Deyjandi kolefnishlutleysi

Bretum, og mörgum þróuðum þjóðum, er smám saman að verða ljóst að stefnan að "kolefnishlutleysi" er á hraðri leið með að eyðileggja lífskjör og atvinnu þjóðanna. Vaxandi fátækt

"Net-Zero" hugmyndin byggir á bábiljum um að koltvísýringur og haugloft frá mönnum valdi loftslagshlýnun, þær hafa riðið húsum hjá SÞ og skriffinnum á Vesturlöndum í aldarþriðjung þó þær elstu séu meir en aldargamlar og löngu afsannaðar. https://www.frjalstland.is/loftslagsvisindi-hrjad-af-folsunum/

Breska ríkisstjórnin neitar nú að segja hvað felst í áætluninni um "net zero". Kennurum landsins er nú sagt að hætta innrætingunni og vera hlutlausir um loftslagsvísindakenningar.

Það er raunveruleikinn sem hefur vakið Breta af draumórunum: Engin hamfarahlýnun, stopul og dýr orka. https://trendfool.com/business/energy-expert-slams-uks-net-zero-strategy-as-hopelessly-unrealistic/

Margrannsakaðar "grænar" hugmyndir (um vetnisþjóðfélagið, rafeldsneyti, rafhlöðuvæðingu, vindorku, sólarorku) hafa allar sýnt sig að vera ósamrýmanlegar verkfræðivísindum og þeim raunveruleika sem jarðarbúum er sniðinn af náttúrulögmálunum. https://www.telegraph.co.uk/business/2022/04/16/great-hydrogen-swindle-green-gas-not-seems/

Það stefnir í að Bretar afskrifi stefnumálin um kolefnishlutleysi, stjórmálamenn eiga erfitt með að viðurkenna heimsku sína nema þeir geti afsakað sig með einhverju (núna er hægt að nota Rússana). Sterk öfl í ríkisstjórnarflokki Bretlands eru að undirbúa afnám tveggja áratuga ranga stjórnvaldsstefnu. Og sjálf frelsishetjan, Nigel Farage, er gengin í liðið. https://www.politico.eu/article/britains-net-zero-skeptics-reach-for-the-brexit-playbook/

En við getum ekki fylgt Bretum ennþá, við erum undir stjórn ESB i "loftslagsmálum" sem mun breytast þegar við kjósum stjórnmálamenn sem vinna fyrir landið frekar en ESB. Útblástur gróðurhúsalofttegunda (koltvísýrings og hauglofts) er miklu takmarkaðri hér en í þróuðum löndum almennt (Ath. að rangar reikniformúlur frá SÞ og ESB hafa látið stofnanir hér halda fram tilbúnum tölum, t.d. allt að 10-falt meiri útöndun frá landi en rannsóknir sýna). Við notum mest reyklausa orku nema í flugi, land- og sjóumferð (og léttmálmagerð sem losar minna af gróðurhúsaloftegundum en almennt) þar sem ekki er vitlegt að nota annað en þróuð efni, orkuskipti þar eru draumórar. https://www.frjalstland.is/2022/02/11/orkuskiptin-eru-draumorar/

Hermenn frá NATO-löndum eru i Úkraínu

Vígamenn (ættaðir úr skyndiárásasveitum SAS og Delta) frá Bretlandi og Bandaríkjunum berjast á laun með Azov-vígamönnum Úkraínustjórnar. Flytja átti hluta af þeim með flutningaskipi frá Mariupol en það mistókst. Nú eru líklega þúsundir Azov-vígamanna og málaliða frá NATO-löndum lokaðar inni í Mariupol og halda áfram drápum.

Falsfréttafjölmiðlar okkar halda svona fréttum vandlega leyndum en sýna okkur í staðinn hroða stríðsins og segja alltaf rússana seka án þess að geta staðfest fréttirnar.

Bandarískir og breskir vígamenn eru nú komnir í skotfæri við Rússa við rússnesku landamærin. Leiðtogar Bandaríkjanna og Bretlands og margra ESB-landa hafa nú opinberað sig sem hættulega og óábyrga stríðsæsingamenn. Og rússarnir óttaslegnir og fálmandi að reyna að halda Úkraínu NATO-og ESB-frírri og bjarga Rússunum í Austur-Úkraínu frá drápssveitunum.

