Hlýðið!

segir Evrópusambandið og lætur orkulandið Noreg lögleiða ónýtt orkustjórnkerfi sambandsins í krafti EES.

Með sæstreng eru Norðmenn nú tjóðraðir við braskið með raforkuna á "samkeppnismarkaði" ESB þar sem menn búa við dýra og stopula orku frá vindmyllum. ESB-fyrirtæki gera því rokhá tilboð í orku frá Noregi sem notendur í Noregi verða að keppa við. Það þýðir að rafmagnsverð í Noregi eru komið upp úr öllu valdi; orkukreppa Evrópusambandsins komin til Noregs. Ríkisstjórnin hefur afsalað valdinu og getur nú ekkert gert nema að eyða fúlgum í niðurgreiðslur heima.

Norsku sjálfstæðissamtökin Nei til EU stefndu norska ríkinu fyrir fjórum árum fyrir að hafa brotið stjórnarskrána (Grunnloven) með því að samþykkja að afsala valdi til orkustofnunar ESB (ACER) og EES-eftirlitsins (ESA). Nú hafa dómar gengið (í Oslo tingrett og Borgarting lagmannsrett) sem segja að afsalið hafi ekki verið stjórnarskrárbrot! Norsk stjórnvöld þora ekki, frekar en þau íslensku, annað en hlýða Evrópusambandinu í einu og öllu. Engar undantekningar.

Það verður ljósara með hverjum degi að áþján Evrópusambandsins í Noregi (og Íslandi) verður ekki afnumin fyrr en EES-samningurinn hefur verið afnuminn.

https://neitileu.no/

EES og raforkan, baráttan í Noregi

Einar Frogner, formaður Nei til EU í Noregi, flytur erindi um baráttu samtakanna gegn EES og stjórnvaldsafskiptum Evrópusambandsins af raforkumálum Noregs í krafti EES.

Aðild Noregs að EES og tenging við raforkumarkað Evrópusambandsins hafa valdið því að Noregur hefur misst mikilvæga stjórn á eigin orkumálum. Angar af orkukreppu Evrópusambandsins hafa því teygt sig til Noregs með slæmum afleiðingum.

Noregur hefur tvisvar hafnað aðild að Evrópusambandinu í þjóðaratkvæðagreiðslum (1972 og 1994). Samtökin Nei til Eu eiga mikinn þátt í að Noregi hefur verið forðað frá Evrópusambandsaðild og hafa nú í auknum mæli snúið sér að baráttunni gegn EES-samningnum sem Einar mun m.a. fjalla um.

EFTA-löndin gerðu EES-samninginn við Evrópusambandið, Noregur, Ísland og Liechtenstein samþykktu hann, Sviss hafnaði honum og stendur utan EES.

Salur 103 á Háskólatorgi klukkan 17:30, miðvikudaginn 7. desember.

Allir velkomnir meðan húsrúm leyfir!

Heimssýn     Frjálst land     Herjan    Ísafold

Flóttafólk

Stríðsmangararnir (Bandaríkin, NATO- og ESB-lönd) hafa lengi farið um heiminn með refsiaðgerðum, valdaránum, vopnum og drápum (Íran, Víetnam, Serbía, Írak, Afganistan, Sýrland, Úkraína). Okkar máttlausu stjórnmálamenn láta stríðsmangarana bendla Íslandi við hernaðinn. Íbúar heimsins flýja undan manndrápunum. 

Ísland missti stjórn á innflutningi fólks 1994 með EES-samningnum og fylgifiski hans, Schengensamningnum 1996. Það hafa verið skriffinnar ESB sem hafa stjórnað hvaða fólk fær að búsetja sig á Íslandi. Spilltar stofnanir Sameinuðuþjóðanna hjálpa til við að senda flóttamenn til fjarlægra landa þar sem ráða máttlausir stjórnendur þó grundvallar samningar um flóttamenn segi að nágrannalönd eigi að veita þeim skjól.

Holskefla flóttafólks sem skall á Evrópu 2015, á flóta undan "aðgerðum" stríðsmangaranna í Sýrlandi, Afganistan og Írak, varð til þess að Schengen-kerfið leystist í raun upp þegar Þýskaland (með verstu múgsamviskuna) opnaði landamæri sín og þar með allrar Evrópu.

