Hamfarahlýnunin

er allstaðar nema hér, við húkum í kulda og snjó og finnum ekki hlýnunina. En hamfarahlýnunin er mikil í fjölmiðlunum, í hugarórum stjórnmálamanna, hjá  "vísindamönnum" og óvitum.

https://www.frjalstland.is/2022/03/20/dyrkeyptar-rangfaerslur-um-loftslag/

Hjálpargögn voru vopn

"Hjálpargögn til Úkraínu voru vopn - mannúðaraðstoðin reyndist vera til að kynda stríð í Úkraínu - við mótmælum harðlega þessari fölsun" segja flugvallarstarfsmenn á Ítalíu sem neituðu að hlaða flugvélina. https://www.usb.it/leggi-notizia/dallaeroporto-di-pisa-armi-allucraina-mascherate-da-aiuti-umanitari-i-lavoratori-rifiutano-di-caricare-gli-aerei-sabato-19-manifestazione-usb-al-galilei-2017-1.html

https://global.ilmanifesto.it/italian-airport-workers-refused-to-load-weapons-bound-for-ukraine/

En það eru akki allir friðarsinnar eins og ítalska verkalýðshreyfingin. Leiðtogar NATO- og ESB-landa keppast við að hella olíu á eldinn í Úkraínu. Bidenstjórnin ætlar að senda 800 flugvélasprengivörpur, 9000 brynsprengjuvörpur, 7000 hríðskotabyssur og auk þess handsprengjuvörpur og riffla.

https://www.cnbc.com/2022/03/16/russia-ukraine-news-biden-details-defense-assistance.html

Sjálfstæðisbarátta Luhansk og Donbas, sem hófst þegar leppstjórn ESB og NATO-ríkja settist að í Kænugarði, hefur kostað 14000 mannslíf og núverandi átök 7000 rússnesk auk þeirra úkraínsku.

Kanada og 19 NATO-lönd ætla að senda vopn, Ísland flugvél. Ef okkar "bandamenn", ESB og NATO, halda áfram að hella olíu á stríðseldinn á landamærum eins mesta kjarnorkuveldis heims gæti farið að verða fjör í kjarnorkuvopnageymslum víða um lönd.

Við þurfum greinilega að verða vandfýsnari með "bandamenn".

https://www.frjalstland.is/2022/03/07/utthensla-nato-og-esb-orlagarik-mistok/

bloggið skrifar Friðrik Daníelsson

Vindhviðuorkuver

Vindmyllugarðar eru óhagkvæmustu og óöruggustu orkuver sem finnast auk þess að spilla útsýni, meiða fugla og spilla heilsu.  Og fæla fiska. Vindmylluorkuverin þurfa jafnstór alvöru orkuver með sér, þau ganga bara stundum. Almenningur þarf að borga undir þau í byggingu, rekstri og niðurrifi. Þau eru ósjálfbær. Stærsti garðurinn, á Dogger Bank, verður óhagkvæmur:

https://www.upstreamonline.com/exclusive/worlds-largest-offshore-wind-farm-unprofitable-for-equinor-say-government-funded-researchers/2-1-1098012

Þriggja áratuga niðurgreiðslur  og opinberir styrkir vindorkuvera í Bandaríkjunum hafa ekki gefið af sér sjálfbæra, hagkvæma eða örugga orku. Aðeins rafmagnsleysi, okurverð á orku og umhverfisspjöll.

https://www.instituteforenergyresearch.org/renewable/wind/wind-power-still-uneconomic-government-dependent/

í ESB er ástandið víða verra, hæstu orkuverð í heimi.