Við þægir þjónar NATO og ESB hljótum að spyrja: Er ekki allt í lagi? Eru NATO-forsprakkar okkar að æsa til kjarnorkustyrjaldar? Við ættum kannske að biðja okkar menn að stilla sig og bjóða Vladimir, Volodymyr og Joe heim í Höfða til að miðla málum?

https://twitter.com/Malbrunot/status/1512814126367662088

https://www.mirror.co.uk/news/world-news/crack-team-sas-veterans-joining-26350789

https://www.bbc.com/news/world-europe-61058139

bloggið skrifar Friðrik Daníelsson

Sölumenn dauðans

NATO og ESB láta stjórnvöld Íslands taka þátt í að útvega vopn til leppstjórnar sinnar í Kænugarði. Vopn! Vopn! Vopn! æpa leikararnir. https://www.mbl.is/frettir/burdargrein/2022/04/07/oskar_eftir_fleiri_vopnum/

Washington, þaðan sem Úkraínu er stjórnað, ásamt með Bretum og fleiri NATO-meðlimum, setur milljarða í að kynda blóðuga leiksýningu í Úkraínu sem er til þess að útvíkka svæði ESB og NATO og útmála Rússa sem skrímsli. Útþensla NATO og ESB örlagarik mistok

Okkur ber engin skylda til að handlanga vopn til útvíkkunar ESB og NATO. Okkur ber engin skylda til að vopna vígamenn Úkraínustjórnar við Azovshaf. Okkur ber engin skylda til að útvarpa óstaðfestum fréttum fjölmiðla í ESB og NATO og falsfréttum af sprengingum járnbrautarstöðva og fæðingardeilda sem klínt er á rússnesku skrímslin.

Okkur ber engin skylda til að auka gróða vopnaframleiðenda og útvega vopn til að valda drápum meðal okkar dyggu stuðningsmanna sem studdu okkur gegn ofbeldi NATO-ríkja í landhelgisstríðunum. Okkar stjórnvöld þurfa að telja í sig kjark og haga sér eins og menn. "Vopnlausa þjóðin" á að biðja okkar bandamenn í ESB og NATO að hætta afskiptum af Úkraínu og aflýsa innlimunartilraunum, þá er hernaðaraðgerðum sjálfhætt.

Sölumennska dauðans spillir orðspori vopnlausu þjóðarinnar, ekki síst hjá vinaþjóðum.

bloggið skrifar Friðrik Daníelsson

Skriffinnskukýlið

"Báknið stækkar sem aldrei fyrr - stjórnarráðið blæs út - útgjöld Alþingis aukast um fimmtung á þremur árum - lítill hemill er á útþenslu hins opinbera og ríkisútgjöld komin í 1.100 milljarða, (um 15 milljónir á ári á hverja 5)

Þegar flett er atvinnutilboðum þessi misserin blasa að langstærstum hluta við störf hjá hinu opinbera og stundum nálega engin störf auglýst á hinum almenna markaði - launafólki á einkamarkaði fækkaði um 8% milli áranna 2019 og 2021 en opinberum starfsmönnum fjölgaði um 7%"- Björn Jón Bragason: https://www.frettabladid.is/markadurinn/storaukinn-kostnadur-vid-aedstu-stjornsyslu-rikisins/

Graftrarkýli skrifræðisins og kostnaðurinn við tilskipanaflóðið frá ESB vegna EES var orðinn gífurlegur þegar Frjálst land athugaði málið fyrir þrem og hálu ári Regluverk EES gerir íslensk fyrirtæki ósamkeppnishæf. Ástandið heldur áfram að versna.

Ísland stríðsverktaki

Við erum orðnir verktakar NATO og ESB í Úkraínustríðinu. Okkar ríkisstjórn sér um að fljúga með vopn til stríðsins (Fréttablaðið 5.4.2022).