Ríkisstjórn Íslands hefur nú misst flóttamannavandann úr höndum sér og fálmar. En hjálp er að fá, fyrst þarf að segja bæði EES- og Schengensamninguum upp og taka málin í eigin hendur eins og eyjarskeggjar nágrannaeyja gera (Bretland, Írland, Færeyjar, Grænland). Ísland getur byggt á grundvallarsamningunum um flóttafólk og stutt fólkið með fé og hjálpargögnum hvert sem það fer. Kominn tími til, Ísland hefur stutt hernaðaraðgerðir stríðsmangaranna og aukið þannig á hörmungar flóttafólksins.https://www.frjalstland.is/schengensamningurinn-oraunhaefur-2/

 

Bresk hryðjuverkastöð

Bretar eru að þjálfa fleiri og fleiri hermenn til að berjast við Rússa. https://news.sky.com/story/ukraine-war-uk-programme-to-train-citizen-soldiers-is-expanding-12690320

Sveit 100 manna er nú í þjálfun til að ráðast á kjarnorkuverið í Zaporozhie https://tass.com/defense/1518489

NATO hefur þegar tekið við miklum hluta hernaðaraðgerða fasistastjórnarinnar í Kænugarði. Bretar hafa tekið við hernaðinum í Zaporozhie https://tass.com/politics/1518475

Kjarnorkuverið var reist af kjarnorkusérfræðingum Rússa (Ráðstjórnarríkjanna) og í raun stjórnað af þeim  (Rosatom í Moskvu) frá byrjun. Úkraína ræður ekki við slíkt (sbr. Chernobyl). Rússar eru búnir að taka verið formlega yfir aftur og hafa nú lokað því vegna stöðugra árása Úkraínumanna.

Mistakaforseti Bandaríkjanna segir að þurfi "regime change" í Moskvu sem jafngildir stríðsyfirlýsingu. Og breska stríðsæðið lifir góðu lífi, hluti af breskri vellíðan. Bretar mundu tala þýsku eða frönsku ef Rússar hefðu ekki bjargað þeim.

NATO er að drekkja Úkraínu i blóði til þess að ná Rússlandi undir áhrif NATO-landa sem ásælast rússneskar auðlindir.

Friðrik Daníelsson ritaði blog

Fótasár ESB

Evrópusambandið er búið að skjóta sig svo oft í fótinn að batahorfur eru litlar. Stærsta skotgatið er frá því það bannaði sínum meðlimum og leppum að versla við Rússland vegna stríðsins í Úkraínu þó það hafi sjálft átt upptökin ásamt með Obamastjórninni. https://www.frjalstland.is/2022/05/05/bloduga-valdaranid-i-ukrainu/

Fyrirtæki í V-Evrópu verða nú að kaupa dýrari orku og aðföng frá fjarlægari stöðum

Annað stórt skotgat á fæti ESB, gamalt en ógróið, er græna vitfirringin gegn eldsneyti sem hafði eyðilagt orkumál ESB áður en sambandið lokaði á Rússland. Þegar svo ESB og NATO reyndu að véla heimsbyggðina til að styðja stríðsreksturinn í Úkraínu skaut sambandið sig enn einu sinni í fótinn. Heimsbyggðin mest öll hunsaði Vesturlönd enda þekkja mörg lönd hernaðarfýsn, valdagræðgi, lygaherferðir og græna eyðileggingarofbeldi Vesturlanda.

Vesturlönd eru að einangrast frá öðrum löndum jarðarkringlunnar með valdagræðgi og stríðsórum og eru búin að króa stærstu þjóð Evrópu út í horn með svikum, lygum og vopnavæðingu fasista og vígamanna. Heimsbyggðin utan Vesturlanda er nú í óða önn að bindast hagsmunaböndum gegn hernaðarbrölti og valdagræðgi ESB og NATO-landa https://impakter.com/brics-expansion-five-new-members-in-2023/

Úthafseyjan Ísland, sem lenti undir valdi ESB/EES og er þar enn, dregst með í stríðsreksturinn andstætt hagsmunum og öryggi landsins.

https://www.frjalstland.is/2022/05/31/evropusambandid-hervaedist/

Eðlið segir til sín

Það hefur reynst erfitt að bæla eðlið, það segir yfirleitt til sín á endanum. Eðli Evrópusambandsins hefur nú verið að segja til sín. Grafin er hugsjónin um friðelskandi Evrópusamband gamalla stríðsþjóða V-Evrópu. Stríðseðlið er nú aftur að koma upp á yfirborðið og skín í gegnum skinhelgina um frið og manngæsku. Stríðsmangararnir eru farnir að rymja eins og fyrrir 80 árum.

