Evrópusambandið heldur áfram að setja Íslandi lög

Alþingi á að halda áfram í vetur að setja Ísland undir ESB-lög og reglur. Af 145 þingmálum ríkisstjórnarinnar eru 53 frá ESB vegna EES-samningsins. Alþingi getur ekki lengur sett eða breytt lögum að vild vegna EES og laga ESB.

Evrópusambandið heldur áfram að setja Íslandi lög

EES-bílaskoðun

Tilskipanirnar frá ESB v/EES fljóta inn í stríðum straum, hver óþarfari en önnur. Nú á að fara að skoða bíla samkvæmt nýstimpluðum og arfavitlausum ESB tilskipunum (nr. 2014/45, 2014/47 og 2017/2205) í andstöðu við þá sem sjá um skoðanirnar hér heima. Við ráðum engu, ESB ræður meðan EES-áþjánin hefur ekki verið afnumin. Bábiljustefna ESB er að setja stöðugt meiri kvaðir á eigendur venjulegra bíla. Það hentar ekki í dreifbýlu landi.

https://www.mbl.is/mogginn/bladid/innskraning/?redirect=%2Fmogginn%2Fbladid%2Fgrein%2F1797694%2F%3Ft%3D421634018&page_name=grein&grein_id=1797694

Er danska veðurstofan farin í svindlið?

 

 Þær válegu fregnir berast frá Danmörku að danska veðurstofan sitji undir ásökunum um að vera gengin í lið loftslagssvindlara.

https://www.frjalstland.is/2021/12/18/danska-vedurstofan-i-loftslagssvindlid/

ESB-dísilglundur

N1 ætlar að hætta að selja glundrið sem ESB fyrirskipar að sé notað sem dísil, það er díselolía blönduð mð sulli úr jurtaolíum sem á að minnka losun ESB/EES á gróðurhúsa-lofttegundum. https://www.mbl.is/vidskipti/frettir/2021/12/16/haetta_ad_flytja_inn_lifdisilblondu_fra_noregi/

Díselglundur ESB bætir ekki loftslag en er lélegt eldsneyti sem skemmir vélar landsmanna.

https://www.frjalstland.is/2018/04/05/dyrt-og-lelegt-bensin-veldur-umhverfisalagi/

Búið af batteríinu

Norðmenn og Svíar, miklar umhverfistrúarþjóðir, þurfa nú að senda björgunarsveitir til að bjarga saklausum borgurum sem voru vélaðir til að aka á rafbílum. Þegar frostið fer niðurí 7 stig minnkar drægni rafbílanna um helming. Þeir sem sitja fastir í biðröðum í kuldanum með miðstöðina á eyða fljótt af rafhlöðunum.

Á Hallandsásnum á Skáni og Tvedestrand á Ögðum þurfti að senda björgunarsveitir til að bjarga fólki úr rafbílum sem döguðu uppi í umferðaöngþveiti í kuldanum. Það þarf meiri hamfarahlýnun til að sé öruggt að nota rafbíla. https://www.document.no/2021/12/08/stromtomme-elbiler-i-trafikk-kaos-ved-tvedestrand-rode-kors-klar-til-a-hjelpe-bilister/

Erfðasilfrinu sóað

Iðnaðarráðuneytið stjórnaði aðal framtíðarauðlind Íslands en var lagt niður af ráðamönnum sem vissu ekki hvað þeir voru að gera. Uppbygging orkukerfisins hefur strandað í rammaáætlun og umhverfistrúar-bábiljum. EES-tilskipanirnar hafa splundrað fyrirtækjunum, fjölgað óþarflingum og rifið niður. Léleg vísindi, óforsjálni og undirlægja ráða nú för. Landsvirkjun annar ekki lengur eftirspurn eftir raforku. Flutningskerfið dugir ekki, klofningsfyrirtækið Landsnet ræður ekki við leyfisveitingabáknið frá EES og rekur ónýtar flutningslínur. Landeyðuvernd, óþarfar úrskurðarnefndir, EES-tilskipanir og afturhaldsöflin hafa flæmt orkumál Íslands í ESB-kreppu.

EES-höftin: Sundurlimun orkufyrirtækja, tilskpun 96/92

Starfsleyfi: EES-tilskpun 2010/75. Nöldrarar geta tafið framkvæmdir í 10 ár! Hamlandi starfsleyfisreglur

Gæluverkefni orkufyrirtækjanna hafa kostað fúlgur: Sæstrengja- og vindmylludraumar EES hefur skaðað orkukerfi landsins

Mat á umhverfisáhrifum samkvæmt tilskipun 2014/52 er nýjasta rassbagan í uppsöfnuðum ruslahaug frá 2000. Helstu umsagnaraðilar sögðu: -"Samtök atvinnulífsins og Samband íslenskra sveitarfélga eru andvíg frumvarpi umhverfis- og auðlindaráðherra í heild-" Flókið og kostnaðarsamt umverfismat hægir á þróun byggða

