Kjarnorkuveldin eru komin í stríð

Bandaríkin hófu óyfirlýst stríð gegn Rússum Úkraínu í árslok 2013 með blóðugu valdaráni.

 Öryggisstjóri Úkraínu segir að 3. heimsstyrjöldin sé hafin.

  Amerískur hernaðarsérfræðingur segir að Ameríka geti ekki unnið stríð við Rússland.

 Amerískur fjölmiðlamaður segir að þegar allt hafi verið reynt til að stöðva Donald Trump, sem er á móti Úkraínustríðinu, verði reynt að ráða hann af dögum. Bandaríkin hafi ákveðið að fullt stríð verði hafið á hendur Rússlandi 2024.

Og litla Ísland druslast með stríðsmöngurunum í manndrápin

https://www.frjalstland.is/2023/09/06/kjarnorkuveldin-eru-komin-i-strid/

Undirgefin Nobelstofnun

Rússlandi er ekki boðið á afhendingu Nóbelsverðlauna. https://www.svd.se/a/mQ452l/nobelstiftelsen-backar-bjuder-inte-in-ryssland-iran-och-belarus

Nóbelstofnunin er nú orðin ber að því að vera handbendi hernaðarvaldsins í Washington. Friðarverðlaunin hafa upp á síðkastið farið til aðila í Úkraínu og Hvítarússlandi sem eru Bandaríkjastjórn, NATO og ESB þóknanlegir og berjast gegn Rússum.

Evrópusambandið sem ásamt með NATO rekur hernað gegn Rússum, en þykist vera að styðja lýðræðið, fékk líka Nobelsverðlaun fyrir að hafa -"stuðlað að friði, sáttum og lýðræði í Evrópu-"! Eins og lesendur vita eru þetta hrein öfugmæli.

Obama Bandaríkjaforseti fékk líka friðarverðlaun Nobels, kannske stigu þau honum til höfuðs, stjórn hans koma af stað Úkraínustríðinu 2014 með blóðugu valdaráni og hernaðarárásum á rússnesku íbúa Austur-Úkraínu

Þrátt fyrir að Rússland hafi lagt heimsyggðinni til fjölda afburðamanna hefur Nobelstofnunin oft gegnið framjá þeim. Leo Tolstoy fékk ekki Nóbelsverðlaun. Dimitri Mendelejeff fékk aldrei Nóberlsverðlaun.

Norræna undirlægjumenningin gagnvart stríðsþjóðunum er að ná áður óþekktum hæðum. Nobelstofnunin verðlaunar varasama loddara, tískuhreyfingar og ófriðaröfl á vegum Bandaríkjanna og Vestur-Evrópu sem heimsbyggðin er í vaxandi mæli farin að sjá í gegnum og vinna gegn.

Úreltir stjórnmálaflokkar

Sjálfstæðisflokkur og Vinstri grænir, báðir í ríkisstjórn, héldu flokksráðsfundi um síðustu helgi (Mbl 28.8.2023). Fundirnir sýndu að flokkarnir eru orðnir úreltir.

Sjálfstæðisflokkurinn fékk möguleika á að standa vörð um fullveldi landsins og hafna frumvarpi Þórdísar um að EES-valdboðin frá Evrópusambandinu væru æðri íslenskum lögum. Flokksráðið notaði ekki möguleikann en japlaði á gömlum sviknum loforðum: -"Sjálfstæðisflokkurinn stendur vörð um fullveldi Íslands-" sagði Þórdís við Mogga. Sá vörður hefur ekki verið betri en svo að flokkurinn samþykkti að afsala fullveldi landsins til Evrópusambandsins 12. janúar, 1993. (EES-samningurinn), Þórdís vara bara 5 ára og ekki von að hún muni það.

Vinstri grænir vilja útvega meiri orku með því að loka  á orkukaup fyrirtækja í landinu sem eru þeim ekki þóknanleg. Þetta hefur verið reynt áður fyrir 40 árum þegar vinstrimenn komust í stjórn, en tókst ekki, svinnir menn voru þá á verði. Vinstri grænir ættu að vera arftakar þess framsýna fólks (í Alþýðubandalaginu) sem barðist gegn þátttöku Íslands í hermangi og stríðsrekstri en nú berst flokkurinn fyrir útþenslu NATO og styður stríðsrekstur klúbbsins, nú í Úkraínu, þar áður var hann í Sýrlandi, Afganistan, Írak, Líbíu, Serbíu og víðar.