Þau lönd V-Evrópu sem hafa drepið flesta hafa nú áform um mikinn hernaðarundirbúning. Afsökunin er eins og áður, Rússagrýlan, heimatilbúnir hugarórar sem hafa það hlutverk að skapa óvinamynd. Stríðsæsingarnar eru kærkomnar fyrir ráðamenn ESB- og NATO-landa, þeir eru búnir að koma sínum þjóðum í lífskjara- og siðmenningarkreppu og þurfa að beina athyglinni annað.

Rússar hafa aldrei haft áhuga á að gera árás á V-Evrópu. Og Kína er óþarfi fyrir V-Evrópu að brýna kutana gegn, þeir hafa ekki haft frumkvæði að heimsstyrjöldum og eru á hernaðaráhrifasvæði Bandaríkjanna.

https://www.frjalstland.is/2022/05/31/evropusambandid-hervaedist/

Falsfréttaáróðurinn leynir manndrápum, Úkraínuher skaut 62 sprengjum á íbúðahverfi í Donesk, eins og þeir hafa gert í 8 ár. Drápu 5 og særðu 20.

Falsfréttaóhróðurinn blæs út sprengingu Rússa á skriðdrekageymslu í Kænugarði. Enginn dó. https://www.bbc.com/news/world-europe-61695244

Ófréttnæmt fréttnæmt. Fréttnæmt ófréttnæmt!

bloggið skrifar Friðrik Daníelsson

Einkabíllinn bestur

Ert þú farin að hlakka til að fara með borgarlínunni?. Það verður nóg pláss, langir harmoníkuvagnar sem fáir vilja fara með, þú hefur mörg sæti að velja úr. Sætanýtingin er nokkur prósent, yfirleitt nokkrar hræður í vögnunum.  Þeir fá sérstakar götur svo þú blússar fram úr umferð almúgans sem situr fastur í umferðateppum af því að það er búið að taka af þeim akreinar undir borgarlínuna. Þú hefur gaman af að keyra um en brogarlínan skilar þér aldrei heim eða á áfangastað, bara í biðskýli. https://borgarlinan.is/

Einkabíllinn hefur verið borinn röngum sökum af trúarfrömuðum og skipulagsnefndum byggt á vanþekkingu eins og venjulega.

Einkabíllinn hefur kosti sem engin önnur samgöngutæki hafa: Hann skilar þér i öllum veðrum með öryggi alla leið frá upphafsstað á áfangastað milliliðalaust á mettíma fyrirhafnarlítið með litlum kostnaði. Engin tímasóun, ekkert stress, ekkert kvef af að bíða í biðskýli, ekkert labb yfir umferðagötur, lítil mengun, lítið vegaslit, engar tafir (þú lendir reyndar í stoppi þar sem borgaryfirvöld hafa ekki staðið sig við að hafa götukerfið í lagi). Einkabíllinn er kominn með góða útblásturshreinsun og léttir bensínbílar hleypa ekki upp miklu ryki (sem er hættulegasta mengunin). Í lítilli vindbarinni borg eins og Reykjavík er einkabíllinn besti, umhverfisvænsti og afkastamesti umferðamátinn. Allflestir vilja eiga einkabíl þó yfirvöld skattpíni bílaeigendur og þykist vera að vernda umhverfið.

Sumir umhverfistrúðar vilja láta okkur ferðast á rafskutlum eða hjólum sem eru yfirleitt stórhættulegar slysagildrur sem íþyngja heilbrigðiskerfinu.

Heyrðu í Rússunum!

Hvernig væri að hlusta í nokkrar mínútur á áróður Rússa sem er allt öðruvísi en hroðinn sem falsfréttamiðlar í NATO bera á borð. https://www.rt.com/shows/news/553823-rtnews-april-14-09msk/

Stríðið í Úkraínu hófst fyrir alvöru þegar leppstjórn NATO og ESB tók við völdum í Kænugarði fyrrihluta árs 2014. Drápssveitir, Asov og fleiri, á vegum nýju leppstjórnarinnar mögnuðu stríð á hendur íbúum austurhéraðanna, margir rússneskumælandi, sem vildu losna undan leppstjórninni.  Hernaðarátökin hafa nú breiðst út eftir að rússneski herinn skarst í leikinn. Hernaður Úkraínustjórnar er kynntur, vopnaður og fjármagnaður fyrir opnum tjöldum af stríðsæsingaöflum NATO-landa. Drápssveitir Úkraínustjórnar eru þjálfaðar, klæddar og fæddar af NATO-löndum og betrumbættar með málaliðum og drápsfúsum mönnum þaðan. Þeir sem græða, vopnaframleiðendur, taka virkan þátt í áróðri NATO, þar á meðal stjórnmálamenn sem eru hluthafar.