Gulli hefur ráð undir rifi hverju (Mbl 9.12.2021), nú skal framleiða ammóníak, tréspíra og vetni fyrir flotann. Engin hætta á að loðnuskipaflotinn, eða aðrir flotar, þurfi að borga, það hefur enginn efni á að borga fyrir rafeldsneyti nema Gull & Co (með okkar peningum eins og venjulega). Loðnuskipin verða að taka um 200 tonn af ammóníaki (hættulegt og eitrað), meir en 200 tonn af tréspíra eða 50 tonn af  vetni (260 gráðu kalt í 700 rúmmetra krýotank) þegar þau fara á miðin. Það verður frekar lítið pláss fyrir loðnuna innan um "græna" tanka með eiturefnum og dauðakulda. Og þegar Orkuskipti Gulla og ESB eru klár verður komin vindmyllugirðing kringum landið og búið að leggja orkukerfið undir "græna rafeldsnseytið".

Svinnir menn framleiða rafmagn með eldsneyti, ósvinnir eldsneyti með ragfmagni.

Villtu verða háseti? Hafðu þá með þér öndunrabúnað og helst geimfarabúning.  Hvernig á að nýta íslenska raforku

Er aflskortur Landsvirkjunar leikrit?

Spilar Landsvirkjun "skammtímaskort" á almenning og stjórnvöld til að stýra hækkun á rafmagnsverði, eða hvað?

Nýir orkusamningar Landsvirkjunar síðustu ár hafa fyrst og fremst verið við Bitcon gagnaver (og í raun á kostnað orku til vöruframleiðslu eins og ylræktar) og þar með skapað orkuskort í kerfinu.

Fyrir tveimur árum var ljóst hvert stefndi.Fjögur gagnaver stórnotendur- Líkur á aflskorti 2022

Í sumar endurnýjaði Landsvirkjun samninga við gagnaver (og bætti einu gagnaveri við) og stóriðjufyrirtæki og samkvæmt Viðskiptablaðinu  https://www.vb.is/skodun/landsvirkjun-ad-losna-ur-snuinni-stodu/169653/  er "Ólíklegt er að bjartsýnustu spár Landsvirkjunar um duglega hækkun raforkuverðs hafi ræst í nýgerðum samningunum."

Fyrir mánuði síðan tilkynnti Landsvirkjun um hækkun raforku í heildsölu, sem fyrst og fremst er ætluð til almennra nota (5% notenda) en ekki til stórnotenda með fasta samninga. Hver voru rökin fyrir hækkuninni? -

„Verðlagn­ing raf­orku á hverj­um tíma fer eft­ir stöðunni í kerf­inu hjá okk­ur, þ.e. fram­boðs- og eft­ir­spurn­ar­hliðin. Nú í heims­far­aldr­in­um var ein­fald­lega minni raf­orku­notk­un og þar af leiðandi hag­stæðara verð á raf­orku í heild­sölu og skamm­tíma­sölu til stór­not­enda.... það hef­ur verið nán­ast full nýt­ing á vinnslu­kerfi fyr­ir­tæk­is­ins."

ER þetta tilbúin skortur til að stýra stjórnvöldum til aðgerða og áhyggjur blaðamanns mbl.is í dag og koma fram í spurningunni;        

  "Gæti komið til þess að hækka þurfi verð á al­menna neyt­end­ur til að spara orku? og ráðherra svarar: „Við skul­um bíða með að velta slík­um hlut­um fyr­ir okk­ur.“

https://www.mbl.is/frettir/innlent/2021/12/07/fer_gegn_stefnu_okkar_i_orku_og_loftslagsmalum/

Eða kannski löngu samið leikrit? 

Lýðræði? Nei, forræði.

Lýðræði? Ekki lengur, það fór í úreldingu. Lýðurinn fær þó áfram að kjósa sér fulltrúa en þeir ráða litlu. Forræði embættismanna, nefnda og ráða, er tekið við, ábyrgðarlausir aðilar, oft valdagráðugir, vanhæfir og spilltir og til bölvunar. Þeir fara oft eftir ónýtu regluverki ættuðu frá fjarlægum valdabáknum, Evrópusambandinu og jafnvel Sameinuðu þjóðunum. Áþján forræðisins vex stöðugt, frelsið minnkar, kostnaður vex:

Á síðustu fjórum árum voru ráðnir 9000 ríkisstarfsmenn hérlendis meðan fækkaði um 8000 í atvinnulífinu (Mbl 6.12.2021)

Engin nettó atvinnusköpun hefur verið í ESB í nærri hálfa öld nema í opinberri skriffinnsku.