Þegar flugvallarstarfsmenn í Písa uppgötvuðu að hjálpargögnin sem flugvélin átti að fara með til Úkraínu voru vopn neituðu þeir að hlaða vélina. En svo kom í ljós að ESB hafði þegar veitt leyfi!

Okkar stríðsverktakar, utanríkisráðuneytið, eru ekki friðarsinnar eins og flugvallarstarfsmennirnir í Pisa. Við höfum þegar sent 13 flugvélahlöss, örugglega með öllum leyfum ESB, sem ættu að duga til að drepa marga.

Hjálpargögnin voru vopn

Svona erum við, þykjumst vera friðarins þjóð en erum hlýðnir leppar stríðsvelda og handlöngum drápstól þeirra.

Vaxandi fátækt

Stopul og dýr "græn" orka er nú á boðstólum í ESB og Bretlandi. Gasið verður bara dýrara en samt ætla leiðtogarnir að banna hagkvæmt gas frá Rússlandi. Nú er nefnilega hægt að kenna Rússunum um orkukreppuna þó ástæðan sé hin vitfirrta stefna ESB og Bretlands í "loftslagsmálum".

 

https://www.frjalstland.is/2022/04/03/vaxandi-fataekt/

 

 

Hervæðing á ný

Gömlu stríðsveldin í Evrópu, sem hafa drepið milljónir Rússa annað slagið á siðustu öldum, hafa nú fengið kærkomna afsökun fyrir að hervæðast á ný. Þau segja hættu á að Rússar ráðist á V-Evrópulönd! Gamla kaldastríðslumman sem ekkert var á bak við.

Rússar hafa aldrei sýnt áhuga á að ráðast á V-Evrópulönd að fyrra bragði þó þeir hafi rekið drápssveitir stríðsvelda V-Evrópu til baka þegar þær hafa birst á þeirra skika.

ESB-lönd ætla að stórauka hernaðarframlög. Frakkar ætla að auka framlögin og Þjóðverjar ætla að tvöfalda, eyða 112 milljörðum dollara á þessu ári (Rússar eyða um 67 milljörðum dollara á ári).

Við þessar fréttir er erfitt að verjast minningum um frásagnirnar af Rússlandsheimsóknum evrópsku stríðsveldanna 1812 of 1941. Og mestu manndrápum mannkynssögunnar.

Noregur, sem er í EES, er orðinn aðili að ESB-hernaðarsamstarfinu (EU Defence Fund, EDF) ætlar líka að eyða meir í hernaðarbrölt. Hættan vex að Ísland, "vopnlausa landið", dragist með í vopnaskak gömlu stríðsveldanna vegna EES-samningsins.

https://breakingdefense.com/2022/03/seven-european-nations-have-increased-defense-budgets-in-one-month-who-will-be-next/

bloggið skrifar Friðrik Daníelsson

Rússagrýlan til bjargar

Leiðtogar ESB og NATO halda fundi í Brussel til þess að samþykkja að Rússar hafi gert "tilefnislausa" árás á Úkraínu og hvernig eigi að egna þá til áframhaldandi bardaga svo vopnaframleiðendur fái gróðann sinn. Samþykkt var að senda leppstjórninni í Kænugarði nóg af vopnum.

NATO hefur verið notað til tilefnislausra árása (Libía, Írak, Sýrland, Serbía) en leiðtogarnir þora ekki í Rússa þó mikil hætta sé á að einhverjir aular í NÝNATO-löndum komist í vopnahreiður NATO og komi af stað styrjöld.

Fundir í Brussel snúast ekki um raunveruleg vandamál sem eru orkukreppa, lífskjararýrnun og innanlandsóeirðir. Leiðtogarnir eru margir frá einhverjum minnihlutaflokkum í gíslingu trúarsöfnuða eða falsfréttafjölmiðla, elliærir kratar eða valdir með aðferðum sem þola ekki dagsljósið. Þeir hafa spillt orkukerfi og iðnaði sinna landa, reist óhagkvæm orkuver, lokað hagkvæmum og sett höft á eldsneyti.

En einmitt um þessar mundir eru íbúar í löndum NATO og ESB að uppgötva í vaxandi mæli að þeir hafa verið hafðir að fíflum.

