Hamslaus hamfarahlýnun

Loftslagssérfræðingar Sameinuðu þjóðanna geta ekki haldið höfðinu köldu.

Meðan hitastigið hér við Atlantshafið heldur áfram að lækka og frostið liggur yfir mánuðum saman og klakinn heldur bátunum  föstum í höfnunum, kemur enn ein "skýrslan" frá einni afkastamestu ruslvísindaútgáfu heimsins, IPCC, milliríkjanefnd sameinuðu þjóðanna um loftslagsbreytingar.https://www.bbc.com/news/science-environment-65000182

Nú á að setja kraft í að hræða unglingana (og stjórnmálamennina) til að hlýða niðurrifsöflunum sem ætla að koma á fátækt og skaffa sér meiri völd (og peninga) áður en allur heimurinn veit að ógnin um loftslagshlýnun er ekki raunveruleg heldur aðeins til í höfðinu á undirmálsvísindamönnum og illa upplýstum fjölmiðla- og ráðamönnum. https://www.frjalstland.is/loftslagsvisindi-hrjad-af-folsunum/

Á sama tíma hefir sjálft Evrópusambandið, ein helsta miðstöð ruslvísinda um loftslag,  endurskilgreint jarðefnaeldsneyti (jarðgas) sem "grænt" og sett í gang aukið kolanám.

Hugmyndin um kolefnishutleysi hefur þannig afhjúpast sem draumur sem aldrei rætist og sumir helstu loftslagsskrumararnir eru hættir að reyna að sýnast.

Stríðsafmæli

Milljónamanndráp og limlestingar á vegum NATO- og ESB-landa eiga afmæli.

Írak er í rúst 20 árum eftir árás Bandaríkjanna og kjölturakka þeirra með stuðningi "viljugra þjóða" eins og Íslendinga. Og stríð NATO og ESB í Úkraínu byrjaði fyrir 9 árum.

https://www.frjalstland.is/2023/03/17/ukrainustridid-9-ara/

Hver sprengdi gasleiðsluna?

Falsfréttamiðlar hafa borið út margar lygasögur um skemmdarverkið á rússnesk-þýsku gasleiðslunni í Eystrasalti. Verðlaunablaðamaðurinn Seymour Hersh, þekktastur fyrir að afhjúpa fjöldamorðin í My Lai og fleiri hryðjuverk Bandaríkjastjórnar, hefur nú afhjúpað skemmdarvargana í Eystrasaltinu. https://seymourhersh.substack.com/p/how-america-took-out-the-nord-stream

Það voru sérhæfðir kafarar bandaríska sjóhersins sem fóru með C4-spengjurnar í Alta-tundurdublaslæðara norska sjóhersins og komu þeim fyrir á gaslögninni eftir leiðsögn norska sjóhersins. Það var svo P8-eftirlitsflugvél norska sjóhersins sem sleppti niður bauju með íkveikisendi sem sprengdi hleðslurnar.

 

Það var Joe (les Sullivan, Blinken, Nuland og erindrekar heriðnaðarins) sem gaf fyrirskipunina um að eyðileggja Nord Stream, Olaf þýski sagði jamm þó skemmdarverkið tæki frá Þjóðverjum eina helstu uppsprettu þýskrar velsældar síðari tíma, rússneska jarðgasið. Og gáfnaljósin i Brussel sögðu líka jamm!

https://www.helsinkitimes.fi/world-int/22973-us-and-norway-blew-up-the-nord-stream-pipelines-seymour-hersh.html

Hvílíkar vinaþjóðir, bandamenn og verndarar Íslands! Saman í hryðjuverkum gegn Þýskalandi og Rússlandi!

Lok Úkraínustríðsins

Þegar Bandaríkin fá aftur ábyrgan forseta verður Úkraínustríðinu hætt, væntanlega eftir tæp tvö ár en þá verður stríðið ellefu ára. Það hófst í umboði Obama/Biden-stjórnarinnar fyrir réttum 9 árum með verktökuhernaði nýju leppstjórnarinnar í Kænugarði gegn Donbassvæðunum.

Ellefu ár eru ekki sem verstur aldur á stríði miðað við önnur stríð Bandaríkjanna, NATO og ESB: Viet Nam og Afganistanstríðin voru í 20 ár en hernaðurinn í Írak og Sýrlandi í um áratug, þessi lönd liggja enn að verulegu leyti í rústum og milljónir manna drepnar og limlestar og milljónir flúnar til Evrópu.

Líklegir forsetaframbjóðendur í Bandaríkjunum eru á móti aðgerðum Biden-stjórnarinnar í Úkraínu. Þegar Bandaríkin hætta hernaðarþátttökunni hætta líka kjölturakkarnir í NATO og Evrópusambandinu. Þangað til verða þúsundir drepnar og limlestar í hlutfalli við vopnasendingar til Kænugarðsstjórnarinnar https://www.youtube.com/watch?v=vYWaTPwHTsU

Hjá ný-nasistum

Okkar ráðherrar fara til ný-nasistanna í Kænugarði með fleiri ullarvetlinga til að innlima Úkraínu í ESB og NATO.

