Gullkorn orkuspámanna

Þjóðin splæsti fokdýrum flug-og hótelmiða á okkar snakkara á óþarfa ráðstefnu undir hattbarði mistakaforsetans í Washington. Þau skildu eftir sig gullkorn um orkumál, kurteislega og í fullu samræmi við niðurrifsstefnu mistakaforsetans og spár loftslagsgaldramanna.

"Þjóðríki geta ekki hugsað aðeins um eigin hag andspænis loftslagsvá"- (Hörður Arnarson)

Orkuframleiðandi íslenska þjóðríkisins ætlar að hugsa um hag 8.000.000.000 manna en getur varla hugsað um hag síns eigin þjóðríkis. Loftslagsváin finnst í yfirlýsingum stjórnmálamanna og skýrslum spilltra stofnana sem eru á þeirra framfæri.

"Engin eyja er eyland þótt eyja sé" (Þórdís Kolbrún)

Augljóst!

"-stór hluti nýtanlegrar vindorku á hafi úti er tengdur orkuboganum (?) sem liggi frá Noregsströndum meðfram Bretlandi og Írlandi til Íslands og þaðan til Grænlands og Nýfundnalands en þaðan megi tengja orkubogann við bandaríska orkukerfið-" sagði lordinn á fundinum en boginn verður v-laga á stikli. Enska lorda dreymir enn um að endurheimta Norður-Ameríku. (Ísland verði hluti af orkubrú. MBl 24.9.2022; bls 20)

Það er bara að vona að Íslendingar þurfi ekki að borga tapreksturinn á "orkuboga" lordsins. Landsmenn hans ráða ekki við tapið sem orkubogar þeirra valda og húka skjálfandi heima. Reyndar er nýja breska ríkisstjórnin farin að taka eitthvert vit í sína þjónustu þrátt fyrir langa hollustu við loftslagsskrumið. Nú ætlar hún að setja aftur í gang alvöru orkuver sem voru fyrir hendi þarlendis fyrir loftslagssvindlið.

Á málfundi

Sameinuðu þjóðanna sagði Bandaríkjaforseti: "-rússneski forsetinn hefur blygðunarlaust brotið gegn sáttmála Sameinuðu þjóðanna þegar hann réðst inn í nágrannaríkið Úkraínu"- (mbl.is)

Biden er orðinn gleyminn, það var hann og Barak Obama sem réðust inn í Úkraínu og frömdu vopnað valdarán 2013, flæmdu lýðræðislega kjörna stjórn Úkraínu frá völdum og komu að fasistískri leppstjórn sinni. Það var hún sem hóf Úkraínustríðið, drápin á rússneskum borgurum Úkraínu.

Sameinuðu þjóðirnar eru stökkpallur Bandaríkjanna, Bretlands og ESB til að reka áróður. Gamanleikarinn frá Úkraínu fær jafnan að betla og blekkja á samkundum þeirra. Fjölmiðlar Vesturlanda eru samsekir, þeir þegja um gagnrýni sem kemur fram á málfundum SÞ. Suður-Afríka benti á hræsnina sem felst í að Vesturlönd reka hernað víðsvegar en telja sig umkomna að gagnrýna aðra fyrir hernaðarþátttöku.  Serbía rifjaði upp tvískinunginn gagnvart Serbíu og dráp NATO á Serbum.

Núverandi mistakaforseti Bandaríkjanna, umkringdur af niðurrifsmönnum, stríðsmöngurum og hergagnaframleiðendum, verður ásamt Bretum og Brusselblókum æ ósvífnari í áróðri og stríðsæsingum.  Það er orðið mjög brýnt að fasistíska leppstjórn NATO í Úkraínu fari frá völdum og NATO kalli heim hermeninna sem stjórna stríðinu og dragi sig úr því. Það þarf að endurreisa lýðræðið í Úkraínu og hreinsa landið af stærsta vopnasafni sem sést hefur í 80 ár, að mestu orðið að brotajárnshaugum sem nú liggja eins og hráviði um Rússabyggðir Ukraínu sem þarf að frelsa undan skothríð fasistanna sem fyrst.

Friðarsinnaðir Íslendingar og margir líkaþenkjandi Vesturlandabúar hafa um árabil þurft að horfa upp á að samstarfslönd, og samtök sem Ísland og fleiri lönd þvældust með í, hafa tekið þátt í stríðsrekstri víða um heim á fölskum forsendum. Heimsbyggðin horfir á með vaxandi ógleði og hatri sem springur út í ofbeldisverkum og flóttamannaflóðum þegar minnst varir (The Secret History of the American Empire. John Perkins 2007. Penguin Books Ltd)

bloggið skrifaði Friðrik Daníelsson

Heimskir græningjar

gerðu ESB háð rússneskri orku segir Marine Le Pen og gagnrýnir frönsk stjórnvöld fyrir að setja viðskiptabann á Rússland: -"Efnahagskreppan í Frakklandi hófst ekki á þessu sumri eða með stríðinu í Úkraínu - ESB horfir á sín loforð um velmegun og frið sökkva í heimspólitísk mistök-" Vesturlönd glata forustuhlutverkinu

Clare Daly, írskur stjórnmálamaður, er ein af þeim sem hafa mótmælt viðskiptaþvingunum á Rússland. Þýskir stjórnmálamenn hafa mótmælt, Klaus Ernst meðal annarra. Ásakanir hafa sést um að Græningjar hafi verið í slagtogi við stórfyrirtæki í Bandaríkjunum um að spilla þýska hagkerfinu

Heimspólitísku mistök ESB eru "græna" stefnan og nú síðast bönn á verslun við mikilvægasta orku- og hráefnabirgjann, Rússland, sem leiða til hnignunar V-Evrópu.

