Gulli farinn að spara

Allt í einu er Gulli farinn að spara fyrir þjóðina með því að kasta 350.000.000 af þjóðareignum út um gluggann! (Mbl 15.8.2023) Til kaupa á losunarheimildum frá Evrópusambandslöndum.

Fjárausturinn er afleiðing af múgsefjuninni um að koltvísýrings- og haugloftsútblástur valdi loftslagsbreytingum og s.k. Kyotobókun sem máttlausir stjórnmálamenn Íslands létu Evrópusambandið fá stjórn og fjárheimtuvald yfir. Kyotobókunin er óskhyggja valdagráðugra skriffinna, hjátrúarsöfnuða og gróðabrallara sem einungis fá lönd geta uppfyllt, helst gamlar og hrörnandi iðnaðarþjóðir eins og í Evrópusambandinu.

Hvar fékk Slóvenía heimildirnar sem Gulli keypti? Voru það kannske einhverjir pjakkar sem fengu kredit út á arfa? Hver reiknaði Íslandi skuldina? Var það kannske Umhverfisstofnun með ágiskuðum reikniformúlum frá lygaverksmiðjunum? Hvernig stendur á að þessi skrípaleikur er orðinn að tröllvöxnum skuldbindingum og peningaeyðslu?

Það þarf að gera okkur almúganum sem borgar grein fyrir hvernig svindlið með okkar peninga fer fram.

https://www.frjalstland.is/2021/04/28/oraunsaear-tilskipanir-um-loftslagsmal/

https://www.frjalstland.is/2022/03/20/dyrkeyptar-rangfaerslur-um-loftslag/

 

 

Allt í plati

Evrópusambandið hunsar loftslagsskuldbindingar sínar en heimtar fulla hlýðni af EES-ræflunum úti í Atlantshafinu.

Nú stimplar Evrópusambandið kolaorkuver sem græn (það er auðvitað helv. Rússunum að kenna, búið að banna gasið þaðan og sprengja leiðsluna).https://www.lemonde.fr/en/economy/article/2022/09/02/despite-climate-commitments-the-eu-is-going-back-to-coal_5995594_19.html

Og það er líka búið að stimpla gasorkuverin græn! https://www.spglobal.com/marketintelligence/en/news-insights/latest-news-headlines/eu-parliament-greenlights-gas-nuclear-in-green-taxonomy-in-final-vote-71057851

Það er í lagi að nota jarðefnaeldsneyti ef maður er Evrópusambandið. Eyjarskeggjar úti í Atlantshafinu verða aftur á móti að borga grænar álögur á flugvélar og skip sem fara yfir hafið en í ESB þarf ekkert svoleiðis, bílar og járnbrautir komast allt.

Evrópusambandið er byggt á blekkingum og starfar með blekkingum.

EES-skattur

Afskipti Evrópusambandsins af Íslandi eru komin út yfir allan þjófabálk, nú síðast sívaxandi skattlagning og kvótakvaðir gegn flug- og skipafélögum. Alþingi gerði það skammarstrik að samþykkja að viðskiptakerfi ESB með losunarheimildir ESB fyrir reykútblástur frá m.a. flugvélum og skipum, svo kallað ETS, yrði tekið inn í EES-samninginn. Það virðist hafa verið í framhaldi af einhvers konar geðþóttaákvörðun sem líklega var ættuð frá Brussel. Með henni álpast Ísland undir ákvörðunarvald ESB í "loftslagsmálum" án þess að upprunalegar skuldbindingar í EES-samningnum krefðust þess eins og kemur fram í svari Umhverfisráðuneytisins við fyrirspurn Frjáls lands.

https://www.frjalstland.is/skuldbindingar-islenskra-stjornvalda-um-losun-grodurhusalofttegunda/

Loftslagsmál voru ekki komin í tísku þegar EES-samningurinn var gerður og voru því ekki hluti af honum. Upprunalegu Kyoto- og Parísaryfirlýsingarnar um "loftslagsmál", sem Ísland tók þátt í, voru EES-samningnum óviðkomandi. Ísland gat og getur séð um sín "loftslagsmál" sjálft og þarf ekki að láta ESB um það eins og kemur fram í fyrrnefndu svari Umhverfisráðuneytisins. Íslenska ríkið á auðvitað sjálft að leggja álögur á íslensk fyrirtæki og stjórna viðskiptum með opinber leyfi á borð við ETS sem hefur belgst út í hreina vitfirringu í höndum ESB og fjárplógsmanna. Eins og við var að búast miðast "loftslagsmál" ESB við aðstæður þarlendis en ekki eyjarskeggja úti í Atlantshafi sem ESB-báknið telur sig mega totta að vild https://www.frjalstland.is/2021/01/13/ees-adildin-kostar-idnadinn-og-flugid-storfe/

Þriðja heimsstyrjöldin undirbúin.