Og undirbúa sýningu leikarans fræga Zelensky hér í mai sem er til þess að koma ESBskotunum til að vola og búa til meiri lygar handa falsfréttamiðlum Vesturlanda. Það verður nefnilega fundur þeirrar háu hlálegu samkundu "Evrópuráðsins" hér í Reykjavík í maí, meiningarlaus samkoma ómarktækra vínlepjandi ESBskota, stofnuð til þess að koma í veg fyrir fleiri Evrópustríð sem stríðsþjóðir í ESB hefja venjulega eins og nú gegn Rússlandi. Stærsta og öflugasta þjóð Evrópu, Rússar, eru útilokaðir frá þáttöku sem þýðir að samkoman í Reykjavík verður árangurslaus leiksýning ESB.

https://www.mbl.is/frettir/innlent/2023/03/13/katrin_og_thordis_a_leid_til_ukrainu/

Ég legg til að Katrín og Þórdís fari til Moskvu þar sem Ísland hefur alltaf átt vini og bjóði Rússum á samkunduna í Reykjavík í mai, allavega að fara Gullna hringinn með góðri rútu ef ESBskotarnir fara að steita sig. Vegna hamfarahlýnunarinnar þurfa Rússarnir líka að fá vetlinga og sokka til að verja Rússana í Donbas fyrir manndrápum ESB og NATO. https://www.frjalstland.is/2022/05/05/bloduga-valdaranid-i-ukrainu/

Friðrik Daníelsson

 

Spillingarpeningar

Georgía virðist vera að lenda í sama bardaganum við niðurrifspeningana frá NATO/ESB-löndum og Úkraína lenti í fyrir nærri áratug og er að kosta hundruðir þúsunda Úkraínumanna lífið um þessar mundir.

Lög um að gera þurfi grein fyrir erlendum gjafpeningum, sem löndum með sjálfsvirðingu finnst sjálfsagt að hafa, eru afsökun fyrir óeirðum á götum úti. ESB og Bandaríkin mótmæla lögunm sem mundu stöðva undirróðursstarfsemi þeirra í Georgíu.

Veit einhver hver borgar ESB-áróðurinn á Íslandi?

Veit einhver hver borgar hræðsluáróðurinn um loftslagsvána á Íslandi?

Veit einhver hver borgar áróðurinn um NATO og hernaðinn?

Veit einhver af hverju einn áróðursdreifarinn eftir annan fær aðgang að skólabörnum og fullorðnum gegnum stofnanir kostaðar af íslenska ríkinu?

Landsölukonur?

Íslenskar konur eru sjálfstæðar, þær fengu frelsi, kosningarétt og sjálfstæði á 20. öldinni með frelsi Íslands frá evrópsku valdi (1904, 1918, 1944) sem þær tóku virkan þát í að berjast fyrir. En nú ber svo við, þegar konur hafa valist til valda, að þær ætla að lögfesta að evrópskt valdabákn fái löggjafarvald æðra valdi Íslendinga, Alþingis.

Ríkisstjórn Íslands, með konu í forsæti og konu sem utanríkisráðherra, ætlar að láta Alþingi samþykkja að EES-valdboð Evrópusambandsins séu æðri íslenskum lögum: "-Ef - lagaákvæði sem réttilega innleiðir skuldbindingu samkvæmt EES-samningnum er ósamrýmanlegt öðru almennu lagaákvæði skal hið fyrrnefnda ganga framar-" https://samradsgatt.island.is/oll-mal/$Cases/Details/?id=3399

Dætur okkar munu skammast sín um ókomna tíð ef konur verða til þess að koma þessu valdahrifsi yfir íslenska þjóð.

Það sem ríkisstjórn Íslands þarf aftur á móti að gera er að árétta við Evrópusambandið að Ísland er ekki lögbundið að lögleiða EES-valdboð (þó landsölumenn og konur haldi að svo sé) eins og Evrópusambandinu var gerð grein fyrir þegar samningurinn var samþykktur.

 

Fátæktarsambandið

Evrópusambandið hefur þróast í fátæktarverksmiðju vegna bábiljustjórnmála.

Lengi hefur reglugerðaáþjánin og eftirlitsbáknið verið í vexti og hamlað efnahagnum. Misskilin umhverfisvernd og dillur um sjálfbærni hafa rifið niður orkukerfin með útbreiðslu vindmylla og sólarpanela, höft á notkun eldsneytis og lokun þróaðra orkuvera, allt byggt á undirmálsvísindum og bábiljum. En nú er farið að reyna að vinda ofan af mistökunum, vegna kreppuástands, og opna (gas-kola-kjarn-)orkuver aftur. Lélegum tækjum hefur verið vélað inn á almenning með miklum niðurgreiðslum sem teknar eru af skattfé sem almenningur greiðir. Settar eru náttúruspillandi og ofurþungar rafhlöður í bíla, hjól og fleiri tæki þar sem eldsneytisorka er langöruggasta, unhverfisvænsta og hagkvæmasta driforkan.