Rafbílabyltingin étur börnin sín

Hjón keyptu rafbíl sem átti að komast 450 km en komst aðeins 160 þegar frost var. Þau fengu hann endurgreiddan.

https://www.mbl.is/vidskipti/frettir/2023/08/26/fa_rafbil_endurgreiddan_vegna_of_litillar_draegni/

Bílaframleiðendur tapa á rafbílum þrátt fyrir rausnarlegar niðurgreiðslur frá ríki. https://www.foxbusiness.com/technology/ford-set-lose-billion-electric-vehicles-year-despite-increased-revenue

Rafbílar geta fuðrað upp og ekki hægt að slökkva í þeim. Bílferjur með þúsundir bíla fuðra upp, Felicity Ace í fyrra, nú Fremantle Highway, slys á mönnum þ.á.m. eitt dauðaslys. Skipsbrunar geta mengað stór svæði. https://splash247.com/haunting-images-of-burnt-cars-inside-fremantle-highway-leaked/

Rafbílar geta valdið alvarlegum slysum, þeir eru 1/2 til 1 tonni þyngri en venjulegir bílar, hljóðlátir og fljótir að ná hraða, börn eiga erfiðara með að vara sig á þeim.

Viðgerðakostnaður á rafbílum getur orið nærri verði á nýjum bíl, rafhlöðurnar eru viðkvæmar og ekki hægt að treysta að þær fuðri ekki upp þegar þær hafa skemmst. Rafbílar geta skemmst ef þeir eru dregnir, það þarf að lyfta þeim upp á pall til að koma þeim óskemmdum í viðgerð.

Af þessum og fleiri ástæðum eru tryggingar rafbíla síhækkandi og munu, með öðrum kostnaði sem fellur á rafbílaeigendurna þegar ríkisvaldið hættir að niðurgreiða kostnaðinn við þá, ganga af rafbílabyltingunni dauðri.

Seinkun orkuskipta

Landsnet virðist nú hafa tekið í sína þjónustu tæknimenn sem eitthvert vit hafa á orkunýtingu. Fyrirtækið spáir nú seinkun orkuskipta frá 2040 til 2050! https://www.mbl.is/frettir/innlent/2023/08/24/spair_seinkun_orkuskipta/ Þau gætu alveg eins frestast til 2550, hugmyndirnar um orkuskipti eru ekki byggðar á þekkingu heldur draumórum og geta ekki orðið að veruleika. https://www.frjalstland.is/2022/02/11/orkuskiptin-eru-draumorar/ "Þörf á fleiri virkjunum" og "lítið gert í 16 ár" segir Landsnet og Guðlaugur orkuráðherra hefur áhyggjur: "þurfum að hafa hraðari hendur" (Morgunblaðið 25.8.2023).

Ástæða stöðnunarinnar er að laga- og regluverk Evrópusambandsins hefur verið tekið upp hér vegna EES-samningsins. Umhverfistrúarsöfnuðir hérlendir hafa líka hjálpað til við að setja orkuframkvæmdir í höft.

Raunveruleikinn er farinn að bíta orkuskiptin. Bílar knúnir hauglofti (metan) eru á leiðinni út. Farartæki knúin "rafeldsneyti" (vetni) sömuleiðis. Eldsneyti farþegaflugvéla verður áfram vetniskolefni vegna öryggismála. Rafbílarnir skipta litlu máli og verða í framtíðinni aðeins inni í stórborgum þegar eigendurnir þurfa að fara að borga kostnaðinn og reynslan safnast.

Hvorki Landsnet né Guðlaugur ráðherra þurfa að hafa áhyggjur af orkuskiptum, tíminn mun leiða í ljós að engu er að kvíða. Jörðin okkar framleiðir stöðugt ofgnótt af orkuríku jarðefnaeldsneyti og jurtagróðurinn þiggur koltvísýringinn frá brennslu þess með þökkum. https://www.frjalstland.is/2021/12/10/kolefnissporid-er-ny-gryla/

En ef við verðum heppin gæti hlýnað hjá okkur, ekki vegna gróðurhúsaáhrifa heldur vegna þess að Jörðin er að grænka vegna aukins gróðurs sem aukinn koltvísýringur veldur, grænkan dregur meir af geislum sólar í sig. Það eru sólargeislar, geimgeislar og fleiri áhrifaþættir sem ráða hitastiginu á jarðaryfirborðinu, gróðurhúsaáhrif af mannavöldum skipta litlu máli.