Talsmenn Bandaríkjastjórnar segja kjarnorkustyrjöld ekkert verri en loftslagsbreytingar nú þegar fleiri og fleiri vara við þriðju heimsstyrjöldinni

Blessun ESB

Hreinlæti íslenskra heimila er nú tekið að étast upp af "hringrásarhagkerfi" ESB/EES. Kámug eldhús, kámugir rusladallar, mikil vatnsnotkun, fýla um allt hús.

Ruslabílstjórarnir eru látnir taka haugloft (metan) á bílana tvisvar á dag meðan díselbílarnir koma tvisvar í viku. Stór hluti af skattfé sem sveitarfélögin taka af okkur fer í að framleiða ónýtt gums og haugloft í "jarðgerðarstöð"  sem þarf svo að niðurgreiða margfalt til að losna við það, lélegt og hættulegt eldsneyti.

Nú erum við látin keyra á bensíni sem búið er að sulla brennivíni út í: E10, lélegt eldsneyti sem skemmir eldri bíla.

Flugfargjöldin verða skattlögð upp úr pyngju landsmanna. Gullfoss fer að ganga aftur.

Niðurgreiddum, hættulegum, þungum og malbiksspænandi batteríbílum er prangað á óvitandi á kostnað skattgreiðenda.

Okurskattar eru á eldsneyti til að útrýma því og ná "kolefnishlutleysi" sem svinnir menn og þjóðir eru smám saman að hætta við enda byggt á trúarórum og valdagráðugum sameinuðuþjóðaskriffinnum sem gelta eins og óðir hundar einu sinni á ári og stundum oftar.

Þetta er allt í boði illa upplýstra ESB/EES-skrifara í Brussel sem framleiða óþarfar reglugerðir fyrir fransk-þýska stöðnunarbáknið sem EES lætur okkur bogna undir.

https://www.frjalstland.is/2022/11/27/utlend-sorphirda/

https://www.frjalstland.is/2022/02/11/orkuskiptin-eru-draumorar/

https://www.frjalstland.is/2023/07/01/fataektarmenning/

Nauðgunarhöfuðborg

Okkar frændur og fyrirmyndir, Svíar, eru að verða siðmenningarlegri upplausn að bráð eftir mannsaldra vanrækslu eigin menningar og sérstöðu. Eftir heimsstyrjaldirnar, sem Svíar stóðu utanvið, fylltust þeir bábiljum um að þeir hefðu sérstakt góðmennskuhlutverk í heiminum og tóku að sér að verða amma alls heimsins sem öllum vill gott gera. Kratastefnan með stjórnleysi, slappleika og siðmenningarspjöllum réð þróun sænska samfélagsins. Allt sænskt var haft að háði, fjarlægri menningu hossað, fjarlægar þjóðir rómaðar. Svíar hafa flutt inn heilu borgirnar af glæpahneigðum ungmennum frá þróunarlöndum sem eru hægt en örugglega að valda glæpavæðingu og upplausn í borgunum sem gamla menningarlandið ræður ekki við. Skotbardagar á götum úti, bókabrennur í tísku. Stokkhólmur er orðinn nauðgunarhöfuðborg Evrópu.

https://www.tbsnews.net/world/countries-highest-rape-incidents-144499

Ísland er á hraðri leið að samskonar upplausn og Svíþjóð, okkar ráðamenn virðast ekkert ráða við málin og fljóta sofandi að feigðarósi EES, Schengen og Sameinuðu þjóðanna.

Svíar misstu sjálfstæðið í hendur Brussel 1995 og eru nú á leið að missa hlutleysið í hendur NATO. Það er illur endir á góðum ferli, Svíþjóð barðist lengi gegn manndrápum Bandaríkjanna og NATO-landa um víða veröld. Það voru einmitt þau manndráp sem komu af stað flóttamanna- og hælisleitendastraumnum sem Svíþjóð fyrir sitt leyti ræður ekki lengur við. Þekking nútíma ráðamanna Svíþjóðar nær ekki lengra en svo að nú ætla þeir að láta Svíþjóð gerast meðlim í þessu sama NATO, stríðsklúbb Bandaríkjanna og stríðsvelda Evrópu, sem hefur valdið því að milljónir manna flýja sitt heima og valda vanda hjá Svíum og öðrum þjóðum.

https://www.frjalstland.is/2023/02/22/hnignun-nordurlanda-nordens-forfall/

 

Kjarnorkustyrjöld

Gagnrýnendur Joe Biden (Donald Trump, Robert Kennedy, Jeffrey Sachs, Tucker Carlson, Oliver Stone ofl.) segja að hann sé að taka áhættu á kjarnorkustyrjöld með því að vopnavæða Úkraínu.

En utanríkisráðherrann í stjórn Bidens, Antony Blinken, er ekkert smeykur:

"-Kjarnorkustyrjöld er ekkert verri en loftslagsbreytingar-"!