Og nú síðast hefur Evrópusambandið afhjúpað áform um að gera farþegaflugið of dýrt fyrir almenning með sköttum og flugvélaeldsneyti sem er frameiltt úr rusli og verður því óheyrilega kostnaðarsamt og óöruggt. https://airlines.iata.org/blog/2022/05/making-fit-for-55-fit-for-purpose Það setur Ísland í hlutfallslega einangrun vegna aðildarinnar að EES sem gefur Evrópusambandinu völd yfir flugmálum Íslendinga.

Tekjur fólks í stærstu Evrópusambandslöndum og Bretlandi eru langt undir því sem er í löndum utan ESB (Íslandi, Noregi, Liechtenstein). Fátækt er útbreidd í ESB, 95 milljónir manna, einn af hverjum fimm, glímir við fátækt. ESB kemur Íslandi í fátækt í krafti EES.

Á EES að slátra fluginu?

Gáfnaljósin í Evrópusambandinu eru búin að skálda upp tilskipanapakka til þess að gera flug of dýrt fyrir almenning. Við sitjum í súpunni vegna hins glórulausa EES-samnings.

Flugfélögin eiga nú að borga enn meira (en ETS-kvótana sem þau eyða milljörðum í nú þegar) https://frjalstland.blog.is/blog/frjalstland/entry/2287193/  Og nú eiga þau að fara að nota "sjálfbært" eldsneyti úr rusli eða einhverju fjarstæðukenndu hráefni.https://airlines.iata.org/blog/2022/05/making-fit-for-55-fit-for-purpose

Eina eldsneytið sem kemur til greina að nota í farþegafluginu er með sömu samsetningu og núverandi jarðefnaeldsneyti (vetniskolefni C9-16H20-34), þróað og prófað í 80 ár. Það er hægt að búa það til úr "rusli" og fleiri kolefnisinnihaldandi efnum en orkuþörfin við það verður margföld á við orkuna sem fæst út, ósjálfbær eyðsla á orkuauðlindum Jarðar, hráefnisaðgengið ónógt og kostnaðurinn svo hár að eingöngu millar hafa efni á að kaupa flugmiða. Ekki bara draumórar umhverfistrúarsöfnuða og Evrópusambandsgáfnaljósa heldur martröð alls mannkyns.https://www.frjalstland.is/2022/02/11/orkuskiptin-eru-draumorar/

En okkar utanríkisráðuneyti hefur skorið upp herör gegn vitleysunni og hótar jafnvel að hafna tilskipanadræsunni alfarið. Það eru alveg ný tilþrif í sjálfstæðisbaráttunni:

Þórdís Kolbrún Reykfjörð Gylfadóttir, utanríkisráðherra, segir að fyrirhuguð löggjöf ESB um flugferðir sé stærsta hagsmunamál Íslands frá upptöku EES-samningsins. Utanríkisþjónustan hafi farið í fordæmalaust átak til að reyna að hafa áhrif á löggjöf ESB. Sjálf hefur Þórdís talað við á þriðja tug utanríkisráðherra annarra landa vegna málsins en embættismenn hafa haldið yfir 100 fundi með ólíkum aðilum innan ESB vegna málsins.

Hún segir það aldrei verða samþykkt að samkeppnishæfni Íslands muni skaðast líkt og núverandi löggjöf sem samþykkt hefur verið í ESB ber með sér. https://www.mbl.is/frettir/innlent/2023/03/05/staersta_hagsmunamal_islands_fra_upptoku_ees/

Kanarnir komnir

E-6B Mercury þota Bandaríkjanna, sem er stjórnmiðstöð fyrir kjarnorkustríð, er komin til Keflavíkur. https://twitter.com/hashtag/Iceland?src=hash&ref_src=twsrc%5Etfw

Hermenn Bandaríkjanna eru komnir til Úkraínu til þess að berjast við Rússa með amerískum vopnum sem Úkraínumenn kunna ekki á. Það er ólöglegt samkvæmt amerískum lögum þar eð ekki er aðsteðjandi hætta fyrir Bandaríkin, þingið hefur ekki samþykkt það og ekki hefur verið lýst yfir stríði.

Það er að renna upp fyrir Bandaríkjamönnum hve örlagaríkt svindlið í síðustu forsetakosningum var sem leiddi hættulegan elliæran krata og hans hyski (þ.á.m. hergagnaiðnaðinn) til valda hjá leiðtogaþjóð hins vestræna heims. Hann hefur nú komið af stað stríði við Rússland með okkur í stuðningsliðinu.

Það stefnir  í að stjórnvöld Íslands verði að biðja Bandaríkin að fjarlægja sín tól frá Keflavíkurflugvelli og koma þar ekki aftur svo við lendum ekki á skotmarkalista fyrr kjarnorkusprengjur.

Lagaprófessorinn og dómarinn Andrew Napolitano lýsir glæfralegu athæfi Bidens og upphafi 3. heimsstyrjaldarinnar.

https://www.oann.com/video/oan-contribution/biden-is-reckless-to-send-u-s-troops-to-ukraine/