Nauðgunarhöfuðborg

Okkar frændur og fyrirmyndir, Svíar, eru að verða siðmenningarlegri upplausn að bráð eftir mannsaldra vanrækslu eigin menningar og sérstöðu. Eftir heimsstyrjaldirnar, sem Svíar stóðu utanvið, fylltust þeir bábiljum um að þeir hefðu sérstakt góðmennskuhlutverk í heiminum og tóku að sér að verða amma alls heimsins sem öllum vill gott gera. Kratastefnan með stjórnleysi, slappleika og siðmenningarspjöllum réð þróun sænska samfélagsins. Allt sænskt var haft að háði, fjarlægri menningu hossað, fjarlægar þjóðir rómaðar. Svíar hafa flutt inn heilu borgirnar af glæpahneigðum ungmennum frá þróunarlöndum sem eru hægt en örugglega að valda glæpavæðingu og upplausn í borgunum sem gamla menningarlandið ræður ekki við. Skotbardagar á götum úti, bókabrennur í tísku. Stokkhólmur er orðinn nauðgunarhöfuðborg Evrópu.

https://www.tbsnews.net/world/countries-highest-rape-incidents-144499

Ísland er á hraðri leið að samskonar upplausn og Svíþjóð, okkar ráðamenn virðast ekkert ráða við málin og fljóta sofandi að feigðarósi EES, Schengen og Sameinuðu þjóðanna.

Svíar misstu sjálfstæðið í hendur Brussel 1995 og eru nú á leið að missa hlutleysið í hendur NATO. Það er illur endir á góðum ferli, Svíþjóð barðist lengi gegn manndrápum Bandaríkjanna og NATO-landa um víða veröld. Það voru einmitt þau manndráp sem komu af stað flóttamanna- og hælisleitendastraumnum sem Svíþjóð fyrir sitt leyti ræður ekki lengur við. Þekking nútíma ráðamanna Svíþjóðar nær ekki lengra en svo að nú ætla þeir að láta Svíþjóð gerast meðlim í þessu sama NATO, stríðsklúbb Bandaríkjanna og stríðsvelda Evrópu, sem hefur valdið því að milljónir manna flýja sitt heima og valda vanda hjá Svíum og öðrum þjóðum.

https://www.frjalstland.is/2023/02/22/hnignun-nordurlanda-nordens-forfall/

 

Svaml um EES

Lög Evrópusambandsins, sem það ákveður að gildi í EES-löndum, verða æ fleiri, flóknari, óskiljanlegri og kostnaðarsamari fyrir litla þjóð. Nú ætlar utanríkisráðfrúin að láta Alþingi halda áfram að útvíkka og rimpa í EES samninginn með því að setja sérstök ný lög til að tryggja að ESB-lög séu æðri íslenskum lögum:

-"Ef skýrt og óskilyrt lagaákvæði sem réttilega innleiðir skuldbindingu samkvæmt EES-samningnum er ósamrýmanlegt öðru almennu lagaákvæði skal hið fyrrnefnda ganga framar, nema Alþingi hafi mælt fyrir um annað-".https://www.althingi.is/altext/153/s/1392.html Í íslenskri þýðingu: Svaml um svaml um útúrsnúninga (það er ekki til orðabók um rassbögurnar frá erindrekum ESB).

Þetta er ekki bara svaml heldur vitlaus bókun, hún var svona:

"Vegna tilvika þar sem getur komið til árekstra á milli EES-reglna sem komnar eru til framkvæmdar og annarra settra laga, skuldbinda EFTA-ríkin sig til að setja, ef þörf krefur, lagaákvæði þess efnis að EES-reglur gildi í þeim tilvikum". Í íslenskri þýðingu: EES-lög eru æðri íslenskum lögum.

ESA (EES-eftirlitið í Brussel) hótar málsókn hlýði Ísland ekki og setji EES-regluverkið ofar íslenskum lögum. Sú hótun er lítilvæg, dómar EFTA-dómstólsins (les EES-dómstólsins) hafa ekki gildi á Íslandi nema stjórnvöld hér láti þá hafa gildi.

Skilji nú hver sem betur getur svamlið og flækjur EES-samningsins, langyrt, ógreinileg og óþörf eða skaðleg fyrirmæli í stíl gömlu einveldisþjóða ESB, þau henta Íslandi ekki og verða stöðugt þyngri baggi.

