Vopnamiðstöðin

NATO-ríki halda árfam stríðsrekstrinum í Úkraínu, tugir NATO-starfsmanna sitja nú í herstöð Bandaríkjanna í Stuttgart og sjá um að senda vopn til Úkraínustjórnar, hafa þegar sent 66.000 tonn, 8 milljarða dollara virði. https://www.bbc.com/news/world-europe-61816337

En hermenn Úkraínustjórnar, þar á meðal þúsundir málaliða á mála frá NATO-löndum, ráða lítið við rússneska herinn, þeir nota nýju vopnin til þess að sprengja íbúðahverfi, íþróttamannvirki og fæðingadeildir í Austurhéruðunum eins og þeir hafa gert í 8 og 1/2 ár. https://www.rt.com/shows/news/557150-rtnews-june-15-09msk/

Rússarnir eru búnir að króa Úkraínuhermennina inni í efnaverksmiðju, Azot, þar sem þeir halda þúsundum borgara sem lifandi skjöldum. Rússar buðu 12 tíma hlé til að koma fólkinu burt en Úkraínuhermenn sleppa fólkinu ekki. út. https://www.rt.com/russia/557203-ukraine-severodonetsk-humanitarian-corridor/

 

 

Eðlið segir til sín

Það hefur reynst erfitt að bæla eðlið, það segir yfirleitt til sín á endanum. Eðli Evrópusambandsins hefur nú verið að segja til sín. Grafin er hugsjónin um friðelskandi Evrópusamband gamalla stríðsþjóða V-Evrópu. Stríðseðlið er nú aftur að koma upp á yfirborðið og skín í gegnum skinhelgina um frið og manngæsku. Stríðsmangararnir eru farnir að rymja eins og fyrrir 80 árum.

Þau lönd V-Evrópu sem hafa drepið flesta hafa nú áform um mikinn hernaðarundirbúning. Afsökunin er eins og áður, Rússagrýlan, heimatilbúnir hugarórar sem hafa það hlutverk að skapa óvinamynd. Stríðsæsingarnar eru kærkomnar fyrir ráðamenn ESB- og NATO-landa, þeir eru búnir að koma sínum þjóðum í lífskjara- og siðmenningarkreppu og þurfa að beina athyglinni annað.

Rússar hafa aldrei haft áhuga á að gera árás á V-Evrópu. Og Kína er óþarfi fyrir V-Evrópu að brýna kutana gegn, þeir hafa ekki haft frumkvæði að heimsstyrjöldum og eru á hernaðaráhrifasvæði Bandaríkjanna.

https://www.frjalstland.is/2022/05/31/evropusambandid-hervaedist/

Falsfréttaáróðurinn leynir manndrápum, Úkraínuher skaut 62 sprengjum á íbúðahverfi í Donesk, eins og þeir hafa gert í 8 ár. Drápu 5 og særðu 20.

Falsfréttaóhróðurinn blæs út sprengingu Rússa á skriðdrekageymslu í Kænugarði. Enginn dó. https://www.bbc.com/news/world-europe-61695244

Ófréttnæmt fréttnæmt. Fréttnæmt ófréttnæmt!

bloggið skrifar Friðrik Daníelsson

Bakari hengdur

Orkukreppa. Fæðukreppa. Lífskjarakreppa. Allt Rússunum að kenna segja falsfréttamiðlar og ráðamenn Vesturlanda og reyna að hengja bakarann, Rússland, og útskúfa heilli þjóð með stríðsæsingum, fölsunum og lygum. Kreppusmiðirnir eru leiðtogar Vesturlanda.

-Orkukreppan stafar af rangri pólitík í 2 áratugi: Höft á eldsneytisframleiðslu og offjárfesting í vindmyllum og sólarpanelum sem geta ekki uppfyllt þarfirnar og gefa of dýra orku. Rússar framleiða ríflega 10% af olíu og 17% af jarðgasi heimsins sem fjöldi framleiðenda gætu hlaupið í skarðið fyrir. Öfgafullar aðgerðir ESB og NATO hafa veitt eldsneytinu til Asíu svo Evrópulönd þurfa að kaupa dýrar og lengra að.