Rússagrýlan kemur ráðamönnum NATO og ESB til hjálpar. Þeir geta nú, vegna "tilefnislausrar" árásar Rússa á Úkraínu, frestað að svara fyrir sín mistök fram yfir næstu kosningar og kennt Rússum um hækkandi orkuverð og versnandi lífskjör þó þeir sjálfir hafi sett bann á kaup orkugjafa frá Rússlandi! Og rústað orkukerfi sinna heimalanda!

https://www.frjalstland.is/2022/03/07/utthensla-nato-og-esb-orlagarik-mistok/

bloggið skrifar Friðrik Daníelsson

ESB-strengjabrúður í fjármálaþjónustu

Þeim sem muna hvernig faðmur ESB-regluverksins reyndist íslensku fjármálafyrirtækjunum (þegar brown darling setti þau í þrot kl 10:00, 8.10.2008) rennur nú kallt vatn milli skinns og hörunds við að heyra nýjustu kröfur erindreka ESB/EES um að Ísland "sinni sínum skyldum" og hlýði ESB-tilskipunum um fjármálaþjónustu.

Það er ESA, eftirlitsskrifstofan með hlýðni við EES-samninginn, sem hótar nú að vísa "töfum" á innleiðingu 37 tilskipana frá ESB til dómstóls EES, EFTA-dómstólsins. Nafngiftin er í samræmi við lygahefð ESB: "Dómstóllinn" hefur ekki lögsögu í EFTA og reyndar þaðan af síður á Íslandi nema að því marki sem íslenskar undirlægjur vilja láta "ráðgefandi álit" eða aðrar orðsendingar hans gilda hér.

"Frestir Íslands til að tryggja að gerðirnar yrðu hluti íslensks réttar runnu út 3. desember 2019, 1. janúar 2020 og 7. febrúar 2020". https://www.mbl.is/frettir/innlent/2022/03/23/thremur_malum_gegn_islandi_visad_til_efta_domstolsi/

Það er líklega best að leyfa  ESA og "EFTA-dómstólnum", sem dæmir eingöngu eftir lögum frá ESB, að halda áfram að þusa og vona að okkar menn standi í lappirnar.

https://www.frjalstland.is/2018/05/10/esb-dylur-ekki-lengur-asoknina-i-vold-yrir-fjarmalageirunum/

Landvinningar ESB

ESB hélt að búið væri að klófesta Úkraínu í nóvember 2013 en þá ákvað lýðræðislega kjörin stjórn landsins að hafna ESB-aðild. Þá birtust "fjárfestar" og NGO frá ESB- og NATO-löndum og Obama/Biden-stjórnin og fjármögnuðu götubardaga í Kænugarði sem úkraínskir öfgamenn sáu um. Lögleg stjórn var flæmd frá og leppar ESB- og NATO-landa, úr öfgasöfnuðunum, settir í valdastólana (vorið 2014). Þeir og arftakar þeirra hafa með öðrum voðaverkum rekið hernað gegn eigin þegnum https://rumble.com/vw7ykf-ukraine-on-fire-oliver-stone-2016.html

Úkraínustjórn er búin að missa grímuna og afnema fjölmiðlafrelsi og banna stjórnarandstöðuflokka. Fréttir þeirra af voðaverkum Rússa halda áfram að vaða uppi í falsfréttafjölmiðlum hér, sjúkrahús, leikhús og verslunarmiðstöðvar sýndar sprengdar, voru í raun ónotaðar byggingar teknar undir hernaðarhreiður leppstjórnarinnar.

Lærdómurinn sem EES/ESB-sleikjur hér draga af Úkraínustríðinu er að Ísland verði að ganga í ESB. Lærdómurinn sem svinnir menn draga er að með blindri valdagræðgi og landvinningastefnu er ESB nú orðið orsök umbrota og blóðsúthellinga og vegna EES- tilskipanavalds þess hér orðið ógn við öryggi íslensku þjóðarinnar.

https://www.frjalstland.is/2022/03/07/utthensla-nato-og-esb-orlagarik-mistok/

þetta blog skrifar Friðrik Daníelsson