 

Áróðurinn

um Úkraínustríðið er orðinn ósannfærandi, heimsbyggðin er smátt og smátt að átta sig á að það er stríð NATO við Rússland sem byrjaði með vopnaðri árás Obama-Biden stjórnarinnar og ESB í Kænugarði 2013. Mótmælagöngur gegn stríðinu eru hafnar í NATO-löndum. Leppstjórnin í Úkraínu stjórnar ekki sprengjuskotunum nema í falsfréttunum, þeim er stjórnað frá NATO-löndum og framkvæmd að verulegu leyti af launuðum hermönnum þaðan.

Áróðursvél Vesturlanda, með falsfréttafjölmiðlana í broddi fylkingar, dreifir stöðugt rangfærslum um stríðið. Þeir sem ekki syngja með í áróðrinum gegn Rússlandi eru útskúfaðir

Amnesty International afhjúpaði aðferðir Úkraínuhersins og var látið biðjast afsökunar enda staðsett í Englandi þar sem ein helsta áróðursstjórnin er líka staðsett. Alþjóða kjarnorkumálastofnunin, sem hefur nú bæst í hóp spilltra alþjóðastofnana, minntist ekki á, í umsögn sinni um kjarnorkuverið í Zaporozhye, að Úkraínuher hafi gert stöðugar árásir á verið. Rússar hafa nú lokað því til að forða kjarnorkuslysi eins og varð í Úkraínu fyrir 36 árum.

Þekktur franskur stjórnmálamaður segir að fréttir Úkraínustjórnar af illvirkjum Rússa séu óstaðfestar og ótrúverðugur hræðsluáróður, hún hefur nú hlotið útskúfun  fyrir vikið. https://newsinfrance.com/segolene-royal-questions-the-war-crimes-committed-in-ukraine-despite-the-evidence/

Tucker Carlson, einn þekktasti sjónvarpsmaður Bandaríkjanna, fékk á baukinn fyrir að afhjúpa að lengi hafi verið unnið að áætlunum um stríð í Úkraínu og að andstæðingar Trump hafi viljað ákæra hann vegna þess að hann neitaði að ausa fé í vopn til Úkraínu https://www.youtube.com/watch?v=wGvO8b-tiaM

Upp komast svik um síðir. Stríðsveldin drápu fólk með upplognum rökum í Vietnam, Írak, Afganistan í 20 ár þar til eigin bogarar fóru að skammast sín. Nú ætla þau greinilega að drepa fólk næstu 11 árin í Úkraínu (drápin hafa þegar staðið í 9 ár). Við Íslendingar þurfum að þvo hendur okkar af stríðinu og bjóða forustu Bandaríkjanna og Rússlands til friðarviðræðna í Reykjavík.

Bloggið ritaði Friðrik Daníelsson

Norðurlönd í orkukreppu

Sjálfskaparvíti grænna stjórnmálamanna ESB, sem lokuðu hagkvæmum orkuverum og tóku óhagkvæm í notkun, hefur nú komið af stað orkukreppu á Norðurlöndum vegna ESB-aðildar Svía og EES-aðildar Norðmanna.

Á Norðurlöndum er næg orka aðgengileg fyrir þarfir landanna en orkumálastjórn ESB og sæstrengir til Bretlands og ESB hafa komið af stað spákaupmennsku og verðhækkunum út yfir allan þjófabálk. Hvorki heimili né fyrirtæki ráða við að borga orkureikningana. https://www.frjalstland.is/

Bretar hætta við kolefnishlutleysið

Nýr leiðtogi Íhaldsflokksins og forsætisráðherra Breta ætlar að aflýsa vitfirringunni um kolefnishlutleysi, "net - zero".

Klósettpappírsskortur í ESB

Orkukreppa ESB, orsökuð af græna óráðsfálminu, getur leitt til minni framleiðslu á klósettpappír. Martin Krengel, formaður félags þýskra pappírsframleiðenda, segir þá háða hagkvæmu jarðgasi í sinni framleiðslu. Þjóðverji notar að meðaltali 134 rúllur af klósettpappír a ári.

https://www.azerbaycan24.com/en/germans-warned-of-toilet-paper-shortage/

ESB bannaði fyrr á árinu, af alkunnri stjórnvisku sem Íslendingar þekkja af EES-samningnum, kaup á hagkvæmasta jarðgasinu. Bannið hefur gert orkukreppuna enn dýpri, ESB-aðilar vilja ekki kaupa gas frá dýrari birgjum en Rússum.