En Gulli og krakkarnir í stofnunum sem eru undir ESB-tilskipununum ætla að undirbúa vindmyllugarða í sjó (Mbl. 16.3.22) enda gerir EES-samningurinn ráð fyrir "grænum orkuverum" sem veldur því að íslensk stjórnvöld, eða bara landsmenn sem vilja óskemmda landsfegurð Íslands, geta trauðla hafnað þeim meðan EES er enn í gildi. Vindmyllurnar verða reistar með fjármálagerningum og eignarhaldi EES-aðila og klámfengnum styrkjum frá íslenskum skattgreiðendum.

Gulli og krakkarnir í ESB-reglustofnununum þurfa að fara að átta sig á að orkuframleiðsla Íslands til frambúðar verður ekki úr vindhviðum heldur fallvötnum og kjarnorku Jarðarinnar, jarðvarmanum. Þau þurfa að fara að undirbúa nýtingu djúpvarmans, við það geta þau öðlast eitthvert vit. Þau mega heldur ekki gleyma að endurræsa rannsóknirnar á gas- og olíusvæðunum úr viðjum bábiljustjórnmálanna.

https://www.frjalstland.is/2021/10/08/vindmyllur-og-orkukreppan/

 

Við erum friðarsinnar ólíkt ESB

"Okkar land sendir ekki vopn til Kænugarðs" segir forseti Mexíkó við ESB sem samþykkti skammir á hann. Mexíkó hefur ekki tekið þátt í öfgafullum refsiaðgerðum gegn Rússlandi eins og fylgisveinar ESB og NATO.

"Mexíkó er land friðarsinna, við styðjum viðræður, ekki stríð, við sendum ekki vopn til hvaða lands sem er undir hvaða kringumstæðum sem er"

Meginástæða ófriðarins í Austur-Evrópu er landvinningastefna gömlu herveldanna til austurs og svik ofan á svik við Rússland. Útþensla NATO og ESB örlagarík mistök. Leppstjórnin í Úkraínu hefur einnig svikið sína helstu samninga. En ESB gefur ekkert eftir, landvinningarnir skulu halda áfram þó þeir valdi blóðsúthellingum. ESB notar sínar venjulegu aðferðir; hótanir, útilokanir og blekkingar. Í staðinn fyrir að hætta við útþensluna og biðjast afsökunar fyrir týnd mannslíf, sem mundi stöðva stríðið án tafar, sendir ESB vopn til átakasvæðisins og æsir fólkið til að berjast sem eykur á manndrápin og hörmungarnar. Slíkt framferði kallast stríðsæsingar.

Lopez Obrador blöskrar, hann hefur nú afhjúpað ESB eftirminnilega.

https://www.toronto99.com/2022/03/13/president-says-his-country-is-pacifist-unlike-eu/

https://hiindia.com/2022/03/13/president-says-his-country-is-pacifist-unlike-eu/

bloggið skrifar Friðrik Daníelsson

 

Að virkja eða ekki virkja

Þegar Gulli þarf að koma valdi umbjóðenda sinna, ESB, yfir landsmenn fær hann vini sína til að gera skýrslu. Ein var um EES-"samstarfið" (tilskipana-undirlægjuna). Og nú kom ein "Staða og áskoranir í orkumálum með vísan til markmiða og áherslna stjórnvalda í loftslagsmálum". En orkumálin eru strand vegna EES-regluverks og "Rammaáætlunar". Skýrslan er svaml óvita í efnaverkfræði, rafmagnsverkfræði og loftslagsfræði úr vinahóp Gulla. "Loftslagsmál" eru orkumálum og sérstaklega eldsneytisbrennslu óviðkomandi eins og fróðir menn vita. Niðurstaða Gullavina er að þurfi að tvöfalda virkjanir landsins (sem verður gert einhvern tíma þegar búið er að losna við EES/ESB og þróa djúpvarmann). Orkuskipti samkvæmt ESB eru að mestu ógerleg vegna öryggismála, hráefnaaðgengis og kostnaðar.

Flugið: Gulli getur hringt í Boeing og spurt hvenær vetnisflugvélarnar verði tilbúnar. Svarið verður "aldrei" aldarlöng þróun og rannsóknir farþegaflugs útiloka allt nema ákveðin vetniskolefni.

