir þessara aðila hófu vopnaðar árásir á stjórnarstarfsmenn og stjórnarbyggingar í Kænugarði og sviðsettu óeirðir á götum úti eftir að löglega kjörin stjórn Úkraínu hafnaði aðild að Evrópusambandinu 21. nóvember, 2013.

Fjöldi fólks lét lífið í árásunum sem vöruðu fram í lok febrúar 2014 en þá var leppstjórn Bandaríkjanna, ESB og NATO sett á valdastólana. Undirbúningur valdaránsins hafði staðið lengi. Byssumennirnir sem sáu um að skjóta lögreglumenn og embættismenn voru þjálfaðir í Póllandi af CIA. Aðstoðarutanríkisráðherra Bandaríkjanna, Victoria Nuland, stjórnaði valdaráninu. Vestrænir fjölmiðlar leyndu valdaráninu en kölluðu óeirðirnar Euromaidan og sögðu þær eðlilega uppreisn gegn stjórn Úkraínu.

Valdaránslöndin sendu mikið magn af vopnum til Úkraínu sem eignaðist stærra vopnabúr en Frakkland og Þýskaland áttu til samans. Leppstjórnin efldi strax 2014 mikinn stríðsrekstur gegn rússneskum borgurum Úkraínu, aðallega í Donbas en einnig voru framin manndráp víðar, t.d. Odessa.

Þann 24. febrúar, 2022, átta árum eftir hið blóðuga valdarán, þegar leppstjórnin og NATO höfðu brotið alla friðarsamninga (Minsk) og öll loforð um útþenslu NATO, sendi Rússland rússneska herinn til að verja rússneska íbúa Úkraínu og Rússland sjálft.

Evrópuráðið heldur fund á Íslandi til þess að "kalla Rússa til ábyrgðar fyrir Úkraínustríðið". Þeir sem þarf að kalla til ábyrgðar eru Bandarikjastjórn, Barak Obama (handhafi friðarverðlauna Nobels veitt í NATO-landinu Noregi), Joe Biden, Victoria Nuland og forsprakkar ESB og NATO og ný-nasista Úkraínu. En Evrópuráðið er í gíslingu Evrópusambandsins og ekki líklegt til að viðurkenna sannleikann um Úkraínustríðið.

Stjórnvöld Íslands þurfa að skammast sín fyrir að draga hingað fund um lygar stríðsmangara.

https://www.frjalstland.is/2023/05/15/evropuradid-i-gislingu/

Fundur um hernað?

Á hinu vopnlausa Íslandi á nú að halda samkomu sem snýst m.a. um aukna vopnaframleiðslu.

Í uppsiglingu er að eyðileggja mannorð Íslands sem herlauss og friðarfremjandi lands með samkomu Evrópuráðsins hér. https://www.frjalstland.is/2023/05/15/evropuradid-i-gislingu/

 

Einu sinni stríðsþjóð

alltaf stríðsþjóð, leiðtogar þeirra ætla nú að halda samkomu í Evrópuráðinu (félagsskapur í gíslingu ESB) á Íslandi um hvernig megi valda ekki bara Donbas heldur Rússlandi öllu sem mestum skaða. Ekki í fyrsta skiptið.

Þjóðverjar ætla að halda áfram að senda vopn og skotfæri (þeir drápu 27 milljónir 1940-1945), stórsending er nú að fara af stað til ný-nasistastjórnarinnar í Úkraínu. https://www.mbl.is/frettir/erlent/2023/05/13/undirbua_staerstu_vopnasendinguna_fra_upphafi_strid/

Frakkar (sem voru í Rússadrápunum 1812) senda nú líka vopn. Og Bretar (alltaf til í ofbeldi og vopnaskak eins og Íslendingar ættu að þekkja vel) senda langdrægar sprengjuflaugar svo hryðjuverkamennirnir í Kænugarði geti skotið beint á borgir Russlands og þurfi ekki að senda launmorðingja á rithöfunda og börn https://www.rt.com/russia/576202-lugansk-long-range-strike/. Biden varð feginn.

Afleiðingarnar af hatursaðgerðum gegn Rússlandi, ásamt með tilraunum Vesturlanda til að hefta notkun eldsneytis, er óviðráðanleg lífskjarakreppa, fátækt og örbirgð þegna gömlu stríðsþjóðanna (eins og eftir 1812 og 1945).

Ráðamenn/konur Íslands langar að faðma og kyssa stríðsþjóðaforsprakka á samkomunni og verða okkur til skammar fyrir augliti 90% heimsbyggðarinnar sem hefur í aldaraðir mátt þola hernað og kúgun stríðsþjóða Evrópu.

Falsanirnar afhjúpaðar

Donald Trump var í viðtali hjá CNN og afhjúpaði hræsnina og falsanirnar eftirminnilega.

Falsfréttamiðlar og helstu málpípur Demókrataflokksins (Washington Post, New York Times, CNN) eru æfir og  briglsa Trump um lygar eins og þeir eru vanir en fjalla ekki mikið um það sem mestu máli skipti í viðtalinu, um hernaðarþáttöku Bandaríkjanna í Úkraínu: -"þeir eru að deyja, Rússar og Úkraínumenn, ég vil að þeir hætti að deyja - mín hugsun er um að stilla til friðar og stöðva drápin á öllu þessu fólki og eyðileggingu þessa lands - ég mun stilla til friðar á einum degi verði ég forseti-".