Stjórnviska ESB kemur sér nú vel. Það þyrfti að búa til tilskipun um klósettpappírsnotkun ESB-þegna svo hamfarahlýnunin fari ekki úr böndunum. Að fara á klósettið samkvæmt nýrri reglugerð getur orðið tímafrekt.

Græna óráðið hefur nú varað í 3 áratugi, nýjasta trúarjátning ESB heitir "Green deal" https://ec.europa.eu/info/strategy/priorities-2019-2024/european-green-deal_en

að sjálfsögðu hermt eftir mistakastjórninni í Bandaríkjunum. Innihaldið er sömu draumórarnir og áður sem hafa þegar valdið orkukreppu, lokun hagkvæmra orkuvera og uppsetningu óhagkvæmra orkuvera, vindmylla.

Auður heimsins

Veistu af hverju hvíta grafhöllin Taj Mahal er á Indlandi? Svar: Hún var of stór til að flytja til Bretlands

Stríðsveldin taka auð heimsins og flytja til Vestur-Evrópu og Bandaríkjanna. Nú á dögum kalla þjófalöndin og þarlendir falsfréttamiðlar það oft að "frysta" þegar um "vægan þjófnað" er að ræða.

Bretar "frystu" íslenskar peningaeignir í Bretlandi 8.10.2008

Setulið Bandaríkjanna í Sýrlandi tekur 83% af olíuframleiðslu landsins

Bandaríkin tóku olíufélag Venesúela í Bandaríkjunum, CITGO

Bretar tóku 1 milljarð dala af gulli sem Venesúela hafði í geymslu í Englandsbanka

Bandaríkin "frystu" 7 milljarða dala úr ríkissjóði Afganistan

Eftir að tókst að egna Rússa í stríð með svikum og drápum á Rússum í Úkraínu fékkst afsökun fyrir einum mesta þjófnaði veraldarsögunnar. Bandaríkin tóku 300 milljarða dala virði af ríkisfé Rússlands sem var í bönkum erlendis, senditíkurnar í Bretlandi og ESB tottuðu það sem þær náðu til.

Heimsendakórinn

Yfirmaður alþjóða veðurfræðisamtakanna (WMO) varaði árið 2019 við heimsendaspámönnum um loftslagsbreytingar, öfgamönnum og leppum þeirra í fjölmiðlunum:

-"boðskapur hrakspámannanna um loftslagsbreytingar er kominn út af sporinu - fréttamiðlar framkalla tilefnislausar áhyggjur-" (Petteri Taalas 6.9.2019) https://climatechangedispatch.com/wmo-head-warns-climate-doomsayers/

Petteri fékk gúmmorinn og skipti um skoðun og hélt embættinu og laununum. Á æfingu heimsendakórsins í Reykjavík sagði hann

-"að fleiri nú finna fyrir loftslagsvánni og trúi vísindunum því frekar-" (Petteri Taalas 22.8.2022)  https://www.mbl.is/frettir/innlent/2022/08/22/

(Petteri er frá hinu kalda Finnlandi og hefur væntanlega tekið eftir að engin hættuleg hlýnun er í gangi. WMO er veðurfræðisamtök (ekki loftslagsfræðisamtök) sem ásamt með IPCC, milliríkjanefnd Sameinuðu þjóðanna um loftslagsbreytingar (ekki loftslagsfræðistofnun) hafa síðustu þrjá áratugina gefið út heimsendaspár um loftslagshlýnun, byggðar á ófullkomnum gögnum. Spárnar hafa allar verið falsspár. WMO og IPCC eru undir Sameinuðu þjóðunum. https://www.frjalstland.is/2022/01/06/spillt-og-vanhaef-althjodasamtok/

Orkukerfi braskara

"-Enn er rekinn áróður í nafni EES-samningsins um að gera Íslendinga hluta af þessu fyrirkomulagi-" (orkustjórnkerfi ESB)

-Sighvatur Bjarnason rekur fyrirtæki í Lettlandi: "-Rafmagnskostnaður í hans fyrirtæki þar í landi hefði í heild verið 252,6% hærri en á síðasta ári". "Í dag þurfum við að hætta framleiðslu kl 17:00 vegna þess að frá kl. 18 til 19 fer kostnaðurinn í 4 evrur á kílóvatttímann". Han lýkur orðum sínum með eftirfarandi ályktun:

"Það er skynsamlegra fyrir Ísland að ganga úr EES en að missa yfirráðin yfir orkuauðlindunum. Þetta er það sem koma skal"" (Sigurður Már Jónsson) https://www.mbl.is/greinasafn/grein/1816463/?item_num=0 searchid=fbbdd40d7596fc0b8431db5a600386f35e5da472

https://www.frjalstland.is/2022/04/03/vaxandi-fataekt/

https://www.frjalstland.is/2022/01/22/island-smitad-af-orkukreppu-esb/

https://www.frjalstland.is/2021/10/08/vindmyllur-og-orkukreppan/

https://www.frjalstland.is/2021/04/15/eiga-orkufyrirtaeki-esb-ees-ad-virkja-orkulindir-islands/