Nuclear-war-no-worse-than-climate-change-blinken/

Þingmaður á Bandaríkjaþingi, Marjorie Taylor Greene, er heldur ekkert smeyk við að gagnrýna gáfnafar Biden-gengisins:

https://www.newsweek.com/marjorie-taylor-greene-world-war-ukraine-1783561

Bandaríkskir hermenn fá Úkraínuálag

Eins og kunnugt er heyja NATO og ESB stríð við Rússland, hermenn bandalaganna eru í Úkraínu og taka þátt í stríðinu þó lygaverksmiðjurnar segi okkur að bara séu send vopn, peningar og lopavetlingar.

Nú hafa Bandaríkin ákveðið að bandaríkskir hermenn í Úkraínu fái borgað hættuálag ofan á launin sín. Ekki veitir af, hermenn sem berjast gegn rússneska hernum lifa frekar stutt

https://www.militarytimes.com/news/your-military/2023/07/27/us-troops-in-ukraine-can-now-earn-hazard-pay/

Friðrik Daníelsson bloggar

Stöðvun Golfstraumsins

Hitabylgjur eru fastir liðir á sumrin, loftslags-skrumararnir hafa notað tækifærið á hverju ári síðustu 3 áratugi og auglýst "heitasta ár frá upphafi mælinga" og segja skógarelda afleiðingu en þeir kvikna yfirleitt af mannavöldum og eru engu algengari nú en áður frekar en "hlýjasta árið" sem stafar vanalega af röngum eða ónákvæmum mælingum.

Og nú kemur enn ein "vísindagreinin"  https://www.nature.com/articles/s41467-023-39810-w  í viðbót  í "virtu" vísindariti um að Golfstraumurinn sé að hætta að renna! (Mbl 26.7.2023)

Í ljós kemur að greinin er m.a. unnin upp úr ruslvísindum frá Rahmstorf nokkrum sem hefur í áratuggi spáð endalokum Golfstraumsins. Lygaverksmiðjurnar og falsfréttamiðlarnir um loftslag eru komnir á yfirsnúning enda er lygaflækjan um hlýnun af mannavöldum farin að rakna upp, stöðugt fjölgar þeim færu visindamönnum sem mótmæla loftslagsfölsununum.

Tíðindalaust á austurvígstöðvunum

Vestrænir fjölmiðlar flytja okkur sjaldnast fréttir af Úkraínustríðinu nema þegar hægt er að snúa þeim upp í óhróður um Rússa, illvirkjum Úkraínustjórnar er lýst sem sigrum eða hetjudáðum og ýmsum lygum dreift um átökin.

Hér á eftir nokkrar fréttir sem ekki má segja:

Bannaðar klasasprengjur (sprengja fætur af börnum)) eru komnar í notkun gegn almennum borgurum Rússlands, þær voru líka notaðar á hóp blaðamanna, einn dó, hinir særðust.

Stríðsþjóðir ESB og NATO koma enn í veg fyrir að Úkraína geri friðarsamninga en nýlega voru afhjúpuð drög að friðarsamningum sem Úkraína samþykkti þegar í mars 2022.

Nýnasistarnir Paragraph 88 áttu að myrða ritstjóra og blaðamann RT, eins virtasta flölmiðils Rússlands, Margarita Simonyan og Ksenia Sobshak. Þeir náðust. Kænugarðsstjórn lætur myrða rithöfunda í borgum Rússlands.

Bretar virðast hafa hjálpað til að sprengja fjölskyldu í loft upp á brú á Krím með sprengjubát utan af Svartahafi í skjóli leyfis frá Rússum um kornflutninga sem nú hefur verið afturkallað vegna misnotkunar.

Íbúðabyggð í Rússlandi verður daglega fyrir sprengjuárásum, Moskva er meðal skotmarka.

Mikið auglýst "gagnsókn" Úkraínuhers, stríðsverktaka ESB og NATO gegn Donbas, hefur verið útvíkkuð til héraða í Rússlandi sem liggja að Úkraínu. "Gagnsóknin" kostar 15.000 Úkraínska hermenn lífið á mánuði auk þeira mörgu sem særast. Hópar hermanna gefast upp.

Bryndreka og flaugar frá ESB og NATO eyðileggja Rússar flestar jafnóðum og þær koma nálægt Donbas.

Um 5000 hermanna (málaliða) frá ESB og NATO-löndum hafa fallið, jafn margir flúið heim.

Kjarnorkuhryðjuverk reynir Kænugarðsstjórnin stöðugt, í meir en ár hefur hún reynt að sprengja kjarnorkuverið í Zaporozhie og valda kjarnorkustórslysi, einnig hefur verið reynt að sprengja kjarnorkuverið í Kursk í sama tilgangi.

https://www.reuters.com/world/europe/russia-says-west-is-sponsoring-nuclear-terrorism-after-ukrainian-drone-strike-2023-07-14/

Friðrik Daníelsson