Heimurinn sameinast

gegn okkar bandalagslöndum. Leiðtogar BRICS-landa funda nú í Suður-Afríku og leggja á ráðin um frelsun sinna þjóða undan valdi Vesturlanda. Brasilía, Rússland, Indland, Kína og Suður-Afríka eru i samtökunum en um 40 lönd leita eftir aðild. https://www.reuters.com/world/what-is-brics-who-are-its-members-2023-08-21/

Markmið BRICS er að efla viðskipti og afnema ofurvald dollarans og Vesturlanda.  Stefnt að "fjölskauta veröld" í staðinn fyrir "einskauta veröld" sem hefur verið undir forustu nýlenduveldanna, Vesturlanda. https://www.frjalstland.is/2022/07/31/vesturlond-glata-forustuhlutverkinu/

Innlimun Úkraínu í vaskinn

Tilraunir NATO og ESB að innlima Úkraínu eru strand. Gagnsóknin rómaða gegn rússneska hernum í Donbas er mannskæð mistök á vegum heimskra stjórnmálaforsprakka í NATO og ESB sem hafa talið mönnm trú um að Úkraína mundi vinna stríðið við rússneska herinn.

https://www.washingtonpost.com/national-security/2023/08/17/ukraine-counteroffensive-melitopol/ (reynslan sýnir að gott er að lesa Washington Post með varkárni)

Vopnlausa Ísland á ekki heima í hjörð hinna geltandi drápshunda NATO og ESB sem reyndar eru byrjaðir að ýlfra ámáttlega. Ísland þarf að undirbúa að taka upp fyrri eðlileg samskipti við Rússland, ef fer fram sem horfir verður hernaður NATO og ESB banabiti fyrir samtökin eins og hernaður Frakka og Þjóðverja áður. Vesturlönd eru að einangrast allt meir frá löndum heims, samtök þeirra stærstu, BRICS, eru vaxandi og ekki likleg til að bjóða NATO- og EES-landinu Íslandi með sér.

Bloggari Friðrik Daníelsson

Scott Ritter bannaður

YouTube hefur nú lokað á Scott Ritter, þáttur hans um Rússland var bannaður, hin mikla þekking Ritters er of óþægileg fyrir sannleiksyfirvöld Bandaríkjanna og fleiri Vesturlanda.

Ritter starfaði með Bandaríkjaher í Flóabardaga og var vopnaeftirlitsmaður Sameinuðuþjóðanna í Írak og Rússlandi. Hann hefur yfirgripsmikla reynslu og þekkingu á hernaði. https://rumble.com/v37x29w-scott-ritter-show-the-complexities-of-russian-turkish-relationship.html

 

Gulli farinn að spara

Allt í einu er Gulli farinn að spara fyrir þjóðina með því að kasta 350.000.000 af þjóðareignum út um gluggann! (Mbl 15.8.2023) Til kaupa á losunarheimildum frá Evrópusambandslöndum.

Fjárausturinn er afleiðing af múgsefjuninni um að koltvísýrings- og haugloftsútblástur valdi loftslagsbreytingum og s.k. Kyotobókun sem máttlausir stjórnmálamenn Íslands létu Evrópusambandið fá stjórn og fjárheimtuvald yfir. Kyotobókunin er óskhyggja valdagráðugra skriffinna, hjátrúarsöfnuða og gróðabrallara sem einungis fá lönd geta uppfyllt, helst gamlar og hrörnandi iðnaðarþjóðir eins og í Evrópusambandinu.

Hvar fékk Slóvenía heimildirnar sem Gulli keypti? Voru það kannske einhverjir pjakkar sem fengu kredit út á arfa? Hver reiknaði Íslandi skuldina? Var það kannske Umhverfisstofnun með ágiskuðum reikniformúlum frá lygaverksmiðjunum? Hvernig stendur á að þessi skrípaleikur er orðinn að tröllvöxnum skuldbindingum og peningaeyðslu?

Það þarf að gera okkur almúganum sem borgar grein fyrir hvernig svindlið með okkar peninga fer fram.

https://www.frjalstland.is/2021/04/28/oraunsaear-tilskipanir-um-loftslagsmal/

https://www.frjalstland.is/2022/03/20/dyrkeyptar-rangfaerslur-um-loftslag/

 

 

Allt í plati

Evrópusambandið hunsar loftslagsskuldbindingar sínar en heimtar fulla hlýðni af EES-ræflunum úti í Atlantshafinu.

Nú stimplar Evrópusambandið kolaorkuver sem græn (það er auðvitað helv. Rússunum að kenna, búið að banna gasið þaðan og sprengja leiðsluna).https://www.lemonde.fr/en/economy/article/2022/09/02/despite-climate-commitments-the-eu-is-going-back-to-coal_5995594_19.html

Og það er líka búið að stimpla gasorkuverin græn! https://www.spglobal.com/marketintelligence/en/news-insights/latest-news-headlines/eu-parliament-greenlights-gas-nuclear-in-green-taxonomy-in-final-vote-71057851

Það er í lagi að nota jarðefnaeldsneyti ef maður er Evrópusambandið. Eyjarskeggjar úti í Atlantshafinu verða aftur á móti að borga grænar álögur á flugvélar og skip sem fara yfir hafið en í ESB þarf ekkert svoleiðis, bílar og járnbrautir komast allt.

Evrópusambandið er byggt á blekkingum og starfar með blekkingum.