 

Brusselráðfrú

sem situr í stól utanríkisráðherra ætlar sér að tryggja að Evrópusambandið ráði því sem það vill og íslenskum lögum verði fleygt þegar koma fyrirmæli frá Brussel -"Ef lagaákvæði sem - innleiðir skuldbindingu samkvæmt EES-samningnum er ósamrýmanlegt öðru almennu lagaákvæði skal hið fyrrnefnda ganga framar-" https://samradsgatt.island.is/oll-mal/$Cases/Details/?id=3399 Hún leyfir sér að halda fram í víðáttuvitlausum útúrsnúningum (Mbl 1.4.2023) að -"Alþingi geti eftir sem áður sett ákvæði sem gengur gegn EES-!". Þeir sem einhverja þekkingu hafa á EES-áþjáninni vita að Alþingismenn hafa eldrei þorað að ganga gegn valdboðum Brussel og engar líkur að þeir hafi kjark til þess eftir þetta valdarán.

Spurningar vakna hvaða 63 Barbídúkkur það eru sem sitja í ráðherrastólum og á Alþingi. Milli þess sem þær kasta milljörðunum okkar í ný-nasistíska hryðjuverkamenn, og fara í heimsókn til að faðma þá, vinna þær í að ræna Íslendinga því sjálfstæði sem þeir eiga enn eftir. https://www.frjalstland.is/2023/03/27/utvikkun-ees-samningsins/

Valdaránið í Úkraínu 9 ára

Í dag er 9 ára afmæli blóðuga valdaráns Obama-Biden stjórnarinnar í Kænugarði sem kom 27.2.2014 að leppstjórn með aðstoð NATO- og ESB-aðila og stuðningi úkraínskra ný-nasista og fasista. Blóðuga valdaránid í Úkraínu

Aðstoðarutanríkisráðherra Obama-stjórnarinnar, Victoria Nuland,  sá um að "fjárfesta" 5 milljarða dala í valdaráninu en vopnasendingarnar núna á einu ári eru orðnar um 100 milljarðar, nærri tvöföld árleg varnarmálaútgjöld Rússlands. Hernaðaráætlanir NATO og ESB hafa að markmiði að kljúfa Rússland og opna auðlindir þess fyrir rupli fjárfesta í NATO- og ESB-löndum.

Leppstjórnin og arftakar hennar hafa allt frá valdaráninu, undir stjórn NATO (það er hernaðaryfirvalda Bandaríkjanna) rekið hernað gegn rússneskum íbúum Úkraínu og höfðu valdið limlestingum 40.000 og dauða 14.000 manna þegar loks Rússlandsher kom þeim til bjargar. Það var eimitt hið lymskulega markmið með valdaráninu að neyða Rússland í stríð og fá fallega afsökun fyrir áróðursfréttamiðla Vesturlanda fyrir hernaðarrekstri gegn Rússum til þess að "verja frelsið og lýðræðið" en leppstjórnin hefur bannað stjórnarandstöðuna, skert frelsi borgaranna og aukið ofsóknir. Yfir 5 milljónir hafa flúið, flestir til Rússlands, 3 milljónir manna. Meðal baráttuaðferða leppstjórnarinnar eru hryðjuverk (s.s. sprenging á gasleiðslum), manndráp og árásir á verustaði almennings.

Máttlausir og fákunnugir leiðtogar Íslands hafa látið ESB og NATO, í skjóli EES- og NATO-samninganna, leiða herlausa Ísland með í hernaðarrekstur gegn einni traustustu vinaþjóð Íslands. Og ausa milljörðum af fjármunum Íslendinga í hernaðarverktakana í Kænugarði, fjármunum sem ætti að nota til að aðstoða Íslendinga sem þurfa aðstoð. ESB og NATO, sem eru þess valdandi að Austur-Úkraína er að leggjast í rúst, geta sjálf borgað sínum stríðsverktökum.

Rússland er stærsta land Jarðar, Rússar eru stærsta þjóð Evrópu og hafa oft verið í hlutverki útvarða Evrópu gegn árásum, m.a. frá núverandi ESB-löndum, og eru nú að reyna að verja Rússneska íbúa Úkraínu fyrir þeim sömu eftir 9 ára hernað leppstjórnarinnar gegn Donbas í Austur-Úkraínu. Rússar hafa alltaf komið fram við Ísland af virðingu, staðið með Íslandi í lífsbaráttu smáþjóðarinnar og verið ein mikilvægasta viðskiptaþjóð Íslendinga.