Fjármálaeftirlitð vex hratt. Sífellt verður meira stagl að skpta við banka enda Fjármálaeftirlitið undir stjórn fjarlægs regluverks og stofnana ESB/EES (Mbl 17.11.2021)

Klappstýrur EES og ESB  (Samtök atvinnulífsins og Viðskiptaráð) segja að EES-regluverkið  sé innleitt hér með "íþyngjandi hætti"! Það er gömul lumma, tilskipanirnar koma stimplaðar og í gildi frá Brusselnefnd (sameiginlegu EES-nefndinni) og ganga sjálfvirkt inn í íslenskt regluverk. Samkeppnisregluverkið er 28 ára gamalt stjórnarskrárbrot, Persónuverndarlögin 2 ára. Samkeppniseftirlitið og Persónuvernd eru erindrekar annarra landa. Persónuvernd vill nú láta lögregluna ganga sinna vafasömu erinda gegn þegnum Íslands, það eru stjórnarhættir sem hafa tíðaskast i ESB-löndum síðan á galdrabrennuöld og sumsstaðar lengur (Mbl 9.11.2021).

 

Orkuskortur?

Landsvirkjun annar ekki lengur eftirspurn eftir raforku. Uppbygging orkukerfisins lenti í klóm afturhaldsins með s.k. "rammaáætlun" sem reyndist sandkassi umhverfistrúarsöfnuða  og hefur sett höft á uppbygginguna. Og nú er ekki nóg jöklabráðnun (vantar hamfrahlýnunina?) og vantar vatn í lónin. Máluð út í horn

Farið er að eyða raforku í óþarfa eins og að hlaða rafbíla en besti orkugjafinn fyrir bíla er eldsneyti. Það eru atvinnufyrirtækin sem geta notað raforku hagkvæmlega. Fiskmjölsverksmiðjurnar fóru í að rafvæða þó olía sé reyndar hagkvæmt eldsneyti fyrir mjöl- og lýsisgerð. Verksmiðjurnar létu yfirleitt skynsemina ráða og héldu brennurunum áfram tíl reiðu, raforkufyrirtækin hafa reynst þeim sleip.

En nú finnst þeim sem trúa að olíubrennsla spilli loftslagi guðlast að bernna olíu. Okkar stjórnvöld álpuðust til að skuldbinda Ísland gagnvart ESB, umboðsaðilum almættisins, um að draga úr brennslu. Það þýðir að ríkissjóður Íslands fær á sig klámkennda reikninga fyrir eldsneytisnotkun (losun) í landinu.

Það hefur verið fullljóst alllengi að brennsla jarðefnaeldsneytis hefur ekki mælanleg áhrif á loftslag þótt ESB og SÞ segi annað. Þess vegna eiga íslensk stjórnvöld að segja sig frá öfga- og draumórastjórn ESB í "loftslagsmálum" og taka þau heim og stjórna á grundvelli hagsmuna lansins. Höft á eldsneytisnotkun eru andstæð hagsmunum Íslands og reyndar allra landa.

https://www.frjalstland.is/skuldbindingar-islenskra-stjornvalda-um-losun-grodurhusalofttegunda/

Það er enginn orkuskortur hér ef menn haga sér eins og menn. Ef raforkan er ónóg fyrir fiskmjölsverksmiðjurnar er nóg til af eldsneyti á heimsmarkaðnum á hagstæðu verði. Það er líka hægt að setja raforkuskerðingu á ýmsan óþarfa, eins og rafbíla, ef vantar raforku til atvinnufyrirtækjanna.

Þurfa rafbílar vegi?

Það er að renna upp fyrir okkar mönnum að það þarf að borga fyrir að vera í samfloti við Evrópusambandið/EES í "loftslagsmálum" (sjá 10 tilskipanir í https://www.althingi.is/lagas/151a/2012070.html).

Rafbílar eru dýrir frá verksmiðjunni og slíta vegum meir en venjulegir bílar sem þarf að borga há gjöld af og enn meira þarf að borga af bensíninu og díselolíunni sem rafbílaeigendur sleppa við.

https://www.mbl.is/frettir/burdargrein/2021/11/28/moti_nytt_tekjuoflunarkerfi_vegna_orkuskipta/

-"fólk mun þurfa að greiða fyrir að nota vegakerfið - Í dag greiðum við óbeint í gegnum bensínið og dísilinn (60% fara í ríkissjóð)"- segir fjármálaráðherra

Ef skynsemi og kjarkur okkar ráðamanna væri eðlilegur væri einfalt að láta rafbílakaupendur borga svipuð opinber gjöld og aðra bílakaupendur og innheimta svipaðan skatt af raforkunni og er nú á eldsneytisorkunni. Svo þarf að innheimta þungaskatt, rafbílarnir eru 1/2 - 1 tonni þyngri en þeir ættu að vera og slíta vegum því meir en venjulegir bílar. Þannig næst einfalt, hagkvæmt, skilvirkt og réttlátt tekjuöflunarkerfi sem gæti meira að segja fækkað rafbílunum og minnkað umherfisspjöllin sem þeir valda.

https://www.frjalstland.is/2021/11/30/kolsvart-fotspor-rafbilsins/