-Fæðukreppan stafar, auk orkukreppunnar, af viðskipabönnum á Rússland sem eru orðin að alsherjarárás (líklega komnar þúsundir af bönnum!). Rússland framleiðir um 11% af hveiti heimsins en ræður um 19% af heimsmarkaðnum þannig að höft NATO og ESB skrúfa upp verðið í Evrópu og valda skorti og jafnvel hungursneyð víðar. Úkraína framleiðir aðeins ríflega 3% og hefur því lítil áhrif þó leiðtogar Vesturlanda segi að skortur á Úkraínuhveiti valdi hungursneyð! Rússar eru ekki eins og NATO og ESB, þeir stöðva ekki útflutning frá Úkraínu, kornið getur farið um Svartahafshafnir (þegar Úkraínuherinn er búinn að fjarlægja sín tundurdufl), Mariupol, Dóná, Hvítarússland osfrv.

-Lífskjarakreppan í Evrópu er komin af of dýrri orku og viðskiptabönnum á Rússland á m.a. áburð, iðnvöru, matvöru. Hömlur á skipaflutninga stífla aðfangakerfin, höft á bankaviðskipti og þjónustu valda vandræðum.

Smiðir kreppunnar eru ESB- og NATO-lönd. Bakarinn, Rússland, fór með brauðið til Asíu.

https://www.frjalstland.is/2022/04/03/vaxandi-fataekt/

Alsherjar hervæðing

Sú ógnvænlega staða blasir nú við að þjóðirnar sem komu af stað tveim heimsstyrjöldum ætla að fara saman í alsherjar hervæðingu.

Ísland hefur dregist með í "aðgerðir" og vopnaflutninga fyrir stríðsrekstur Úkraínu. Spurning vaknar hvar eru mörkin fyrir þátttöku Íslands í stríðsaðgerðum á vegum ESB og NATO?

https://www.frjalstland.is/2022/05/31/evropusambandid-hervaedist/

Að vakna af draumi

Raunveruleikinn birtist á endanum, líka loftslagsskrumurunum: Nútíma þjóðfélag þarf jarðefnaeldsneyti! Þjóðverjar og fleiri þjóðir í ESB eru óðum að vakna af draumnum um "kolefnishlutleysi" og ætla að reka kolaorkuverin áfram. Og Bretar ætla að opna nýjar olíu- og gaslindir. Þeir eru líka vaknaðir af "net zero" draumnum sem var orðinn martröð.

Það veður erfitt hjá miðstjórninni í Brussel að skálda upp nýjar tilskipanir um "gróðurhúsalofttegundir" og "loftslagsbreytingar" eftir að skinheilögustu loftslagstrúarlöndin hafa gengið úr skaftinu. En nú er lag að afsaka sig: Þetta er auðvitað allt Rússunum að kenna! Umhverfistrúarpostularnir, og auðrónarnir sem halda þeim uppi, eru franir að tárfella.

(Við fáum "loftslags"- tilskipanirnar hingað með EES, nú er bara að vona að ruglið hætti)

Það er enginn hörgull á kolum, olíu og gasi í heiminum, næg framleiðsla og næg jarðlög að ganga í. Rússland framleiðir aðeins ríflega 10% af olíu og um 17% af gasi heimsins. En það er hagkvæmast að kaupa frá nágrönnunum, fyrir ESB-lönd frá Rússum en þau eru orðin svo valdasjúk að þau settu viðskiptabönn á Rússland sem bitna verst á almenningi í ESB! (þeir sem ekki kunna að fara með vopn skjóta sig í fótinn).

https://www.theguardian.com/environment/2022/apr/06/uk-more-oil-gas-drilling-north-sea-energy-security-strategy-kwasi-kwarteng-net-zero-targets

https://www.iamexpat.de/expat-info/german-expat-news/germany-set-keep-coal-power-plants-open-scale-gas-usage-back

Dýrt umboðsstríð

Það er dýrt að reka umboðsstríð við Rússland. ESB- og NATO-lönd eru þegar búin að eyða mörgum milljarðatugum dala í valdarán, leppstjórn, hergögn, áróður og spillingu í Úkraínu sem rekur stríðið í þeirra umboði. Bandaríkin ætla að bæta 40 milljörðum við, ESB-lönd ætla að senda tugi milljarða og vopn. Þetta eru meiri peningar en Rússar eyða árlega í hervarnir.