Það er vítaverð yfirsjón og svik við nærri aldargamalt trúnaðartraust millum Rússlands og Íslands að láta draga íslensku þjóðina í hernaðarrekstur gegn Rússlandi undir fölsku flaggi baráttu fyrir frelsi og lýðræði. Átökunum í Úkraínu mun ekki ljúka fyrr en ábyrgir leiðtogar hafa tekið við völdum í Bandaríkjunum og ESB eða Rússar afvopnað stríðsverktakana og rekið byssumennina burt. Það gæti tekið áratugi eins og til dæmis í Vietnam eða Afganistan þar sem NATO-lönd hafa stundað hernað.

Friðrik Daníelsson

 

 

Gleðileg jól!

Hátíð ljóssins getur nú hafist, sólin farin að hækka á lofti og bjartara framundan!

Þórdís í Kænu

Utanríkisráðherra okkar fór með gengi frá Norðurlöndum og Eystrasalti að skoða blóm leppstjórnar NATO í Kænugarði. Þetta lýðræðiselskandi gengi hefur örugglega beðið Úkraínustjórn að afnema einræðið og bannið á stjórnmálaflokka og málfrelsi. Eftir ferðina skrifaði Þórdís: -"er málstaður Úkraínu gagnvart grimmilegu og ólöglegu landvinningastríði Rússlands algjörlega réttmætur og málatilbúnaður Rússlands fullkomlega ranglátur" (Mbl 11.12.22).

Samkvæmt Angelu Merkel gerði Úkraína, með ábyrgð NATO-landa, friðarsamninga 2014 við Rússland um Úkraínu-Rússana sem aldrei var meiningin að efna en voru aðeins til þess að vinna tíma til að vopnavæða Úkraínu fyrir hernaðinn sem NATO hefur verið með í undirbúningi í fjölda ára. https://moderndiplomacy.eu/2022/12/13/merkels-confession-could-be-a-pretext-for-an-international-tribunal/

Það voru Bandaríkin, ESB-aðilar og fasistaflokkar Úkraínu sem hófu Úkraínustriðið 2013 með blóðugu valdaráni og hernaði gegn Úkraínu-Rússunum. Rússlandsstjórn var nauðugur einn kostur að koma Rússum Úkraínu til bjargar. Úkraínustríðið er landvinningastríð NATO og ESB.

https://www.frjalstland.is/2022/12/16/utanrikismal-i-ogongum/

bloggið ritar Friðrik Daníelsson

Hlýðið!

segir Evrópusambandið og lætur orkulandið Noreg lögleiða ónýtt orkustjórnkerfi sambandsins í krafti EES.

Með sæstreng eru Norðmenn nú tjóðraðir við braskið með raforkuna á "samkeppnismarkaði" ESB þar sem menn búa við dýra og stopula orku frá vindmyllum. ESB-fyrirtæki gera því rokhá tilboð í orku frá Noregi sem notendur í Noregi verða að keppa við. Það þýðir að rafmagnsverð í Noregi eru komið upp úr öllu valdi; orkukreppa Evrópusambandsins komin til Noregs. Ríkisstjórnin hefur afsalað valdinu og getur nú ekkert gert nema að eyða fúlgum í niðurgreiðslur heima.

Norsku sjálfstæðissamtökin Nei til EU stefndu norska ríkinu fyrir fjórum árum fyrir að hafa brotið stjórnarskrána (Grunnloven) með því að samþykkja að afsala valdi til orkustofnunar ESB (ACER) og EES-eftirlitsins (ESA). Nú hafa dómar gengið (í Oslo tingrett og Borgarting lagmannsrett) sem segja að afsalið hafi ekki verið stjórnarskrárbrot! Norsk stjórnvöld þora ekki, frekar en þau íslensku, annað en hlýða Evrópusambandinu í einu og öllu. Engar undantekningar.

Það verður ljósara með hverjum degi að áþján Evrópusambandsins í Noregi (og Íslandi) verður ekki afnumin fyrr en EES-samningurinn hefur verið afnuminn.

https://neitileu.no/

EES og raforkan, baráttan í Noregi

Einar Frogner, formaður Nei til EU í Noregi, flytur erindi um baráttu samtakanna gegn EES og stjórnvaldsafskiptum Evrópusambandsins af raforkumálum Noregs í krafti EES.

Aðild Noregs að EES og tenging við raforkumarkað Evrópusambandsins hafa valdið því að Noregur hefur misst mikilvæga stjórn á eigin orkumálum. Angar af orkukreppu Evrópusambandsins hafa því teygt sig til Noregs með slæmum afleiðingum.