Fiskiskip: Rafmetanól úr reyk og vatni setur útgerðina (eða ríkissjóð) á hausinn ef það verður fáanlegt. ESB borgar ekki.

Bílar: Þegar rafbílar verða á raunverði og eigendur borga vega-og mengunarkostnað, verða aðallega fjáðir grænir spjátrungar sem kaupa þá til að fara út á völl.

Flutningabílar og rútur þurfa risatanka undir tréspíra, eldhætta, blossamarkið er 10°C, bílstjórarnir geta fengið sjóntruflanir og blindu.

Kaupskipaflotinn gæti notað  rafeldsneyti, vetni, ef má hækka vöruverð. (Það gerir heldur ekki svo mikið til þó einn og einn dallur springi í loft upp langt úti á hafi).

Niðurstaðan er að loftslag batnar ekki með orkuskiptum. En orkunotkunin heldur áfram að þróast með tækniþróuninni, umhverfistrúarbábiljurnar valda aðeins afturför. Meira að segja ESB virðist nú ætla að stimpla kjarnorku, jarðgas og jafnvel kol og olíu "græn" enda orkuskiptin þar orðin orkukreppa.

Það er því óþarfi að tvöfalda virkjanirnar út af orkuskiptum, þau verða aldrei annað en draumórar og glærusýningar. ESB er orðið útbíað af afkastarýrum vindmyllum eins og á 17. öld. Ef ljúka á orkuskiptum Gulla hérlendis verðum við að ferðast til Köben með seglskipum eins og á 17. öld. Meir en helmingur eldsneytis sem landsmenn nota er til flugsins, rúmlega 0,8 milljón tonn (2018), því er ekki hægt að breyta nema í glærusýningum Orkustofnunar, Umhverfisstofnunar eða Gullavina.

En er kannske hægt að láta borgarlínuna ná til Köben?

https://www.frjalstland.is/2022/02/11/orkuskiptin-eru-draumorar/

 

Falsfréttahrota

Falsfréttirnar um rússnesku skrímslin verða æ óskammfeilnari. Leikarinn sem var gerður að forseta Úkraínu er hæfileikamaður í að auglýsa sig, hann kemst inn á helstu samkomur ráðamanna NATO og ESB þar sem hann heldur hjartnæmar leiksýningar og kemur stjórnmálamönnunum til að skæla.

Hann sagði nýlega að Rússar séu að fremja þjóðarmorð og hafi sprengt fæðingardeild i Mariupol. Þetta er dæmigerð rangfærsla sem falsfréttamiðlarnir lepja upp og endurvarpa.

Hið rétta er auðvitað að úkraínskir vígamenn höfðu tekið húsnæðð undir sinn hernað gegn íbúm svæðisins og rekið sængurkonur, ljósmæður og annað starfsfólk á braut. "Fæðingardeildin" var herstöð!

Framferði fjölmiðla er farið að líkjast því sem var í Kaldastríðinu þegar als kyns þursar og gróðabrallarar (hergagnaframleiðendur ofl.) héldu uppi lygum um Rússa með hjálp fjölmiðla.

https://www.bbc.com/news/live/world-europe-60685883

bloggið skrifaði Friðrik Danielsson

 

Geta stöðvað stríðið strax

Rússar setja þau helstu skilyrði fyrir að taka heim herliðið að Úkraína standi utan NATO og ESB og verði hlutlaus. NATO og ESB hafa því í hendi sér að stöðva drápin með einfaldri aðgerð: Yfirlýsingum um að Úkraína verði ekki tekin í NATO og ESB.

Landvinninga-og hernaðarstefna ESB og NATO standa í vegi fyrir friði í Úkraínu, NATO-lönd senda nú vopn til Úkraínu sem auka á og framlengja drápin, fullkomlega óábyrg framkoma.