Forsprakkar Evrópusambandsins, sem hafa tekið Evrópuráðið í herkví, fá að hittast á Íslandi í næstu viku og væntanlega verða stríðsæsingar gegn Rússlandi aðalfundarefnið þó Evrópuráðið hafi verið stofnað til þess að þjóðir Evrópusambandsins (Þjóðverjar, Frakkar) færu ekki aftur í Evrópustríð. Það virðist augljóst að Evrópuleiðtogar muni ekki geta stöðvarð Úkrainustríðið, til þess eru þeir of þrælslundaðir við Ameríku. Eini möguleikinn er að ábyrgur forseti eins og Donald Trump fái völdin í Hvíta húsinu áður en Rússland leggur Úkraínu ("Útkragann" á Rússnesku) undir sig.

https://www.foxnews.com/media/liberals-rage-over-cnns-disgusting-trump-town-hall-insanity-pulled-f-ing-air

Að verða sér til skammar

Leiðtogar Norðurlanda urðu okkur til skammar á miðvikudaginn í Helsinki. Frá því að vera fyrirmynd hlutlausra og friðsamra smáþjóða koma Norurlöndin nú fram í dagsljós heimsins sem kjölturakkar stríðsveldanna með því að lýsa yfir stuðningi við hernaðarrekstur NATO og ESB gegn íbúum Donbas.

Íslendingar þvældust auðvitað með  "hinum Norðurlöndunum" eins og venjulega. Það var óþarfa eftirlátssemi, Norðurlönd eru ekki með okkur þegar við berjumst við Breta og ESB-lönd (Hrunið síðasta dæmið) https://www.mbl.is/frettir/innlent/2023/05/03/beint_bladamannafundur_norraenu_radherranna/

Á sama tíma létu gáfnatýrurnar í Washington hryðjuverkastjórnina í Kænugarði senda sprengjur á Kreml en hernaðarverktöku Kænugarðsstjórnarinnar er beinstýrt frá Washington. Einstaklega gáfuleg herstjórn, nú hafa Rússar gilda afsökun til þess að afmá leppstjórnina í Kænugarði sem þeir hafa hlíft hingað til https://www.rt.com/russia/575777-peskov-washington-kremlin-attack/

Og fjölmiðlar NATO-landa falsa fréttir óaflátlega; segja Rússa sjálfa hafa gert árás á Kreml; herferð fjölmiðlanna heldur áfram gegn Trump og þeir hafa nú bætt við nýju fórnarlambi, Tucker Carlson, forföllnum afhjúpara https://www.nytimes.com/2023/05/02/business/media/tucker-carlson-text-message-white-men.html

Friðrik Daníelsson

 

Evrópustríðsráð

Einn gagnminnsti félagsskapur sem Ísland er aðili að er Evrópuráðið sem var stofnað til að koma í veg fyrir að Þjóðverjar eða önnur stríðsveldi Evrópu færu aftur að kúga og brjóta mannréttindi. Evrópusambandið hefur tekið ráðið í gíslingu og sér sem sitt helsta verkefni að ala á hatri og stríðsæsingum gegn stærstu þjóð Evrópu sem það hefur flæmt úr ráðinu. Það er einmitt þjóðin sem hefur átt stærstan þátt í að koma á friði í Evrópu.

Evrópuráðið heldur samsæti í Reykjavík í maí og virðist stefna á að halda áfram með það sem hvorki Frakkar né Þjóðverjar gátu lokið við (1812 og 1945), að að leggja Rússland undir evrópsku stríðsveldin.

Á fundinum á að ákveða að skrá skaðann sem Rússar hafa valdið íbúum Úkraínu síðasta árið en ekki á að skrá skaðann sem leppstjórn ESB/NATO í Úkraínu hefur valdið íbúum Donbas síðustu 9 árin.

Hin bitra reynsla frá hittingi heimsvaldaráðsins (WEF) í Davos, þegar skortur var á vændiskonum frá fyrsta degi, virðist nú verða til þess að nægur fjöldi verður hér á fundi Evrópustríðsráðsins, óstaðfestar fregnir herma að þær séu þegar farnar að koma til landsins.

Íslendingar hafa engan her og geta ekki tekið þátt í hernaðaraðgerðum ESB/NATO nema sem handlangarar. Íslendingar framleiða ekki vopn og græða ekki á stríði. Ísland á ekki heima í stríðsæsingakór gegn Rússlandi eða öðrum þjóðum sem Íslendingar eiga ekkert sökótt við.

Evrópuráðið er orðið hættulegur söfnuður i gíslingu stríðsæsingamanna gömlu stríðsvelda Evrópu sem mistök voru að láta halda fund á Íslandi um stríðsmang ESB/NATO. Okkar máttlausu ráðamenn þurfa að fara að átta sig á að Ísland hefur mannorð að verja sem vopnlaust og friðarfremjandi land sem býður leiðtogum til friðarviðræðna en ekki stríðsæsinga.

https://www.coe.int/en/web/portal