Noregur hefur tvisvar hafnað aðild að Evrópusambandinu í þjóðaratkvæðagreiðslum (1972 og 1994). Samtökin Nei til Eu eiga mikinn þátt í að Noregi hefur verið forðað frá Evrópusambandsaðild og hafa nú í auknum mæli snúið sér að baráttunni gegn EES-samningnum sem Einar mun m.a. fjalla um.

EFTA-löndin gerðu EES-samninginn við Evrópusambandið, Noregur, Ísland og Liechtenstein samþykktu hann, Sviss hafnaði honum og stendur utan EES.

Salur 103 á Háskólatorgi klukkan 17:30, miðvikudaginn 7. desember.

Allir velkomnir meðan húsrúm leyfir!

Heimssýn     Frjálst land     Herjan    Ísafold

Flóttafólk

Stríðsmangararnir (Bandaríkin, NATO- og ESB-lönd) hafa lengi farið um heiminn með refsiaðgerðum, valdaránum, vopnum og drápum (Íran, Víetnam, Serbía, Írak, Afganistan, Sýrland, Úkraína). Okkar máttlausu stjórnmálamenn láta stríðsmangarana bendla Íslandi við hernaðinn. Íbúar heimsins flýja undan manndrápunum. 

Ísland missti stjórn á innflutningi fólks 1994 með EES-samningnum og fylgifiski hans, Schengensamningnum 1996. Það hafa verið skriffinnar ESB sem hafa stjórnað hvaða fólk fær að búsetja sig á Íslandi. Spilltar stofnanir Sameinuðuþjóðanna hjálpa til við að senda flóttamenn til fjarlægra landa þar sem ráða máttlausir stjórnendur þó grundvallar samningar um flóttamenn segi að nágrannalönd eigi að veita þeim skjól.

Holskefla flóttafólks sem skall á Evrópu 2015, á flóta undan "aðgerðum" stríðsmangaranna í Sýrlandi, Afganistan og Írak, varð til þess að Schengen-kerfið leystist í raun upp þegar Þýskaland (með verstu múgsamviskuna) opnaði landamæri sín og þar með allrar Evrópu.

Ríkisstjórn Íslands hefur nú misst flóttamannavandann úr höndum sér og fálmar. En hjálp er að fá, fyrst þarf að segja bæði EES- og Schengensamninguum upp og taka málin í eigin hendur eins og eyjarskeggjar nágrannaeyja gera (Bretland, Írland, Færeyjar, Grænland). Ísland getur byggt á grundvallarsamningunum um flóttafólk og stutt fólkið með fé og hjálpargögnum hvert sem það fer. Kominn tími til, Ísland hefur stutt hernaðaraðgerðir stríðsmangaranna og aukið þannig á hörmungar flóttafólksins.https://www.frjalstland.is/schengensamningurinn-oraunhaefur-2/

 

Bresk hryðjuverkastöð

Bretar eru að þjálfa fleiri og fleiri hermenn til að berjast við Rússa. https://news.sky.com/story/ukraine-war-uk-programme-to-train-citizen-soldiers-is-expanding-12690320

Sveit 100 manna er nú í þjálfun til að ráðast á kjarnorkuverið í Zaporozhie https://tass.com/defense/1518489

NATO hefur þegar tekið við miklum hluta hernaðaraðgerða fasistastjórnarinnar í Kænugarði. Bretar hafa tekið við hernaðinum í Zaporozhie https://tass.com/politics/1518475

Kjarnorkuverið var reist af kjarnorkusérfræðingum Rússa (Ráðstjórnarríkjanna) og í raun stjórnað af þeim  (Rosatom í Moskvu) frá byrjun. Úkraína ræður ekki við slíkt (sbr. Chernobyl). Rússar eru búnir að taka verið formlega yfir aftur og hafa nú lokað því vegna stöðugra árása Úkraínumanna.

Mistakaforseti Bandaríkjanna segir að þurfi "regime change" í Moskvu sem jafngildir stríðsyfirlýsingu. Og breska stríðsæðið lifir góðu lífi, hluti af breskri vellíðan. Bretar mundu tala þýsku eða frönsku ef Rússar hefðu ekki bjargað þeim.

NATO er að drekkja Úkraínu i blóði til þess að ná Rússlandi undir áhrif NATO-landa sem ásælast rússneskar auðlindir.

Friðrik Daníelsson ritaði blog