Ef eitthvert frumkvæði væri í okkar mönnum ættu þeir að leggja til við "okkar bandamenn" í NATO og ESB að stríðið verði stöðvað án tafar, ekki með vopnum heldur fundum.

Bloggið skrifar Friðrik Daníelsson

Útþensla NATO og ESB örlagarík mistök

Útþensla NATO mistök

"Útþensla NATO er örlagaríkustu mistök amerískrar stefnu á öllu tímabilinu eftir Kaldastríðslokin - Útþensla NATO mun skaða óbætanlega tilraunir til að breyta Rússum úr óvinum í samstarfsaðila" (George F. Kennan, hann var m.a. sendiherra í Austur-Evrópu í stjórnartíð John F. Kennedy)

Spár George F. Kennan hafa nú ræst. Útþenslustefna NATO, og ESB í leiðinni, hefur nú orðið undirrót að herhlaupi Rússa í Úkraínu.

Þetta blogg er eftir Friðrik Daníelsson

https://www.frjalstland.is/2022/03/07/utthensla-nato-og-esb-orlagarik-mistok/

Reynt að draga okkur í stríð

Leppstjórn ESB og NATO í Úkraínu reynir að draga okkur með í stríð gegn Rússum, lengi okkar bestu viðskiptavinir sem björguðu okkur frá refsiaðgerðum NATO-landa (1952). Forsetinn, atvinnuleikarinn Zelenskyy, heldur sýningar fyrir skriffinnasamkundur ESB og NATO og fær blækurnar til að vola af samúð. Hann reynir að troða Úkraínu í ESB áður en Rússar afhöfða spillta og grimma leppstjórn hans í Kænugarði. Og nú vill hann að NATO setji loftferðabann á svæðið sem þýðir að við, NATO-landið, gætum dregist inn í stríðsátök.

Blækurnar hjá ESB og NATO eru sem betur fer of hræddar við Rússa til að samþykkja það. En hættan er að afskipti ESB og NATO af Úkraínu leiði ekki bara til ófriðar í Úkraínu heldur í allri Evrópu. Aðild okkar að EES færir stjórn mikilvægra utanríkismála til ESB og er orðin hættuleg öryggi landsins. Greinilega þarf að endurskoða aðild Íslands að NATO ef bandalagið hættir ekki vopnaskaki framan í Rússa og innlimunartilraunum með Úkraínu.

Hættulegar batteríisdollur

Það óskar sér enginn heilvita maður að keyra á þungri orkurýrri batteríisdollu í snjó og kulda, það er bara vesen. Það er hættulegt að geyma orku í batteríum.

Flutningaskip með rafbíla brenna nú hvert af öðru. Felicity Ace með nærri 4000 bíla byrjaði að brenna 16. febrúar. Það er ekki hægt að slökkva batteríiselda nema með aðgerðum sem eru yfirleitt ekki framkvæmanlegar eða þá of umfangsmiklar og dýrar fyrir verðmætin í húfi. "Eldurinn" er ekki venjulegur eldur heldur rafúrhleðslur sem matast af efnahvörfum sem þurfa ekki loft og halda áfram þó vatni sé gusað yfir. Felicity Ace sökk svo 1. mars með allar útbrunar dollurnar innanborðs. Líklega eins gott, það verður reynt að breiða yfir hinar raunverulegu ástæður elda af þessari tegund í nafni "loftslagsmála".

https://www.offshore-energy.biz/felicity-ace-sinks-after-being-on-fire-for-days/

En stjórnvöld sem einblína á falsanir Sameinuðuþjóðanna um loftslagsáhrif eldsneytis halda áfram að troða batteríisdollum inn á bílaeigendur með als kyns styrkjum af almannafé. Og láta eigendur venjulegra bíla borga aukið vegaslit og kostnað af rafbílunum. https://premium.goauto.com.au/ev-fires-become-hot-issue/