Refsiaðgerðir ESB og NATO gegn Rússum eru að setja fyrirtæki í Evrópu í þrot og borgara í fátækt. Áróður NATO- og ESB-landa er orðinn svo uppblásinn og lygarnar svo augljósar að sá hluti almennings sem leitar eftir réttum fréttum er hættur að hlusta á meginfjölmiðlana. Bretar hafa sett upp sérstaka áróðursstöð (lygamiðstöð) gegn Rússum.

Joe og Boris fara hnatthorna í milli og reyna að kaupa sér stuðning við umboðshernaðinn í Úkraínu.  En þungaviktarar, Kína, Indland ofl. brosa að stríðsmöngurunum sem eru orðnir ómarktækir orðhákar. Joe, Boris og Stoltenberg halda stríðsæsingaræður eins og Göbbels, ungir menn eru tældir til að berjast fyrir frelsið en láta lífið fyrir valdagræðgi ESB og NATO nema Rússarnir leyfi þeim að gefast upp.

Rússarnir koma nú vörnum við fyrir landa sína í Austur-Úkraínu en lepparnir í Kænugarði voru búnir að valda dauða 14000 manns þegar Rússarnir komu til hjálpar fyrir 3 mánuðum.

Blóðuga valdaránið í Úkrainu

bloggið skrifar Friðrik Daníelsson

Spillt heimsvald

Heimsvaldasinnaðir leiðtogar og klíkur vilja að ein af umdeildum stofnunum Sameinuðu þjóðanna verði yfirþjóðlegt valdabákn sem fær að leika lausum hala. Þá getur hún, WHO, alþjóða heilbrigðisstofnunin, haldið áfram í spillingunni, leynt og hylmt yfir smituppsprettur (fyrr þá sem borga) og dreift falsspám.

Sú öfugþróun hefur orðið að sumar af stofnunum Sameinuðu þjóðanna eru orðnar gíslar sérstakra hagsmunaaðila og bábiljusöfnuða en halda samt sínum áhrifum á alþjóðavísu. Fyrir Ísland með algera sérstöðu fyrir góðan árangur íslensks heilbrigðisstarfsfólks yrði auðvitað feigðarflan að láta stofnun sem Íslendingar hafa ekkert yfir að segja hafa yfirstjórn með heilbrigðismálum hér

https://kristinthormar.blog.is/blog/kristinthormar/

https://jonasg-eg.blog.is/blog/jonasg-eg/#entry-2279116

https://frettin.is/2022/05/17/leidtogar-sem-aetla-ad-undirrita-nyjan-faraldurssattmala-fullveldi-framselt-who/

https://www.frjalstland.is/2022/01/06/spillt-og-vanhaef-althjodasamtok/

Tyrkir til bjargar

Tyrkir reyna nú að bjarga Aust-Norðurlöndum frá því að lenda í NATO. Líklega rennur þeim blóðið til skyldunnar, Væringjar sem réðu sig sem málaliða urðu sumir að tyrkneskum borgurum. Og ekki má gleyma að Óðinn, sem var Rússi ættaður frá Azov, átti lendur í Tyrklandi einum 1000 árum áður, það eru því margir Tyrkir afkomendur Svía (Snorri Sturluson, Heimskringla)

Tyrkir eru í NATO og þekkja vel stríðsæsingarnar. En þeir eru ekki í ESB og ekki víst að þeir vilji blanda sér of mikið í endurvakta hernaðardraumóra gömlu stríðsþjóðanna. En það eru auðvitað þær þjóðir, ESB-leiðtogarnir, sem hafa afgerandi áhrif á að Svíar og Finnar eru að missa hlutleysið og gefast upp fyrir stríðsæsingum.

Azov-stálverið er nú aftur að verða Rússneskt, 260 Úkraínumenn gáfust upp fyrir Rússum þar í gær (16.5), þar af margir úr ný-nasistasveitum Azov-herdeildarinnar.

 

Sammanfattning på svenska:

Turkarna försöker nu rädda Öst-Norden från att hamna i NATO. Möjligtvis är det inte bara svenska importen av terrorister sem är orsak till Turkarnas motstånd. Det är kanske släktskapet med Väringarna och tidigare själva Oden (han var Ryss, från Azov vid Donmynningen och godsägare i Turkiet) som väcker Turkarnas omtanke. Turkarna känner krigshetsarna i NATO bättre än många. Men det är troligen förlusten av självständighet p.g.a EU-medlemsskapet som har gjort att Svenskar och Finnar har blivit för modlösa för att upprätthålla neutralitet och alliansfrihet och ger upp för krigshetsarna. 