Eða er þetta kannske bara enn ein lygaþvælan?

https://www.frjalstland.is/2022/03/07/utthensla-nato-og-esb-orlagarik-mistok/

bloggið skrifar Friðrik Daníelsson

Ómarktækir leiðtogar

Bandaríkjamenn eru okkar mikilvægustu bandamenn, við treystum á þá. Það er þess vegna ógnvekjandi þegar forseti Bandaríkjanna kemur fram eins og ómarktækur krati og fer með glórulausar yfirlýsingar sem túlka má sem stríðsyfirlýsingar hins mikla herveldis.

Hann heimsótti eitt af mörgum herhreiðrum NATO, í Póllandi ekki mjög langt frá kjarnorkuflaugaskotpöllum Rússa sem heilsuðu honum með að sprengja, hárnákvæmt, tvær birgðastöðvar Úkraínu nálægt landamærunum. Forsetinn talaði við hermenn sína um Úkraínu:

-"þið sjáið þegar þið eruð þar-". Hermennirnir héldu að nú ætti að senda þá inn í Úkraínu. https://www.dailymail.co.uk/news/article-10653329/White-House-corrects-Biden-suggested-troops-sent-Ukraine.html

Síðan hélt forsetinn aðra ræðu og sagði að yrði að koma stjórn Rússlands frá! https://www.telegraph.co.uk/world-news/2022/03/26/joe-biden-us-president-vladimir-putin-russia-power-ukraine-invasion/

Sem betur fer er ameríska stjórnkerfið öflugra en svo að óráðshjal forsetans geti sett af stað heimsstyrjöld. Hvíta Húsið hefur staðið í ströngu við að bera til baka bullið í Biden.

En við spyrjum, hvernig má það vera að okkar öflugu bandamenn hafi fengið slíkan forseta í Hvíta Húsið?

Að framselja fullveldið.

Úr Reykjavíkurbréfi Morgunblaðsins 19. febrúar 2022

"Það er mikið áhyggju­efni að ís­lensk­ir stjórn­mála­menn, óháð flokk­um, hafi sætt sig við að verk­efni þeirra hef­ur að mestu verið fært öðrum. Hörm­ung­ar­stjórn Jó­hönnu og Stein­gríms ætlaði sér að læða ís­lensku þjóðinni lemstraðri inn í ESB, af því að hjú­in vissu að upp­rétt færi hún þangað aldrei.

En stjórn­in rann á rass­inn þegar hún horfði fram­an í ís­lensk­an veru­leika. En fram að því var búið að færa reglu­verk EES-samn­ings­ins að þess­ari inn­göngu, í svo­kölluðum samn­ing­um, sem voru þó al­gjör­lega ein­hliða leiðsögn búró­krata frá Brus­sel. Fyrst óynd­is­rík­is­stjórn­in hrökklaðist frá með fall­ein­kunn frá kjós­end­um í lág­marki, sem ekki hafði áður sést, þá bar að færa reglu­verkið aft­ur til þess sem það var, varðandi EES og reynd­ar allt verk­ferlið, sem ut­an­rík­is­ráðuneyti ESB við Rauðar­ár­stíg hef­ur staðið í til þess að þurrka smám sam­an burt all­an mun sem vera skal á milli samn­ings sem tryggði full­veldi þjóðar og hins veg­ar þess sem fleygði því á haug­ana.

Nú sjá­um við bet­ur hversu illa var staðið að orkupakka­mál­inu. Norðmenn súpa seyðið af slíku og reynd­ar Evr­ópa öll, þar sem orku­vand­ræðin vaxa hratt.

Orkukreppa Evr­ópu set­ur orkupakka á rétt ljós.

Formaður Sjálf­stæðis­flokks­ins gladdi flest flokks­systkini sín stór­lega þegar hann lýsti því yfir, úr ræðustól Alþing­is, sem óskilj­an­legu rugli, ætluðu menn sér að samþykkja orkupakka­málið. Flokks­menn voru alls hug­ar fegn­ir, og uggðu því ekki að sér fyr­ir vikið, þegar ekk­ert reynd­ist að marka gleðiefnið. Þetta er eitt af þeim stjórn­mála­legu undr­um sem ekki hafa verið út­skýrð. En það er þó ekki brýn­ast held­ur hitt að snúa af þess­ari óláns­braut og lag­færa það sem skemmt var í full­komnu heim­ild­ar­leysi af óheilu und­ir­máls­liði."