Finnafirra

Hvað kom fyrir Finna, sjálfstæðu, óháðu friðelskandi skógarþjóðina? Ekki var það Koskenkorva, það er orðið of dýrt. Svo það er aðeins ein líkleg skýring: Húsbændurnir, Evrópusambandið (maríónettur NATO), lætur boð út ganga um hernaðaruppbyggingu þó markmiðið með stofnun ESB hafi verið að sameina stríðsþjóðirnar í friðsamlega samvinnu. ESB og NATO eru búin að telja sjálfum sér trú um að nú þurfi virkilega að hervæðast gegn Rússlandi sem þeim hefur tekist að egna í hernað með svikum, lygum og valdaráni

Gömlu herveldi ESB sem stjórna sambandinu reyndu að leggja Rússland undir sig oft áður án árangurs en drápu nokkra tugi milljóna manna í leiðinni.

Finnar eru orðnir gleymnir. Þegar Þjóðverjar óðu síðast yfir báðu Rússar Finnana um skika undir landvarnir. Finnar sögðu nei sem varð til þess Rússarnir tóku skikana með byssum (finnska vetrarstríðið 39/40) en létu svo Finnana í friði.

Nú ætlar finnsk ríkisstjórn að endurtaka mistökin frá 1939 og hunsa Rússana: Ganga í klúbb stríðsmangara og vopnaframleiðenda sem stefna að því að leggja Rússland undir sig. Meira að segja hefur einn stríðsmangarinn, forsætisráðherra Breta, mætt og gert "samninga" við Finna og Svía um að "verja" þá fyrir Rússum (Bretar mundu tala þýsku nú ef Rússar hefðu ekki bjargað þeim)

En það er einn leiðtogi NATO-lands sem líst ekkert á að fá Finna og Svía í NATO. Tyrklandsforseti segir að löndin séu skálkaskjól hryðjuverkamanna. En kannske vill hann bara bjarga Finnum og Svíum, hann þekkir NATO betur en aðrir og veit að það er ekkert varnarbandalag lýðræðisins.

Við hér á Klakanum getum ekkert gert nema þegja og vona að Rússar láti okkur ekki gjalda aust-norrænu gleymskunnar. Við erum langt í burtu en þvældumst í sakleysi með í NATO í byrjun.

 

Einkabíllinn bestur

Ert þú farin að hlakka til að fara með borgarlínunni?. Það verður nóg pláss, langir harmoníkuvagnar sem fáir vilja fara með, þú hefur mörg sæti að velja úr. Sætanýtingin er nokkur prósent, yfirleitt nokkrar hræður í vögnunum.  Þeir fá sérstakar götur svo þú blússar fram úr umferð almúgans sem situr fastur í umferðateppum af því að það er búið að taka af þeim akreinar undir borgarlínuna. Þú hefur gaman af að keyra um en brogarlínan skilar þér aldrei heim eða á áfangastað, bara í biðskýli. https://borgarlinan.is/

Einkabíllinn hefur verið borinn röngum sökum af trúarfrömuðum og skipulagsnefndum byggt á vanþekkingu eins og venjulega.

Einkabíllinn hefur kosti sem engin önnur samgöngutæki hafa: Hann skilar þér i öllum veðrum með öryggi alla leið frá upphafsstað á áfangastað milliliðalaust á mettíma fyrirhafnarlítið með litlum kostnaði. Engin tímasóun, ekkert stress, ekkert kvef af að bíða í biðskýli, ekkert labb yfir umferðagötur, lítil mengun, lítið vegaslit, engar tafir (þú lendir reyndar í stoppi þar sem borgaryfirvöld hafa ekki staðið sig við að hafa götukerfið í lagi). Einkabíllinn er kominn með góða útblásturshreinsun og léttir bensínbílar hleypa ekki upp miklu ryki (sem er hættulegasta mengunin). Í lítilli vindbarinni borg eins og Reykjavík er einkabíllinn besti, umhverfisvænsti og afkastamesti umferðamátinn. Allflestir vilja eiga einkabíl þó yfirvöld skattpíni bílaeigendur og þykist vera að vernda umhverfið.

Sumir umhverfistrúðar vilja láta okkur ferðast á rafskutlum eða hjólum sem eru yfirleitt stórhættulegar slysagildrur sem íþyngja heilbrigðiskerfinu.